الخرطوم: جوبا: صلاح مختار
أعلن رئيس تجمع قوى تحرير السودان، القائد الأعلى الطاهر أبوبكر حجر، تمديد وقف إطلاق النار والعدائيات من طرف واحد في جميع الجبهات لثلاثة أشهر تبدأ من أمس وحتى مطلع ديسمبر المقبل، وامتدح وساطة رئيس جنوب السودان سلفا كير ميارديت لتوحيد الحركات والوصول لسلام.
وقال حجر إن إعلان وقف إطلاق النار يجيء تأكيداً لحسن النوايا ولبناء سودان جديد، وإزالة الشكوك، وأضاف أن التجمع ظل يدعم الحراك الثوري السلمي منذ الشرارة الأولى, ووصف دعوة سلفا كير للحوار بين الحركات في جوبا بأنها مباركة لأنه الاب الروحي للثوار. وقال “نسعى لوحدة الحركات رغم اختلاف توجهاتها في تنظيم واحد لتسهيل مهمة تحقيق السلام بالسودان”.
وانتقد حجر، الوثيقة الدستورية الموقعة مؤخراً، وقال: “ما جرى بالخرطوم من إعلان الحرية والتغيير سرقة للثورة ومحاصصة صريحة وصراع وتهافت على السلطة”. وأضاف أن “قوى التغيير” اتفقت مع الجبهة الثورية في أديس، لكنها نكصت عن تنفيذ ما تم الاتفاق عليه، واعتبر أن هنالك أربعة أو خمسة أسباب جعلت الثورة السودانية تتأخر وتتسبب في عدم وصول القضية لمبتغاها، منها تعدد المنابر التي أخرت الثورة وأدت لفشلها.
الصيحة
لم يكن هناك نكوص . قوي الحرية والتغير رفضت المحاصصة السياسية في الحكم واعلنت ان المرحلة القادمة كفاءات ان كانت هذه الحركات تملك كفاءات فمرحبا بهم .
ثم الست اشهر الاولى خصصت لقضية السلام تقاتلوا 30 سنة ما عندكم صبر حتى تتشكل الحكومة المدنية . لا لعودة امثال ابو قردة
تحاربو منو تاني ما قادرين نفهم و ليه تلاثه شهور ليه ماتقيف طوالي ليه ماتجو الخرطوم لو سجنوكم ممكن الناس تطلع مظاهرات نطلعكم ابطال لو ماسجنوكم ناضلو مع الناس هنا انتو جيبو السلام ماتقولو الحكومه المدنيه تجيب السلام بعدين نجي لو انتو صحيح بتتكلمو و بتمثلو الهامش الذي تقولون انكم تحاربون من اجله لو وضعتم السلاح جانبا بمجرد استلام الحكم من النظام البائد
لعلمكم لن تستطيعو الوقوف امام الشعب مثلما كنتم تقفون امام النظام البائد خيرا لكم ان تلتحقو بالشعب لاتمام تنظيف الدوله من فلول النظام البائد مفروض الكل يشارك في ذلك لا ان يجلس بعيدا و ينتظر ان يجهز كل شي ثم ياتي لاستلام منصب او جاه
“خمسة أسباب جعلت الثورة السودانية تتأخر وتتسبب في عدم وصول القضية لمبتغاها، منها تعدد المنابر التي أخرت الثورة وأدت لفشلها.”
تأخرت الثورة بسبب تهافت بعضكم و السعي لابرام اتفاق مع النظام المخلوع.
أما الفشل الذي تتحدثون عنه، الثورة لم تفشل و فال الله و لا فالك
شوفو الرباطي ده اللابس بدلة, عايز يقلع حق الشعب, عايز ياكل بلاش, يلبس بلاش. يسكن بلاش, تكون له ولاسرته عدد من السيارات الحكومية بلاش. علاج بلاش, سفر بلاش. زي ما عودهم المخلوع اللص يسرق ويقسم معاهم, لكن تاني يا لصوص شباب الثورة مفتحين عيونهم كويس ولو عايزين تحاربوهم تعالو الخرطوم عشان تشوفو النار الجد
اي رباطي مشى المكوجي الجمبه واستلف منه بدلة قديمة ولف ليهو دلقان في رقبته عمله كرافتة وكشح ليهو جردل مويه فوق وشه ومشى اقرب استديو اتصور والا اتصور بتلفونه وعمل فوتو شوب للصورة الطلعت المرفعين غزال ونزلها في النت وقال انا مناضل ثوري من الهامش وعايز اكون على الاقل وزير, ياخي انتو خلاص ثورة الشباب دي فاجأت الرباطة ديل وخلتهم يتعروى ويبقو ميطي الا من عملاتهم وعملهم ضد السودان من زمان واتفقاهم مع المخلوع اللص على سرقة الشعب وقسمة المسروقات تحت مسمى الهامش والثورية. لكن يا لصوص خلاص اتكشفتو