سائق عربة دفار ينقذ مدني من حريق كبير، ومعتمد محلية مدني الكبرى يحجز ثلاث من عربات الإطفاء من اجل التصوير
مدني ? حسن محمد عبد الرحمن
شب حريق في العربة الدفار رقم 6081 ج ب ل وذلك جوار صينية وزارة المالية بشارع النيل ظهر اليوم وذلك نتيجة لالتماس كهربائي بأحد أسلاك الكهرباء بحمولة العربة من الأقطان حيث تحركت العربة من السوق المركزي في اتجاهها للخرطوم بشارع النيل مدني.
وقد تمكن سائق العربة الدفار طه عمر يوسف ببطولة وشجاعة من قيادة العربة وهى محترقة لإخراجها من الشارع نسبة لوجود أمية ضغط كهربائي عالي جوار مكان حريق العربة.
بدأ المواطنون في المساعدة لإطفاء الحريق وذلك بجلب المياه بالجرادل وعندها وصلت قوة من شرطة المرور لإغلاق الشارع أمام الحركة كما وصلت فصيلة من شرطة النجدة والعمليات لتأمين المنطقة، ثم جاء وصول عربة الإطفاء الأولى ولم تتمكن من إطفاء الحريق كاملا وذهبت لجلب المزيد من المياه.
وبسؤال من الصحيفة للمقدم بشرطة الدفاع المدني من عدم وجود عربات أخرى للعمل في إطفاء الحريق أكد بان لديه حريق بسوق الإنقاذ بشرق النيل تعمل فيه 3 عربات وتمكنت من السيطرة وإخماد الحريق وهم في انتظار معتمد محلية مدني الكبرى بغرض التصوير كما أكد أن شرطة الدفاع المدني بولاية الجزيرة تعاني من عدم كفاية عربات الإطفاء وان لديه 4 عربات معطلة لم تقم وزارة المالية بصيانتها كما كشف بان هنالك عربتان من أسطول العربات العاملة حالياً هي من مطافي مشروع الجزيرة وإننا في شرطة الدفاع المدني بمثل تلك الظروف نتحمل مسؤولية اى حريق كبير.
سائق الدفار طه عمر يوسف
اطفاء العربة بالجرادل قبيل وصول المطافي
وصول العربات المحتجزة بشرق النيل
يا جماعه ده معتمد ىشنو ولدو يسوق عربات الحكومه ويدهس الناس والعربات وما عندو رخصه ولا من حقه يسوق عربه و يحجز عربات المطافي عشان يتصور معاها ده منتهي التخلف وعدم المسؤليه هو قايل وظيفه المعتمد دي شنو تصلت
لاحول ولا قوة الا بالله ..صاحب الدفار يجازف بروحه لانقاذ البلد والمعتمد بدل مايوجه بالتحرك الفوري حاجز العربات عشان يتصور معاها وينسب الانجاز لنفسه في وسائل الاعلام .. مااعظمك .. راجل والله ونحنا نستاهل
لاتوجد عربات اطفاء بينما لكل مسئول فى حكومة السجم الولائية اسطول من العربات!!
دي مسالة اولويات يعني الاولى فالاهم وطبعا سفاهتو الوالي اولوياتو اولى لانو في دولة الكيزان التظاهر بخدمة المواطن اهم من خدمة المواطن
بطل والله ربنا يحفظك يا ود أمي وتسلم البطن الجابتك
ياخي الدفار يتحرق ما مشكلة .. بس ان شاء الله تكون صور المعتمد طلعت جميله !!!!
ايوا ده الشغل الصاح المعتمد يحجز عربات الاطفاء لغرض التصوير واختراع بطوله له
انتو بتلعبوا ما لازم يكمل المسرحيه وعرض صوره فى الاخبار
” يا ناس يا شر بطلو أر” والله المعتمد ما قصّر ابدا ما يقصرن ايامو !! موش رسّل زول عشان عربات المطافى تجى من شرق النيل .. موش لازمة ينتظرا ويتاكد بالصوره والصوت كمان انو نار الدفار انطفت .. بس غلتتو انو ما سأل سواق الدفار ليه ما عندو “فير استنقويشر” مع باقى معدات واجهزة السلامه فى الدفار.. سواق الدفار (ان كان هو “طه” ود “عمر” المصور لابس القميص المخطط مربعات دا) شكلو كدا واقف وقفة زول جايى جاهز مستعد لتصوير.. هادى جدا لايبدو عليه اى انزعاج او توتر ولا تكنّو كان سائق اى حاجه ولا حتى “ترتار”..
كدى نسألكم يا ناس مدنى : هل وزارة الماليه فى هكذا شارع او مكان؟ وهو بالله ود مدنى لحد الليله فيها مناطق بهذا الشكل اليئيس وواليها فيلسوف ودباب ومدير جامعه ووزير داخليه وكمان وزير زراعه ومتقشف وزاهد وبتعشا بالعدس والزبادى مع ضيفانو .. رحم الله ايام عبدالرحيم محمود .. ساكت ما استنيتو اب عاج يرجع من امريكا قبل 25 سنه.. استعجلتو ولازمة يا سوادنه تكونو ندمتو ندامة الكسعى وسفيتو التراب حمس وعشرين مره.. آل ديموقراطيه آل … آل انقاذ..آل
احتجاز او انتظار عربات المطافئ لسيادة المعتمد للتصوير وخلق البطولات الزائفه ؟ نعم هذا يلخص كيف يدار السودان وشعبه البائس من قبل حكومة الكيزان وعلى هذا قس كل الاوضاع فى السودان
أصلاً بنيت الإنقاذ ومشروعها الحضارى على قواعد الرياء والنفاق ولذلك كان سقوطها فكرياً وعقلياً .
وهم في انتظار معتمد محلية مدني الكبرى بغرض التصوير
عرفنا التصوير اثناء افتتاح مؤتمر تدشين سد او كبري او شارع ظلط محطة مياه وهي للتوثيق اول مره اسمع بتدشين حريقة وتوثيقها*** الناس اصبحت مهوسي شهرة كمان *** وانا بقول الناس اعصابة فالتة وشائلة اخلاقة في مناخيرة وصلت من ضرب الوالدين وقتلهما الي الاشقاء اللهم ارفع غضبك اللهم لاتؤاخذنا بعمل السفهاء البشير والكاروري وجراب الفول دفع الله (عدوالنسوان) وجوزالغربان ابوساطور وعلي وابوقنفد والعفين كلهم ولاة ومعتمدين وغير من الجوقات اوالبازنقر والباشبزق والجهادية اللهم اقصف ظهرهم اللهم خذهم اخذا عزيزا مقتدر امين
يا بتاع الدفار بالغت لكن ما كنت تمشي علي الامية ولا وزارة المالية عشان المعتمد دا صورو تطلع اجمل
الدفاع بالنظر والهجوم بالجرادل وبرضو تقولوا السبب قارزيتو .
والله حرام عليكم البتسوا ده ,,, وهو المعتمد ده فاضي لامن يحضر الحريق ده ولا ده شغلوا وبس ،،
سوال 1/ مسءولية منو الحادث ده//// سائق الدفار ولا ناس المرورالخلوا يمر بالشارع ده ولا ناس الكهربا السلوكهم عريان ومستوى ارتفاعها غير مطابق للمواصفات الهندسية
::: نفتكر الدفار ده بياكل منوا كم طالب وكم طفل وراجل وكم مرة ولوا كان شغال كم من فائدة تستفيد منها الحكومة جبايات + مرور + جاز ومصاريف + وعبور + وضرائب …..
////””” السوال …. الخطاء ده مسؤولية منو… لو قلنا السواف طيب انت كحكومة وفرة ليهوا شنو …
سلامة المعتمد العازف الماهر على الايقاع طبعا الماعرفنو عازق (بنقز)ماهر جدا وفوق ده كلو ابلد محاسب كان فى ادارة مشروع الجزيرة وتقرير المراجعة فيهو لايصلح ليدير اى عمل مالى وحكمة الله يدير ولاية سبحانك ياالله هل هذه علامات الساعة ياريت لو الدفار سلم وحرق المحلية تانى عشان الصورة تتطلع اجمل وبعدين طلبة المدارس بيدفعوا 50 قرش من فطورهم لدعم محلية مدنى الكببببببببرررررى
الغلطان بتاع الدفار ليه يوسخ هدوم الوالي وحكومته الميمونة يعني بالعربي غسيل جاف حا يكلف حكومة الولاية مبلغ كبير كان من الاجدر به صيانة وشراء عربات مطافي جديدة
يا جماعه المعتمد اسمو منو ،عرفنا انه عازف بنقز ،الأسم ضرورى عشان نعمل له قصيده لبطولته
وبطالته ، اللهم نسألك باسمك الأعظم ان تخسف بنظام الأنقاذ اسفل سافلين وتخلصنا من هؤلاء
الدلاهات
هووووووي يا سايق الدفار تاني اوعك تعمل زي دا يوم تموت ساي مافي زول يجيب خبرك الا ناس بيتكم الحكومه دي كتل ناس كتييير ويرقص فوق مقابرهم دا وصيه مني
والله ياااااااااااحليلك يامدنى الجمال
مدنى الحضارة..قبة السنى وفريقنا..عامره حلقات الذكر
دمروووووووك الما بشبهوك
لا المعتمد ده داير يتصور مع العربات لي هو تابع للدفاع المدني ولا شنو ولو عاجباه الشقله يمشي يشتغل معاهم ويخلي المعتمديه كلااااااااااااااااااااااام والله
زى المعتمد ابو راس ده ؟ هم سبب تدهور الاداره فى السودان ؟ لانو التعين يتم على حسب تنفيذ اوامر الجهات العليا والاهم من ذلك أو الطامه( الكـبـــرى ) الانتماء الحزبى؟الله ادمركم كما دمرتم السودان .