النظام يستدعي قوات الشرطة الشعبية والدفاع الشعبي من الولايات لمواجهة متظاهري الخرطوم

better stay home

نداء إلى قواتنا المسلحة الباسله ورجالها الشرفاء
حان الوقت يا قواتنا المسلحه لحماية الشعب فاهاهو النظام قد بداء يسقط ويتخبط وزادت وتيرة العنف من منتسبيه فإلى متى ستنتظرون ومتى هو الوقت المناسب
ويا احزاب المعارضه متى تنتقل الثوره لمرحلة الثانيه وماذا تنتظرون فهاهي الدما قد سالت
ولا ننسى انهم حين اتو كانت قولتهم
فلتسل منهم دماء
أو تسل منا الدماء أو تسل كل الدماء
فهم وحوش دمويه لا ترتدع من مص دم الغلابه ومن مص جيوب الغلابه فماذا تنتظرون
لا للخونه والمأجورين
يسقط حكم العسكر
يا كيزان لن يهزمنا البمبان
لا رصاص ولا بازوكا يخيف الشعب يا دلوكا

الي كل منتسبي النظام في الامن والدفاع الشعبي: خزينة الدولة فلست على الاخر، والحوافز التي يمن عليكم بها عمر البشير وزمرته ستتوقف باعجل مما تتصورون. اسرعوا بالالتحاق بالثورة وخذلوا من خذلكم.

الى كل شباب الثورة قطاع دارفور الكبري الخروج للشارع يوم الجمعه في المدن الثلاثه وكل الارياف والقرى والمعسكرات النزوح.
كل المتظاهرين يخرجو بالحلل و الاواني المطبق وضربها و لكل شباب دارفور الرجاء طباعة هذه الشعارات ونشره حسب الامكان و على جميع طلاب الجامعات التنسيق مع طلاب الثانويات والخروج نحو الاسواق ان امكن مع عدم المساس بالممتلكات العامه والخاصه
والشعارات الخاصه بولايات دارفور والمعسكرات
يادارفور ياسلطان لن يحكمنا منافق دجال
يافاشر ياسلطان لن يحكمنا كبر الدجال
يادارفوي ثوري ثوري لن يحكمنا نظام دكتاتوري
يادجال ياعثمان الشعب جيعان
يا كبر يا ماسوره الناس معصورة
يا سيسي يادكتور حرم عليك تكون معجور
يادوسه يا عميل داسوك بيكم من الموال المواسير
ياقمباري ياقمباري اليوناميد ما سمساري

وهذا لكل الشعب السوداني عند مواجهة رجال الشرطة لكسب ودهم قدر الامكان

يابوليس اقلع طاقيتك رطل السكر بقي ماهيتك
يابوليس ماتوسخ عيدك ديل السرقو ماهيتك
يابوليس لمتين لمتين نعيش بالدين { كسر الياء}
يابوليس احمي اخوانك مش الناس القسمو بلادك
يأمرو فوقك لمتين يالمعيش اولادك بالدين { كسر الياء}
………………
الشعب يريد إسقاط النظام
جوعت الناس ياانقاذ
جوعت الناس يا رقاص
نحن مرقنا مرقنا ضد الخونة السرقوا عرقنا
ما للسكر و البنزين .. مرقنا عشان تجارالدين
يا الماهيتك كم مليون .. نحن الشعب.. البات مديون
مرقنا عشان الوطن الراح .. و ما برجعنا.. الليلة سلاح
ضد العسكر و البنبان.. مرقنا عشانك… يا السودان
يا بشير كرشك من وين الشعب يجوع لمتين

حركة ثوار دارفور السلميه

النظام يحتضر
هذا بالظبط ما يحدث في جسم الإنسان عندما يتعرض لنزيف حاد قد يؤدي بحياته,
يقوم الجسم تلقائياًبتقليص الدم المتوجه للأطراف والاعضاء غير الاساسيةعن طريق
انكماش الاوعية الدموية الحاملة لهذا الدم , وتوجيهه للاعضاء الاساسية كالدماغ
والقلب والكلى لاطالة حياته اطول فترة ممكنة قبل ان يحتضر…
باختصار النظام قرر التضحية بالاطراف لانها لم تكن أساسية بالنسبة اليه في يوم من الايام على ما يبدو,ليحاول ان يبقى اطول فترة ممكنة قبل ان
يموت…

صدقوني هذه فرفرة مذبوح والنظام ينهار واصبح يتخبط .. وان صح انه جلب مليشيات من الولايات والاماكن المجاورة للخرطوم فانهم سيكونون عالة عليه .. لان جلبهم بصورة غير مدروسة سيدخلهم في دوامة الغذاء والسكن والمبيت الليلي الذي هو غير مجهز لهم .. والنظام مفلس فاين سيؤيهم وكيف سيقدم لهم الغذاء .. والا برضوا حا يطلب من الناس يعملوا ليه زاد المجاهد عشان يواجه الثوار ؟؟؟؟

علي الحركات المسلحه رفع وتيرة الحرب علي الحكومة حتي تفوت عليها
فرصة تحريك قواتها والإستعانه بهم لقمع المتظاهرين
الان جاء دور الحركات المسلحة لزيادة الضغط علي الحكومة
حتي لاتسنعين بمليشيلتها لضرب المتظاهرين

ياناس مدنى والجزيرة ونهر النيل وين انتؤ اطلعو حففو الضغط علي ناس الخرطوم شويه ثبتو العساكر محلهم ولا انتو الحكومه دي عاجباكم

علي اخواننا في الاقاليم الخروج حتي يثبتو القوات ويلخموها ما تصل الخرطوم والحركات المسلحه عليها المشاركه بالمناوشات حتي لا تقوم المليشات بقتل الثوار في الخرطزم ونحن في الخرطوم سنزل كل الجهد في انجاح الثوره

يمكن عشان يدقوا الدلوكه ويحتوهو حت يشجعوا ناس الامن

الكتاحه التسونامى جاكم لملموا براطيشكم وشتتوا

يا اخوانا الفى المقدمه ده رامبو ولا شنو

يشبه السخله

كله مابحلكم .. ارحل يعني ارحل
نزله الجيش زاتو ارادة الشعوب لاقاهر لها

النظام لم يتوقع تصاعد المظاهرات لهذه المرحلة لذا يجب تكثيف المظاهرات مع اتنظيم الاحتجاجات لارهاق شرطة والحذر الشديد والتكتل فى جماعات منظمة لانة سوف ينتقل لمرحلة القتل لتخويف المتظاهرين . كما يجب ان لاننسى ان الولايات التى استدعيت منها قوات الشرطة يمكن تصعيد المظاهرات فيهاوالانتقال الى مراحل متقدمة لان النظام اصبح يركز على العاصمة.

النظام إنهار شنو ..الجماعة بقو إخارجو في عائلاتهم وحريمهم برة البلد ..هس زي كرتي والفاتح عزالدين وقطبي وربيع الواطي ..حا إسفرو النسوان الأربعة كيف ..كل واحدة في بلد ولا كل واحدة في طابق ولا ولا ولا ..يا ناس الناس ديل دايرين إزوغو من الحساب ولا كيف..لازم نحصر هؤلاء ولازم نراقبهم ونتابعهم العملوه ما شوية..

البشير يهدد الشعب السوداني الثائر بالشرطة الشعبية والدفاع الشعبي بسحقهم وتنظيف العاصمة والمدن السودانية الثائرة من [شذاذ الآفاق ]السوؤال المطروح اذا كان البشير ذكر بالاسم الشرطة الشعبية والدفاع الشعبي هل يعني ذلك لم يعد للجيش والشرطة اي مهام ام ان البشير قصد استفزاز الجيش والشرطة السودانية ؟؟؟؟؟

والله انا بستغرب في اي زول ممكن ينتمي للناس دي تطوعي

دفاع شعبي دفاع شنو ؟؟؟ و ضد منو ؟؟؟

شوفو قادتكم الاسسوكم و ماتوا فى الجنوب ناس علي عبد الفتاح و من خدعهم الترابي و نافع

بغض النظر عن انتمائتهم الفكرية او الحزبية الا انهم ماتو حباً فى الوطن

اين قضيتهم ؟؟؟ اين الجنوب ؟؟؟ اين الجهاد ؟؟؟

زمان كان بيغشوكم ويقولو ليكم البيموت فى الجنوب و بيقتل اخوة الجنوبي شهيد لانو الجنوبي مسيحي

اها هسة حنكهم شنو يعني لم تقتل طالب مسلم او تقتل امرأة خرجت من اجل حلة الملاح ؟؟؟

عموما كلامي دا للتوضيح فقط و تعالوا كلكم بي نافعكم و ما نافعكم رقاصكم و هجاصكم

و البيدور الدواس بس ما بقول عوقتني و الحشاش يملا شبكتو

يا شباب اولا نحي كل الثوار المرابطون من اجل اسقاط نظام الجوع والتشري .. واحب ان انوه لاهم شي وهو الاستفاده ن تجار الثورات العربيه السابقه وذلك من خلال تفادي الاخطاء وتطوير الفكره الثوري واتباع الطرق والوسائل التي انجحت ثورتهم بذلك نصل الي اسقاط النظام بأقصر الطرق وايسرها .. ومن ضمن الاشياء المهمه التوثيق من خلال التصوير الفيديو والفوتوغرافي موبايلات كانت او كميرات رقميه ومراسلة الجزيره او اي قناة تكون محل ثقه او الرفع علي اليوتوب مباشرة من اجل المتابعة وتعبئة الراي المحلي والعالمي لتأجيج فتيل الثوره .. والله من وراء القصد .. ويسقط يسقط حكم المؤتمرجية النفعيين اللزين بنوا قصورهم علي اعناق الغلابة