المتهم بقتل خريجة جامعة النيلين : الخيانة واليأس دفعاني لإطلاق الرصاص
وجهت محكمة جنايات الخرطوم شمال أمس برئاسة القاضي عصمت سليمان تهمة القتل العمد للمتهم بقتل خريجة جامعة النيلين بعد ان أطلق عليها أعيرة نارية عشية عيد الحب أثناء جلوسها خارج مباني الجامعة بالقرب من مبني “حكايات” .
وروى المتهم أثناء إستجوابه بواسطة المحكمة تفاصيل علاقته بالمجني عليها ، وقال إن علاقته بها تعود للعام 2008 م وأنه كان ينوي الزواج منها بعد أن خطبها قبل عامين ولكن أسرتها رفضته ، وبدأت في التهرب منه ومعاملته بقسوة خلال الفترة الأخيرة .
وقال المتهم إن ما دفعه لقتلها إحساسة بالخيانة واليأس . وكشف أنه قابل والدتها من قبل وطلبت منه مقابلة والدها . وعن تفاصيل يوم الجريمة قال : ” حضرت للتحدث معها حول مصير علاقتنا لكن ردها لم يعجبني ولم أدر بعد ذلك إلا ومسدسي يطلق أعيرة نارية صوبها قبل أن أطلق النار على نفسي ” .
صحيفة حكايات
الي حبل المشنقة ايها الخرابي الوضيع لان فعلتك هذه مابيسويها راجل وود بلد اصيل
الي الجحيم ايها الوغد والرحمة والغفران للقتيلة
والمادة 130 في انتظارك وامثالك من الفاقد التربوي
كيف يقول بأنه خطبها وهو أصلا لم يقابل ولي أمرها؟
معلوم بان السلاح الذي أستخدمه أخذه من زميل له, وهو في مكان تقطع له نهر لكي تصله, لقد كان يخطط لقتلها وليس لمجرد عدم عجبك ردها. فأخذك للسلاح من زميلك يعني أنك نفذت فعلتك الشنيعة بالإصرار والترصد.
أخيرا, أنت أبن قبيلة تسد الشمس, فهل في دياركم- أي الرزيقات- تخطب البنت من أمها؟
والغريبة والد المرحومة نكر الكلام ده بعد الحادثة بيومين نكرو رسمي وشعبي!!
غايتو ربنا يتولاها برحمته.
ويا القاتل يعني اي زول يحس باليأس والخيانة يقوم يقتل ساااااي من طرف؟!!
شيل شيلتك البرتقالي الغامق راجيك!!
عشان تاني تمشي تكتل على كيفك!!
دي نهاية القراية المختلطة والاشياء الدخيلة علي مجتمعنا(عيد الحب) كل شي حرام بقا عادي وطبيعي كل بت وولد في الجامعة بقو يشوفو نفسهم من حقهم يحبو ويعيشو دي نهاية العشق الحرام لكن برضو الغلط الاكبر من الحكومة دمرة الاخلاق والتعليم والقيم والفهم ومركزة علي مصالاحا .. اي زول يربي شعرو يحلقو ليهو اي بت لازم تلبس محتشم ياتتجلد هاك المحشم دي خخخخخخخ
ضعيت عمرك عشان قصة مجهجه,اسرتها رفضتك,هذا سبب كافي للتخلي عنها…فى ناس لا يعرفوا معنى الكرامة…رفض من الاسرة و معاملة قاسية منها,ماذا تنتظر؟؟
التهمة الموجه للمتهم (القتل العمد)
أين (مع سبق الاصرار والترصد) ؟؟؟ ؟؟؟؟؟؟؟؟؟؟؟؟؟؟؟
الياس ده حتعرفو سمح لما الحبل يتخت حول رقبتك وتنتظر الثواني القبل سحب العصاية و حتشوفها سنين
رحم الله المقتولة ورحم الله القاتل لاحولة ولاقوة الا بالله !!
رحم الله القتيلة وتغمدك بواسع رحمته
بس الشلغلانة ما كانت مستاهلة جريمة قتل مرة واحدة
بنات حوا ما كتار ماليات البلد وفايضات بصدروا فيهن كمان
هن وإناث الضان والجمال والماعز أما البقر فاللمصريين
غايتو نقول شنو يا هودا قدرك ونصيبك يصيبك!
ما دفاعا عن اسلوبه لكن الزول ده شكله كان ممكون مكنة صعبة خلاص
يعني واصل مرحلة والا ما كان عمت بصيرته في لحظة
غايتو ربنا يرحمك يا بت امي
وياريت الناس تبعد عن الشبهات والكلام ده لبناتنا تحديدا
الواحدة لو ما عايزة زول احسمي طوالي مافي داعي للمماطلة وتعشمي ود الناس
اولا رب العالمين بسالك من الحاجة دي وتانيا سمعتك بتتأثر
واهو اخرتها بقت فيها كتل لانه اكيد ده انسان مشاعره كانت صادقة
وكان كايس الحلال
وربنا يتولاك برحمته يا القاتل انت كمان وتوب لله
هذا الشيطان ( اعوذ بالله من الشيطان الرجيم)
انها سلطة العسكر انها تربيتهم تدريبهم وتمرينهم كل شخص (عدو) وكل انسانة مجرمة تستحق الكف والاغتصاب والقتل (خائنة) بالله هل راجعت نفسك (ندمان) افاداتك عن الخيانة واليأس وتبديد اموالك عليها ليس بسبب لقتلها ولن تعفيك عن جريمتك النكراء اتمني ان تكون عظه وعبره لغيرك والادهي والامر متزوج ولديك 3اطفال وتبادلتم ارقام الهواتف من الخائن فيكم اكيد انت هل تعلم زوجتك بتلك القصة واحتمال تكون خنتها مع غير المرحومة انا لا اشكك في اخلاق المرحومة لا ني لا اعرفها ولا اعرف الحاصل الي الجحيم انت وغيرك من العسكر هدمت بيتك الاول وشردته اطفالك في النهاية
نسال الله الرحمه والمغفره للقتيله اما القاتل فالله سبحانه وتعالى كفيل به
المفهوم أن أهل البنت رفضوك والبنت معاملتهامعك ماطيبة .. طيب انا واثق أنو فى بنات من حولك أقرباء وجيران ومعارف يتمنون الأرتباط بك وعلى خلق .. اللهم أرحم القتيلة وفرج كرب القاتل يارب .
دي رسالة بنات حواء ان اي علاقة خارج اطار العائلة مصيره التدمير للطرفين
كون عسكري بطلع طبنجة ويضرب في مقتل دا دليل على أنو ملكي أهالى وغير ملم بقوانين الاسلحة والذخيرة عليك الله انت بقيت مساعد كيف يا ملكي يا أهالى
حسبنا الله ونعم الوكيل الناظرالى هزة الجريمة بعيداعن العواطف هى ظاهره اجتماعيه ظلت تتكرر باستمرار فى المجتمع السودانى عامه وفى الجامعات خاصة بحيث يتم التحايل على بعض الشباب باسم الحب والزواج حتى يتم ابتزاز الشباب ماديا بواسطة بعض الاسر اوبواسطة بعض الطالبات الجامعيات حتى تتمكن من مواجهةالمتطلبات المادية للجامعه(المصاريف الدراسيه)ولاكن تتنصل البنات فى النهايه بحجج واهيةللتخلص من الشاب الذى انفق عليها والبحث عن انسان اخر يتناسب مع وضعهاالاجتماعى الجديد بعد التخريج من الجامعة وبالتالى يحدث الانتقام من جانب الشاب الذى استخدم كوسيلة لتوفير الماديات ليس الا وهذاوهذا ماينطبق على جريمة جامعة النيلين اتمنى ان تكون هذة الجريمة عبرة لكل الناس حتى الاتتكررمثل هذةالجرائم
يعني ح يكون صرف عليها كم جميله جمال تاجوج غلطان حبا واحده ياولدنا نحن في زمن التفاح ب الكوم ومرات الدسته بتاعة البرتقال اغلي من دستة التفاح