الصادق المهدي : سندرس خطاب الرئيس ثم نرد عليه

لا تعليق ,, هو أبلغ تعليق في الحالة دي

على كل الإمام ووكثير من الناس … أخد ليه نومة في الخطاب

حد يعمل للصادق تلحيفه ويفهمه الخطاب التحفة كان بيحوي شنو.. اصلو كان نايم طول الوقت..هاتو ليهو صورته النايم فيها..

بعد ما عزموك وجئت زي الأهبل لخطاب لم يكتبه بل و لم يقرأه السفاح نفسه قبل إلقائه و هبَّل بيك و كل الطراطير الجيتو تحضروا هذه المسخرة؟؟؟
تدرس شنو عليك الله ؟ هو قال شنو عشان تدرسو؟ قرف يقرفكم و معاكم السفاح

تدرس ليهو شنو؟
يعني بشة قعد يعمل في وثيقة خطابو ده من يوليو أكثر من 7-8 شهور وأنت كمان داير ليك كم شهر عشان تقول لينا رأئك فيهو؟

قول أنو خطاب مخيب للآمال وأرجع لنظرياتك بتاعة الجهاد المدني بلاش كلام فارغ معاكم كلكم.

دراسة شنو ياعمنا .. الخطاب كلام خارم بارم وصادم احبط كل الشعب السودانى .. واهو انت قلت داير تدرس الخطاب وده دليل انه كلام هايف من رئيس كذاب ومنافق .. بس ياعمك اوعك من الانبراشة والانبطاحة اصلو الكيزان ديل مسحو بيك الارض

البشير فاجأني النهار وأناماشي بيناتا أتساقط باقي حنين

جات الحزينة تفرح …… جاء السيد الصادق المهدى وهو كغيره من ابناء وطنى يمنى النفس باجراءات حاسمة يتخذها الرئيس البشير ولكنه كما نحن اصيب بخيبة امل كبيرة حيث كان الخطاب كله كلامآ انشائيآ لا يحمل فى طياته اى حلول لازماتنا الراهنة والظاهرة للعيان . ولا نملك الا ان نقول حسبنا الله ونعم الوكيل ( يحلنا الحل بلة )

عليك لعنة الله والناس اجمعين ياكاذب المهدي,,,انت السبب في كل مصائب البلد وكله بسبب نفسك المريضة وحبك للسُلطة واللعنة كذلك علي ندك الاخر الميرغني. تتصرفو وبدون استحياء وكأن السودان ملك خاص بكم. انتم العن واسوأ من البشير.

لا يستطيع ان يقول كلام واضح في وجه هذا النظام الفاشل

1/أنا المزعلني في الموضوع ” البشير يرقص وطالب من الشعب “ينططّ” ” فهموني دي كيف دي!!!!
2/وبعدين مفاجأة البشير ” أنا ألِّمّ ليك كل الناس المهمين ديل … وأسمعهم ” كلام الطير في الباقير ” وأخليهم ليك مدروشين ولافين ما يعرفوا حاجة , وأكسب لي فرصة تانية في الحكم .
3/ إجيك عينة ” الأهبل ” دا ويقول ليك ” سندرس وثيقة البشير ” … بالله دا فهم ؟ وإتلّم المتعوس على خائب الرجا….

لك الله يا السودان طالما ديل الممسكين بزمام الإمور.

الموضوع ياحضرة الامام ماداير ليهو دراسه لانو كلام خارم بارم وغيرملبي لطموحات شعبنا المغلوب علي امره

هو الخطاب فيه جملة مفيدة عشان تدرسه.. الخطاب ده بيذكرني
مسرحية محمد نجم ” شفيق يا راجل”

كلام هايف واتحد اي واحد يكون فهم حاجة .
البشير خيب آمال الشعب السوداني والله كل الشعب كان يتوقع أنو يكون في شيئ يفرج عن الضيق الداخله فيه الناس .
لا ندرى إلى متى والشعب ساكت عليه .
وبعدين الصادق أو الترابي عاوزين ايه بعد كل الحاصل ده .
حسب اللع ونعم الوكيل

نظن أن الإمام الصادق وابنه العقيد عبدالرحمن ، منعوا دكتورة مريم من الحضور ، لشىء فى نفسهم .
خافوا مريم ترد بعد الخطاب مباشرة ، وتحرجهم مع حبيبهم بشبش .
يا ربى إحتمال ، عبدالرحمن طلق تلاتة طلقات فى الهوا ، وقال حرم ! ، لعدم حضور أخته ، وهو ناقص دين ( عازب ) !! .
الإمام الصادق المهدى بيضحى بتاريخ المهدية ، وتاريخه هو شخصيآ ، فداءآ لإرضاء الرئيس عمر البشير وابنه العقيد عبدالرحمن . أين مستشارى ومساعدى الإمام الصادق ؟ ، هل أصبحوا من طينة قعفر الميرغنى مساعد الرئيس عمر البشير ؟ . لا تنسوا أن التاريخ سيحاسب مواقفكم جميعآ.

الزول كان نايم اثناء خطاب الوثبة عشان كده قال ما ح يخوض في التفاصيل داهية تاخدك

خطاب البشير أنا ما سمعتو !
كان حصة فيزياء نووية ول شنو؟ كل الشعب ما فاهم

…
خطاب البشير أنا ما سمعتو !
كان حصة فيزياء نووية ول شنو؟ كل الشعب ما فاهم