تنفيذا لتوصيات وزير الدفاع..ولاية البحر الأحمر تقول : شرعنا في تأمين السواحل والاجواء.. الاحتياجات وتعزيز الدفاعات المطلوبة للخطة بدأت تنساب بشكل منتظم،..!!

أقسم برب العزة والجلآل وأعى جيدا ما أقول…أنه لو تمركزت كل وحدات الجيش السودانى بما فيها القياده العامه ووزير فاعها الهمام فى بورسودان وجائهم النداء جاهزين ياأخوانا لأنه لأنه نحن حانضرب مره اخرى نفس الموقع فى يوم كده والساعه والدقيقه والثانيه كده….برضوا ما حتعملوا اى حاجه لأنه ده رقيص ماعندكم ليهوا رحط.

اقول ليكم حاجة بالدارجي كدا
تابعوا كلامي ده كويس باكر وزير الدفاع وغيره يقوموا يعرضوا ليهم راديو قديم مكسور ويكبروا حوله ويهللوا ويقولوا ( جبنا احدث اجهزة الرادارات) يختوها في طربيزة ولا مصيبه زمان ويلفوا حولها افتتحنا معرض اجهزة التصنت المبكر وبكونوا اتسلفوها من مصلحة الارصاد الجوي او من المطارات انا عارفهم ح يعملوها … زي ما قالوا يوم السبت السيد ح يفتحح ويدشن مشاريع توظيف الخريجين.. لاحظوا في اسبوع حددوا وقرروا ودرسوا الموضوع واحصوا الخريجين العطالى علشان الموضوع يبقى حلو شوية اجروا ليهم مزرعـة فيها طماطم كدا وشالوا الكاميرات ولبسوا ليهم جماعة كدا ( مريلة ) كتب عليها توظيف الخريجين الله اكبر الله اكبر وده اكبر مشروع على مستوى العالم الطماطم والدواجن والابقار كل زول ح نسلمه بقرع ( تنطحه) اقصد تنفعـه وتكفيه من التسول ويجينا في المكاتب ويقول عاوز وظيفه حكوميه حسب مؤهله .. إنت خري سياسة او اداره اعمال او غيره نديك سواسيو تسايسها في القفص دا ، وانت خريج مؤهل نديك بقر وتزرع طماطم وتعمل عصير طماطم ونصدره .. مع العلم انه الطماطم عايزة على الاقل اربعين يوم حسب معلوماتي المتواضعـه والجماعة ديل قامت الطماطم واتت اكلها في (اسبوع) يعني مبروكة كدا الله اكبر الله اكبر وكل الخريجين ح ندخلهم المشروع الناجح ده . حسب قولهم بس ما يضايقونا في الوظائف الحكومية ويجوا يتجسسوا علينا ويكشفوا اسرارنا.

وقصه الرادار والكشف المبكر دي انتظرو الاجهزة اللي ح تعرض عليكم ( وناسا) ما عندهم زيها مين زينا نحن

الله اكبر تهليل

تخلف شديد وشهر 7 قرب وديل بيرقصوا والله ربنا يستر على المواطن المسكين
لا حريه ولا علاج وتعليم ولا اى نوع من الحياة الكريمه
وديل بيرقصوا
اليوم عمل بلا حساب وغدا حساب بلا عمل
ارقصوا وغنوا وامرحوا على وصيه السفاح القذافى
والله من وراء كل قصد:mad: :mad: :mad: :mad: :mad: :mad: :mad: :mad:

أتمنى أن يكون كلام جاد وعمل جاد مش ابقى موضوع لهطى وكم واحد كده مشو الصين واشترو ليهم رادارات مضروبة لاتستطيع رصد طيارة رش ويكون مبرر لاى سرقة جاية ونسمع الفضائح والقروش راحت والحمدلله توفقنا فى تامين الحدود والسواحل . هو موضوع ساهل كده تنفيذ توصيات وزير الدفاع الموضوع كبير جدا وعايز امكانيات وتكنولوجيا عالية لاتوجد الا في اوربا والولايات المتحدة وروسيا بعدين عايز اعرف الوزير وصى ب شنو طال عمره ؟ وانا اعتقد انه لايعرف الصاروخ من الطيارة ام ضنب بعدين حا نشوف الفضائح والضربات المتكررة وفى نفس المكان وتحت سمع العالم . الله يستر ::

الاحتياجات المطلوبة للخطة بدأت تنساب بشكل منتظم، فيما تعكف لجنة ………..؟؟؟؟؟؟؟؟

ياتو خطة؟

معقول بالسرعة دي تم تأمين ولاية البحر الأحمر؟؟
ما هو نوعية التأمين ؟ هل هو بشري أم آلي ؟
دولة مثل إسرائيل لها طائرات وأدوات حربية حديثة… وأجهزة الدفاع لهذه الطائرات والأدوات لا توجد إلا في إسرائيل نفسها وأمريكا وبعض الدول الأوربية . فبماذا تم تأمين الولاية ؟