إشراقة : بناءً على توجيهات عليا، صمت عن فساد مالي كبير،،
جنس لطيف للكويت بمواصفات راقصات
الخرطوم: سارة تاج السر:
اتهمت وزيرة تنمية الموارد البشرية والعمل، اشراقة سيد محمود، نقابة الوزارة بحياكة مؤامرة تبدت في اعلان الوظائف الخاصة بـ»الجنس اللطيف» في دولة خليجية، بينما استدعى البرلمان امس الوزيرة للاستفسار عن ملابسات الاعلان الذي نشرته وكالة ابوجمال للاستخدام الخارجي بصحيفة سياسية، وشنت جميعة القرآن الكريم بوزارة العمل والوحدة النقابية وفرعياتها بالوزارة هجوما كاسحا على الوزيرة، واصدرت بيانات تهكمت فيها قائلة ان الاعلان طلب «راقصات» ووصفته بالمبتذل والمذل وطالبت اشراقة بالاستقالة.
وطلب اعلان صحفي نشرته احدى الصحف الاسبوع الماضي توظيف سودانيات بدولة خليجية شريطة ان يكن جميلات ولسن من صاحبات البشرة الداكنة، مع طلب صور ملونة تبين الشكل من الرأس وحتى القدم.
وقالت وزيرة تنمية الموارد البشرية والعمل في مؤتمر صحفي ببرج الاتصالات امس ان الجدل المثار حول الاعلان لا ينفصل عن الصراع الدائر بينها وبين النقابة بالوزارة، وقطعت بأن البيان الذي اصدرته النقابة أمس يؤكد جليا ضلوعها في الاعلان مستدلة بتزامن الاعلان مع الصراع بين وزراء الوزارة الثلاثة والنقابة، بسبب ما اعتبرته فسادا يتعلق بجباية اموال خارج اورنيك «15»، وقطعت بعدم تراجعها عن ايقاف تحصيل تلك الرسوم قائلة «ما يحدث سيزيدني قوة وصرامة ولن انحني او اضعف، حتى ولو خرجت من الوزارة».
وكشفت اشراقة النقاب عن فساد قالت انها صمتت عنه الفترة الماضية بناءً على توجيهات عليا، وهو عبارة عن نافذة بالوزارة تأخذ مبالغ كبيرة مقابل خدمات اجتماعية خارج اورنيك (15) بعكس النافذة الحقيقية للوزارة التي تأخذ مبلغ 200 جنيه فقط، مبينة أن حجم المبالغ التى تؤخذ من النافذة تقدر بنحو 300 مليون جنيه شهريا، واكدت وجود خلل وفساد اداري ومالي كبير بالوزارة تسبب فيه المدير الاداري والمالي للوزارة السابق، الذي ارتكب (14) مخالفة مالية وادارية ابسطها حافز شهري يصل الى (26) الف جنيه،
وقطعت بأن الموظف الذي وقفت معه النقابة لحماية اموالها واستثماراتها ليس موظفا بالخدمة المدنية بجانب أنه ترقى خلال سنوات من الدرجة الثامنة الى الثانية بتزوير مستندات، وزادت «لو بقي لفترة ثلاثة اعوام اخرى لصار وكيلا للوزارة».
في هذه الاثناء، استدعى البرلمان امس وزيرة العمل والموارد البشرية للاستفسار عن ملابسات الاعلان الصحفي الذي نشرته وكالة ابوجمال للاستخدام الخارجي، وابلغت الوزيرة البرلمان بسحب تراخيص 50% من وكالات الاستخدام الخارجي التي وصل عددها الى 300 وكالة واتهمتها بالتورط في مخالفات صريحة بالاعلان عن فرص عمل وهمية ووظائف بدون عقودات واعتمادها على الدعاية والاعلان فقط .واستنكر البرلمان الاعلان بشدة، وشدد على ضرورة مراجعة مكاتب الاستخدام لمعرفة مدي التزامها بالقوانين، واعتبر ما ورد اخيرا في الاعلان مجافيا للضوابط العامة والاتفاقيات والكرامة السودانية، وقال رئيس لجنة العمل والادارة والمظالم بالبرلمان، الفاتح عز الدين، في تصريحات صحفية ان ما جاء في الاعلان عمل مرفوض وسلوك غير مقبول.
واعلن رئيس لجنة العمل عن اتجاه لاستخدام نظام الكفيل بالسودان، باعتباره آلية رقابية قريبة من العمالة ويمكن من خلاله تخاذ اجراءات وتدابير وضمانات بشأن العمالة التي ستدخل البلاد، وتوقع تدفق اعداد هائلة من البشر للبلاد بعد الانفراج الاقتصادي الذي حدث بعد الاتفاق مع جنوب السودان.
من جانبها، وصفت امانة المرأة بجمعية القرآن الكريم بوزارة العمل، الاعلان بالمهزلة وانتقدت تبرؤ الوزراء من الاعلان وتحميل مسؤوليته لموظفين صغار، واعتبرت الحادثة سابقة خطيرة بتوظيف سودانيات عبر اعلان رخيص ومبتذل، وطالبت قيادة الدولة بإبعاد وزراء الوزارة.
كما اصدرت الوحدة النقابية للعاملين بوزارة العمل بيانا امس وصمت فيه الاعلان بـ»الفضيحة،» وقال متهكما ان الاعلان كان «لتصدير راقصات.. اقصد موظفات الى دولة الكويت». واضاف ان الله ابتلى الوزارة بوزراء هدفهم تدمير وزارة العمل قبل ان يطالبهم بالاستقالة.
في ذات السياق، قال بيان لمكتب شؤون المرأة بالوحدة النقابية ان الاعلان دعا لتصدير «جنس لطيف للكويت بمواصفات راقصات» وطالب الوزيرة بالاستقالة واجراء تحقيق حول الاعلان.
كما عاب بيان للنقابة الفرعية للعاملين بوزارة العمل تنصل الوزيرة عن مسؤولية الاعلان وطالبها بمغادرة منصبها فورا
الصحافة
وماذا عن صيحفة الخال الرئاسي هل يمكن لمجلس الصحافة ان يسحب منها الترخيص او هذه الصحيفة لها حق الفيتو فى كل ماتنشره .
هذه المهزلة الفضيحه من حكومة الكيزان اتمني ان يتم اغلاق مكتب ابوجمال او تغير اسمه بدلا من جلب ايدي عاملة الى ………
وربنا يحفظ نساء السودان الشرفاء من كيدالكيزان
سكتت عن الفساد باوامر عليا وقاعده لسه فى الكرسى وكلهم ساكتين باوامر عليا وما فيش حد احسن من حد مادام الواحد لقى فرقه دخل فيها كراعو ديل بقو يعملو بالمثل القايل دار ابوك كان خربت شيل ليك منه عود(لكن سكت باوامر عليا بس ورينا منو الامرك اوامر عليا )
جهات عليا اوقفت القضية وكل القضايا ، يعني بالمعنى الواضح ، اصبح من يرعى الفساد علي عثمان طه ونافع على نافع وقمة هرم الفساد البشير ، يعني تاني الشعب منتظر شنو ؟؟؟؟؟؟؟ظ
ياجماعة ناس الكويت منعا للحرج عملوا هذا الاعلان لان المواصفات المطلوبة غير متوفرة فى السودان00وتذكرونى بنكتة الصعيدى فى السعودية قالوا ليهو زوجتك بتخونك فقطع تذكرة سفر وركب الطائرة فلما وصل مطار القاهرة تذكر انو اصلا مامتزوج000
يا محامي السودان هذه قضية جاهزة و الشاهدة السيدة الوزيرة بالله عليكم جربوا رفع قضية ضد وزارة التنمية البشرية عن الفساد نعم عارفين القضاء حيتماطل ولكن استمروا في فضح النظام يا اخواني والله السكوت كارثة يا خلاص كلنا مؤتمر وطني و ندفن السودان
(وكشفت اشراقة النقاب عن فساد قالت انها صمتت عنه الفترة الماضية بناءً على توجيهات عليا)
نفهم شنوووووووووووووووووو
ما ملاحظين للفقره دى ؟ يعنى بحشرو الوظايف حشر عجيب ..امانة المرأة بجمعية القران الكريم ؟
من جانبها، وصفت امانة المرأة بجمعية القرآن الكريم بوزارة العمل، الاعلان بالمهزلة وانتقدت تبرؤ الوزراء من الاعلان وتحميل مسؤوليته لموظفين صغار، واعتبرت الحادثة سابقة خطيرة بتوظيف سودانيات عبر اعلان رخيص ومبتذل، وطالبت قيادة الدولة بإبعاد وزراء الوزارة.
ربما تكون هذه الوزيرة علي حق في ان النقابة ( اذا النقابة دي تابعة للجماعة اياهم العامين فيها مسلمين)بالاتفاق مع الانتباهة قد مكروا ( وقد نسوا او لا يهمهم في الاصل ان الله اشد مكرا منهم) عي هذه الوزيرة بشر الاعلان الفضيخة ليكون ذلك سببا كافيا لاقالة هذه الوزيرة عشان يجيبوا ليهم قوادة محترفة
علي كل حال اذا كان الامر سببه هذا او ذاك فالناس ديل ما بطاعوا النصيحة ةيفضحوا بعض الا اذا تم فضحهم هم ذااااااهم
حسبى الله ونعم الوكيل اللهم استرنا دنيا وأخرة
كيدهم في نحرهم …
300 مليون شهريا ؟ دى بعدوها كيف ؟ قال أيه تنمية الموارد البشرية!
ياجماعة بالعقل في نقابة بتصدق على اعلان بهذا الشكل دون موافقة الوزارة الوزيرة هى الجهة المنوط بها مراجعة كافة العقود للاستخدام الخارجي لذا عليها ان تستقيل وتستحى من الحاصل ده جد هذا الامر مخزى وقبيح الله يكون في عونكم يا اهل السودان فساد وتدمير اخلاقى وتصدير راقصاات على عينك ياتاجر الدولة يهمها شنو عايزة تدخل قروش للخزينة ولايهمها الاثمان حسبنا الله ونعم الوكيل فيكم
ماسمعنا اي حكومة تأخذ قروش من النافذه الا عند جماعة المشروع الحضاري
، وتوقع تدفق اعداد هائلة من البشر للبلاد بعد الانفراج الاقتصادي الذي حدث بعد الاتفاق مع جنوب السودان.
أنفراج!!!! يا أخي إنشاءالله يتفرجو عليك وانت في التجاني الماحي، يا أخي السودانين مهاجرين في كل بقاع الارض يستجدون الناس إلحافا، خلوهم يرجعوا اولا، بعد داك استقبلوا الوفود الجائعة.
كلام الوزيرة معناهو واضح لو طردتونى من الوزارة سوف اكشف كل الفساد والفاسدين فى الوزارة وهذه هى ثقافة موظفى الانقاذ ومواصفاتهم يتلبسون بالقيم الاحلاقية حتى يحققوا اهدافهم الشخصية وبعدها يتعرون على حقيقتهم فى اول كارثة تحل بهم
فلماذا سكتت عن الفساد كل هذه الفترة حفاظا على المركز وخوفا من الجهات العليا وماذا عن حق الشعب وماذا عن خوف الله من التستر على الرذيلة اين كل ذلك يا وزيرتنا والله لوكانت بك ذرة حياء لقدمت استقالتك فورا او حاربت الفساد وفضحت الفاسدين بصورة واضحة وفاضحة
بالله دا كلام عشان تتهربي بيهو من الفضائح
أعذارك وتبريراتك أسوأ من دعارتك!
حتى نقابتك غلطانه وانت الصاح يافاجرة
كرسي الوزير طبعا بيجيب زباين دولارات البترول
مصدر دخل، كنكشي فيه قوى
يا وزيرة السجم و الرماد و الضمير و انت ساكتة علي الفساد
كدا اثبت انك انت فاسدة لانك ساكتة علي الفساد
انت اصلا ما عندك مؤهلات وزارة و لكن لانك جزء المفسدين جابوك الوزارة
احسن تسكت و تنتظري العذاب يوم العذاب
الله يمهل و لا يهمل ؟؟؟ حسبنا الله فيك و في امثالك
الوزيرة قالت علي وعلي اعدائي … يلا يااشراقة اشرقي بشمس فضائح الوزارة والزول الباخد حافز 26 مليون شهريا واصلا هو شغال بشهادات مزورة ومن كم سنة … والنقابة دي شغالة شنو عشان تاخد قروش من الناس وعلاقتها شنو (بالجهات العليا) ومنو المسئول القال طنشوهم في الفساد البعملوا فيهو …. لو انت بت ابوك صاااااح ومافاسدة زيهم وماخايفة الا من ربك انشري كل الغسيل الوسخ امام الشعب … انت الوزيرة وانت المسئولة امام الله والشعب ابقي ملطشة لكل الفاسدين من كبارهم البسكتوا فيك وفي غيرك ( خليها مستورة) الي اصغر موظف فاسد ياخد 26 مليون حافز شهري … حسبنا الله ونعم الوكيل .. يورينا فيكم يوم اقسي من يوم عاد وثمود انه القادر الجبار القهار ..
الغريب إنوا كتاب صحيفه الخال لم ينتقدوا ولم يعلموا صم بكم
اليومين دى خلافاتهم كثرت ودا كله في مصلحة الشعب لان المسروق حا يظهر يس مفروض الناس تسجل الارقام البذكورها دي عشان نطالب بيها بعدين
انا متاكد قرارات ذى دى مادايرة امضاء من الوزيرة دى ولاتمر عليها
دة شغل بالنافذة
البلد كلو فساد وسرقة وجابت ليها قوادة
والفقر الحكومى هو الذى ادى الي ذلك والجماعة دايرين قروش والقروش مافى عشان كدة جابت ليها قلة ادب وعدم حياء وترويج جنسي وبنات من البشرة البيضاء ولولا كدة لم يرضي خال البشير التركى افريقي بالسماح لهم بالنشر في الانتباهة
اللة يلعنكم مليون مرة بعد ان دمرتم البلد اقتصاديا واخلاقيا
والله عجائب ظننا ان بعض الظن اثم انه هو غلطه تحرير ولكن الحكاية فيها مكايدات , هزا زمانك يا مهازل امرحي وزمان هزه الحكومه التي ابتلي الله به الشعب السوداني الثابت والمتمسك بالعاداته وتقاليده السمحة , لكن هيهات ان الله يمهل ولا يهمل .
اخجلى عيييب عليك ده كلام تقوليه حسه؟ والاوامر العليا دى انشاء الله آمراك تانى بى شنو يا الغبيانه؟ والجابرك شنو يعنى؟ جات تتدافع عن نفسها غتست حجر روحه زياده……انعل ابو الوزاره وابو البدخل مع حكومة الحراميه عشان وزاره …..الحقى روحك واستقيلى لو نتى حقا حقانيه وافضحيهم عشان نصدقك ….و صدقينى لو جات الكعه يلفوها ليك فى رقبتك ويزوقو زى الترتييييب…… والله انتى زكرتينى التنبول القايل روحو رئيس بالجد داك لمن قال بعد شكلتو مع الثعلب الاسمو الترابي داك (انا قاعد هى عشره سنين مهبل) التقول هو يعنى خلاص الللييله بقى فالح مع انو هو مهبل اكتر من الاول..
الوزيرة بت الدقير والوزير السابق برضو ود الدقير ديل موظفين مؤتمر وطني هم وأبوهم الدقير صفر في السياسه سالب في القيم والأخلاق
صمتت عنه الفترة الماضية بناءً على توجيهات عليا،؟؟؟؟؟؟؟؟؟
إقتباس 00صمتت بناءعلي توجيهات عليا:ـ يالك من شيطانة خرساءصمت عن الحق وتصدير الراقصات بامر مين يا الوزيرة
نحن زمان يا ناس أحزاب الفكة توقعنا ليكم مكايد الكيزان و تحميلكم كل البلاوي و المصايب اللي تحصل و لكن الذنب ذنبكم ما دام رضيتم بالمشاركة في هذا النظام الفاسد
الوزيرة تم استدعاءها من البرلمان.. وان شاء الله تكون المحاسبة لكل من يخطيء وليس العقاب للضعيف..
لماذا تصمتين ايها الوزيرة طيلة هذه الفترة على التجاوزات التي تحدث في الوزارة ..؟؟؟ كان الاولى ان تتقدمي باستقالتك بدل الاستمرار وتغطية الفساد بحجة (جهات عليها) .؟؟ كلام غير مقبول
ماذا عن صحيفة خال السيد الرئيس .؟؟ اذا كان هذا الاعلان تم نشره في صحيفة الجريدة لتم اغلاقها وسجن وتغريم رئيس التحرير وزيادة على ذلك الاستاذ عووضة رغم انتقاله الى اخر لحظة..
اين دفع الله (عضو البرلمان) .؟؟ فالح فقط شيرين ؟؟؟
هؤلاء اذا سرق فيهم الشريف تركوه واذا سرق الضعيف اقاموا عليه الحد…
والله الواحد مافاهم حاجه في اي حاجه
الحصل شنو في البلد ورانا
اكل مال الربا يفسد الاخلاق ويدمر البشريه
وكذلك الحكومه قامت على الربا والرشوي
اللهم استر حالنا وتوفنى وانت راضي عنا يارب
يا مدام, ليه ساكتة عن الفساد في وزارتك بناء عى توجيهات عليا ؟
ما بذكرك ان الساكت عن الحق شيطان أخرس ولا بسألك حتجاوبي السؤال دة كيف يوم العرض ! لكن بس بقول ليك بتصريحك دة انتي والإعلان وأبو جمال وجريدة الخال…كللللكم شبه بعض ! يعني فاكراها نزاهة منك وانت المسؤل الأول بالوزارة تسكتي عن فساد موظيفك وكمان حاسبة مدخول سرقاتهم اليومي والشهري..يا ريت لو حسبتيها لينا بالدولار تعادل كم برضو لتوضيح الصورة,,,
حسبنا الله ونعم الوكيل فيك وفيهم
بالله يا جماعه الكيزان ديل ما بخجلوا,والله العظيم فقعتوا مرارتنا ,يا سيدتى الفاضله فساد فى وزارتك وعارفاهو وساكته بسبب توجيهات عليا؟والمقعدك شنو لو ما لاقيه حقك,اهاالشغلانيه بعد فساد مالى جابت ليها تعرصه كمان,انا عندى ليك اقتراح:بما انك وكما يظهر فى الصوره عندك مؤهلات كويسه:الحقى ناس وكاله ابو جمال دى وقدمى واديهم الصوره الفوق دى وان شاااااااااء الله بشيلوك واعتقد انو الحاتلقيهو هناك احسن ليك من الوزاره وهمها والنقابه وجمعية القرآن الفى الوزارة وحا تاكلى وترتاحى فوق وتحت.
يا جماعة الخير الدينار الكويتى بكم؟
ما علاقة النقابة بالإعلان…هل النقابة تقوم بالتصديق على الآعلانات المتخصصة في الوظائف وهل النقابة تقوم بارسال الاعلان للصحافة ……….الوزيرة شكلها مزنوقة وما عندها موضوع وعايزة تقول اي كلام والسلام…
لو كان الاعلان يطلب سودانيات ذوات بشرة سوداء ما كان حصل كل هذة الضجة بس ربنا رؤوف رحيم الاعلان طلب بنات جلابة
انحنا خلونا نموت بالانتنوف بس ارحم بكتير
بكدا عرفنا كيف بتنموا الموارد البشرية
وكشفت اشراقة النقاب عن فساد قالت انها صمتت عنه الفترة الماضية بناءً على توجيهات عليا، !!!
من الله ما خفتي!! ياخ الساكت عن الحق شيطان أخرس!!
هسسسسه دي بنطالب بتحويلك لكل ملفات الفساد الراقدة في حضنك وبتهدهدي فيها دي للمحاكم وفوراً دة لا مالك لا مال أبوك.. قال جهات عليا!! ديل شنو الناس الحرامية ديل أي وزير أو مسئول داسي ملفات المأكلة الوطنية ضد الوزير التاني بس يتزنق يهدد بيها!! كلكم شله وعصابة لازم تغور في ستين داهيه بلى يخمكم مرضتونا وشردتونا وعذبتونا وليكم يوم………. أخبار أخوك في الوزارة شنو؟؟
..
..
..
.. وماشين في السكة نمد
سكت عن الفساد باوامر عليا .. لا بالله .. والقاعدة ليها شنو يا شاطرة بعد ما كبوا ليكي كوم ترام في خشمك واخرسوك عن الكلام في الفساد المباح .. يا ختي روحي بلا لمة معاكي وانتي ذاتك شن كونيتك عشان تبقي وزيرة .. هي البلد عدمت الشرفاء والشريفات عشان يجيبوا وحدة زيك تدفن راسها في الرمال وتطعن في ضل الفيل والفيل واقف قدامها. هذا زمانك يا مهازل فامرحي.
لو صدر هذا الاعلان فى صحيفة اخرى لتم سحبه من جماعة الامن
ولكن لان الصحيفة تتبع لمؤتر الشيطان وبالتالى فهى لاتخضع للرقابة
القبلية ولا البعدية …
وبعدين من هى اشراقة وماهو موقعها فى التاريخ السياسى ؟
لو حصلت ليها عقد كويتى من جمال اكون ريحتنا
قمة الفسااااد والتلاع باموال الشعب ,اشل حكومة مر على تاريخالانسانية
من محاسن الاعلان انه رفع الغطاء عن فساد كبير وربما في اطار التلاسن والتلاعن بين السارقين يظهر المسروق
الفيلم السوداني الكبير
( فساد تحت النقاب )
وزارة التنميه البشريه
جريدة الانتباهه,
وكشفت اشراقة النقاب عن فساد قالت انها صمتت عنه الفترة الماضية بناءً على توجيهات عليا، لا يحدث الا فى السودان فضيحة زى دى لوفى بلد به بعض الاحترام لعصفت بالبرلمان.وبمناسبة البرلمان النوام بركة لقو ليهم شغلة يحركو بيها نفسهم العرض والشرف.وانتو تعالو المواصفات دى اى نعم اول مرة تتكتب صراحة لكن مالزمن الفات دا كلو شغالين بيهاوادخلو الشركات وشوفو التعيينات امات تناذل ولا عشان ديل خلايجة .ماطفر على السطح للاسف هو غيض من فيض بركات المشروع الحضارى وانتو لسة شوفتو حاجة.
يعنى الشغل بقى ضرب تحت الحزام حفر جد وانا اقول موضوع الاعلان ده اخد حجم كبير كده ليه
المرأة الأسمها أشراقة سيد محمود دى مجرمة مثل ابالسة الأنقاذ تقتل الميت و تمشى فى جنازبه .
الى اتحاد المحامون ..انتو اصلو ماعندكم شغل غير الحاجات الجاهزة والقضايا الفارغة….القضية دى ماجاهزة تزوير (شهادات )وترقيات دون وجة حق..وتجنيب ايرادات ..وخلل فى العقودات .. وكرامة وشرف وونشر اعلان فاضح ……………………………………………………..
تانى مابتلقوقضية مكسبها مضمون دى..انتشرو ولاخايفين من الخال وزمرتو
ود اسحق رايو شنوووووووووالرزيقى عرفنا راى الخال ديل برضو مفروض يستقيلو
ادخلو فقه الاستقالة(الوزيرات وتالتن)..
ذهبت الى الوزارة المذكورة ووجدت لوحة الاعلانات بها الكثير من الاتهامات بس وين القانون البيحقق فيها ..الدعوة موجه للاخوة الصحفيين للاطلاع فقط
الزولة دي إما تكون غبية غباء غير عادي عشان تعترف اعتراف صريح بالسكوت عن أكل أموال المواطنين في وزارتها .. أو تكون قصدت تهدد الجهات العليا بكشف المستور اذا حاولوا عزلهالكي لا تذهب كبش فداء و لتحافظ على منصبها ..
انا فى رأى انو الغلط مما من دا وله داك , الغلط من (التور الاحمق) النشر الغسيل بجريدتو !!
البنت لابد ان تكون بالمواصفات الاتية|
رقراقة الوجه بضة الجلد ملساء القدمين ردماء الكعبين .. ناعمة الساقين.. ضخماء الركبتين.. لفاء الفخذين .. ضخمة الذراعين .. هيفاء البطن .. ممشوقة الخصر.. رخصة الكفين.. ناهدة الثديين.. حمراء الخدين.. كحلاء العينين .. زجاء الحاجبين.. لمياء الشفتين.. بلجاء الجبين شماء العزبين .. شنباء الأسنان.. محلوكة الشعر.. عطرة الثغر .. غيراء العنق .. طفلة الملمس.. عطبولة العنق .. عيطموس
اشراقه ياجماعه عملت بيت مبالغه من الانقاذ وتزوجت جايه اليوم تقول لينا الكلام دا. وبيوت لندن وما ادراك بلندن ,الدقير ومضوى الترابى والسمانى الوسيلة وجايين يتكلموا عن الفساد.
لا خلاص يا ناس موسي و هارون ( استغفر الله ) .. آمنا بان وكالة ابو جمال تتبع للنقابة .. وليس ببعيد ان نسمع غدآ بان لها فرع في تلابيب .. مثلما انك واثقة ببراءة الانتباهة وان الاعلان مر سهوآ .. اذا لم تستحي فقولي ما تشائين .
السيدة الوزيرة/ أشراقة تفتح النار فى كل الأتجاهات بدءا بالنقابة ثم مرورا على الجهة العليا التى تتستر على الفساد(طبعا البشير) حامى حمى الفساد فى البلاد,قالت 300مليون جنيه تجبى شهريا خارج أورنيك15 ( أمسك ياجبرة) وتصرف على الخدمات الأجتماعية والمبالغ الملهوطة هذه عاملها موظف قد رقى بعد تزوير شهاداته.سعادة/ الوزيرة ماهى الخدمات الأجتماعية هذه وعلى من تصرف حتى تستر بفقه السترة ويجب أن تذكرى الجهة العليا وبالأسم.والله الحكاية هايصة ودقى يامزيكة.
ده ما كان اعلان وبس .. شئ اسكات وزيرة من ( جهات عليا)عن تحري الفساد .. و شئ رمي الوزيرة للنقابة بالوقوف خلف الاعلان !! وشئ عن موظف يقفز من الثامنة للثانية بعلم الوزيرة بالتزوير .. وليس آخرآ تورط الصحيفة الرئاسية بالقوادة والاعلان بتصدير بغايا الاندلس البيض الحسان .
و حقآ اذا اختلف اللصوص ظهر المسروق .. و شكرآ الطيب مصطفي لغفلة النيران الصديقة ..
يا إخوان الوزيرة معزورة أصلوا الحكومة دة ذى بيت ريا وسكينة لو دخلت البيت يا تذبح زيهم أو ذبحوك ده مش حكومة ده فرقة حسب الله الله يكون في العون
على كل حال المواصفات بتنطبق عليكي كان بقيت كبش فداء للجماعة ديل أمشي طوالي قدمي وأنا أضمن ليك حا يخدوك ناس أبو جمال 100%!!!
اعترفت الوزيرة الموفره فى موتمر صحفى كبير بانها صمتت عن فساد مالى كبير بناء على توجيهات عليا ولم اسمع من اى جهة قانونيه او صحفيه المطالبه بتشكيل لجنة للتحقيق مع مذه الوزيرة لكشف ملابسات هذا الفساد المالى الكبير ومن هم المستفيدين منه ومن هى الجهة العليا التى امرتها بالصمت لقد عم الفساد القرى والحضر وتماى مترفينا اعضاء الموتمر الوطنى فى الفساد فى الارض واكثروا فيه فاخاف ان يدمرنا الله ولولا هذا الاعلان المسى لنا لما اعترفت هذه الوزيره
قالت انها صمتت عنه الفترة الماضية بناءً على توجيهات عليا،
المعروف في كل الدنيا بانو الوزيرة هي اعلاء في الوزراء اما الجهة العياء التي زطرتها والوزيرة اما يكون رئيس الوزرا او رئيس الجمهوريةيعني حامية حراميةمعنها الجهة العلياء الرقص
نقول لاحول ولا قوة الا بالله نسال الله ان يجعل كيدكم في نحوركم ياعصابة الفاسدين
لن يفلح قوم ولوا أمرهم امرأة.
علي وعلي اعدائي :
في هذا البلد المهزلة الوزيرة تعترف بانها سكتت عن الفساد في الفترة الماضية لانه مسنود من جهات عليا والان افصحت عنه لانه يمس مصلحتها الشخصيه ويمكن ان يفقدها منصبها الوزاري فعملت الوزيرة التي لازالت علي راس منصبها الوزاري -مع وزيرين اخرين- بالحكمة القائلة علي وعلي اعدائي
بعد دا كله وبعد انكشاف المستور نشوف رأى الجماعة الفوق شنو ؟؟؟؟؟؟ حكاية بايظة كلها من رئيسها لغفيرها ……..أقترح صفوا الشغلانة دى كلها وأدوا كل زول حقو وفضوها سيرة….نشوف لينا بلد تانية
وكشفت اشراقة النقاب عن فساد قالت انها صمتت عنه الفترة الماضية بناءً على توجيهات عليا،
لا يهمنا صراعكم *** نفابة ضد الانثتين والذكر بقدر ما يهمنا هو لماذا لم يقذفي بالاستقاله في وجة البشير و( بيتك مملكتك ) بناءا علي هرشة الجهة العليا ***الترابي الخطيــر والمسجل خطر كان بابا الحوزه الاسلامية قديما وزمانه فات وولي و بعدة من الورثة كلهم جرابيع وقرمبع وحوافر واظـــــــــــــــــــــــــــــــــــــــــــلاف
لاحظ الوزيرة ما هاميها الإعلان الكارثة بقدر ما هاميها إنها تكوش على الإيرادات
قالت شنو: هناك جباية اموال خارج اورنيك «15»
ههه
يعني إنتي صحيتي من نوك وإكتشفتي الموضوع دا هسي!!
الوزيرة التي تسكت عن الفساد غير جديرة بالبقاء في منصبها فالوزير الشريف لايقبل بالسكوت عن الفساد حتي لو جاء من جهات عليا فطز في الوزارة اذا كان الثمن السكوت عن الفساد واذا كان الوزراء يسكتون عن الفساد فمن يحارب الفساد ولمن يشتكي الواطن ، فالسكوت عن الفساد يا سعادة الوزيرة جريمة كبري في حق الوطن وخيانه عظمي يحاكم عليها القانون ان كان هناك من قانون
سقط قناع اشراقه السفيهه ظهرت كاشيطان خرساء و صمت اضنينا عن الفساد المستشري حولها و ناس البرلنيام – من النوم- سئلوها عن الاعلان قالت النقابه كأنما النقابه دي مقرها طوكيو فلا تدري شيئا عن الاعلان بل لمن تجد الاجابه القنوعه فكانت اخر سقطاتها لا دين لا اخلاق لا روح التحلي بالمسئوليه و فوق داك كمان معاها فصاحه اما طانت تعلم وهي راس الفتنه والحيه؟ عند سؤال القبر سوف تسئلين بيتك دا طوبو من وين؟ الرمله قروشا جات من وين ؟ الاساس الايطالي قروش الديلفيري كانت بالدولار والا باليوان؟ خليك جاهزه ل منكر و نكير و من هسي لانو الظروف يا بت امي ما معروفه – شكيناكم ل اب يدا قويـــــــــــــــــــــــــــــه و يمهل و لا يهمــــــــــــــــــــــل و دا ديدن حياتنا اليوميه انو في رب فــــــــوق وحسبنا الله عليكم حسبنا الله عليكم حسبنا الله عليــــــــــــــكم يا انغاذ اللفحي اكلي السحت و ناشري الفسق و الصلاله
سبحان الله !! اذا أراد الله شيئا هيأ أسبابه .. اعلان صغير يظهر بلاوي كبيرة !!
والله ياجماعة الخير انا زمان كنت بين مصدق ومكذب حكاية اللغف بتاع الكيزان ديل لانى شايف الدقون الكبيره دى والوزيرات المتحجبات ديل وكنت قايل القبه تحتى فكى وبقول ناس المعارضه ديل بسوا من الحبه قبه ساى من اجل المعارضه وكده. لكن بعد ما شهد شاهدا من اهلهاخلاص النتعوض الله فيهم وفى نغمتهم المشروخه هى لله هى لله . استغفر الله العظيم واتوب اليه
أولا كان الفي الصورة ياها الوزيرة؟ عليها حق تطلع إعلانات ذي ده.لكن يأخوانا الشغلة مدورة في الشقق المفروشة من زمان .
بقولو الجنس للجنس رحمه لكن ظهرت مدام شوشو ب جنس من نوع اخر الجنس القوادي يعني اللي بيقود لبنات جنسهم حسبي الله فيك يا شيخه استقيلي لو عندك زره كرامه
الى جهنم جميعكم يا موارد بشريه ويا الانتباهه ويا مجلس وطنى الى نار جهنم با فاجرين انتم ومن معكم ابو جمال الله الجمل اللى يرفسكم ويفطسكم يا فطائس
يا جماعة أنا قلت الكلام ده من بدري المرة اقصد إشراقة دي مصدية وعايزة صنفرة بس بلا وزارة بلا بطيخ عرفوا السياسة متين وهم ودجل علي الفاضي !
الوزيرة بتشتت الكورة عايزة تشغل الناس عن موضوع الاعلان و المكنة مشت فيكم كلكم كما قال الاستاذ فيصل محمد صالح فى برنامج خالد ساتى
يا الوزيرة إشراقة الساكت عن الحق شيطان أخرس فما بالك بالساكت عن نهب أموال الشعب؟
على الوزيرة الإعتذار للشعب عن الحنث بالقسم الذي أدّته والإستقالة فوراً.
ياشعب يا امة يابشر ياناس يابنى ادميين ياسودانييين ….. لا ثم لالالالالالالا تدفعوا اى مبالغ مالية كانت بدون المستند المالى الحكومى الرسمى (( اورنيك 15)) … اكرر رغم ان المتحصل باورنيك 15 او اورنيك صفر ماكول ومنهوب ومسروق …. لنبا من هنا وثورة ثورة ثورة ثورة حتى النصرررررررررررررررررررررررررررررررررررررررررررررررررررررررررررررر
ياجماعة إنتوا بتتكلموا عن شنو؟المستوزرةوالنقابه بتاعة المؤتمر الوثني بتاعة تشريد العاملين والترقيات الإستثنائية .ديل كلهم حاجه واحدة.
فى ناس مفتكرين هذة الوزيرة مؤتمروطنى وعندى سؤال الفساد والسرقة بتاعة الكيزان دى الى متى؟
إيه رايكم في ان الوزيرة مستهدفة من المفسدين داخل الوزارة والذين شعروا انها تهدد مصالحهم وعايزة توقف الاموال المجنبة عشان كدا مقلبوها بالاعلان المشين دا عشان يشيلوها من الوزارة والمسلسل بدا باستجوابها امام البرلمان وبعد داك تقدم استقالتها ويا دار ما خلك شر
الوزيرة ليست من الكيزان يعني ممكن يضحوا بيها زي السلام عليكم ويكتفي باعتذار الطيب مصطفي ويعود الفساد بالاستمرار في تحصيل الاموال خارج اورنيك 15 ونعيب علي الوزيرة سكوتها علي الفساد بموجب توجيهات عليا واذا قالت الان علي من هو صاحب التوجيهات العليا هذه تكون قد ارضت نفسها وبرت القسم الذي أدته وكبرت في نظر الناس وخلقت لنفسها ولحزبها مجدا
ياناس قبل كدة اللمبى لما انهارت عمارات الرباط الرجل الخفي ارغمو علي الاستقالة لانو مكجنو? الزعيم قاليهو ده استراحة محارب ورقاهو !!اها حكينا القصة لية عشان نعرف منو الحامي الفساد؟؟؟
مستهدفة إشراقة هي اتحادية دميقراطية وليست “كوزة” كشفت فساد مالي لكوز كبير بالتلاعب باورنيك 15 , فلها مني التحية على الموقف الشجاع.
بالله الوزيرة مالها و مال اعلانات
ده شغل دسايس و نظام بتاع تطفيش للوزيرة من عصابة
و لا يخفى ان الوزارة بها وزير دولة وثنى كبير فاسد
و كلها مؤامرات مؤتمر وثنى
لماذا لم ينشر الاعلان باى جريدة اخرى؟
و لماذا الانتباهة بالذات
؟؟؟؟
و اين صاحب النتباهه الحال الرئاسى و لماذا لم يرد
السفر لا يمنع الرد
و يمكنه ارسال الرد بالايميل و ينشر
صمت صاحب الانتباهة ام افتعل السفر عنوة و جزء من مؤامرة مدبرة
اين رأى الصحفيين؟؟؟؟؟؟و مجلس الصحافة و المطبوعات و جهاز الامن الذى يهب عندما يمس موضوع اصغر موظف فاسد وثنى
هذا الاعلان يمس حواء السودان
لماذا لا يتم تحقيق عادل لمعرفة الكيفية التى ظهر بها الاعلان و من هو وراء ذلك
و هذا ليس بصعب
ههههههههههههاههههههههههههههههههههها هيهيهيهيييييييييييي الله يجازيك قطعتي مصاريننا بالضحك! توجيهبات عليا؟ يعني إنتي طرورة وديكور بس؟ أها قالوا عايزين يحجبوك أيه رأيك … تف عليكم إتحاديين قال … بلى ياخدكم كلكم.
يشفع ليك يا معالي الوزيرة انك ضحية جاهزة للتحيز الجندري لكن لو فيكي خير استقيلي من الزبالة دي واقعدي في بيتك مع اولادك اكرم ليكي واحسن لينا
إقرأ ما كتبه “الطيب مصطفى” قبل نشر الإعلان الفاضح.
بين هيفاء وهبي وندى القلعة!!
نشر بتاريخ الإثنين, 11 آذار/مارس 2013 08:26
كلَّما رأيتُ صورة هيفاء وهبي في صحافتنا السياسيَّة وأحياناً في الصفحة الأولى وكلَّما رأيتُ غيرها من الممثلات اللبنانيَّات والمصريَّات وغيرهنَّ من «البيضاوات» ألحَّ عليَّ سؤال استنكاري: هل فكَّرت صحافتُنا وهي تستخدم هؤلاء الممثلات الأجنبيات في تسويق بضاعتها… هل فكَّرت في الآثار الاجتماعيَّة والنفسيَّة بل والعنصريَّة المدمِّرة التي ينطوي عليها تصرُّفها هذا؟!
سؤال آخر: هل تتفضَّل وتتكرَّم الصحافة المصريَّة واللبنانيَّة بنشر صور مطرباتنا ومذيعاتنا السودانيَّات أم أنَّه حُب من طرف واحد يعكس حالة الهزيمة النفسيَّة والشعور بالنقص الذي يسيطر على بعض نُخبنا؟!
هل يعلم القائمون بأمر صحافتنا أنهم يبيعون مبادئ سامية بثمن بخس حين يروِّجون للون الأبيض على حساب الأسود الذي ينتسب إليه وطنُهم السودان اسماً ومعنى؟!
هل يعلمون أنَّهم يُسهمون في صرعة تبييض البشرة التي يسمُّونها (تأدُّباً) بالتفتيح والتي اجتاحت ولا تزال نساءنا في الريف والحضر بل والتي أقنعت كثيراً من شبابنا بأن يبحثوا عن (البياض) كشرط لشريكات حياتهم؟!
هل يعلمون أنَّهم ربما يكونون قد أسهموا في ارتفاع نسبة العنوسة وأهم من ذلك في تكريس عقدة النقص لدى الكثيرين ممن ترسَّخ لديهم جرَّاء عوامل كثيرة من بينها هذا التهافُت على الاحتفاء باللون الأبيض كرمز للجمال والأناقة التي يرَونها يومياً متمثلة في هيفاء وهبي وسميَّة الخشاب وشاكيرا وغيرهنَّ من اللائي بتنا نتابع أخبار حَمْلهنَّ وطلاقهنَّ وزواجهنَّ بل وأخبار أزواجهنَّ وأخواتهن؟!
الأمرُ أكبر من أن يُناقَش من خلال هذه الأسطر القليلة وأرجو أن يُناقَش بعُمق بعيداً عن الغضب ممَّن طرحه بهذه الصراحة بالرغم من أنني لم أتناول الجانب الشرعي من إبراز مفاتن هؤلاء الممثلات.
لعلَّ أكثر ما يُؤلم أنَّ هذه الصَّرعة انتقلت إلى فضائياتنا التي بلغ الأمر ببعضها البحث عن البياض بتوظيف مذيعات لبنانيات وشاميات عديل!!
…………..الــــخ.
الطيب-مصطفى/31872-بين-هيفاء-وهبي-وندى-القلعة/http://alintibaha.net/portal//
السكوت عند المرأة تعني علامة الرضا..يعني كنتي موافقة علي الفساد أو مشاركة فيهو؟؟شنو الخلاك تصرحي بيهو الآن؟؟؟
بمناسبة حقوق الإنسان التي تتشدقون بهايعتبر الإشارة إلى أي مهنة بالتحقير احتقار للمهنة و لممتهنهاو عليه فإن عنوان المقال يدل على أن كاتبته لا تعرف شيئا عن حقوق الإنسان. الرقص مهنةوكذلك الدعارة وكان ما عجبك تاني ما تجيبي سيرة حقوق الإناس دي في لسانك.