البشير يتوعد بملاحقة الجنوبيين «قانونيا» وطردهم من الشمال بعد يوليو المقبل

ايوه ده هو المفروض يحصل من زمان هم الاختارو كده كمان يختارو الانفصال وبرضو قاعدين لينا في الزراره الاخيره ولا عاملين مفتحين مكنكشين جميع الاطراف هسه بقى ليكم بنبي لسه ما شفتو حاجه ياما حتشوفو بعدين الاضرار وتقولو حليل ايامنا الاولى

ياراجل اتقي الله كدا كفرت لانك قررت بكرة تعمل شنوا مش ممكن بكرة تموت ونرتاح انت حتفضل كدا مكتفنا وخانقنا لي متين والله انا كل يوم بحلم اصحي القاك مشيت وبرضوا بتتوعد لي يوليوا دي كتيرة قول استغفر الله لانه الانسان ماضامن يعيش لي بكرة والقاعدة دي هي مديانا الامل في بكرة انكم تمشوا وتسيبوا الاجيال الجاية تتنفس هواء نظيف

الرئيس البومة ده خلاص قام ينعق. ما يعلموه اللياقة و أدب الكلام

ده الكلام الصاح ودي فائدة المواطن الشمالي الوحيده من السلام _الجنوبيون أختارو الانفصال

الرئيس البشير له مسؤلية امام شعبه ومواطنيه والو قت ليس وقت مجاملات ولا بد للمشير البشير ان يكون واضحا فى تعامله تجاه المواطنين وغيرهم ليحفظ للمواطن حقه وللاجنبى حقه الذى يختلف عن حق المواطن والامر يتعلق ؤبالحقوف وبالسيادة الوطنية ولذلك كلامه هو عين الحقيقة ولا يمكن لمن اختاروا الانفصال محاولة الاحتفاظ بمكتسباتهم التى حازوا عليها كمواطنين بعد ان اصبحوا اجانب بارادتهم وخاصة الوظائف فى الدولة وغيرها اولى بها المواطن من غيره ونرفض التعامل بالعواطف فى مسالة تتعلق بالسيادة الوطنية وحقوق المواطنة بابتكار ما يسمى بالجنسية المزدوجة التى ما طرحت الا لمصلحة حكومة الحركة الشعبية بالجنوب لاخراجها من احراج تحمل تبعات الانفصال بعد قادت الجنوبيين الى ذلك والى متى نحن فى الشمال نتنازل للجنوبيين عن حقوقنا ؟

الفرق هو أن الحركة الشعبية في الجنوب تعمل بصمت و تحقق أهدافها بما في ذلك ما تريد أن تفعله بالشماليين في الجنوب.أما قادتنا و كبراءنا في الشمال فيملؤون الدنيا صياحاو في نهاية المطاف كما قالت العرب"أسمع جعجعة و لا أرى طحينا". ومن هدي النبوة عدم اطلاع الخصوم على كل ما في جعبتك,لأنهم ببساطة سيتخذون التدابير اللازمة لإفشال برنامجك.
من قواعد إدارة النزاعات المفاجأة و المناورة المدروسة.
يا ليت قومي يعلمون!

يا أهل الراكوبة من يفسر لنا مصطلح( العلاقات الوجدانية مع الجنوب) والذي يتحدث عنه سيد اللبن -البشير ؟؟طيب ما كان يهدي ليهم بقر وذرة زي ما عمل مع مصر كان علاقات الحب حتكون قوية جدا ؟؟ يا أخزانا في حاجة إسمها الدبلوماسية وفي حاجة إسمها الخطاب السياسي وفي حاجة إسمها البلاغة ,

الجنوبيون ارادوا الانفصال عن نظام سياسى شمولى قمعى عنصرى فاسد و فاشل, قام بتقتيلهم و تشريدهم لعقود من الزمان, وليس الانفصال من الشعب السودانى, احقية لمن يعطى الجنسية يجب ألا يحددها نظام فاقد اساسا للمشروعية.

ناس اختاروا الانفصال تاني عايزين شنو من الجنسيه الشماليه

اشارة الى من يسمى نفسه WALLY
لو لا التنازلات و الضغوط الخارجيه على الانقاذ لما حلت قضية الجنوب واوقفت الحرب و هذه مصيبتنا الكبرى فى الانقاذ الذى اتخـذ موقف اضر بالوطن و المواطن و هو تقرير المصير .
لم يكن الجنوب مستعمرا من الشمال اولا ومن بدأ الاحتراب و الخروج على السلطه هم اهل الجنوب و توالت الحكومات و تم الحوار و الاطروحات المقدمه و الاتفاقيات لحل مشكلة الجنوب دون ذكر تقرير المصير بل الحكم الفدرالى ؟
الشمال باهله سواء كانوا عرب او زنوج لا خلاف على ذلك بيننا و يجمعنا السودان كوطن و حبنا لارضه و ترابه مقدس كالعقيده و طيبتنا و حسن تعاملنا لمستوه فى اقامتكم معنا .
فى حين نجــد ابناء جلدتنا فى الجنوب يعانوا الامرين من سؤ المعامله و الاضطهاد و ضياع اموالهم و السلب و النهب و الضرب و القتل على يد الجيش الشعبى و الاستخبارات ؟
و المصيبه انهم يمتلكون عقارات و لهم ذريه من زوجات جنوبيات و تربطهم بالجنوب علاقه طيبه قبل دخول الحركه الى جوبا و السجون تعج بالكثير منهم و حكومتنا غافله عنهم .
و الجنسيه المذدوجه لا تمنح بالفهلوه و لكن الاستحقاق يكون بموجب القانون و ليعلم الجميع ان السودانى الذى يمنح جنسية دوله اخرى تسحب منه الجنسيه السودانية و بتوقيع الرئيس على المستندات المقدمه من سفارة الدوله المانحه عير المنافذ الرسمية و بذلك تسقط عليه الجنسيه و يدخل السودان بتأشيرة محدده فترة الاقامه و يمنع من التجوال داخل الوطن الا بموجب تصريح من شؤون الاجانب بوزارة الداخليه .
كان العشم فى يظل الوطن واحد موحـد و لكن الاجنده الخارجيه و الاحلام الوردية و الامل الموعود به اهلنا فى الجنوب عمى بصيرتهم و ذادهم بعدا عن حضن الوطن و فضلوا الانفصال و الذى سيتم بموجب الاتفاق و نتائج الانفصال و تبعاته ستكون بعد شهر قبل ان يجلس سلفا كير فى مجلسه .

يا جماعه الخير ماتعلقه الانفصال في رقبه اخوانا الجنوبين
هم اختارو الانفصال من التهميش الا قواها من حكومه الكيزان

بتمني بعد الكيزان العفن ديل نرجع بلد مليون ميل

ونحن الشعب السوداني نتوعد البشير أننا سوف نطارده هو وعصابته بعد التاسع من يونيه .. فاذا لم نفعل ذلك سوف يطارده أوكامبو

يا سيادة الرئيس عمر البشير القوة ثم القوة مع هؤلاء الجنوبيين لان لا عهد ولا ميثاق لهم خاصة الدعو سلفاكير ونصيحة مني ما دام تمت السيطرة على ابيي حرك فيها العامل الاقتصادي وباسرع وقت من تنمية شاملة باستخدام شركات اجنبية وليست سودانية لانو المصالح تحكمها الاقتصاد وتحية لجيش السودان ومزيدا من القوة والعزيمة في الدفاع عن الوطن
وما عايزيين نشوف اي جنوبى بعد الانفصال ويجب ترحيلهم فورا ما دام اختاروا الانفصال اذن لم التباطؤ في الرجوع الامور يجب ان تحسم فورا
وبعدين ابيي فعلا هي شمالية انظروا موقعها من بحر العرب فهي ليست في حدود الجنوب وعلى
الشعب الشمالى بل والوقوف مع الحكومة ومساندتها حفاظا لحق ابنائنا والاجيال القادمة فهي ليست للبشير وحكومته بل للاجيال القادمة لانو كل شيء فاني وستبقى الارض الى ان يرثها الواحد القهار وحتى ينعم شعب السودان بخيرات ارضها طالما عشنا سنوات طويلة ولم يبقى لنا من العمر شيء في حروبات وفقر علينا من الان ان نتطلع للرفاهية والتنمية بايادي الخلصين من ابناء الوطن وهم كثر وعلى البشير اعلان الحرب على الفساد والمفسدين علنا ودون استثناء لاحد واعلان الحرب على اى وزير لم ينجز شيئا للشعب خاصة ونحن على ابواب الخريف ماذا فعل وزير البنية التحتية لمصارف المياه والسيول يجب المحاسبة لكل من تسول له نفسه اللعب بالاموال العامة اموال الشعب الغلبان والمقهور

ياناس الراكوبة عندي طلب صغير عندما تنشروا موضوع عن هذا الدرويش ارجو أن تضعوا على الخبرصورة حمار بدلاً عن صورته مراعاة لمشاعر القراء والمشاهدين لان صورة الحمار يمكن ان تكون مشاهدتها مريحة للنفس من صورة هذا المتخلف وخصوصاً لمن يكون فاري كشروا وضاحك المنو يبكي الدهر كله لمن يفطس الخائن لوطنه وشعبه
والله والله أنا واحد من الناس إذا شفت صورهذا الدرويش بتحصل لي حالة إكتئاب ودبرسة طول اليوم واكون سيئ المزاج فنرجو من سعادتكم رفقة بقرائكم ومراعاة لمشاعرهم ان تضعوا صورة لاي حيوان مكان صورة هذا الدرويش إذا إستدع الامر وضع صورته مع الموضوع

لا للجنسية المزدوجة على كل الجنوبيين ترك الشمال فوراً وبأسرع وقت نحن لا نريدهم فقد أصبحوا أجانب وعليهم بالرحيل

يا ترى هل هذا رئيس السودان يقول مثل هذه هذه التخاريف والحماقات التي لا ترقى لمبتديء في علم السياسة لأن يتفوه بها ..
أقول لك أيها العمر (الموت) البشير(القصير) أنت من فعلتها وعليك وزرها حتى يوم الدين . أنت الذي فصلت الجنوب عن الشمال بعد أن عمقت مشاعر الحقد والكراهية والدونية في قلوبهم أنت وحزبك حزب الشيطان من رمى السودان في الدرك الأسفل وجعلت أهله شيعا تستضعف بعضهم وتقوي بعضهم .
أنت من سيحاسبك أهل السودان في الحياة الدنيا .. ولعذاب الآخرة أشد وأنكى
وبقوة عزيز جبار منيع ستذل يوماً شر ذلة وشر منقلب .
هذا وعد ونذير لك في الدنيا والآخرة : ((ولا تحسبن الله غافلاً عما يعمل الظالمون إنما يؤخرهم ليوماً تشخص فيه الابصار مهطعين مقنعي رؤوسهم لا يرتد إليهم طرفهم وأفئدتهم هواء )) .

عبد الحق اظنك سكران وكان بتريدهم صاح امشى اسكن انت معاهم بدل تجيبهم لينا هنا
هم ما دايرننا وانفصلو وجاى تقول اخوان
انت واحد دمك تقيل وراسك ملخبت

نعم الشمالى شمالى والجنوبى جنوبى حتى تتضح الحقوق ونستبين الرؤية بدل الاستغلال الخبيث للجنسية تحت مسميات الاقليات
فكووووووووونا

الناس البتتكلم كأنها خالقا نفسها دي ,, البشير بينبح بإنو الشمالي شمالي والجنوبي جنوبي , وهذا ليس بغريب , لكن الغريب إنو في ناس بتأيدو ودي كارثة , لكن نحن بنقول السوداني سوداني والما عاجبو يقطع البحر , (الكارتوم نفسها جنوبية ) , والجنوبيين راح يكونوا فيها للابد وفي كل السودان , يطير غازي والطيب مصطفي وكل من يعتبر انو قوميتو حتكون اقلية في ظل هذا الوجود الزنجي الافريقي الهائل كما ورد في كتابات حسن مكي وإسحق و حسين خوجلي وقبلهم أشعار البروفيسور عبدالله الطيب , وغيرهم من المرضى الذين يعانون فوبيا الاحساس الاجنبي ………………….الخ .

الناس بتتصارع في الفضاء , إنتو واقفين لينا قبائل وحلال ؟, لكن النقول ليكم حاجة اخيرة :ـ والله خلو الخرطوم ,,,,, حلائب / الفشقة / مثلث أليمي / قمبيلا /العوينات / كل حنطهرها وراح يسكنها جنوبيين لكن ما بنطرد الداير يكون قاعد في السودان وقلبو في السعودية ولا تركيا أو اي مكان يتمنى ينتمي ليهو .

البشير ضيع الجنوب وحلايب ولسه حا يضيع
هو ونحنا والكل يعرف انه فعل فعلة اكبر منه
والكل يعلم انه يموت من الخوف وسيرجع عن اي قرار
كقرار عدم الخروج من ابيي فهو سيخرج ليس بعقليته
بل بخوفه وخوف من حوله حتي لا يهلك نظام يغطي علي
بلاويهم وان طال الزمن فانهم سيتعرون ويطلبون العفو كمبارك
فلا يغفر لهم

لعنه الله كل العنصريين في السودان البتكلمو عن لسان كل شمالي . السودان ما بتاع اهل واحد فينا اشان تطرد علا مزاج اهلك. تخلف وناس ما بتخاف من رب العالميين وخساره اكون السودان بلد ناس عنصريين يزرعو الفساد

من اجمل ما قراته على النت مؤخراً هذه القصيدة ويبدو انها جزء من خمسة اجزاء واسم القصيدة (الضحك اخير بضحك كتير)

الفساد اشكال وانواع ما وردت في الاساطير
خليتو البلد زي خـرابة ســوبا يا ولد البشــير
وانت ياالنايم مُنَعَّم وشعبك مقفل في السحاحير
نحن في الحرراجين غفوة وانت كهربتك كتير
مكيفك شغال تش اصلو ما بقيف وعدادك كبير
ومروحتنا من الثوابت صباح وعشا وضهير
أيوه ما في زيرلانو المواسير بتجيب شـــخير
حمامك رخام مويتوصحة جاية من فلتر كبير
سخانك مقنطر وصابونك معطرمناديلك حرير
ونحن نتبرد تيمم عديل مافي ليفة ولا بشــاكير
واللمبات مطفـطفة والمواسيرموسيقا وصفافير
بالرغم من سد الخراب الشرد آلاف المناصير
لمباتنا مطفِيّة ومن زمااان شغالين بالبطاطـير
في حرالصيف والهجير برد الشتا والزمهرير
قيمة البلد راحت شـمار كبّو في مرقة طباشير
لأنو البلد في جيبك والخزنة بي جنب السرير

واكثر ما اعجبني هو البيت الذي يقول: ومروحتنا من الثوابت صباح وعشا وضهير

نعم الشماالي شماالي والجنوبي جنوبي والا ما كاان في دااعي للاستفتاء

وخياار الوحده والانفصاال !!!! والما عاجبو يغرق في البحر … امركم عجيب والله

وبعد يوم 9 ما عايزين جنوبي حاايم وغصبا عنكم ح تمشو بلدكم

والمعلقين باسماء شماليين ولسه بتبااكو علي الجنووب ياااخي شيلو عفشكم

والحقووهم هنااك عاالم مرض ..

والله الجنوبيين اكتر نااس عنصريين واي وااحد شماالي عندو قريبو في الجنوب يسألو عشاان تتأكدو

قال شنو عنصريه ودونيه وتهميش قااال لو ده سببكم للتصويت طيب شنو الاتغير

هسه لا الحكومه اتغيرت ولا الشعب اتغير والا القط بحب خنااقو
:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: ليه لسه متعلقين في الجنسيه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو البشير قعد في ابيي او خرج منها
لو صهين من حلايب او حاول ارجعا
لو باع الجنوب او استعادو
لايدتموهو
فانتم شعب يقوده جاهل مثل البشير كل هذه الفتره
لاتنتمون لارضكم ولايهمكم ما يفعل بكم
فاستمروا معهم حتي تجدون انفسكم بلا دار ولا ماوي
وينتهي المطاف برئسكم بتاع المؤهل الثانوي عالي مكلبش
في سجون الجنائيه

حتى اصبحنا شمالى شمالى وجنوبى جنوبى فان مشاكل السودان الشمالى لم تنتهى البعض مادام تحمكنا العقلية العنصرية القبيلية التى لا تعرف الاثنية المتعددة موجودة فى ساحة سودانية فان الوطن يحتاج ثورة تصحيحه لتغير مفاهيم مواطن سودانى بداءأ من المدارس لادخال المنهج للتربية الوطنية لبناء جيل جديد بالمفاهيم الوطنبة تجعل الوحدة الوطنية قاعدة اسياسيه ثم بناء جيش وطنى يؤمن بالهوية السودانية مؤسسة القوميه و الوطنية اهدافه يحمى ويحرس الوطن والمواطن ليس تابع لحزب او فئه معينة و تعليم ثفافة حكم المدنى وابعاد طامعين عن السلطة بطرق مخالفة عن القانون واعيادة حرية تكوين الاحزاب بطرف اكثرة حداثة ليست بوراثة …..ثم اعادة نظام الاقاليم مع نظام الولايات المتحدة لكل ولاية سلطة المطلقة لتسير الادارة الولاية وفقا لقانون وتكون البرلمان المنتخب من الشعب و الولاء و مجالس الولايات المنتخب من الشعب ثم ريس الجمهورية من منتخب الشعب السودانى وعلى البرلمان المنتخب لوضع الدستور السودان الدائم.
انشاءالله نحن الاحرار قادمون السودان الحديث و ان طال الزمن وقتها تستعدل الامور………….

ده الكلام الصاح ناس صوتوا للإنفصال بنسبة 98% وقالوا في الشمال عايشين مواطنين من الدرجه الثانيه طيب عايزين تعيشوا في الشمال ليه وتطالبوا بالجنسيه ما كانت عندكم وإنتم رفضتوها، بعد التاسع من يوليو أي جنوبي في الشمال يعتبر أجنبي ويجب أن يرحل إلي بلاده وكفايه مسكنه ودلع فاضي ديل عالم ما يجوا إلا بالعين الحمرا كل واحد يروح بلده نحنا ما صدقنا نتخلص منكم كمان عايزين تبلونا لسه .

العنصريه ما من الجنوب العنصريه عملوها الشمالين حاربو الجنوب 20 سنه باسم الدين

وما عملنا حاجه تذكر باسم الجنوب وبعد دا كلو نحتقرم عشان قالو دايرن ينفصلو !!!

وتطردوهم كمان !!! والاغرب من دا يصلحو العلاقات مع مصر ويجيزو الحقوق الاربعه

وبعد دا ينبزونا في الاعلام المصري و العربي واب صلعه دا بضحك زي العوير

يا جماعة تعالو الجنوب وشوف العنصرية !!!!!!!!!