البشير رجع من الجنوب بلا بيرق…والنافع ب(لصـقة)!!
بكري الصايغ
[email protected]
1-
***- سافر البشير للجنوب يوم 9 يوليو 2011، وحضر مراسم انزال علمه الشمالي وسط تهاليل الملايين من ابناء وبنات الدولة الجديدة،
2 –
***- وكنا نتوقع ان نشهد مراسم تسليم البيرق الشمالي بعد تطبيقه بعناية وتقديمه لعمر البشير، وكنا في غاية الشوق لمشاهده عملية التسليم ورؤية تعابير وجه البشير وانفعالاته وهو يستلم من سلفاكير اخر علم شمالي بالجنوب، ولكن يبدو انه كانت هناك وراء الكواليس في جوبا مباحثات مابين كبار المسؤوليين في حكومة الشمال واعضاء من “الحزب الحاكم” الذين جاءوا مع البشير لجوبا بهدف حماية اهتزاز صورة البشير وفقدان هيبته وسخرية الملايين منه اثناء تسلمه للعلم المنزل من علي سارية مكان الاحتفال، وان تكون لحظات تسلم العلم في جوبا مشابهة ومطابقة لصورة تسلم الحاكم العام البريطاني لعلم بلده المنزل من علي سارية القصر الجهوري عام 1956!!
3-
***- ونجح الوفد الشمالي في اقناع كبار المسؤوليين الجنوبيين في الا يتم تسليم العلم الشمالي بعد انزاله لعمر البشير، وان يقوم سلفاكير بالاعلان بان الجنوب يشرفه الاحتفاظ بالعلم الشمالي وسيبقي العلم بالجنوب ومحل احترام وتقدير.
4-
***- وهكذا انقذ سلفاكير عمر البشير من موقف محرج للغاية، وحماه من الشماتة والسخريات… ومن صوره التي كانت ستملأ صحف ومجلات العالم وهو يتسلم علمه الشمالي بانكسار ومذلة!!
5-
***- بالطبع تنفس البشير الصعداء، وحمد ربه في سره كثيرآ علي نجاته من مأزق تسلم علم بلده.
6-
***- عاد البشير راجعآ للخرطوم بلا علم بلده…وبلا لقب رئيس جمهورية السودان (لموحد)…ومارفع هناك عصاه فوق الجماهير…ولارقص ولا “سـكسك” واهتز طربآ…وماسمع هتافات تؤيده او “كورس” المطبلون وهم يصيحون من خلفه “سر سر ياالبشير” يرفعون باصابعهم للسماء…وبلا مقابلات مع كبار المسؤوليين الضيوف الذين قدموا من اميريكا ودول اوروبا، والذين تجاهلوه ورفضوا الالتقاء به او الاقتراب من مكان وجوده بالحفل الرسمي…وتجاهله الاعلامي الدولي والصحفييون الأجانب!!
7-
***- كانت زيارة البشير الاخيرة لجوبا محبطة للغاية له ولوفده الرسمي، فهم لم يجدوا الاحترام..بل الشماتة والسخرية، وليست هذه الزيارة فقط كانت محبطة، فقبل اقل من ثلاثة اسابيع مضت كان البشير في زيارة لاديس ابابا لحضور جلسات تخص الوضع في منطقة (ابيـئ) الملتهبة، وكانت وزيرة الخارجية لأميريكية حاضرة وقتها بالعاصمة الأثيوبية لنفس الغرض، ولكنها اصرت (وحلفت بدين ابوها وامها) الاتقابل البشير او تجلس معه علي طاولة المفاوضات، وتم استبداله بالنافع!!
8-
***- وفي رحلته للصين لم يقابله الرئيس الصيني بالمطار بسبب تاخير وصول طائرة البشير عن مواعيدها!!…( ولو حصل العكس وتاخرت طائرة الرئيس الصيني لمطار الخرطوم، لبقي البشير بصالة كبار الزوار بالمطار حتي ولو تأخرت 20 ساعة)!!
9-
***- وصل البشير لمطار الخرطوم سالمآ…عكس النافع علي النافع (المفلوق) بكرسـي ، واللصقه الطبية ( تقـول ياليــل)!!
10-
***- عندما زار الكرتي وزير خارجية النظام قبل ايام قليلة مضت العاصمة لندن، اجتمع هناك مع مسؤوليين كبار بالحكومة البريطانية، والذين اسـمعوه كلامآ كالسم، وافهموه صراحة ان مايجري في السودان من تصفيات عرقية وتصعيد الازمات محل ادانات بريطانية وعالمية، ولم تنجح زيارته ولا استطاع تغيير صورةالنظام!!
11-
*** لم تذكر الصحف المحلية شيئآ عن الدكتور مصطفي اسماعيل الذي كان مرافقآ للنافع الي لندن وحضر معه اللقاء باعضاء الجالية السودانية (وواقعة الكرسي)!!
ماقصرت ؟
اصلو مافي خبر عن الودالمعجزة لانو بكون تحت الكرسي لامن جدعو النافع!!ماهو زول بارده ساي ياكلوها ابات جعير وهو ينظر ويبيع في الاسمنت واكان قلبت ينفض ايدينوا ويقول كنا مادبين ماكلين وساكتين لافي العيروىالنفير!!!
يستاهلو اكتر من كدة (وزرا الغفلة)
عاد البشير بانكسار ومذلة راجعآ للخرطوم بلا علم بلده…وبلا لقب رئيس جمهورية السودان (لموحد)…
ومارفع هناك عصاه فوق الجماهير……….
ولارقص ولا "سـكسك" واهتز طربآ………..
وماسمع هتافات تؤيده او "كورس" المطبلون وهم يصيحون من خلفه "سر سر ياالبشير" يرفعون باصابعهم للسماء…………
وبلا مقابلات مع كبار المسؤوليين الضيوف الذين قدموا من اميريكا ودول اوروبا، والذين تجاهلوه ورفضوا الالتقاء به او الاقتراب من مكان وجوده بالحفل الرسمي……….
وتجاهله الاعلامي الدولي والصحفييون الأجانب!!………..
يا عينى يـــا مــســكــيــن يا عمر ………………………………
***- شكري وامتناني لسمارة وعلي وسليمان قش علي مشاركتكم المقدرة.
1-
***- لو كنت مكان البشير (واحمدالله واشكره انني ليس بمكانه) لاعتذرت عن السفر للجنوب لحضور الاحتفالات بمولد الدولة الجديدة، ولكلفت علي عثمان او من ينوب عني لحضور هذه المناسبة. لقد استغربت في سفر البشير الي جوبا وهو يعلم سلفآ كمية الاحباطات والسخريات والشماتة التي ستقابله هناك في مكان الاحتفال.
2-
***- لقد سبق للبشير ان اعتذر عن عشرات المناسبات الكبيرة وكلف اخرين من كبار المسؤوليين في نظامه والمشاركة في هذه المناسبات والمؤتمرات نيابة عنه. بل ولاننسي انه وفي سبتمبر من عام 2010 قام علي عثمان بالسفر الي نيويورك بدلآ عن البشير لحضور اجتماعات ملوك ورؤساء الدول المنضوية بالامم المتحدة وهناك القي خطاب السودان من علي منصة المنظمة الدولية.
3-
***- لو كنت مكانه، لما غادرت الخرطوم وبقيت بالقصر اتابع احتفالات الجنوب من عبر القنوات الفضائية. ماهي الفائدة التي جناها البشير من سفرته الاخيرة للدولة الجديدة?… لم يكسب اي شيئ علي الاطلاق لاعلي الصعيد الشخصي او السياسي، ماوجد هناك الا التجاهل التام من الضيوف الاجانب الكبار، ومااهتمت وسائل لاعلام به ولا بوجوده، وايضآ مااهتمت الجماهير به ولاهتف احدآ باسمه. رفض كبار الزوار الاوربيون من لقاءه وابتعدوا عنه وعن مكان وجوده وكانه مصاب بمرض "الأيـدز" ..مااقترب منه احدآ من المسؤوليين الاوروبيين باعتباره رئيسآ مطلوب القبض عليه او ميتآ… كان منسيآ بدرجة كبيرة من قبل الجميع في الجنوب (شعبآ وحكومة ومن الضيوف والزوار)!!
4-
***- لقد اساء البشير لنفسه كثيرآ بهذه الزيارة ( المنيلة بألف نيلة)، واساء لنظامه المهتري وزاده اهتراءآ. ولو طرحنا علي البشير لسؤال الذي يقول ;(ماهي الفوائد التي حققتها ياعمر البشير من زيارتك الأخيرة لجوبا?)، فلن نجد منه اي اجابة مقنعة او يذكر لنا ايجابيات الزيارة.
5-
***- لقد كان عمر البشير اتفه شخـصية حضرت مناسبة مولد الدولة الجديـدة، وزار الجنوب ورجع للخرطوم بخـفي حنين …بلا علم…ولاكرامة…ولا حتي ابتسامة علي وجهه!!
وصلتي مكالمة من أخت عزيزة تقيم في موسكو تقول فيها:
(…كل سفريات البشير في الأونة الأخيرة حصلت فيها فضائح، سافر لاثيوبيا رفضت هالري كلينتون تقابله، رجع للخرطوم وعمل جولة الشرق وماقدر يدخل حلايب، رجع للخرطوم ومنها سافر للصين لقي رئيس الجمهورية معتذر عن مقابلته بسبب تاخير طائرته التهات في الجو، سافر لجوبا مافي زول اشتغل به شغلة….
وماكده وبس، حتي زوجته اصابها النحس، سافرت للندن وهناك ناس البنوك البريطانية رفضوا يفتحوا لها حساب علي اعتبار انها جاءت بفيزا زيارة!!…
وطبعآ كلنا قرينا قصة اخو البشير القال ماعندو تمن تذكرة الطيارة للندن)!!
***- إغاظة للبشير وشــماتة فيه، ردد بعض الجنوبيون اثناء مراسم الأحتفالات بالدولة الجـديدة:
(…اليوم نرفع رأية إستقلالنا…ويسطر التاريخ مولد شعبنا …غنوا لنا…غنوا لنا ياإخوتي)!!
(…والله حكاية البشير يسيب علم بلده في الجنوب ، والنزل بمهانة شديدة من علي سارية ميدان الاحتفال بجوبا…ونزل للواطة وحل محله علم تاني وسط افراح وابتهاج الملايين من سكان الجنوب السوداني، الكلام ده ماداخل دماغي!!،
***- والله حكاية البشير واعضاء وفده يعودون للخرطوم وسابوا علم الشمال هناك مهمل بحجة ان سلفاكير عاوز يحتفظ به للذكري والتاريخ، دي فضية حقوالبرلمان لو فيه ناس بجد رجاااال يناقشوا الموضوع الفضيحة ده!!.
***- العلم الانجيزي لما نزل من علي سارية القصر الجمهوري سنة 1956، سارع الحاكم العام البريطاني وكان اسمه السير هيوم سارع بالتقاط العلم البريطاني قبل مايلمس الارض وفكاه من علي حبال السارية، وقام بعده الازهري باكمال مهمة انجاز الجزء الاخير من عملية حل العلم ثم تطبيقه بصورة تدل علي انه قد تمرن عليها مسبقآ، وسلم العلم للسير هيوم بادب واحترام بالغ، قام هيوم باستلام علم بلده وقبله طويلآ وادار ظهره لازهري والمحجوب وانصرف من امامهما ودخل القصر….
***- ولكن تعالوا واتمعنوا في هبالة وبلاده البشير ومن معه من اعضاء الوفد الشمالي. قعدو جوة المنصة الرئيسيـة في الضل ويتفرجوا علي علم بلدهم وهو ينزل ببطء لحد (مادق الدلجة)!!…
***- لاكان في واحد من ناس مراسم القصر بالخرطوم واقف تحت السارية منتظر العلم ينزل ويمسكه قبل مايصل للارض، ولا واحد من مراسم الخارجية كان كان هناك في مكان وينقذ علم بلده من المهانة والمذلة!!!
***- ناس كتار قالوا (سلفاكير اعتقل العلم الشمالي..وحيقدمه لمحاكمة رمزية بتهم الابادة والاغتصابات والحرائق والاغتيالات التي قام بها منذ عام 1972 الي يوم الانفصال)، وستكون محاكمة مبثوثة بالاقمار الصناعية للمحطات الفضائية العالمية!!….شــفتو الزول ده ذكي كيف?!!…).
ولكن تعالوا واتمعنوا في البشير ومن معه من اعضاء الوفد الشمالي. قعدو جوة المنصة الرئيسيـة في الضل ويتفرجوا علي علم بلدهم وهو ينزل ببطء لحد (مادق الدلجة)!!…
يابكرى الصايغ
البشير قايل العلم حتة دلقانة ؟
ابداً ماهنت ياسوداننا يوماً علينا ولكن الكيزان اهانوك واهانوا رمز عزتنا وفخرنا ,,, تفو تفو = تفوووووو عليكم ياتجار الدين:lool: :lool: :crazy: :crazy: :crazy: :crazy: :lool: :lool:
( ونجح الوفد الشمالي في اقناع كبار المسؤوليين الجنوبيين في الا يتم تسليم العلم الشمالي بعد انزاله لعمر البشير، وان يقوم سلفاكير بالاعلان بان الجنوب يشرفه الاحتفاظ بالعلم الشمالي وسيبقي العلم بالجنوب ومحل احترام وتقدير)
يا ود الصايغ ———– وفد شمالى شنو البيقنع ————– بنعتز بالانتماء ولو قلت العكس
صدقوني عمر البشير رفع راسنا عالياً في الجنوب ( الراجل ده شجاع شجاع شجاع ) بكل ما تحمل الكلمة من معنى .
***- ولليوم الثالث علي التوالي بعد اعلان الدولة الجديدة نجد ان المقالات بالصحف المحلية والتحليلات السياسية والتحقيقات حول هذا الحدث الكبيرة لم ترق لمستوي المناسبة الكبيرة وكلها مواضيع متشابهة ومكررة لاجديد ولاابداع فيها. واستغرب خلو الصحف المحلية من صور رصد مشاعر الشماليين والجنوبيين في الدولتين!!
***- الصحف العربية لم تعط المناسبة السودانية حقها من الأهتمام وانشغلت بموضوع سورية بالدرجة الأولي، ثم اليـمن، ومظاهرات ميدان التحرير، وليبيا، واخيرآ السودان وجمهورية السودان الجنوبي!!
***- الصفحات الرياضية استحوذت علي مساحات كبيرة بالصحف المحلية علي حساب مناسبة 9 يوليو 2011 !!
***- لااعرف ان كان احدآ من الصحفيين بالخرطوم قد سافر للدولة الجديدة وغطي احداث ظهورها، فكل مقالاتهم تدل علي انهـم كتبوها "سـماعي"…او نقلآ من المحطات الفضائية العربية!!
***- حتي الأن ماسمعنا تعليقآ من احدآ ب"الحزب الحاكم" ويعلق علي ميلاد الدولة الجديدة او يبدئ رايه الشخصي في كيف ستكون العلاقات السودانية مع الدولة الجنوبية الجديدة في ظل وجود مشاكل لم تحل بعد مثل: (الديون…ابيئ…عائدات النفط…الحـدود…الجنوبيون بالشمال والشماليون بالجنوب…وضع الطلاب الشماليين بجامعة جوبا…اتفاقية مياةالنيل)!!
وصلتني مكالمة من أخ عزيز يقيم بموسكو يقول فيها،
(…مالك نسيت ياصايغ علي النافع وانشغلت بالبشير وعلمه?…ربنا سبحانه وتعالي قال " واعط لكل حق حقه"، وزي مااديت البشير حقو من الكلام، أدي النافع حقه، الراجل المسكين ده انت اتجاهلته تمامآ زي تجاهل خلق في جوبا للبشير. وبعدين كيف ياصايغ ماتكتب عن "دقة لندن" الدخلت التاريخ من اوسع ابوابه باعتبارها اول "دقة" لمسؤول سوداني كبير برة بلده، ووين?…في عقر دار نظامه المحمي بفتوات عربية ماركة ( بلطجية من الجزائر)، وياخسارة مافي واحد صور لنا الواقعة، ويبدو ان سفير النظام في لندن عرف مسبقآ ان لقاء النافع مع اعضاء الجالية السودانية ماحيمر علي خير لذلك منع التصوير!!،
***- هذه الواقعة امتد تاثيرها سريعآ فوصلت للخرطوم واستغلها الصياغ فصاغوا انواعآ جديدة من النقوشات علي منتوجاتهم الذهبية بنوش زاهية وجميلة واطلقوا عليها "دقة لندن"، والحكاية دي بتذكرني ب(واقعة 25 يناير 2010) يوم ماقذف عادل محجوب البشير بحذاءه في قاعة الصداقة فطلع نوع جديد من الشباشب في الخرطوم واخذ اسم( شبشب عادل)…وبرضو طلع توب نسائي اسمه (اوكامبو) بعد صدور محكمة الجنايات الدولية قرارها بادانة البشير بتهم الابادة والتصفيات العرقية!!
***- بعد "واقعة لندن" اخونا النافع اهتز وانخلع وماكان ظاني انو حيجئ يوم يتهزأ بالشكل ده، وينضرب، وينكب منو دم، ويلصقو له لصقة تدل علي وصول الكرسي للهدف المرسوم، النافع ده زي وزير الداخلية المصري السابق زمن حسني مبارك، كان بعتبر نفسه ظل الله في الارض ومافيكي يادنيا الا انا، دارت الدنيا وقلب له الدهر قلب المجن وانضرب بالجزم والبيض والطماطم وفي روايات اخري بروث الحيوانات!!،
***- اخونا النافع انضرب بالكرسي لانه استفز الضيوف وافتكر انو لندن دي زي "بيوت الاشباح" يعمل ويجوط ويشم زي ماهو عاوز، لو كان احترم نفسه وبطل (صعلكة) الخرطوم ماكان لحقه الكرسي حتي ولو كان تحت حماية الجيش الجزائري كله!!
***- بعد "واقعة لندن" اخونا النافع اهتز وانخلع ولسه الخلعة ماسكاه، اصلو اول مرة يضوق المرة، وحكاية علقته خوفت باقي اعضاء المناصب الدستورية واولهم مصطفي اسماعيل!!
***- سالوا طفل في المدرسة (ماالفرق بين سورة "الكرسي"…وكرسي سفارة السودان في لندن?. فاجاب الطفل: (سورة الكرسي نزلت علي المسلميين..وكرسي السفارة نزل علي النافع)!!