مدارس الجمهورية الثانية
ساخر سبيل
مدارس الجمهورية الثانية
الفاتح يوسف جبرا
قسم الأساس
إمتحان الفترة الأولى
مادة الحساب
أجب مستعيناً بالله تعالى على جميع الأسئلة التالية مع تبيين خطوات الحل بوضوح :
السؤال الأول:
حمدان يعمل موظفاً يإحدى المصالح الحكومية مرتبه يبلغ( 500 ) ألف جنيه (بالقديم) وهو يعول أسرة مكونة من أربعة ابناء بالإضافة إلى أمهم ويسكن فى بيت إيجار فى منزل صغير بحى شعبى بأطراف المدينة بأجرة شهرية تبلغ( 250) ألف جنيه (بالقديم) أحسب كم يتبقى من مرتب حمدان الشهرى بعد خصم قيمة الإيجار
السؤال الثاني:
إذا كان حمدان يركب يوميا مواصلتين كيما يذهب لمكان عمله وكانت هاتان المواصلتان قيمة تذكرة الأولى (350) جنيه (بالقديم) والثانية ( 500 )جنيه (بالقديم) قم بحساب مجموع المبلغ الذى يدفعه حمدان للمواصلات شهريا ذهاباً وعودة ؟! مع مراعاة تقريب الناتج لأقرب عدد صحيح جبراً للخواطر.
السؤال الثالث :
كم يتبقى من راتب حمدان بعد خصم إيجار المنزل وتكلفة المواصلات الشهرية؟!
السؤال الرابع :
إذا علمت أن منزل حمدان لا يحتوى على (أى جهاز كهربائى) وعلى الرغم من ذلك فإن قيمة ما يدفعه شهريا للجمرة الخبيثه (الكهرباء) هو( 95 ) ألف جنيه (بالقديم) كما أن قيمة فاتورة المياه الشهرية هي ( 13 )ألف جنيه (بالقديم) وأن قيمة رسوم (النفايات) الشهريه هى (7 )آلاف جنيه (بالقديم) فكم يتبقى من راتب (حمدان) بعد خصم قيمة الكهرباء والمياه والنفايات؟!
السؤال الخامس :
يذهب أبناء حمدان الأربعه إلى مدارسهم (كداري) غير أن كل فرد منهم يأخذ مصروفاً مقداره( 500 )جنيه (بالقديم) يكفى لشراء عدد واحد (سندوتش) فول (غير مصلح) : أحسب قيمة ما يدفعه حمدان شهرياً مصروفاً لأبنائه مع الإنتباه لعدم حساب الجمع والعطلات الرسمية ثم أخصم المبلغ مما تبقى له من مرتبه .
ملحوظة :
تم إعفاء أبناء (حمدان) من (الرسوم الدراسية الإجبارية) بعد ما قام بإستخراج (شهادة فقر ومسغبة) من اللجنة الشعبية .
السؤال السادس :
لحسن حظ حمدان فجميع أفراد أسرته (نباتيون) لا يأكلون اللحوم بأنواعها ولا (الأجبان) ولا يشربون (الألبان) ويحبون الفول (بالزيت) فقط (حباً جما) لدرجه أنهم يتناولونه فى الثلاث وجبات فى شكل سندوتش (عيشة واحدة) في كل وجبة فإذا كانت تكلفة السندوتش الواحد( 450 ) جنيه(بالقديم) أحسب قيمة سندوتشات (الوجبات) الشهرية ثم أخصم المبلغ مما تبقى له من مرتبه (إن كان هنالك بقية).
تنبيه :
حتى لا تخطئ فتفقد درجات السؤال قم بخصم وجبات فطور (الأولاد) ? ما عدا الجمع والعطلات الرسمية ? مع إضافة مبلغ (ألف جنيه يوميا) بالقديم هى قيمة فطور حمدان بالمصلحة.
السؤال السابع :
لدى جميع أفراد أسرة حمدان ( لحسن الحظ و لسوءه فى آن واحد!!) مرض وراثي باللثة يمنعهم من إستعمال أى نوع من (معجون الأسنان) لذلك فهم يستخدمون (المسواك) فإذا كان كل فرد منهم يستهلك مسواكا واحدا فى الأسبوع وكانت قيمة (كل 3 مساويك) تساوى( 1000) جنيه (بالقديم) أحسب إجمالى قيمة المساويك المستهلكة شهرياً ثم أخصم المبلغ مما تبقى من مرتب حمدان (إن كانت هنالك بقية).
السؤال الثامن :
لا يقوم أفراد أسرة حمدان (بكي ملابسهم) بل يكتفون بغسلها فقط ويستخدمون (صابون الغسيل) لغسيل الملابس و(الإستحمام معاً) بواقع (لوح صابون) لكل فرد أسبوعياً فإذا كان كل (5) ألواح صابون بـ (2250) جنيه بالقديم أحسب إجمالى قيمة (الصابون) المستهلك شهرياً ثم أخصم المبلغ مما تبقى من مرتب حمدان (إن كانت هنالك بقية).
السؤال التاسع :
لا يتناول افراد اسرة حمدان (الشاي) بل يكتفي كل فرد منهم بعدد (2) ملعقة سكر صغيرة فقط فى اليوم (مذابة في الماء) فإذا كانت معلقة السكر الصغيرة الواحدة تحتوى على (5) جرامات من السكر أحسب كم جراماً من السكر تستهلكه أسرة حمدان شهرياً ثم أخصم القيمة الإجمالية مما تبقى من مرتب حمدان (إن كانت هنالك بقية) علماً بان سعر رطل السكر هو (1000) جنيه بالقديم وأن الرطل يساوي( 454.5) جرام.
السؤال العاشر:
إذا كان منزل حمدان يتكون من غرفتين ومطبخ ودورة مياه ,فكم شخصاً ينام في كل غرفة علماً بأنه لا يمكن لأحد أن ينام في الحوش نسبة لجحافل جيوش البعوض وعدم وجود ميزانية للعلاج ؟!
السؤال الأخير:
هل تستطيع أن تحسب المتبقي من راتب حمدان للشهر بعد القادم بعد سداد الديون المستحقة لهذا الشهر والشهر الذى يليه إذا أمد الله فى عمره ولم يمت بفقر الدم أو تطاله كشوفات (الاستغناء عن الوظيفه) والشنو ما بعرفو داك !! علماً بأن هذا الإختبار قد خلا من أشياء أساسية كثيرة كالعلاج والدواء و(الكساء) و(المواجبات) و(الحياة نفسها)!!! !!
سؤال اختياري (خمس درجات إضافية) :
أ- هل لديك أى إقتراح يقلل من منصرفات حمدان بحذف بعض البنود (البذخية) !!
ب- هل من نصيحة توجهها لحمدان ؟؟!!
كسرة :
هذا الإمتحان تم وضعه قبل سنوات نعيده اليوم وقد تضاعفت أسعار السلع بينما مرتب حمدان في (بكانو) لم تطرأ عليه أى زيادات !!
الراي العام
الحـــــــــــــــــل
على الاخ حمدان ان يحضر كمية من صبغة الشعر الحجرية ماركة ودع اهلك ويدوبها في جك ويجيب كبايات بي عدد افراد اسرتو الكريمة وياجرو امجاد توديهم القصر ويستقبلو القصر وحمدان يعلن واحد ..اتنين … تلاتة ويشربو في صحة الحكومة الجديدة .
ونرتاح من امتحانات جبرة المعجزة دي وكده
:mad:
هذا الامتحان التقشفي يجب أن يقدم للجيش الجرار من المستشارين و المتفيقهين و النائمين و هلم جرا …بس يحلوا اسئلة الامتحان ده بأمااااااااااانة.
تتوقع النتيجة شنو؟
بدون تعليق
لك التحية استاذ جبرا- بالنسبة لحمدان هنالك صرف بزخى خصوصا فى معلقتى السكر التى يتناولها يوميا كل فرد اما يكفى ان تكون معلقة كل اسبوع ويرحل فايض السكر الى ارباح الشهر
يوجد خطأ يا أستاذ :
أين قيمة الإعانة الشهرية المدفوعة له من منظمة (الله كريم) ؟
حمدان قوم جيب شاي
النصيحة التى أوجهها للأخ حمدان ( أتوكل على الله وأشتغل رقاصة …يللا)
السؤال قبل الاخير:
حمدان الجن ده ما بياكل اصلوا هو ومرتوا ..لاني شايفك نسيت \\\\\\\\\\"قفةالملاح \\\\\\\\\\" اسمها حق زمان يا جبرا…
على كل الحمادين ((جمع حمدان)) الدعاء للوالي الذي لايظلم عنده أحد بطول العمر وسعادة الكبر .. ولا نامت أعين الجبناء
اقترح عليه أن يضرب تلفون لضار علي ضار عسي أن ينفعة
والله هذا ليس حال حمدان وحده بل الغالبية من ابناء السودان الكادحين
واهديه قصيدة بلادي للشاعر اسماعيل حسن
بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره
وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
لو ما جيت من زي ديل..
كان ،أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟
والله رسالة اوجهها الى عمر البشير وكل حكومة السودان ان يحل هذا الامتحان ويجلس لوحده مع نفسه ومع الله ليفكر جادا ليواصل او يترجل من هذه الحكومة
يا مثبت العقل والدين ثبت عقلي علي دينك
يتوكل علي الله ويسكن في مزرعة نافع ومايطلع نهائيا الي يكتلوه ويودوا الاولاد المايقوما
حمدان السجم ده الجابو من بلدو شنو؟ ولكن أم العيال دي بعاتية والله شنو ما بتاكل والله مملحة على طول مع الجيران ، وطبعاً حمدان ده بيحكي حال كل الشعب السوداني وكل الشعب السوداني راتبه مثل حمدان ونفس معاناة حمدان بس لو إستبدلته بمحمد أحمد كان أحسن.
هذا الامتحان يحول الي الرئس البشير للاجابه والا فليتنحا و كده …
ياخي قبل ما اكمل مقالك لنهايتو واحل الامتحان
تعال هنا انت بقيت زي الجماعه وما جايب خبر سندوتش الفول بقى بي كم ؟؟؟.. شنو شابكنا اذا كان سندوتش الفول 500 جنيه وكمان بتكرر فيها …. السندوتش 1500 جنيه يا جبرا
انرجع نكمل باقي المقال
ويشتري الصبغة ازاي
والله يا جبرا ، انا مهندس وكنت شاطر في الحساب ،لكن اقول ليك دة اصعب امتحات رياضيات يمر علي ………………..
ملحوظة :من طريقة الامتحان دي ،عندك مؤهلات كبيرة في التدريس .ممكن يكوم مصدر دخل إضافي لأسرتك…….
يا أخى الإمتحان دا بصراحه صعب زى الزمن دا !!!!!………….لو ممكن حأجاوب بس على السؤال ب من الإختيارى ………..انصح حمدان المكلوم أن يمشى لمنزل ……… داك و توش لأودة النوم عدل و فى الدولاب ………….حيلقى الفيهو النصيب !!!!!!!!!!!!!!
الحل النموذجي:
يبقي حمدان متمرد كبير ….. يرجع يفاوض….. يصبح مساعد او وزير .
ويبقي السؤال:
كم عدد من هم حمدان ؟؟؟؟؟؟
250000 18700 115000 44000 162000 8000 10800 4000=612500
حتى لو عاش حمدان ومرتو واولاده تحت تحت تحت تحت خط الفقر او كما وصفهم استاذ جبره برضو خيكون مديون وحيكون عندو عجز شهري 20%
:mad: اااااااااااخ منكم
لك الله يا حمدان
لو حمدان دا للآن عائيش استحق المسائلة القانونية المعيشك لي اسي شنو الزييك رفعوا الراية زمان وشافوا الآخرة .. انت بني آدم ولا حاجة ثانية خلي عندك شوية دم فالحياة ما للمثلك فبدل تشمت فينا البسوى والما بسوى كان تدفن نفسك وانت حي كان احسن ليك ولينا من الفضائح البطلعوا فيها ناس جبرا واخوانوا … كسرة يا ابوعلي : اكيد حمدان دا لو لي الآن عائيش اكون الشخص اللاقيتو انت قبل ايام ببيع في الادوية العجيبة الحبة الواحدة منهم تفكك من مائة بلوى .. على العموم كان ما ياهو بتاع الادوية اياها انصحوا بيها شغلة فيها خم ومافيها لا رغيب ولا حسيب .:lool: :lool: :lool: :lool: :lool:
يا استاذ جبرا لازم زوجة حمدان تشتغل ست شاي وبعدين اخصم منها حق المحلية والكشة وأمن المجتمع والمصيبة لو طلعت شينه ما حتلقى زبائن يتلموا حولها فى العصير كما يتجمعون حول الحبشيات شعب متخلف مفروض يساندوا بت البلد ويراعوا ظروفها بدلا من التسكع حول واردات أريتريا والحبشة تستاهلوا يا وسخانين يا عديمى الوطنية ..
ياجبرا اكتب لينا عن شراب عبدالرحمن الصادق المهدى مساعد الرئيس اللونه لبنى غامق مطقمه مع لون القميص فى اول ظهور ليهو مع السفير البريطانى وكمان مفشق رجلينه – الشراب بيكون مع لون الجزمه او البنطلون عامل ماتشنق مش مع القميص شرتا عينا ياود الصادق-
الحل عندي يا جبوري :
على المتوكل بالله حمدان أخذ أسرته والذهاب لأقرب سجن مركزي ويسكن وياكل ويتعالج ببلااااااااااااااااش هو وأولاده .;( ;( ;( ;( ;(
وين الغاز؟ ووين الصابون ؟غسيل وبودرة وحمام—ووين حق الرصيد —انت الحاجات النسيتا 500 فى اتنين مابتجيبا —الله غالب السودان بقى طاااااااااااااااارد
حمدان يتكل علي الله ويشتغل رقاصة !!!!!!!1
حمدان فوت عليه فرصة كبيرة في الالتحاق بتشكيلة حكومة الانقاذ الجديدة – لكن لا زالت لديه فرصة في ان يحفر دورة مياة يسميها (زنقة …زنقة )ويفرض رسوم على المزنوقين – لكن المزنوقين درجات الله لا يجعلك منهم ياود جبرا
الاستاذ جبرى مشكور في تناولك للقضايا بالشكل اليمكن السواد الاعظم فهمه ولعلها هي مشكلة 90في المئه من بلادي اتمنى ان نستفيد من هذا الكتابات وليتزكر سياسي بلادي كيف كان قدوتنا في ديننا الحنيف عمر بن الخطاب وللتفكر اكثر في عام الرماد ولعل حال حمدا هو الرماد بعينه وهو حال السواد الاعظم من بلادي
كلنا حمدان ربنا الله اكبر اله اكبر
اقترح لي حمدان ان يسقي الاولاد سم ويتخلص منهم واياك ان تشرب السم يا حمدان لانك مصدر الدخل الوحيد وبالتالي يكون تخلص من الاولاد احد البنود (البذخيه) …. نصيحه لحمدان الجنه ام نعيم الا وراء القبر وحقك تحرس ما بجيك, حقك تقاوي وتقلعوا, وتش عينين الضلال قبال يمد لك اصبع?
وكده..يعني شنو.؟ يا القبطان..
الحل الوحيد انو حمدان دة يبقى معتمد و لة و زير دولة و لة مستشار و لة مساعد يااااي حتى و لو لمدة شهر واحد عشان يصلح حاله باقى العمر كله:mad: :mad: :mad: :mad: :mad: و يطلع فوق فوق سودانا فوق و يبقى من الزوات و اهل الحسب و النسب و ينسى الماضى و ايام الفلس و دة كله فى شهر وااااحد بس
لا
الله يعين الكادح حمدان . بيكدح حمدان بلا اجر ومباري التعب البلا صالح.حمدان يا جماعة لو بقى حاوي ما حيعيش بالراتب دا. احسن حاجة يسويها حمدان انو يموت. وكم من حمدان في بلدنا السودان. ;(
الشعب السوداني كله اصبح حمدان الله يكون في العون
قال تغشف قال,,,, التغشف اليطلعك من البلد دي
يا جبرا حمدان بتاعك ده يستاهل يكون مقشط أكتر من كده، وكمان يستاهل يشيلو للصالح العام إذا كان شغال للآن ، حتى لو مافي شيل للصالح العام اليومين ديل، قول لي، ليه؟
أقول ليك ليه، ياخي ده يفطر في المصلحة بألف جنيه ويفطر أولادو الواحد ب 500 جنيه، وهو زاتو الفاطر ليها شنو؟