الشايب: أي نائب يسافر مع بعثة الحج الرسمية لا يمثل البرلمان
البرلمان: سارة تاج السر
شدد رئيس لجنة الشئون الاجتماعية بالمجلس الوطني محمد حامد الشايب، على ان اي نائب يسافر مع بعثة الحج الرسمية، لا يمثل البرلمان، وان المجلس الوطني غير معني به ولا يمثله، في وقت لم يستبعد مدير ادارة الحج والعمرة المطيع محمد احمد ان تتضمن قوائم مرشدي البعثة اعضاء من البرلمان، ولكنه نفى بشدة سفر اي نائب على نفقة الدولة.
وقال المطيع (قد يكون في مرشدين برلمانيين لكن ما شلنا زول لانو برلماني وقلنا ليه اشتغل في الارشاد بحكم وظيفتك في البرلمان)، بينما اعتبر الشايب ان سفر اعضاء البرلمان كمرشدين في البعثة لايمثل خرقاً للوائح المجلس الوطني لأن العضو غير مطالب بتقرير رقابي، وقال (اي نائب سافر، اللجنة غير معنية به وهو لايمثلها).
وأقر الشايب بوجود خلل في القرارات الادارية لعدم وجود قانون ولوائح تنظم عمل الحج والعمرة، ولفت الى ان لجنته ستودع مسودة القانون منضدة البرلمان في دورته المقررة في اكتوبر المقبل.
وكشف الشايب عن الزام وكالات السفر بإبرام عقود مع الحجاج بكافة الخدمات، وقال (العقد بمثابة حجة للتقاضي في حال اخلالهم ببنوده، وتوعد بمعاقبة اصحاب الوكالات المخالفين).
وقال رئيس لجنة الشؤون الاجتماعية بالبرلمان في تصريحات محدودة امس، ان الاجراءات والتدابير الخاصة بالحج تسير بصورة طيبة رغم تأخر بنك السودان في تحويل المبالغ الخاصة بالحجاج، ونوه الى تسمية اعضاء اللجنة الرقابية على بعثة الحج بعد لقاء مع رئيس البرلمان ابراهيم احمد عمر الايام المقبلة وفقاً للوائح التي تحكم ذلك.
من جانبه اكد المطيع محمد احمد اكتمال تحويلات الحجيج البالغة 170 مليون ريال للمملكة العربية السعودية، واشار لتفويج 8 آلاف حاج الى المدينة المنورة، واوضح ان التفويج البحري سيبدأ اعتباراً من الاول من ذي الحجة.
الجريدة
الحج بقى زى بص السيرة ما عارفين الراكب منو و اهل العريس منو . انا مستغرب الحج عبادة و لا فى حاجات تانية فى لبع و نحن ما عارفين.
نسأل الله ألا يتقبله من أي مسئول أو برلماني سواء حاج بفلوسه أم بفلوس الشعب , الناس غرقانه وناس ماشه الحج لو كان هناك شخص عاقل كان شال فلوس الحجاج ونفع بهم من تهدمت بيوتهم ومواساة من فقد روح إنسان لديه. ياخ لعنة الله علي البشير وعلي من يؤيده ولعنة الله علي كل البرلمانيين ولعنة الله علي مدير الحج والعمرة.
كدا فهمونا الناس دى ماشا الحج لى شنو..عشان يجيبو نزلة اسيوية و لا لى الله..لو لوجه الله فنطمنكم شوف شغلة تانى اما لو لزوم نزهة فحتجيبو امراض دا لو ما هلكت فى احدى كوارث الحج و الاحسن تشوفو ليكم رحلة لى تايلند و تلقوا شوية مساج و استجمام و امكن حاجات تانية حاميانى ..الناس حتى الجير الكان بعملو فى الباب حجا مبرورا و سعيا مشكورا خلوهو عشان فهم الدين ارتفع لديها ..
الحج بقى زى بص السيرة ما عارفين الراكب منو و اهل العريس منو . انا مستغرب الحج عبادة و لا فى حاجات تانية فى لبع و نحن ما عارفين.
نسأل الله ألا يتقبله من أي مسئول أو برلماني سواء حاج بفلوسه أم بفلوس الشعب , الناس غرقانه وناس ماشه الحج لو كان هناك شخص عاقل كان شال فلوس الحجاج ونفع بهم من تهدمت بيوتهم ومواساة من فقد روح إنسان لديه. ياخ لعنة الله علي البشير وعلي من يؤيده ولعنة الله علي كل البرلمانيين ولعنة الله علي مدير الحج والعمرة.
كدا فهمونا الناس دى ماشا الحج لى شنو..عشان يجيبو نزلة اسيوية و لا لى الله..لو لوجه الله فنطمنكم شوف شغلة تانى اما لو لزوم نزهة فحتجيبو امراض دا لو ما هلكت فى احدى كوارث الحج و الاحسن تشوفو ليكم رحلة لى تايلند و تلقوا شوية مساج و استجمام و امكن حاجات تانية حاميانى ..الناس حتى الجير الكان بعملو فى الباب حجا مبرورا و سعيا مشكورا خلوهو عشان فهم الدين ارتفع لديها ..