كشف وزيرالتجارة والتموين علي جدو آدم عن ضوابط وشروط مرحلية للإستثناء الممنوح للمغتربين فيما يخص السيارات الصغيرة – الصوالين والبكاسي، عند العودة النهائية، تشمل عدم تحويل ملكية السيارات الا بعد ثلاثة سنوات وان يكون موديل السيارة ثلاثة سنوات.
وقال في تصريح ( لسونا) إن الضوابط والشروط تشمل ايضا تحويل المغتربين مبالغ بالبنوك السودانية بالعملات الحرة مع الإلتزام بدفع الضرائب.
واضاف ان هنالك معالجات تتعلق بالسيارات التي بدأت فيها اجراءات الشحن والاجراء في هيئة الجمارك والمغتربين وذكر ان القرار تم عقب التشاور والتنسيق مع قطاع التنمية الاقتصادية بمجلس الوزارء مؤكدا على مساهمة شريحة المغتربين في الاقتصاد القومي.
واوضح ان القرار جاء في إطار ترشيد استيراد السلع الكمالية على رأسها السيارات لثأثيرها المباشر على سوق العملات الحرة مع إيقاف استيراد السلع غير الضرورية منها الكريمات وادوات التجميل وانواع من الفواكه والسيراميك والبورسلين وذلك لفترة مرحلية لحين استقرار العملات الحرة وحتى لا يكون مخالفا لشروط التجارة الدولية.
وقال إنه غير مسموح بالتخليص التجاري للأشخاص والأفراد الذين لا يحملون سجل المصدرين والمستوردين ولا يستوفون الإجراءات المتعلقة بالتحويلات المصرفية.
وأعرب عن أمله لتعاون هيئة الجمارك والموانئ البحرية والمطارات لتفادي الاستيراد للأشخاص والأفراد.
وأكد على عدم تراجع الوزارة عن القرار رقم( 57) الذي صدر مؤخرا والخاص باستيراد السيارات الصغيرة بواسطة الوكلاء المعتمدين لدى الوزارة.
جميل هل تمت مناقشة القرار مع رئيس شؤون المغتربين والمغتربين أنفسهم الذين يمثلون أصحاب المصلحة والضرر في تنفيذ القرارات دون دراسة كل الجوانب المترتبة على القرار !!!! كانك تتفضل على المغتربين بمنحهم إكرامية من عندك وليست الدولة الهزيلة المغيبة وتتعامل مع القرار أنك صاحب الحل والعقد … القرار الآن بيد المغتربين ولست انت أو رئيس المغتربين وهذه حقوق على المغترب إنتزاعها بالقوة ولا منة من أحد فانتبه مغترب اليوم ليس كمغترب الامس والمؤمن لايلدغ من حجر مرتين ؟؟؟؟!!!!!!!!!!!!!!!!!
دى مساعدى حل ماينفع بعد زيارته الى ابو حمامه قال شهرى مليو ……….. ديا مضيعه زمن الكيزان ارازل قوم وحراميه وديل حياره وسكارى … الوحد قاعد فى الكرسى وغالبوا البسويه … والناس حالها فى الواطا
يا على جدو عصرت علينا شديد كمغتربين
كما ان المغتربين ليس لها تاثير كبيعلى سوق العملات لان عملتها اصلا تمن خارج البلد
هذا الوزير قصير النظر… واحد مغترب ترك سيارة موديل ٥ سنوات في السعودية وعمل خروج نهائي ومشى دفع كل الضرائب وعمل خطاب الاستثناء والشحن وأرسل للسعودية علشان تسليم اللوحات وتصدير السيارة.. يطلع قرار ممنوع اي موديل قبل ٣ سنة ولازم تحويل عملة صعبة وهو المسكين رجع نهائي وما عنده عملة صعبة قروش بسيطة بالعملة السودانية… ويقول ليك الدولة تدعم المغترب… والله مما بدأ الاغتراب ما في حاجة جات في صالح المغترب.. ونقول للوزير دا حسبي الله ونعم الوكيل.. أسأل الله أن يرينا قوته فيك ويعذبك بي مرض عضال في الدنيا قبل الآخرة بقدر ما سببته من أذى للمغتربين
شوف الوهم وزير المخانثة ده بقول شنو
اقتباس
((وقال في تصريح ( لسونا) إن الضوابط والشروط تشمل ايضا تحويل المغتربين مبالغ بالبنوك السودانية بالعملات الحرة مع(( الإلتزام بدفع الضرائب.))
تضربك صاقعة ياوزير المخاسسة والمخلصصة والغفلة….المغترب الضرائب بدفعها على دائر المليم،المغترب برسل فلوس العلاج والتعليم …
لكن اقول يستااااهل المغتربين؟؟! الا اذا امتنعواااا عن ارسال اى عملة حرة وفى ستين الف داهية استيراد او اقتناء سيارة……
الزريبة السودانية حقل تجارب منذ عشرات السنيين والمغترب اهم نوعية فئران التجارب
اصحى يامغترب ولو عندك ماتدفع الا بالجنيه
انتو .. لما كنتو .. مغتربين .. امنياتكم .. و امالكم .. كانت شنو ؟؟
** المفروض .. الحوافز ..و هي اصلا تشحيعية .. ان تكون بالنسبة .. و ليس بالكمية .. يعني .. نسبة الاعفاء .. تكون ثابتة… 10% .. 15% .. 25% .. مايتفق عليه .. و بهذا .. الحشاش .. يملأ شبكتو .. حولت 1000 دولار .. ليك النسبة المتفق عليها ×.1000 دولار .. واذا .. حولت 50000 الف دولار .. ليك نسبة 50000 دولار × النسبة المتفق عليها .. وبذلك يكون كل فام بالتحويل .. جاتو ..نسبتو .. في الاعفاء .. مما استطاع تحويله .. و بهذا تكون كل الشرائح .. قد استفادت من ميزة الاعفاء .. حسب نسبة.. التحويل ..و بذلك ينتفي .. الظلم .. الواقع علي الشرايح .. الضعيفة ..الشخص الحول كبير ممكن .. يدخل ..سيارة
بي .. ميزة الاعفا .. و الشخص الحول .. مبلغ .. صغير .. ممكن يدخل .. تلاجة .. تلفزيون .. معلقة .. سكين .. المهم .. ما يطلع .. ملوص .
** الشزايح الضعيفة .. لا .. تستهونوها .. صحيح تحويلاتهم .. بسيطة ( المصاريف. ) .. و لكنهم .. هم الاغلبية الساحقة .. الان .. و لي بكره .
** خلوا بالكم .. لا .. تفقدوهم .. لانهم .. هم .. الذين بأيديهم .. الضبة .. و المفتاح .. حق سوق الدولار .. الاسود .. في .. السوق العربي في الخرطوم .. ومدن الولايات .
والله قرارات زي لعب الاطفال الواحد يزعل يشيل الكورة ويقوم جاري عشان الكورة حقته
الحكومة قرارها السابق لجذب مدخرات المغتربين لم يجف حبره اذا به يلغي بقرار مضاد
نحن عاوزين نعرف مين صاحب القرارات المرتجلة دا قبح الله امثالكم
ضوابط لإستثناء الممنوح للمغتربين فيما يخص السيارات الصغيرة عند العودة النهائية
1/عدم تحويل ملكية السيارات الا بعد ثلاثة سنوات – هذه لا غبار عليها .
2/وان يكون موديل السيارة ثلاثة سنوات رد : (بدل التكلفة الكبيرة لموديل ال 3 سنوات حيشتروا من السودان)
موديل الخمسة سنوات بيكون نصف سعر الثلاثة سنوات في السوق السعودي مما يتيح للمغترب استثمار الفرق داخل السودان .
3/تحويل المغتربين مبالغ بالبنوك السودانية بالعملات الحرة رد : ( البحول عشان السيارة عند العودة يكون مغفل نافع)
4/مع الإلتزام بدفع الضرائب رد : ( في المشمش، وبالدارجي الفصيح ببح فالشعور بعدم العدالة يولد عدم الالتزام)
تماااااااااااااااااااام
كفيت ووفيت
زير فاشل فاشل ماعندو خبرة اطلع بره منها وكلاء السيارات ياتجارة ونحن ما دخلنا منظمة التجارة الدولية ظلمت المغترب ؟
خلص المغتربون من تسلط الكيزان اتاهم من هو العن منهم وزير تجارة فاشل لا ترجو من وراه خير لاهو ولا من عينه هؤلاء شوية دهماء سطوا على البلاد على غفلة من الثوار ربنا يخلصنا منهم .
طيب انتو خلصتو وما زلتوا تخلصوا مئات الالاف من سيارات بوكو حرام ليه.. كل يومين فاتحين ليهم الجمارك، هل جماعة بوكو قاعدين يلتزموا بالموديل ؟ هل قاعدين يدفعوا ضرايب، هل ملزمنهم يعطوكم نسبة من العملة الصعبة الاشتروا بها العربات؟
ما هذا الظلم والاجحاف والاشتراطات التعجيزية؟
يجب اقالة هذا المعتوة
الظاهر نفس نهج الكيزان مستمر بل اسوأ ،،
ما هو دور ادارة شئؤون المغتربين ؟؟ يبدو انه منصب تشريفي بدون اي دور فعال ،،
هل يعلم وزير التجارة وبقية الحكومة المتهالكة ان قرار منع استيراد السيارات وتحديد الموديل اتى من وزير كوز وبحليفة طلاق ؟؟ وقال بالحرف الواحد (علي الطلاق تاني مافي مغترب يدخل عربية) ،، ومن ديك وعييييك ،،،
والان وزراء الغفلة يمشون بسياسة علي الطلاق ،، عشان ما يكسروا طلاق الوزير الكوز !!!!
بعدين ياتو حوافز دي ؟؟؟؟
عاوزين المغترب تاني يحول ليكم عملة صعبة ؟؟
بعد ما سمحتوا لقرابة المليون عربة من بوكو حرام بعمل اجراءات الجمارك دون الزامهم بموديل ؟؟
واغلبهم تجار وليسوا مغتربين ،،
اين العدالة !!!
ومنتظرين المغترب يحول ليكم تاني ؟؟؟
ومكين دا جابوهو فزعة بقى وجعة ،، استفاد لي نفسه ،،
والمفروض يتم اغلاق شئؤون المغتربين ،، لانه لا يفيد المغتربين بل يضرهم من كل النواحي ،،
من الان فصاعدا ساقوم بتحويل اموالي عن طريق التجار ولن احول اي مبلغ عن طريق البنك اطلاقا ،، وانا متاكد ان جميع المغتربين سينتهجون نفس النهج ،،
تبا لكم و لمكين معكم
قرفتونا بي موضوع السيارة شروط الممانع الرافض المعجز الماعايز يصرح بالرفض خلاص ما عايزين متشكرين علي العطاء .