الخرطوم: أفراح تاج الختم
أعرب وكيل أول وزارة الحكم الاتحادي، دكتور محمد صالح يس، عن مخاوف من أن يؤدي تأخر إجراء التعداد السكاني والترتيبات الأمنية لتمديد الفترة الانتقالية. وأكد صالح أن التعداد السكاني مرتبط بعودة النازحين واللاجئين وبتقسيم الثروة والدوائر الانتخابية والأنصبة في المجالس التشريعية القومية.
وأعلن صالح، في حوار مع (اليوم التالي)- ينشر بالداخل، صدور قرار وزاري بتكوين لجنة لمراجعة الصناديق والمفوضيات والمجالس في المناطق المتأثرة بالحرب، بجانب تقديمهم مقترحاً لمشروع قانون للإدارات الأهلية، وأكد حرصهم على عدم قيام إقليم مبني على أثنية محددة، وقال (السودان لايقبل التقسيم القبلي والإثني) وأشار إلى وجود مشاريع مع البنك الدولي ووكالة التنمية الدولية تقدر قيمتها بـ (200) مليون دولار تتمثل في مشروعات سبل كسب العيش المستدامة لكافة ولايات السودان
لا لتمديد الفترة الانتقالية لاى سبب أن كان .
المواطن البسيط ما شغال بالانتخابات من اساسو ..ولن يصوت في الانتخابات..الناس دايرة تشوف انفراج الأزمات….جاز..غاز..مواصلات..خبز..موية.. كهرباء..نفايات..دواء..رعاية صحية..استقرار التعليم..استتباب الأمن.. استقرار المواسم الزراعية..استقرار الأسعار. ….دي الحقيقة ..رضينا ام أبينا.. ماف زول مهتم بالانتخابات طالما رئيس الوزراء..الحاكم الفعلي والتنفيذي..شخصية مدنية.. ..يعني ماف خوف من الاعتقالات والكبت والضرب..والقتل ..وتكميم الصحافة بتاع العسكر…عشان كدا ..اظن الناس القاعدة في الحكم الان ..فهموا اللعبة….وعارفين اصلا ماف مسيرة حتطلع تطالب بالانتخابات….وعلى الاساس دا شغالين جرجرة…تشريعي بدل يتكون في3شهور…مرت3سنوات..ولسه…..واصلا بدون تعداد سكاني ماف انتخابات…وماف تعداد حيتم دون عودة النازحين…والجرجرة حاصلة وحتستمر..والقاعدين ديل بقوا خبرة…3سنة ..وتعلموا فيها الكتير..من فنون الحكم واللف والدوران….واهمهما الجرجرة.
ابدا دا تمديد لاستيطان الوافدين رسميا في السودان وتمرير الرقم الوطني الي أن يحين موعد الانتخابات وهكذا برنامج النخب منذ الاستعمار