وكيل معندوووش ملف

يا جبرا ،،،
كلامك ده كلو خليتو ،، بس انا ،، ماسك في حتة الحافز دي ،،
ستة وعشريف الف حافز ،،، يعني بالقديم ستة وعشرين مليون
ااااي والله ستة وعشرين مليون جنيه ،، حافز شهري ،،،
دي كيفنها عاد ،،،
والله قدر ،، ما جبتها ،، ووديتها ،،،
ابت تخش في راسي تب ،،،
لكن حكمة الله ،،
اي شيء في عهد الحكومة الرسالية ،، جايز ،، وقادر الله ،،،
وده حالتو معندوش ملف ،،،
طيب لو كان عندو ملف ،،، حافزو كان حيكون كم ،،،

( سؤال غير بريء)
طيب ثلاثي الوزارء ديل حافزم ،، كمهو ؟؟؟؟ .

ابداع فى بلد سقط المتاع

يمين ضحكت على ( توالى خيباتهم ) لمن اتفنقلت على قفاى

شرشحهم

حاجة واحدة محيراني

الاسمو البشير دا بيقرأ الكلام المكتوب دا واللا الجماعة عمالين عليهو تعتيم وموجهنو بالرموت كنترول (جماعة المؤتمر العفني) يعني خاتين ليهو برنامج بكرة عندك كدا وعندك كدا وكدا وعندك لقاء جماهيري وين ما بعرف ويرسلوا جماعتهم المنافقين يهللوا ويكبروا وين مامشى يسافروا قدامو ويجي بيته هلكان يرقد ينوم

معقولة للان الزول دا ما عارف حجم الفساد دا ؟

حكومته دي 99.9% فاااااااسد
وهو ما عارف ؟

يعني تيس فعلاً للصوص المؤتمر العفني ؟

الموتمر الوثني عبارة عن عصابة لكن هو ليس عصابة قوية بل عصابة اضعف ممانتخيل وما غزو امدرمان ببعيد ولكن احزابنا اضعف من الضعف بعدين هي ذاتا احزاب رجل جوة ورجل برة يعني نحن عشان نتعافي لابد من كنس الموووتمر الوثني والسيدين والترابي

هكذا الحكومة في بلدي حينما يقع إحداهما يريد ان يضاري ذلك الوجه الحُسن لانه يدري ماخلف ذلك الوجه توجد معالم سيئة لذلك إذا لم يكن كلهم من اهل النصب فنصفهم لذلك هذه الوزيرة ماهي الي واحدة من تلك العصابة وهنالك احتمالان بأن تستمر وإما ان يعاد تدويرها في منصب اخر عاد دي حكومة الانقاذ معليش حكومة النسوان اكيد صاحبنا جابو بي واصطا كبيرة عشان كده نسو يفتحو لي ملف يأستاذ جبرة وخلي الطبق مقطه

اوعك يا استاذ جبرا تكون صدقت توجيهات الرئيس ؟ لوانا ماشايف صلعتك في الصور كنت قلت لك انت عندك قنبور؟

طيب ما خلاص البقى بقى يعملو ليه ملف ويدخلو مع الملفات ويكون وكيل وزارة بدل ما يجيبو زول اخر لانو عمل خبرة كويسة في المجال ده – غاااااااااااايتو الله يصبرنا بس

الحكمة ماهياش فى الملف
الحمة فى اجادة السف
واحد بسف ليهو 14 سنة وما انكشف ده معناه مستوى عالى ومهارة نادرة يجب على مازدا الاستعانة به فى مكان واحد من العنقالة الكل يوم مخبتين اربعة اربعة ديل

أحد جماعة الدعوة ابو جلابية قصيرة ولحية تكنس شارع الجمهورية وغرة أكس لارج تم إيفاده للسويد للقيام بالدعوة ؟؟؟ وصل هنك وإنبهر من الحضارة والنظافة والخدامات الراقية والإقامة الطيبة وإستمتع بالمؤكولات واللحوم بأصنافها رجع لجماعته ليسألوه : إن شاء الله تكون قضيت مهمتك بنجاح ؟؟؟ أجابهم والله يأ مولانا الجماعه السويديين ديل ما جايبين خبر ؟؟؟ فيا إستاذ جبرة إنك وطني مصادم وشجاع تطرق مواضيع جادة وفي الصميم لكن جماعة ريسنا الأسد النتر ما جايبين ليك خبر ؟؟؟ والثورة في الطريق ؟؟؟

اخى الفاتح التحيه والود والله انها مهزله ان تكون وزاره وفيها 3 وزراء وموظف يزور خطاب تعيين ويصرف حافز وراتب شهرى دون ان يقول له احد الوزراء يازول انت جيت من وين – تانى الوزيره دى وهى على راس الوزاره اين كانت وهذه البلاوى المتلتله دى بتحصل امام عينيها – الزوله دى قالت الفساد مستشرى وهى لديها الادله اذن هنالك مفسدون معروفون بالاسم واكلوا مال الشعب المغلوب على امره يعنى قضيه جاهزه لاتحتاج الى محامين انما تحتاج الى قاضى ينتدب من الصين- والحمدلله الذى لايحمد سواه- انها ومجموعتهاليست وزيرة الماليه او وزارة الاستثمار – اعتقد ان القضيه اكبر من هيثرو لك الله ياوطنى

للأسف بأن هذه الحكومة منذ أن ابتعثها الله على هذه الأرض وهي تنادي باسم الشريعة الإسلامية .. ومع ذلك فإن معظم منسوبيها الذين يتقلدون مواقع نافذة تجدهم يكتسبون أموال بغير وجه حق .. والحكومة لا تقوم بمساءلتهم ومقاضاتهم لأنهم ينتمون للحزب الحاكم .. وهم يعلمون جيداً أن أكل المال العام يعد من الكبائر, قال صلى الله عليه وسلم: إن رجالا يتخوضون (يتصرفون) في مال الله بغير حق، فلهم النار يوم القيامة. رواه البخاري.. فأي حق هذا يخول لهذا الموظف بأن يصرف حافزاً شهرياً يبلغ 26 ألف جنية ..
*أسأل الله أن يصلح ولاة أمورنا*

لو دايرين حاجات زي دي كتيرة والكوم ولكن الله في…..
ملفو وين؟؟ دي بسيطة جدا بفتحوا ليه ملف جديد وجيب صور ولا اصل من شهاداتك وختها في الملف آآآى والله؟؟؟؟؟ عمرك شفت ليك يا عمو جبرة ومن الحيكومة نستبرا او سمعت بحافز خاص لموظف حيكومي دون مستند او اذن صرف الا في حيكومة الواد وخالو ؟؟؟والله العظيم وكتابه الكريم عندي زميلي طلب دراسة في الهند وجابوه ليه الموافقه والشروط وكوولها بالانجليزي صاحبي نسى الموضوع وخت الاوراق في ملفو بعد كام سنة جابوه ليه ناس شئون العاملين علاوة على اساس انو عندو ماجستير وقالو ليه ليه وكت عندك ماجستير مادير تورينا ليه؟؟؟ ولغاية الان هو بصرف علاوة لمؤهل العلمي؟؟؟؟؟؟

السلام عليكم كلكم..يا جماعة الخير….الزول دا مفتح ولعبا صح..احتمال يكون عندو ضهر ..بس برضو بيعتبر مفتح و دخل يدو فى الكيكة وشال منها..انا لو ف مكانو وبنفس الظروف..بروضو بعمل كداا…ربنا يهدى السريرة…

الوزيرة سكتت حرصا على ضنبها. واتكلمت الان لصرف الانظار عن القضية الاساسية . انا داير فرصة الحج والعمرة لكننى خائف من هيئة الحج والعمرة

يا جبرة يا اخوي داير اديك النصيحة عشان ما يمسكك ضغط وتوح فيها شمار في مرقة
وما تلقا اليلحسك وبعدين عال تروح شمار في مرقة من اساسو ليه في دار ابو منو ما تخليك شويه حلو وتوق المنفا لغاية الناس دي ما ربنا يجيب خبرهم عشان بي الفضل فيك تشم النسيم يااخ
يا جبرة الكتابة في الناس ديل بعد كدا واكثر من كدا تصبح نوع من التسلية فقط لا غير
انا غايتو منذ فترة قررت تاني ما اكتب لا نصيحة لا كضب
لانو زي الموجود في السودان دا لا كان لا حصل زي ما قال حميد بعدين هم براهم البحلفو بالطلاق
نحنا برضو المخادة دي بخودا وعلي الطلاق الحاصل في السودان دا لو حصل في احد الدول الغربية
المربيين علي العدل والاحسان وحقوق الانسان والديموراطية لحصل فيها انقلاب عسكري عدييييييل
حتي جمهوريات الموز وهي ما شوية في افريقيا اللي دافع الضرائب الاوروبي تعب من لم التبرعات ليها واخيرا لمن شافوا حال الانسان الافريقي في طينو وعجينو بداوا يتذمروا من لم البرعات لانهم طالبوا بمعرفة اين تذهب اموالهم اقولك حتي جمهوريات الموز في افريقيا وغيرها علي الطلاق ما فيها الحاصل في السودان دا
الحاصل في السودان دا ابليس ما بستحملو خيلك من ملائكة زي الشعب السوداني اللي السيد نافع ومن معه من زمرة المنافقين جماعةمحمع الفقه الاسلامي وغيرهم عاوزين يعملو فيها وعاظ وكانهم من ادخل الشعب السوداني في دين الله افواجا الانسان بعد طلب المغفرة من الله سبحانهو تعالي ممكن بالراحة جدا يفول انو بعد كل هذا الانحدار الاخلاقي المريع المخيف في كل المجالات بدون تحديد لمجال بعينه ان الناس في السودان او اعداد لا يستهان بها من السارقين المزورين المفسدين الزانين كتالين الكتلة و و و و غيرهم بداوا رحلة الخروج من دين الله اقواجا والعياز بالله اها تاني الفضل شنو يتقال يا جبرة والمحاولون تدليس ومداهنة العرب والابتعاد من اصلهم وفصلهم يجب ان يعرفوا ان تاريخ العرب في افريقيا غير مشرف علي الاطلاق وان محاولاتهم هذه مبذلة وتنم علي انهم لا يقراوون التاريخ تاريخ القارة التي ينتمون اليهاا ويسيئون الي انسانهاعلي كل حال ياجبرا اي شعب في الدنيا لن ولن ولن يقبل بهذه المهازل

والله يا ناس دي مصييييييييييييييييبة… نمش وين نحن ونقول شنو؟.
حسبنا الله ونعم الوكيل.

الزول دا يدوه وزارة برااااااااااااااه يستاهل لف ودار لقاه هاملة احد حقه برااااااه

برضو يا اخوانا فى وزير ولائى من الاتحادى اعدمو اخوه مع ال28 بتاعين رمضان و قاعد ياهو داك بلا خجل فى مدنى و بيقول للاعدمو اخوه يا سعادتكم , مش ليهم حق الكيزان يقعدوا مليون سنة

فى عهد مايو يسمون دلك بالقفز بالعمود وفى زمن التدليس يسمى بالتمكين الدى مكن صاحبنا البدون ملف من صرف رواتبه بحوافزها
اما مسالة الترقى هده فربما استعان بفكى اودجال كما فعل اصحاب المحاولة التخريبية
والزول دا ماانكشف طوالى انت نسيت فقه السترة ولو انت نسيت انا مانسيت
وابليس هاجر بواسطة عقد نشر بالانتباهة من قبل الوزارة دات الدفع الرباعى والان موجود بدولة نفطية
والسكات رضا ياصاحبى

رحم الله ديوان شؤون الخدمه لما كانت الخدمه خدمه والشؤون شؤون والدواوين دواوين والوكلا وكلا والمديرين مديرين والنظّار نظّار والمدرسين مدرسين والناس ناس والسكّر بنباع بالراس .. يا ناس يا حكومه يا ويحكم .. اما فيكم رجل رشيد .. اما فى البلد كبير يرى ويعلم ويدرك .. يا ريّس .. ايه اللى بيحصل قدّامك دا..الا ترى ..الم تسمع ..الا تتكلم!!! كل يوم قصه كمان جديده واخبار تسغرب المخ.
.
..كنا نسمع انو هناك متطلبات يخلاف التميز فى الكديت المدرسى يتوجب توفرها فى الراغبين فى الألتحاق بالكليه الحربيه وكان نظار المدارس الزمان كانت عندهم رؤيه وبعد نظر وعارفين وواعين لمسؤولياتهم التربويه ولمصلحة الوطن يدّو هذه المتطلبات اعتبار موازى ان لم يكن اكبر من مجرد التميز العسكرى فى المدرسه لما يكتبوا تقاريرم عن الطلاب المقدمين للكليه الحربيه ذلك لقناعتهم التامه انو الحكايه ماهياش بس عنتريات وضرب نار ومعرفة “شيب النشنكه ومسطرة النشنكه)هى المتطلبات الوحيده للقبول فى الكليه الحربيه .. يا ما تقارير نظار مدارس من العينه دى كانت سبب فى حرمان طلاب كتيرين (تميزوا فى الكديت) من القبول فى الكليه الحربيه .. كان اهؤلاءالنظار مدركين ان قيادة الجند تحتاج (من بين الضروريات اللى لازمة وجودها فى القاده ) سلوكيات حيانيه متميزه.. تتمثل فى احترام النفس اولا واحترام ألآخرين والراى ألأخر الى جانب سعة الأفق .. المصداقيه فى القول والفعل … والى عفة اليد واللسان وحسن الملافظ مع المعلمين وغيرهم من الناس .. عدم المكابره والتبذل مع الزملاء … دا زى ما قلت ليكم لما كانت المدارس مدارس والنظار نظار..

ثم انّو شنو حكاية موظف دخل وزاره منتدب بالتزوير قبل تلاته سنين بس وفضل يترقى ويترقى (كيف) لحد ما اصبح قاب قوسين او ادنى من وكالة الوزاره .. باى تقارير اداء فى الوزاره تديهو ترقيه والكان بيكتبها منو فى ألأهل؟ ووين الوزيرين (Two = “ONE”+1+1) ووين ديوان شؤون الخدمه اللى هو اصلا يتبع للوزاره ذات نفسها .. ذلك الديوان اللى كان كووول موظفينو من ألأشاوس الحافظين القوانين ويطبقوها بكل الشفافيه وحسن الأدراك من اصغر موظف Despatch Clerk مرورا ب H.S.C.”الهيد ستاف كلارك” الباشكاتب .. ومن بعدو “ألأستابليشمنت أوفيسر” وصولا الى ال “دايريكتر اوف ستابليشمنتس” القدرو جليل الما فى موظف بجى مارّى بجنب مكتبو .. وما فى موظف بيتم تعيينو او ترقيتوالا بجواب يبدأ (بهذا تصدق بتعيين او بترقية (Approval is hereby given)بتوقيع مدير قسم “ألأبّوينمنتس” ان لم يكن بتوقيع مدير الديوان فى حالات الترقى للدرجات العليا .. ألأعاره من وزاره الى وزاره ليها شروط صارمه لا بد من استيفائها ..من اهمها.. لا يسمح باعارة او انتداب اى موظف اكثر من مره واحده فى حياتو الوظيفيه.. اما ان يعود الى وزارتو ألأم عند انتهاء مدة ألأعاره.. او ألأنتقال الى الوحده المعار اليها نقلا نهائيا..

يا ناس والله الذى لا اله غيره ألأنقليز كانو احرص على السودان مننا نحن السودانيين (بكل اسف) رحم الله شيخ ازرق الطاهر.. لو كان السودانيون سمعو وعقلوا ما كان ينادى به كان السودان تفادى كثير من الهرجله اللى يتحصل النهار ده وما كان شافوا وزاره ما هياش وزاره سياديه على راسها وزيرتين وتالتن قالو “كرّمنّو” بشنو! بس فى ناس بيقروها “كر”(يصمة على الكاف) منو! وزاره عسيلها الوسخ اصبح قدام الماشى والغاشى وعلى قفا من يشيل .. مدير مالى زى (وكيل وزاره تانيه نصّب نفسو نقيب) ياخدو حوافز بالملايين .. (كلمة الملايين دى ما سمعناها الآ عند الشيوعيين زمان وعندالمرحوم سيد خليفه ايام مايو الظافره لما يبقول .. “بالملاييييين قلناها نعم”) السؤال: هل الرئيس عارف اللى بيحصل وليه تارك الحبل على الغلرب وكأن الأمر فى كل البيحصل لا يعنيه .. موش سمعنا قبل كدا فى واحد من وزراء التربيه سألوه عما اتخذه من اجراء بشان عدم صرف المعلمين رواتبهم لتلاته اشهر اجاب لا فض فوه: هذا ألأمر لا لعنينى .. دى مسؤولية الولايات !!!(موش جاء فى الخبر انو كان فى ناس فى بلادا ما معروفه وين قبل ما تصدر عليهم احكام ألأعدام تم اعدامهم واندفنو قبل ما الريّس يعرف .. خليكم من تصديقو على الأحكام) اليس هو زمن العجايب ..!!

دا من أهل الخطوة! كمان في زول عندو رأي في أهل الخطوة؟ سموها الحظوة إن شئتم!
ديل أولاد بلد ينومو ويقومو ويحومو ويتعينو ويترقو على كيفن! كمان في زول عندو رأي ؟ البلد بلدن وهم أسيادا! الله …… في شنو يا رعية انتو
دي أغرب وزراة ووزيرة أسمع بيها في حياتي
يا ربي القصر الجمهوري يكون حالو كيف؟
كان الله في عونك يا وطني
قيل إن وسدت مقاليد الأمور لغير أهلها فانتظر قيام الساعة، فقيل ما قيام الساعة؟ قيل أن قيام الساعة ليس بزلزال يرج الأرض أو موران جبال أو تشقق قبور أو أذهال مرضعة او إسقاط حامل لحملها بل هو فوضى عارمة تضرب الأرض بأطنابها
لك التحية والقومةيا أستاذ ولا بد للفجر أن يبينوإن طال الأذى

خلاص أنا بديت أفقد الثقة في الحكومة عديللللللللللللللللل كدا.

واحد في وزارة اعترض على الوزير في اجتماع.

الوزير نقلو. وضيعوا ملفو.

الأخ الفاتح جبره….سلامات …يا رااااجل إنت زول عجيب فى كلامك هذا و أقتبس…..((دعونا نتجاوز مسألة إعلان (تصدير الإناث) المقزز لندلف إلى كارثة أكبر فجرتها السيده الوزيرة بدم بارد إذ صرحت قائلة (إن نتيجة التحقيق مع مدير الشؤون المالية والإدارية بالوزارة كشفت أنه لا علاقة له بالخدمة المدنية وأنه قام بتزوير خطاب انتداب وحصل على ترقيات في ظل غياب دور ديوان شؤون الخدمة حتى بلغ الدرجة الثانية وأنه يصرف لنفسه حافزاً شهرياً من أموال الوزارة يبلغ (26) ألف جنيه غير الرواتب والمخصصات الأخرى، إلى جانب مخالفات فساد مالي وإداري بلغت 14 مخالفة.!! ) !!
عليكم الله جنس الكلام ده حصل قابلكم ؟ أو ممكن يحصل في أي مكان في العالم؟ ))….

إنت كنت وين طوال الـ 23 سنه الماضيه ؟؟؟؟ و الله السيده الوزيره لا فجرت كارثه و لا جابت حاجه جديده كما تتصوّر يا صديق … جنس الكلام دا ماجديد و ربما تكون ضعيف الذاكره و نسيت …… فهو حاصل من تاريخ الإنقلاب الأسود فى 30 يونيو من ذلك العام البئيس …..يعنى مثلا أمين حسن عمر كان شغال شنو قبل الإنقلاب عشان طوالى يركب مساعدا لوكيل الثقافه و ألإعلام و تدرج أو قفز بالزانه لوكيل ثم مدير التلفزيون ثم الوزاره عديل و لليوم وزير شنو ما عارف حتى وإن كان دون وزاره و عمرو لذلك التاريخ لم يعمل فى الخدمه المدنيه و لو حصل كان حيكون فى الدرجه السابعه على أحسن الأحوال ( أتمنى لو هو مغالط يورينا ملف خدمتو !!!)!!!! و أصلا مؤهلاتو كانت شنو فى الزمن داك قبل ما يحصل الإنقلاب…. و أكيد يكون يا إشترى أو زوّر ماجستير و دكتوراه( و هو ما تفرغ يوما للدراسات العليا التى تحتاج لسنوات على الأقل 3 للماستر ولــ4-6 سنوات للماستر و الدكتوراه) بالضبط زى حقت عمر البشير الفاجئناالسنه الفاتت بأنه تحصل على الماجستير و كمان من جامعة الجزيره بعد العمر المديد دا … ثم أمثال هذا المعتوه الإسمو أمين كثر …زى ربيع عبد العاطى وكل الأراجوزات البيتنططوا لينا من الحين و الآخر دول و كلهم العجيبه دكاتره و بروفات و الثعلب فات فات ……..حتى البنيه سناء منذ كانت فى الجامعه سمعنا إنهاكانت تشغل وظيفة مدير مالى لمؤسسة سند و بطرقة ما شقت طريقها لوزيره …!!! بأمارة إيه؟؟؟والآن هى فى حالة بيات شتوى أو بالتعبير الإنقاذى فى( إستراحة محارب) عشان بعد شويه تطلع لينا بدكتوراه و ربما بروفه هى الأخرى !!!و كمان لو راجعت معظم وكلاء الوزارات أو عمداء الكليات الجامعية كلهم جنس مدير الشؤون المالية والإدارية لوزارةالحاجّه إشراقه دى……

استاذ / الفاتح جبرا – الموقر
السلام عليكم ورحمة الله تعالي وبركاته وبعد ،،،،
يبدو يااستاذ الجماعة ممكن يتركوا ود بدر كبش فداء فبالله عليك انظر لمثل هذا الفساد والحكومة صامتة أين الجهات العدلية وأين لجنة أو هيئة مكافحة الفساد وأين لحتة الحسبة بالبرلمان التي أغفلت كل هذا الفساد وافادت بعد كل هذا الصمت أنها ستطالب الوزيرة بتغطية شعرها(هذا زمانك يامهازل فامرحي) تعرف يااستاذ افضل نكتة ضحكتني والله العظيم حتي سقطت علي الأرض في عام 2012 هي أن السودان شارك في مؤتمر مكافحة الفساد برئاسة السيد رئيس البرلمان احمد الطاهر وقدم تجربته الثرة في مكافحة الفساد ليستفيد منها العالم هكذا جاء الخبر في اجهزة الدولة الرسمية ) نكتة حلوة . نعرف جميعاًيااستاذ مجاهداتك وحبك لبلادنا ورغبتك في مكافحة الفساد ولكن للأسف اقول لك :
( لقد اسمعت لو ناديت حياً ***ولكن لا حياة لمن تنادي * ولو نارانفخت بها اضاءت ***ولكن انت تنفخ في رماد )
أن سمحت لنفسي ونيابة عن قراءك ومحبيك نطالبك أن تكون هنالك كسرة ثالثة منك سميها :
يعني جات علي خط هيثرو بس .

ماتندهش يا استاذ جبرا .. المؤهلات علامة السجود وهى لله والله اكبر
وجزاك الله خير .. بدون حليفة انا بعرف واحد مدير لأكثر من 4 شركات
و4 منظمات وقادى مرتين شهادة ثانوية ماعندو !!!

غيرو الموجة للقاهرة
هناك فيلم جديد كل يوم
بطولة الاخوان الخرفان
لعنهم الله

الزولة دى كانت خائفة على العدة؟؟؟لكن اكتشفت انو ماعندها عدة(عدة عادل امام)…ما العدة الخاتنها فى رؤوسكم…

رحم الله ابو داؤود

قال عدة قال

يا جبرة اليومين دى اعمل حسابك الناس ديل لو قبلوا عليك والله تاني سخينة ما تلقاها والناس المتابعينك بعدين اسمك ما بتذكروه يعني ما تشيل وش القباحة براك