شويه والله

شوية والله .37

يا استاذ جبرا هؤلاء الناس يستخفوا بي عقولنا لانو في رايهم الشعب الفضل ما عندو قيمه شعارهم (اعمل ما شئت وقول ايه حاجه في حد حيعملك حاجه) عشان كده لا تستغرب حكاية الشيطان والاغتراب خمسه سنين ويشتري اراضي الخرطوم كلها وهلم جرا علي قولة الحبيب الصادق المهدي وقول نسال الله العافيه

استاذي الكريم — حفظك الله— انت جبتها من الاخر– الموضوع(بيزينس) كل وظيفة عامة في امارة السودان الاسلاموية الترابية البشيرية هي غنيمة حرب وجهاد و( تحلل) بعد ( تمكين) وموقع الخدمة العامة يجب (مصه)حتي لا يبقي منه ذرة لاحد وبالذات الاراضي توزع علي ( الجماعة)وطبعا هم اليوم مؤتمر وطني وقبلها بفانلة الاتحاد الاشتراكي وربما غدا بلباس الحركة الشعبية والمهم استمرار التمكين والمص— ولا نقول الا حسبنا الله ونعم الوكيل

يا خوى الراجل محللين ليهو 4 نسوان ، والمدير 6 قطع ومدير مكتب المدير 5 قطع والوزير 10 والسفير 8 قطع والبشير حى كامل والغفير إطير وإقع فى البير

يا جبرة شوية، ما في داعي لـ(والله). نحن لينا 30 سنة في المملكة السعودية ما عندنا ولا 20 مليون جنية بالقديم (مش بالجديد)… لكني أحمد لله مستعد للموت الآن .
الموت بابٌ وكل الناس وارده *** ليت شعري بعد الموت ما الدّارُ؟؟؟

ياالفاتح جبر والله عندي قطعة ارض في عد بابكر كدي اسأل لي منها والله انا خايف عليها شديد( حصاد 20سنة) غربة ما قادر ابنيها والله الجماعة ديل كان لهطوها مستشفي التجاني الماحي ما يمسكني0

الموضوع كلو حلو بسيط الزول ده لو كان قاعد في بيتو كان جاب الاراضي دي لوالزول ده مابقدر اجيب الاراضي دي وهو قاعد في البيت يعني (ما شغال مدير اراضي )ابقي حرامي وحرامي وحرامي

شكرا استأذنا الفاتح جبرا احد حاملي سلاح القلم ضد الظلم والاستبداد
الشعب السوداني الصبور علي مرارة الظلم كفى أنهض وأعرف من يسرق لقمة الخبز الجاف من فمك
أعرف من يمنع عنك ابسط حقوقك كمواطن كم من يموتون بسبب عدم المقدرة لشراء الدواء أو التنويم في مستشفي .كم
من حرموا من التعليم وكم من شردوا في بلاد الغربة عشرات السنوات وتركو إبائهم وأمهاتهم وزوجاتهم و أبنائهم لأنهم
يبحثون عن العيش و اللقمة الحلال . وبلادنا زاخرة بالخيرات ولكن عصابة أبيهم الشيطان الكبير الترابي وزمرته
المتأسلمين من تجار الدين عكفوا علي إذلال الشعب السوداني وفق منهجيتهم والتي تعتمد علي اكتناز المال والثروة
بنظرية (الغاية تبرر الوسيلة) بدون وجه حق لتحقيق مأربهم الخبيثة ولابد لليل أن ينجلي ولا بد للظلم أن ينكسر.

يا استاذ حفظك الله ومد فى ايامك فاتحا للجبرا ..ومتسائلا عن خط “الذى رمى” وعن “توجيهاتا” سيدا ذات نفسو ما اهتم بيها ولا سأل فيها كان اتنفذت او ماتنفذت.. ما قَصّرت تب ما يقصرن ايامك !! بس يا اخى برضو فى موضوعين كدا لو ركّزت لينا عليهن ولو مرّه فى ألأسبوع فانك لا مجالة مثلج ( عشان القراء يقرو كلمة “مثلج” دى صح لازم يكون حرف الميم مضموما.. بسكون على الثاء.. مكسورة اللام .. مرفوعة الجيم فهى (طبعن) خبر لحرف “أن” الواقعة بين الفاء والكاف فى كلمة “فأنك”) مثلج صدور قوم معلمين .
الموضوع ألأول: قبل عام او يزيد جاء فى الخبر ان السيد المدعو المدعى الحصول على الدكتوراه زورا وبهتانا التى استردفت وراءها درجة البروفسيراه بدون وجه استحقاق .. زاده الله دكتوراهات واستوزارا تعليميا وجاه انه لهط 165 مليونا من المال السائب فى وزارة ظلت غير قادرة على طباعة الكتاب المدرسى وعاجزة عن توفير المقاعد للدارسين والدارسات. كان ابواب لهط ال 165 مليون مشرعة له بدعوى اشرافه على امتحانات الشهادة السودانيه!!! مسكينة انت ايها اشهادة السودانيه!!
الموضوع التانى: متعلق بالست الوزيرة المتناقضة الأقوال والتصريحات بشأن توصيات المؤتمر التعليمى الي انفض سماره منذ ابريل عام 2012 ولم ينفذ اى بند من بنود توصياته اللى صب عليهاالنائب ألأول السابق (عطّر الله ذكراه) براميل ماء مثلج لدواعى تكوين آلية (وصاية) للنظر فيها ووضع اولويات تنفيذها
هل اجتمعت ألآلية . ومتى ستجتمع بعد تعيين نائب اول جديد له اهتمامانو الخاصه والعامه فى اطار المتجدات والمتغيرات المستحدثة على ساحات البلاد اللى جعلت موضوع التعليم بتفهقر عشرة مواقع ” داون مصفوفة ” أولوليات المشروع الحضارى.
فيا يا اخ يا ساخر السبيل هل يطمع المعلمون ألأحياء منهم وألأموات ومن هم غى الرمق ألأخير ممن وصلوا او اصبحوا قاب قوسين او ادنى من العشر ألأواحر .. هل تاخذك بهم رافة ( ومنهم من جلست الى حلقات درسهم وعلموك كيف تفتح الجبرا وتغلق الهندسا وتجعل باب الحساب مواربا) وتسلّط “حزمة من الضوء” من بعد استئذان السيدة الفضلى المتمكنه حقيقة وليس مجازا حديثا ومن العلوم والمعارف كلها الماما ولها من ألأسم ايناسا) بس تركّز لينا ومعانا شويه على احتياجات التعليم الذى هو اساس التقدم والحضارة وعلى امور التربيه (المنبثقة من التعليم والتعلّم) والتى حسبما قال عنها التربويون هى الحياة ذات نفسها فى نهاية المطاف.

يعنى شنو يالفاتح اخوى لو مدير الاراضى استولى على 6 قطع في مواقع هو عارفها الجديد شنو الريئس بعظمة لسانه قال في التلفزيون عنده بيتين في كافورى والطائف وشقه في عمائر النصر ومزرعه ونافع ماكان قادر يدفع ائجار بيته في الحلفايا والمتعافى كان يعمل طبيب في مدينه نائيه ووووووووووو كاهم كانوا بالامس القريب لا يملكون شيئا وهم اليوم يملكون كل شى فلا تستغرب اصلها عايره وادوها صوت واصلها خربانه من كباره اله يعينك ياشعبا اكلوا الحراميهحقه وهو يعاين ولكن لهم يوم يسالون عنه من اين لكم هذا؟

كلامه صاح الشيطان يجري مجرى الدم من بني آدم الشيطان سول لهم وغشاهم ليه يحاكموهم فيحاكموا الشيطان هو السبب هو السبب ولو تحروا مع الشيطان حيقول سرقةواحتيال وتزوير بالطريقةما فكرت فيها ولا بتخطر على بالي ولا حول ولا قوة الا بالله

كلامه صاح الشيطان يجري مجرى الدم من بني آدم الشيطان سول لهم وغشاهم ليه يحاكموهم فيحاكموا الشيطان هو السبب هو السبب ولو تحروا مع الشيطان حيقول سرقةواحتيال وتزوير بالطريقةما فكرت فيها ولا بتخطر على بالي ولا حول ولا قوة الا بالله