بالله عليكم اسمعونا..!!

يا عصمان حرام عليك انت الليلة شارب حاجة انا دايما كنت بظنك راجل فاهم
انت عارف انو اي امونة راكي ليهو فوق موتر عندو قوة اكبر من بتاع البرلمان
بلد زي السودان ما محتاجة برلمان محتاجة رئيس عادل وبضع وزراء ومجلس شوري زول ولا اتنين من كل ولاية وساحاول التوضيح البرلمان شغلتو الاساسية في الغرب هو سن القوانين يعني بالعربي التحليل والتحريم لانهم ليس لديهم مرجعية دينية عند سن القوانين فياخذون براي الاغلبية وضغط الناخبين اما عندنا فالحلال بين والحام بين ولكن للاسف الرئيس الفاسد الظالم يضغط علي البرلمان لتحليل الحرام كالربا وغيره او تحريم الحلال كاستيراد العفش او السيارات المستعملة او حتي اعطاء مدير الجمارك حق تحريم التفاح بعد ان قام احد التجار باستيراده كما حدث قبل بضع سنين وعندما جادل اليهود رسول الله صلعم عند نزول الاية ( اتخذوا أحبارهم ورهبانهم أربابا من دون الله والمسيح ابن مريم وما أمروا إلا ليعبدوا إلها واحدا لا إله إلا هو سبحانه عما يشركون ( 31 )قالوا بانهم لايتخذون احبارهم اربابا من دون الله وقالوا : إنا لسنا نعبدهم ، فقال : ” أليس يحرمون ما أحل الله فتحرمونه ويحلون ما حرم الله فتستحلونه ” ؟ قالوا : بلى ، قال : ” فتلك عبادتهم “وهي تهمة خطيرة جدا لايلتفت لها اصحاب المناصب ممن نصبوا انفسهم اربابا ومعهم الحاكم الظالم المنافق الذي ينسي حلم الله عليه برغم تطاوله عليه سنين طويلة
فاصبح الشعب المسكين يدفع المليارات لساسة البرلمان وهو يفهم الحلال والحرام احسن منهم ليظهر النظام الغير رشيد “اقل ما يمكن ان يقال” علي انه نظام ديمقراطي حسبنا الله ونعم الوكيل

اقتباس: (الأجدر أن تستخدم المعارضة (فترة تمهيدية!) بدلاً عن انتقالية) (وما زلت مصراً.. أن أفضل سبل (الحل الرشيد) للأزمة السودانية هو الاستمرار في العملية الانتخابية المعلنة حالياً.. (لا) تأجيل للانتخابات)…

التعليق:
الحمد لله الجلدة جابت راسك تمام وابدت للمتشككين ما كنت تخفيه… لذلك عليك ان تعلنها صراحة بالرجوع مرة اخرى الى معكسر الهندي واسحاق بلاش (تُقية) اصلا المراكز الثقافية الايرانية قفلوها.

المعارضة فاشلة والحكومة فاشلة والمواطن زاتو فاشل .
ولن يغير الله مابقوم حتي يغيرو ما بانفسهم.
وللاسف كل الاعلام ومن لف لفهم ينفخ في قربة مقدووودة.

يا عثمان انتخابات يديرها المؤتمر مرفوضه
انتخابات جهز لها المؤتمر من خزينة الدوله في ظل احزاب اخري لا تملك ما تدير به حملاتها …هذه قسمة ضيزي
انتخابات يشرف عليها امن وشرطة المؤتمر واعوانه نتيجتها معروفه
كلامك ظالم وتاتي بالمؤتمر
الحل للسودان المعافي ان يخرج هؤلاء الحرامية الفساد الذين اعطوا فرصة 25 عاما ربع قرن من الزمان كامل الفرصة باموال البترول وفشلوا في كل شيء ونجحوا في شيء واحد وهو نهب اموال الامة واثروا والشعب جعان وتطحنه الاسعار
رؤيتك يا عثمان تاتي بالاوغاد علي اكتاف انتخابات تبقي لها اشهر قليله تدار بسياسة الخج المعهوده
الحل حكومة انتقالية يجرد فيها المؤتمر من كل شيء من المناصب الدستورية والجيش والامن والشرطة لتتساوي كفة الجميع …
حتي لو بدْنا من الصفر فهي بداية بعافيه من امراض الانقاذ الكبت والظلم والفساد والمحسوبية والحزب الواحد
وختاما نحن الان دون الصفر الذي تقصده

هذا لليس بالحل الرشيد إنما (البليد) والذي لا يصدر إلاّ عن غبي يعتقد في الآخرين البلاهة والغباء! ، عثمان ميرغني يريدنا أن (ننسى) تفكيك حكومة حزله الفاسد وأن نتجه بنقل صراعنا نحو البرلمان! .. يطلب منّا الإمتثال لمنطق المأفون الما نافع نافع بإستحالة حلحلة صواميل إنقاذ النهب والسلب والفساد ولنخلو لها الجو لتحكم بما تُريد عصابتها زمنسوبيها المنتفعين من فتاتِهم وبواقيهم .. الغرض من الحكومة الإنتقالية إصلاح الحال المائل الذي أوردنا موارد التهلكة بعد 25 عاماً من (الهبتّلي) والللهف واللغف والقتل والسحل وإشعال نار الحروبات في كل شبر من أرض وطن المحبة والتعايش السلمي الذي كان سائداً قبل إنقلاب جماعة عثمان المتأسلمين.
يا عثمان ود ميرغني : أرجوك لا تكثر من تقيوء مثل هكذا نتانة مرة أخرى ، فيكفينا تقيوءات سادتك الكيزان وتغوطاتهم الكريهة .. الفينا مكفينا .. و ..الحل في بلدك ذاتا تتحدّى سلاح بسلاح .. تهزم كيزان الغفلة ويعُم سودانا صباح.

الاخ عثمان مقالك شاركوني السر

اسقطك في نظرنا زندمنا حتي اننا

تعاطفنا مع قضيتك

فشكلك مرتزق ولا تبالي

الفيك اتعرفت العب غيرها

الكاتب المحترم…

يا خوي نحن في السودان… مرحلة يحكمنا البرلمان دي…. ما وصلناها لسه..!!

ما زلنا في مرحلة… ديجانقو…. البطل الأوحد… الذي يدير كل شي بنفسه..!

ولأكون أكثر دقة… الرؤساء الذين يركبون على رؤوسنا… ما مقتنعين بي

قصة البرلمان دي…. بعتبروه تمامة جرتق ساي…. ديكور بس عشان اعلام الغرب وكدة

اذن الخطوة الأولى هي… ايجاد رئيس… مقتنع بقصة البرلمان دي…

بعدها…. الرئيس ده زاتو…. يجيب وزراء مقتنعين بالقصة دي برضو…

بعدها… يجيبو برلمانيين…. مقتنعين بحكاية برلمان براه… ورئيس براه

قبلها…

تكون القيامة قامت

وارتحنا

التجهيز للانتخابات ببتدي من تسجيل الناخبين وبنتهي بي اعلان الفايز. كل المراحل دي محتاجه لي جسم محايد للقيام بها بامانه سيبك من الناحيه الدينيه. معقول تجي انت تقول الحكومه الانتقاليه مافي داعي ليها؟ وانته قايل نحنا بنثق في ناس المؤتمر الوطني؟ ديل ابالسه ومادايرنهم في الخارطه السياسيه.
بعدين تعال هنا انته مما قلته انا سامحته الناس الدقوك سقطت من نظرنا فبلاي امسك حاجاتك دي عندك لانو مامحتاجين ليها..قوم بلا يخمك

إن رأيت صحفى يعنون مقالاته على شاكلة ..

بالله عليكم أسمعونا !!
خطه إسعافية عاجلة !!
حل مرضى لجميع الأطراف !!

فتأكد أنه ترك عمله التجارى أو الوظيفى أو فى سوق الله وأكبر وأتجه لتلميع أحد المسؤليين براتب مضاعف كهذا المهندس العاطل ..

سلام
إذا انت تحتار أحيانا كتيرة فانا والله محتار على طول من زي كلامك دا
طيب سؤال ليه البرلمان الحالي دا والتابع للمؤتمر الوطني ما يعمل الاصلاحات السياسة والاقتصادية براهو والا ﻻزم يكمل نصف دينو بالمعارضة المانعو شنو؟؟؟ مش ﻷنو جزء من الفساد طيب نص برلمان فاسد حيصلح نفسو والا يصلح حال البلد والله عبقريتك يا باشمهندس أخجلت أنشتاين ذاتو حقو يقسمو منها .
أعوذ بالله (حقت عثمان شبونة)

عهدنا بك أذكى من ذلك يا أستاذ عثمان ميرغني .. بقيت زي الصادق المهدي تحب نجر التسميات العجيبة حكومة تمهيدية بدل انتقالية و …!! ثم أنك تفترض فرضية غريبة جداَ و ما منطقية إنو الانتخابات في ظل الحكومة الانتقالية ممكن تجيب المؤتمر الوطني تاني !! هل يعقل هذا مش قلت ليك كنت أذكى من كدا؟ أها عشان تاني ما تجلي و تصرج أرجع لكتابات العفو و العافية و حقي ما دايرو و عفيت للدقوني و ما عارف إيه..

انه يظهر نفسه كاسلاموي عن حق … هؤلاء يستهبلون الشعب السوداني ولكن لن تنقضي عجائبهم … كيف لكاتب عمود يومي ان يلبس اكثر من قناع؟ انه امر مؤسف، حتى كتابهم ممن حسبناهم في خط الضمير المستقيم يتضح لاحقا انهم ضمن العصابة الكبيرة … ازالة السلطة في الوقت الحالي امر مكلف وقد يؤدي لكوارث لا تحمد لكن خير ان يؤدي لـ”كوارث” لا تحمد بدلا عن هذا الوضع …

يا ناس فليكن الأستاذ عثمان خوفوه و إنبطح أو قد تكون الدقة تركت آثار جانبية غيرت في ملكاته التجميعية و قراءاته الصحيحة للواقع كما آلفتموه إلا و أن الواقع نفسه يحتاج إلى رشد و نظرة حكيمة للأمور بمنظار من هم توقفت عندهم عجلة الزمن داخل المخيمات و كراكير الجبال فضاعت سنينوهم في الحلم بفجر جديد، بمنظار الذين ولدوا و تربوا تحت تلك الشمس الحارقة و هم في رحلة البحث عن سر وجودهم حول مقابر معارفهم الذين رحلوا بارادة الله او فعل فاعل او من هم في المدن و القرى في حالة أشبه بما هم في إنتظار ولادة مستعصية لأم أسمها السلام تلفظ أنفاسها الأخيرة في غياب الحكيم و إذا فشلتم في كل ذلك فليكن بمنظار حامل السلاح الذي نزعت آدميته بالحرب التي فرضت عليه و أتخذ من الحرب معلماً لتعريف أنسانيته و عندهاأخشى من أستطاع منكم الوصول عبر منظاره-ها سيرى الأستاذ عثمان تحت ظل سدرة يسقي الجناة ماءاً كما يفعل بعض أخوتكم من الجنوب الأن!
الظروف المحيط بكم جميعاً تنذر بضمور آليات الحكمة و خفض ضوء البصيرة في زمن لكل منا قراءاته-ها الخاطة لبوصلة القرن الجديد إلا من إجتهد منكم و قرر السير عكس إيقاعات الفطرة و التاريخ و تطور الإنسان.

{لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لَا انْفِصَامَ لَهَا وَاللَّهُ سَمِيعٌ عَلِيمٌ} [البقرة : 256]

فقط إجتهاد شخصي و الله أعلم
و الف حمدالله على السلامة للأخ عثمان و السلام.

ما دام الضربة جابت راسك … تاني شوف اليتضامن معاك منو؟

ياخي قديتنا بنظرية ( البرلمان النصفي ) التي ما أنزل الله بها من سلطان ..

شفت ليك كديس بيحرسوه نصف كوب اللبن ( و هو دومآ جوعان ) ؟ ؟ ؟ ؟ ؟

لا لنصف برلمان النوام .. يا أبيض .. يا أسود … فدعك من المواقف الرمادية .

و آن لشبونة أن يمد رجليه .. فقد صدق في موقفك ( الرمادي ) .

صدقت يا ود شبونة وكلامك وتوقعاتك فى محلها…اها الزول طلع ضنبو عديل وانبرش برشة عدوك ….انا الان اسحب تاسفى لما حدث له واقول بدلا من ذلك يستاهل وتانى ما ح نصدق بسهولة.

‏​‏​‏‏​قدم شاب  لخطبة فتاة 👰
فلما وجد الأب فيه الصفات المناسبة طلب منه مهر جنيه واحد فقط
قال الأب : حنا نشتري رجال ولا يهمنا المال
فرح الشاب و تم الزواج 👰
كانت هناك حركة يقوم بها الزوج دوما على سبيل المزاح
كلما اشترى الرجل علبة بيبسي يقول لزوجته : أنتي وعلبة الببسي نفس الشيء كلكم بجنيه
والزوجة مقهورة وتكتم غيظها
ودايما يناديها يا علبة البيبسي
طلعوا مرة يتمشون واشترى بيبسي قال لها : تخيلي ؟؟!!
أنتي خسرتيني نفس ما خسرني البيبسي هہِہَہہَہِہَہِہَہِہَہہَہِہَہہَہِہَہہِہَہِھهههه
طفح الكيل …….
طلبت الزوجة تزور أهلها واشتكت هناك لهم من زوجها وقالت :
أرخصتم مهري فأرخص قدري
عصّب الأب وقال….. قال الاب للزوج الذي أتى لأخذ زوجته :
خلها اليوم عندنا وتعال أنت وأهلك بكرة عندنا عزيمة
فرح الرجل ( ما يدري وش بيصير له )
اليوم الثاني جاء هو وعائلته
فوضع لهم الأب علبة بيبسي !!
استغربوا الأهل لكن الزوج بدأ يشعر أن السالفة عن تعليقاته
ثم أتى الأب بعلبة ثانية وثالثة
ووضعها أمام أهل الشاب وقال لهم :
أخذتوا بنتنا بعلبة بيبسي والآن نعطيكم 3 علب ونبيها ترجع لنا
كاد الزوج يغمى عليه من الإحراج
أما أهله فلم يفهموا شيئا
شرح لهم الأب الموقف فغضب الجميع على الزوج
أهكذا جزاء من أكرمك؟؟
حلف الأب ألا تخرج البنت من بيته إلا بـ300 ألف جنيه
وأيده الجميع …
أحرج الزوج وعلم أنه يستحق ما حصل له
وقام بدفع المبلغ مهما حصل لأنه يحب زوجته
ودفع ال300الف
ولمن رجعت البيت
قال لها : نورتي البيت يا مصنع البيبسي

قليل أدب .. مافي فايدة …

يا عثمان بطل الخمج الانتى بتشربو كل صباح!! وبالمناسبه وين لجنة أساتذة الجامعه الكنت دعيت ليها؟ و(لو إنت نسيت**أنا ما نسيت ) مع الاعتذار للراحل المقيم حسن عطيه!!