هيثرو …. الفااااتحة

يا أستاذ جبرة هي القضية دي بس براها الماتت ؟؟؟ عشرات القضايا غيرها ماتت وشبعت موت زي قضية الأقطان و مكتب الوالي والأراضي والولد الملياري غسان وغيرها كتييييير ،، وهسة أبشرك إنو قضية وزير ( عواسة الكسرة ) بتاع القصر السعرو إتنين مليون ونص مليون دولار راقدة في العناية المركزة ويقال إنها ماتت سريرياً ،، البلد كلها ماتت . جهزوا الكفن و أربطوا الصيوان

ات شلت فيهو الفاتحه لزوم الكسرة الثابته شنو (ولا لى دغمسمه منك ساكت)

الاخ الفاتح
انت قايل التحلل ده بدأ بجماعة مكتب الوالي ديل ؟!!!! القانون ده شغال من زمان وخاصة في الاقاليم وفي ناس كتار اتحللوا والغريبة بعد ما يتحللوا بيطالبوا بمرتباتهم الكانت موقوفة طول الفترة منذ ذهاب تقرير المراجع العام الخاص بالجريمة الي النيابة ولحين ارجاعهم للخدمة تاااااني !!! مش اتحللوا تاني شنو؟ وكلامي ده موثق بحالة معروفة

.

وبعد ما قبضوا علي المتحللين . دخلو المستذئبين وفكوهم

بمناسبة كسرة خط هيثرو يا جبرة …
المتجهجه بسبب الانفصال قال ليك خط هيثرو اندمج مع خط غرينيتش

استاذ الفاتح الفاتحه على العدل منذ بذوق فجر الاستقلال وليس على الخط فقط .عليك الله انا ماكنت متخيل فى حياتى انو الواحد يكون رخيص لهذه الدرجه .هؤلا سفله .

الكيزان عصابة ومعروف عن العصابات أنها تستميت في الدفاع عن أي عضو فيها هم مالألويه الحمراء وعصابات أمركيا الجنوبية في الأرجنتين والبيرو والمكسيك فيعتبر الفرد أن دفاعه عن زميله هو دفاع عن نفسه …

كما قلت الله يرحم خط هيثرو إذا كان هذا هو منطق وزير العدل- العدالة في السودان رحيمة مع اصحاب النفوذ قاسية مع من لا نصير لهم إلا الله – في الأخبار حكمت محكمة الحاج على مجموعة من الشباب والشابات صغار السن (أغلبهم طلاب مدارس وجامعات) بالسجن سبع سنوات (بعضهم دون الحلم وهؤلاء ارسلوا إلى سجون الأحداث) وهم لم ينهبوا مال أحد ولم يستولوا على المال العام وكل جريمتهم أنهم كانوا في رحلة ومعهم مخدرات ومسكرات (نعم هي ممنوعة وحرام لكن بدلاً من محاولة الإصلاح فإن الحكم يقضي تماماً على مستقبلهم) فالسؤال هو : هل إذا كان هؤلاء أبناء نافذين تكون العقوبة بنفس القسوة؟

ﻻ والف ﻻ , القضية لم تمت .. ﻻ يموت حق وراءه مطالب .
إن شاء الله الرئيس عمر البشير وجميع المنتسبين للحركة الإسلامية السودانية يموتوا قبل ما تموت قضايا الشعب السودانى .
يا جبرا كيف ماتت قضية خط هيثرو , من الذى قتلها .. وأين القصاص على شرع ديننا الحنيف .

عزيزى الفاتح لا يوجد امل فى اصلاح نظامنا القضائى لان المؤشر والدليل على نهايته بدات منذ مقدم ثورة الفشل والتردى وذلك باحالة القضاء الى الصالح العام وبقية القصة معلومة لدى الجميع ، ففى ظل وضع كهذا لا يمكننا الحلم بعدالة او نظام قضائى عادل او حاسم الا بعد ذهاب هؤلاء .

التسويه ما عارفو بلد كامل مسروق تتكلم في مواعيدطيران خليك واقعي شوي يا خي.

جبر الله الكسر .الفاتحة دى لخط هثرو بس والباقى الهبر والقضايا الماتت ياالفاتح الفاااااتحة على السودان وشعب السودان الذى سيكون شبلوستان اخرى

انا اعمل فى مجال القانون فى بريطانيا . وقول وزير العدل ( لكن الإجراءات في المحاكم البريطانية تأخذ وقتاً طويلاً) يا الوزير كضاب او ما عارف حاجة. من اسرع المحاكم فى الدنيا.

الاستاذ الفاتح جبرة , انا من المتابعين لما تكتب منذ زمن ولقد ظللت مستعجب من طولة البال التى تتمتع بها فى مسئلة (أخبار ملف خط هيثرو العند النائب العام شنو…..أخبار تنفيذ توجيهات السيد الرئيس بخصوص ملف خط هيثرو شنو)؟؟
الاستاذ الفاتح جبرة : ان خط هيثرو او ما يعرف بال(Slot Time) قد تم بيعه بتوجيهات عليا فى ذلك الوقت يعنى بتوجيهات من رئاسة الجمهورية , فالمسكين الشريف بدر لا يستطيع ان يقوم بالتصرف فى مثل هذا الامر وحده فهذه مبالغ ضخمة وبالدولار , ولكن هاهو وحده يتصدر المشهد , وهو ليس منزعج ولا يحزنون ,
اما بخصوص ما تتحدث عنه انت توجيهات رئيس الجمهورية وما ادراك ما توجيهات رئيس الجمهورية , فهذه مجرد كلام والسلام , وهل تظن انهم يقيمون وزنأ لما يقولونه او انهم يحسبون حساب , فهاهو وزير العدل نفسه يقول كلام : اولأ : غير منطقى ,وثانيأ غير قانونى , يتحدث عن بط الاجراءت القانونية فى بريطانيا , وطبعأ اظنه يعتقد ان السودانيين لا يعرفون شى عن بريطانياولا عن النظام العدلى الانجليزى شى , مثله هو, فيقول هذا الكلام الفارغ , او انه مدرك ان هذا الكلام هو كذب ولكن من يتجراء ويقول ان وزير العدل ( كذاب). وحتى وان تجراء احدهم وقال.. لاشى سيحدث له..( ولكنى متاكد ان 50% من نواب البرلمان السودانى لا يعرفون هل بريطانيا تقع فى اوروبا ام انها مجاورة للسنغال ).
اما منطقه القانونى المعوج الذى لا يمكن ان يقبله شيخ حلة حظه من التعليم الخلوة فى الخمسينات من القرن الماضى , ان القضيه الان مستمرة ضد المشترين قبل معرفة من هو بائع المال المسروق , فهذه لعمرى ..سابقة.. لابد ان يتوقف عندها كل اساتذة القانون فى العالم ليروا كيف يمكن اثبات عدم القانونية فى الشراء بدون معرفة من هو البائع .
دعك من المحاكم البريطانية وغيرها , ماذا فعل هو ضد وكيل الوزارة الذى هو من موظفيه الذى هو متورط فى عملية نصب واسغلال للمنصب وتسجيل اراضى لمصلحته فقضية ذلك الوكيل اوضح من خط هيثرو فمستنداتها موجودة والمال المسروق ( يسمع فى الكلام)
.. هل رجل مثل هذا الوزير يرجى منه شى ؟؟؟؟
الاستاذ الفاتح جبرة , موضوع خط هيثرو هو موضوع انتهى الان . فسيذهب الى مكان ملفات اخرى كثيرة لا يعلم عنها شى الا الله , سيذهب الى مكان مشروع الجزيرة , وشركة سكر مشكور , والنقل النهرى , وموضوع الاقطان , والاف قطع الاراضى , وموضوع اراضى مكتب الوالى .. وغيرها واخرها موضوع منزل الوزير ابو 2 مليون دولار ..
لا توجيهات .. ولا ملف عند النائب العام ؟؟

الفاتحة في البلد ولو عاوز الخط يرجع لينا عندك ابوهاشم والشيخ التاني صاحب الرؤية لخلود الانقاذ 35عاما

طيب بعد ما قرأت الفاتحة على هيثرو تاني سائل عنها ليه وإللا لسه عندكم عشم تحيا بعد الموت

زمان كان فى السودان أرجل راجل وفى عهده لا كان فى حراميه ولا غيرهم بى نهره واحده منو كان كل قرد بطلع شدرتو ولكن .. الله يرحمو ويرحم السودان معاه .

الفاتحة في البلد ولو عاوز الخط يرجع لينا عندك ابوهاشم والشيخ التاني صاحب الرؤية لخلود الانقاذ 35عاما

طيب بعد ما قرأت الفاتحة على هيثرو تاني سائل عنها ليه وإللا لسه عندكم عشم تحيا بعد الموت

زمان كان فى السودان أرجل راجل وفى عهده لا كان فى حراميه ولا غيرهم بى نهره واحده منو كان كل قرد بطلع شدرتو ولكن .. الله يرحمو ويرحم السودان معاه .