قروبات
يُعد )الواتس آب( أكثر ?برامج التواصل الاجتماعي? ضرورة وتعاملاً لدى غالبية أفراد المجتمع، فمن خلاله يتم تبادل الأخبار والأحداث اليومية وكل ما يطرأ في الحياة العامة على مدار الساعة ، وحيث أن العبدلله من أنصار إستخدام هذه التكنولوجيا الحديثة إستخداماً إيجابياً يفيد المواطن والمجتمع فإني أقترح قيام بعض القروبات وهاكم الأمثلة :
قروب الحفرة وين ؟
وهو قروب يعني بتعيين أماكن الحفر في الشوارع الرئيسة فما على العضو في هذا القروب عندما تمر عربته بإحدي هذه الحفر إلا أن يخرج جواله ويقوم بأخذ عدد من اللقطات للحفرة المعينة مع وضع إسم الشارع وتحديد المكان (بالضبط) ويا حبذا لو كان معاهو (متر) وقام بقياس قطر (الحفرة) وعمقها .
قروب الكشة وين؟
وهو قروب يعني بتحديد أماكن كشات المرور و(الكماين) التي توضع من أجل التحقق من العربات (غير المرخصة) وما على العضو في هذا القروب إن قابله أحد هذه الكماين إلا أن يقوم بأخ لقطة لقطتين للكمين وتوضيح مكانه (إسم الشارع أو التقاطع) مع توضيح (الزمن) الذي تواجد فيه هذا الكمين (وبعد داك إنتا وتقديرك) !
أقبض موظف :
وهو قروب يعني بتحديد أماكن عمل الموظفين المتسيبين ، وما على العضو وهو يود إجراء معاملة ما بإحدي الدوائر الحكومية ويفاجأ بأن سعادة (الموظف) كرسيهو (فاضي) وما قاعد إلا أن يقوم بتصوير (الكرسي) ، مع كتابة إسم المصلحة وطبيعة عمل الموظف مع الوقت والتاريخ
ويا حبذا تصوير صف المراجعين من المواطنين !
قروب مرايتي إتسرقت :
وهو قروب مهمته إرشاد الجهات الأمنية بعد أن أصبحت (سرقة المرايات) من العربات حاجة عادية وشيبه يومية تضرر منها المواطن أبلغ الضرر ، وما على العضو في هذا القروب إن تمت سرقة (مرايات) عربته إلا أن يقوم بتحديد مكان السرقة ووقتها وتاريخها مع لقطة للعربة بعد أن تم (معطها)
قروب أرخص بطيخة :
بعد أن أصبحت أسعار البطيخ فلكية (مية ألف بس) ولأان هذه الفاكهة تعتبر من الفاكهة الشعبية قبل أن تطالها نار الأسعار يا حبذا لو تم عمل قروب ما ان يقوم فيه العضو بإكتشاف محل لبيع البطيخ بأسعار متهاودة إلا أن يقوم بتحديد (ثمن البطيخة) ومكان البائع (طبعن رصيف) وإسم الشارع والموقع والزمن (عشان ما تمشي تلاقيهو كمل) طبعن مع أخذ صورة تذكارية مع البطيخة لتوضيح حجمها (اللون والحلا ما مشكلة ههههه) !
قروب ده مستشفى؟
وهو قروب مهمته إرشاد الجهات الصحية لرداءة نظافة المستشفيات والمستوصفات فما أن يذهب العضو مرافقاً لأحد أقربائه أو مريضا في نفسه فيجد أي من مظاهر الوسخ (مراتب ملسلسة) ، ملايات وسخانة، نفايات مبعثرة ، كدايس حايمة إلخ إلا أن يقوم بأخذ لقطات مع ذكر إسم المستوصف أو المستشفى ومكانه مع كتابة الوقت والتاريخ و (العنبر) !
قروب عاوزين دم :
وهو قروب مهمته الإعلان عن حالات المرضي الذين يحتاجون إلى التبرع بالدم .. ما علي الشخص إلا كتابة إسم المستشفى أو المستوصف وموقعه ورقم الغرفة أو رقم الموبايل للتواصل وفصيلة دم المريض والتاريخ ، والناس العاوزة تمشي تتبرع من هسه حقو يعرفو إنو القصة فيها رسوم (آآي تتبرع وتدفع كان ما عاجبك)
قروب جنابو سايق ويتكلم :
وأنت تقود عربتك وأمامك سائق يمشي الهوينى وعندما تتجاوزه تلقاهو (جنابو بالزي الرسمي) وماسك الموبايل .. ما عليك إلا أن تاخد ليهو لقطة هو ولوحة عربيتو وتنزلا في القروب ، عشان القصة دي كترت شديد وإحتمال لو القروب ده إتعمل الناس دي تبطل إستخدام الحركة البايخة دي !
قروب أقبض مرتشي :
وهو قروب مهمته فضح المرتشين بعد أن أصبحت الرشوة شيئاً عادياً ، المشكلة التقنية التي تواجه إنشاء هذا القروب هو أنك لا يمكنك أن تتصور (سيلفي) مع المرتشي وأنت تقوم بإثبات تقديم الرشوة له ، لذلك لابد من الإستعانة بصديق ، وبعد أن يتم تصوير المرتشي وهو (بيقبض في الرشوة) ما عليك كعضو في هذا القروب إلا أن تذكر (الأحرف الأولى) من إسم المؤسسة أو الجهة التي يعمل بها والتاريخ والوكت ولا تنسي أن تقوم بوضع (غمامة) تخفي وجهه (عشان ما يشتكيك وكدة) !!
قروب عملتها كيف؟
وهو قروب مهمته فضح الفاسدين بالخدمة العامة الذين أغتنو فجأتن بعد أن كانوا (غلبانين) ومن بيت الإيجار سكنوا (شارع المطار) ومن الأكل في (الحلل) إمتلكوا (الفلل) ، وما على العضو في هذا القروب إلا ان يقوم بتصوير (العربات في الجراج) والفلل والزجاج والمزارع والدجاج وأحواض السباحة وإستراحات الراحة مع ذكر وظيفة المشبوه ومرتبه بالتقريب (عشان نقارن وكده)
كسرة :
وعاوزين قروب إسمو (عامل لينا فيها بتاع دين) ? وكل زول يتخيل شكل القروب ده وكده
كسرة ثابتة (قديمة):
? أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+و+و+و
كسرة ثابتة (جديدة) :
? أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+و+و+و
عن هذه الإعلانات
اهو الشغل كدا ولا بلاش . والله احسن فكرة وهى التى سوف تجيب خبر الناس ديل .
هذه الفكرة جبارة فعلا وليست مجرد ونسه.
وقروب مجانية العلاج عشان لم تمشي تقلع ضرس ويطلبون منك الشاش والقفاز والابره والبنج وتذكرة المقابله وتذكرة الدخول تصورهم كلهم وترسلهم
معظم المطلوبات في الاقتراحات دي موجودة هنا في السعودية لكن بدون قروبات يقوم الأشخاص بالتصوير صور عادية أو فيديوهات لبعض الممارسات والمناظر المؤذية وغيرها في شتي مناحي الحياة ومن ثم يتم ارسالها في التويتر أو الصحف سرعان ما يتم نشرها والأجمل تتجاوب معها المؤسسات والأفراد ويتم التحقيق فيها بدون تأخير كإقفال مطعم خدماته رديئة أو مدرسة أو حتي مستشفي نعم حدث أن تم إغلاق مستشفيات كبيرة لها شنة ورنة بواسطة صور وفيديو قصير لا يتعدي زمنه دقيقة تم نشره في التويتر وأحيانا يتم نشر صورة أو فيديو من دون قصد بغرض الفكاهة والضحك لكن السلطات السعودية المختلفة هنا تحقق فيه بدون تأخير.
وأمراء المناطق المختلفة في السعودية نجدهم يتدخلون لصالح المواطن في حالة المرض أو الظلم من جهة حكومية أو التدخل لمساعدة مواطن في مسألة معيشية أو نقل مريض من مستشفي متواضع للمستشفيات الكبيرة المتخصصة , والأمر لا يتوقف علي ذلك هناك صور وفيديوهات لبعض الأعمال الخيرية وإنقاذ أشخاص في ورطة ما يقوم بها بعض المواطنين نجد أمراء المناطق يقومون بتكريم هؤلاء.
المستشفيات والجهات التجارية هنا تخاف علي سمعتها أمام زبائنها كثيرا لذلك تقوم بتقويم أي خطأ. لكن في السودان مين البخاف علي سمعته أقل شيء يقول ليك ( أعلي ما في خيلك أركبو ) ده لو ما فتح فيك بلاغ في الصورة الأخذتها.
لسه بدري علينا يا دكتور الصورة والفيديو ساهل أخذهما لكن أين نجد المسؤل الذي يتصدي لذلك.
قروب الحفرة وين
عندنا في أمريكا لما تلقى ليك حفرة في الشارع تقيف بهاتفك الذكي تقوم تصورها وتدخل الصورة في موقع إدارة الطرق وفي أي شارع في المدينة وبعد داك الاحداثيات بتتعرف للموقع . وتقوم بلدية المنطقه بترميم الحفرة .
يعني يا أستاذ إما إن خيالك واسع جداً يا إما إطلاعك أوسع بكتير من حجم حكومتنا المترهلة
لك الشكر يا استاذ جبرة افكارك تجنن ويا حبذا لو طبقت دي عايزا ليها 48ساعة في اليوم عشان نقرا رسايلا خاصة القروب الاخير الله يكون في العون
وعاوزين قروب إسمو (عامل لينا فيها بتاع دين) ? وكل زول يتخيل شكل القروب ده وكده
أنا عاجبنى القروب دا وحأكون أدمن،ولكن يا ود جبرا التصوير صعب وحيودينا المحكمه،إتخيل واحد عامل لينا فيها بتاع دين وقبضوه فى رمضان مع ربع دسته نساوين،وشامة الصلاة المصنوعة قدر حبة التين،،
وقروب البسوقوا في النور الأحمر
ينصر دينك يا جبره
ماتريحهم نهائي
اضرب تحت الحزام
وتحت الدقون وفوق الجضوم
ماتخلي الجداد ينوم
الله يلعن الكيزان و ريسهم
وشيخهم ومن لفه لفهم
اهو الشغل كدا ولا بلاش . والله احسن فكرة وهى التى سوف تجيب خبر الناس ديل .
هذه الفكرة جبارة فعلا وليست مجرد ونسه.
وقروب مجانية العلاج عشان لم تمشي تقلع ضرس ويطلبون منك الشاش والقفاز والابره والبنج وتذكرة المقابله وتذكرة الدخول تصورهم كلهم وترسلهم
معظم المطلوبات في الاقتراحات دي موجودة هنا في السعودية لكن بدون قروبات يقوم الأشخاص بالتصوير صور عادية أو فيديوهات لبعض الممارسات والمناظر المؤذية وغيرها في شتي مناحي الحياة ومن ثم يتم ارسالها في التويتر أو الصحف سرعان ما يتم نشرها والأجمل تتجاوب معها المؤسسات والأفراد ويتم التحقيق فيها بدون تأخير كإقفال مطعم خدماته رديئة أو مدرسة أو حتي مستشفي نعم حدث أن تم إغلاق مستشفيات كبيرة لها شنة ورنة بواسطة صور وفيديو قصير لا يتعدي زمنه دقيقة تم نشره في التويتر وأحيانا يتم نشر صورة أو فيديو من دون قصد بغرض الفكاهة والضحك لكن السلطات السعودية المختلفة هنا تحقق فيه بدون تأخير.
وأمراء المناطق المختلفة في السعودية نجدهم يتدخلون لصالح المواطن في حالة المرض أو الظلم من جهة حكومية أو التدخل لمساعدة مواطن في مسألة معيشية أو نقل مريض من مستشفي متواضع للمستشفيات الكبيرة المتخصصة , والأمر لا يتوقف علي ذلك هناك صور وفيديوهات لبعض الأعمال الخيرية وإنقاذ أشخاص في ورطة ما يقوم بها بعض المواطنين نجد أمراء المناطق يقومون بتكريم هؤلاء.
المستشفيات والجهات التجارية هنا تخاف علي سمعتها أمام زبائنها كثيرا لذلك تقوم بتقويم أي خطأ. لكن في السودان مين البخاف علي سمعته أقل شيء يقول ليك ( أعلي ما في خيلك أركبو ) ده لو ما فتح فيك بلاغ في الصورة الأخذتها.
لسه بدري علينا يا دكتور الصورة والفيديو ساهل أخذهما لكن أين نجد المسؤل الذي يتصدي لذلك.
قروب الحفرة وين
عندنا في أمريكا لما تلقى ليك حفرة في الشارع تقيف بهاتفك الذكي تقوم تصورها وتدخل الصورة في موقع إدارة الطرق وفي أي شارع في المدينة وبعد داك الاحداثيات بتتعرف للموقع . وتقوم بلدية المنطقه بترميم الحفرة .
يعني يا أستاذ إما إن خيالك واسع جداً يا إما إطلاعك أوسع بكتير من حجم حكومتنا المترهلة
لك الشكر يا استاذ جبرة افكارك تجنن ويا حبذا لو طبقت دي عايزا ليها 48ساعة في اليوم عشان نقرا رسايلا خاصة القروب الاخير الله يكون في العون
وعاوزين قروب إسمو (عامل لينا فيها بتاع دين) ? وكل زول يتخيل شكل القروب ده وكده
أنا عاجبنى القروب دا وحأكون أدمن،ولكن يا ود جبرا التصوير صعب وحيودينا المحكمه،إتخيل واحد عامل لينا فيها بتاع دين وقبضوه فى رمضان مع ربع دسته نساوين،وشامة الصلاة المصنوعة قدر حبة التين،،
وقروب البسوقوا في النور الأحمر
ينصر دينك يا جبره
ماتريحهم نهائي
اضرب تحت الحزام
وتحت الدقون وفوق الجضوم
ماتخلي الجداد ينوم
الله يلعن الكيزان و ريسهم
وشيخهم ومن لفه لفهم
وعاوزين قروب اسمه (الحاوى) عشان الناس تستفيد من تجارب بعض ، كيف تصل لنهاية الشهر بالمرتبات التعبانة دى
وقروب روسم المدارس واستهبال رياض الاطفال وتفنن في الجباية
وقروب عدم وجود ست شاي في اي شارع وناصية
وقروب حي او مربع خالي من الاجانب
وقروب مخبز يبيع العيش بضيم
وقرووب حي اوشارع يتمتع بتوفر المويه ومافيةماسورة مكسورة
وقروب حي ام مربع خالي من البعوضة
ووووو
ووووووو
و
و
وعيثرواماشافرن بيهو
يا شباب بلاش تنصاعوا لافكار جبره لانها حتوديكم فى الف داهيه أفكار جبرا يهدد الآمن القومى ويسىء لجهود (الحيكومه) الساعيه لسوق الصابرين الى الجنة زمرا !!وكلكم تعلمون أن دخول الجنه ليس كدخول الحمامات تعلق بشكيرك فى كتفك وتقضى اليوم كلو فى (إحم..إحم) كل ما ناس البيت يستعجلوك !! وخلاصة القول البيقول فيهو جبر ده كلو إبتلاءات !! وفكرة كشف الفاسدين ستجدونه فى تعليق لى فى مقاله منشوره قبل قليل بطالب فيه أن يشتغل الشعب السودانى كله بدون فرز جواسيس على المسئولين الناهبين البلد ويمكن الاستفاده من الافكار (الالمعيه)التى طرحها (الزميل) الفاتح جبرا لتداول (اخباريات وفضائح)الجماعه عبر الواتس ساب وأخواتها !! على الاقل ربما نستطيع إجبار (زوجات المسعولين)المشى مطأطات الراس وسط النساء ويبطلن الفشخره وكشكشة الدهب وارد اموال السحت !!.
هههههههه وعاوزين قروب البنقو
السمح وتصويره وذكر الخانه وتصويرها
والتحذير لو ،،،في الغام ( ناس المكافحه )
حلوه فروب عامل لى فيها بتاع دين دى المتاجره بالدين تكسبك ملايين فى زمن الاعجاز ده بالله يا جبرا المقال الجاى افرده للقروب ده
لفت انتباهى ياجبره سعر البطيخه هل فعلا وصل الى 100 الف جنيه .. أكاد لا أصدق
ذلك .. دى يعنى الواحد يشتريها ويستثمر فيها .. يعنى تحلى بالبطيخ الاحمر ..
والجزء الابيض .. تبيعوا لاطفال المدراس بالشطة والليمون والبذر تعملوا تسالى
والقشر تبيعو علف للحيوانات .. ونعم الاستثمار ..
وعاوزين قروب اسمه (الحاوى) عشان الناس تستفيد من تجارب بعض ، كيف تصل لنهاية الشهر بالمرتبات التعبانة دى
وقروب روسم المدارس واستهبال رياض الاطفال وتفنن في الجباية
وقروب عدم وجود ست شاي في اي شارع وناصية
وقروب حي او مربع خالي من الاجانب
وقروب مخبز يبيع العيش بضيم
وقرووب حي اوشارع يتمتع بتوفر المويه ومافيةماسورة مكسورة
وقروب حي ام مربع خالي من البعوضة
ووووو
ووووووو
و
و
وعيثرواماشافرن بيهو
يا شباب بلاش تنصاعوا لافكار جبره لانها حتوديكم فى الف داهيه أفكار جبرا يهدد الآمن القومى ويسىء لجهود (الحيكومه) الساعيه لسوق الصابرين الى الجنة زمرا !!وكلكم تعلمون أن دخول الجنه ليس كدخول الحمامات تعلق بشكيرك فى كتفك وتقضى اليوم كلو فى (إحم..إحم) كل ما ناس البيت يستعجلوك !! وخلاصة القول البيقول فيهو جبر ده كلو إبتلاءات !! وفكرة كشف الفاسدين ستجدونه فى تعليق لى فى مقاله منشوره قبل قليل بطالب فيه أن يشتغل الشعب السودانى كله بدون فرز جواسيس على المسئولين الناهبين البلد ويمكن الاستفاده من الافكار (الالمعيه)التى طرحها (الزميل) الفاتح جبرا لتداول (اخباريات وفضائح)الجماعه عبر الواتس ساب وأخواتها !! على الاقل ربما نستطيع إجبار (زوجات المسعولين)المشى مطأطات الراس وسط النساء ويبطلن الفشخره وكشكشة الدهب وارد اموال السحت !!.
هههههههه وعاوزين قروب البنقو
السمح وتصويره وذكر الخانه وتصويرها
والتحذير لو ،،،في الغام ( ناس المكافحه )
حلوه فروب عامل لى فيها بتاع دين دى المتاجره بالدين تكسبك ملايين فى زمن الاعجاز ده بالله يا جبرا المقال الجاى افرده للقروب ده
لفت انتباهى ياجبره سعر البطيخه هل فعلا وصل الى 100 الف جنيه .. أكاد لا أصدق
ذلك .. دى يعنى الواحد يشتريها ويستثمر فيها .. يعنى تحلى بالبطيخ الاحمر ..
والجزء الابيض .. تبيعوا لاطفال المدراس بالشطة والليمون والبذر تعملوا تسالى
والقشر تبيعو علف للحيوانات .. ونعم الاستثمار ..
نظام القروبات في توضيح الخلل سهل عمله وارساله للجهات الحكومية بس هل الجهات الحكومية عندها القدرة للاستجابة لان اس المشاكل هي الحكومة نفسها والضرب علي الميت حرام