أوعا يتحللو
ولدنا نزار يعمل طبيباً بيطرياً ويسكن منطقة شمبات ببحري إلتقيتة بالأمس وهو يضع ضمادة طبية على يده فسالته عما به لعلمي بانه رغم بنيته المتماسكة وجسده الرياضي إلا أنه زول متسامح وما بتاع (شبك) .
وحكي لي القصة :
ركبتا العربية من البيت الضهر ماشي ليا مشوار وأنا طالع من الحلة ماشي على ظلط المعونة وعلى بعد حوالي 300 متر شايف ليك (مرا) تشيل وترفع في أيديها وتولول ، لقيت (مرا) قدامي قبل ما أوصل ليها سالتها قالت ليا (المرا دي في إتنين راكبين موتر) خطفو هسه الشنطة بتاعتا ودخلو على الحلة .
(يقول د. نزار مواصلا) : طوالي لفيت رجعتا في إتجاه الحلة بعد ما كنت ماشي على الظلط ، وفتحتا للعربية فتح صاح وأنا بفكر (الحرامية) ديل ح يمشوا وين ؟ طوالي إتذكرتا إنو فسحة فاضية وسط المزارع فمشيت بشارع فرعي ووصلت قبلهم ، وأول ما دخلو الفسحة مشيت بالعربية عليهم وقعد أزنق عليهم وأنا خاتيهم يميني لحدت ما وصلنا ترعة دقيت فرامل وقفتا وهم الموتر بتاعهم طار فوق ووقع وهم وقعوا في الترعة ، واحد فيهم عاوز يطلع من الترععة جريتو لي فوق ولمن وقف (أديتو بونية وااااحدة) وقع ، ولما لقيتو فاتح عيونو عرفتو خشه في غيبوبة عاوز ليهو تاني نص ساعة عشان يفيق منها قلتا أجري وراء التاني ، المهم التاني طلع جراي شديد وما حصلتو ، جيت راجع لي زولنا فكيت الحزام بتاعو بتاع قماش وكتفتا ليهو أيدينو وقعدتو في الواطة وإتصلتا على 999 جوني جارين جري وحكيت ليهم الحاصل وقبضو الزول ، ولقوهو شايل ليهو سكينة طويلة خاتيها في البنطلون من وراء !
ناس الشرطة رفعوا الموتر و(الحرامي) والشنطة المخطوفة في العربية ومشينا القسم أخدوا أقوالي وبياناتي والشنطة لقينا فيها مبلغ 12 مليون (بالقديم) مربوطة ربطة بنك وكمان شوية كم مية تاني ومعاهم موبايل .
رجعتا المكان الكانت واقفة فيهو (الملا) تولول ، وقعدتا أدق في البيوت وأسأل لحدت ما وصفوا ليا بيتها ، بشرتها بانو شنطتا إتلقت بي قروشا وموبايلا ، حكت ليا إنو القروش دي هي عبارة عن المصروفات الجامعية لأحدي بناتها التي تدرس بإحدي الجامعات وقد كانت في طريقها للجامعة لتوريدها !
بعد أن أكمل دكتور نزار الحكاية سألتة :
? والشريط ده لافيهو ليه في أيدك ؟ أوع الزول دي يكون عوقك !
? لا الشريط ده من أثر البونية الأديتا ليهو !
وهنا عرفت لماذا أغمي على ذلك (الحرامي) !
هذه القصة التي حدثت فصولها قبل أيام أضحت تحدث بصورة شبه يومية ، كل حرامية إتنين راكبين موتر ويخطفو شئ يخطفو شنط ستات وشئ موبايلات وشئ سلاسل دهب ومضابط الشرطة تمتلئ بالبلاغات التي تقيد غالبا ضد مجهول نسبة لتعذر القبض على هؤلاء اللصوص .
العبدلله يعتقد بان إنتشار مثل عصابات (الخطف) هذه وتلك العصابات التي تعتدي على المواطنين بالسواطير في عز النهار هو ضعف العقوبة إذ يكتفي القاضي بعقوبة السجن لأشهر قليلة مع الغرامة التي لا تصل في بعض الأحيان إلى 300 جنية على الرغم من أن ما تقوم به هذه العصابات يندرج تحت (حد الحرابة) و (السرقة الحدية) وفق ما تقوله الشريعة الإسلامية.
نحن نعلم يا سادتي بانه لا يمكن لأي شرطة في العالم أن تتواجد في كل شارع وكل (زقاق) لذا فالعقاب الرادع هو العامل الوحيد الوحيد الذي يمكنه الحد من هذه الظاهرة التي تقلق المواطنين وتروعهم .
عليه نناشد مولانا أخونا الدكتور عوض النور الحسن وزير العدل تفعيل مواد القانون المستمدة من (الشرع) في مواجهة مثل هذه العصابات فـلا يمكن أن تكون عقوبة من يقوم بهذه الأعمال المروعة التي تهدد ممتكات وأرواح وأمن وطمأنينة المواطنين شهر سجن وكم سوط كده أو غرامة ؟؟ وبالمره كمان يا مولانا شوف لينا معاك (الواوات) التحت دي !!!!
كسرة :
أوعا (الحرامية) الختفو الشنطة ديل يقوموا يتحللو هههههههه
توجد (واو) جديدة (لنج)
? كسرة ثابتة (قديمة) :
? ? أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و)+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و)+و
عن هذه الإعلانات
كل ما،،،زاد الفقر إرتفعت الجريمه.
هذه حقيقة ولنا تجربة في خطف موبايل وبعد ان قبض على الخاطف اودع بالحراسة لمدة 15 يوم وتمت المحاكمة بشهر سجن تحسب من يوم الاعتقال يعني 15 يوم سجن واعادة المسروقات او ثمنها ؟؟ يعني تحلل برضو
انت عاوز تقول لمولاك ده طبقوا الشريعة الما مدغمسة ولا شنوا؟؟
الامن ياصاحبي ليس العقوبات وتشديدها بل الاخلاق المنهارة في دولة شريعتك المدغمسة
زمان وكت نشوف اثنيين في موتر يكون اما من ناس امن النميري او كيزان الجبهة الوسخة
وديل هم الحاكمنكم اليوم فهنيئا لكم
“عليه نناشد مولانا أخونا الدكتور عوض النور الحسن وزير العدل تفعيل مواد القانون المستمدة من (الشرع) في مواجهة مثل هذه العصابات” …… لكن يالفاتح انت ما عارف تفسير الناس ديل للشرع؟ هم يفصَلوه على مقاس الانقاذ، يعمي يستنبطوا بيه حاجة زي “التحلل” مثلاً، نحن عايزين قانون صارم ما فيه مجال للانقاذ، يعني قانون أمريكي أو صيني مثلاً، تقوم بسرقة مسلحة تمشي السجن 200 أو 300 سنة أو افعدام في حالة الصين. مافي تحلل خالص خالص خالص. لكن التطبيق يبدأ من المكان الصاح، يعني اختلاسات مكتب والي الخرطوم السابق سابت شنو للنهب المسلح، و المصلح كمان؟
إذ يكتفي القاضي بعقوبة السجن لأشهر قليلة مع الغرامة التي لا تصل في بعض الأحيان إلى 300 جنية على الرغم من أن ما تقوم به هذه العصابات يندرج تحت (حد الحرابة) و (السرقة الحدية) وفق ما تقوله الشريعة الإسلامية.
بتقول يا استاذ الشريعة الأسلامية ؟ والله انت راجل على نياتك . ستة وعشرون عاما مضت ولم يحكم يوما واحدا بالشريعة الأسلامية ؟ ولو تم ذلك لأصبح السودان يحتل المرتبة الأولى فى عدد مواطنيه الذين لديهم يدا واحدة أو بدون ايادى . ويحكم اصلا ليه بالشريعة الأسلامية هو هذا النظام استولى على الحكم ليطبق الشريعة الأسلامية ؟ قال اسلاميين قال … ياخى هؤلاء لصوص نهبوا وافسدوا الشعب . لكن ربنا يمهل ولا يهمل وقريبا جدا بأذنه سوف ترى قدرة وحكم الله عليهم .
وذهبت السيدة الى مركز الشرطة مستبشرة بما ذكره لها دكتور نزار
وكانت المفاجأة!
صحيح يا حاجة قبضنا على واحد من الحرامية وأخو قاعد في الحراسة، بس الظاهر القروش مع زميله الشرد
ودع ما داير يعترف أو يدلي بأقوال.
يا أولادي دي قروش الجامعة و و و ولوله….
بنحاول ليكي يا حاجة بس الموضوع داير متحركات ومباحث وانت عارفة الظروف…
يا أولادي انا جاهزة، بس ألقوا القروش
هههه، ده ما كلام يا حاجة…..أطلعي بي 6 مليون عشان الله يسهل ونلقى ليك حاجاتك، قبل ما الزول ده يمرقها في حته بعيدة…
الحراميه الزي ديل يا أستاذ في معلمين عارفنهم زي نزار يمسكهم و يفكوهم عشان يخوفوا بيهم الناس وخاصه ناس شمبات ديل …
بس قول للدكتور التاكلو ينفعك يااخو البنات
عقوبة حد الحرابة في السودان ضعيفة جداً والسبب بسيط: الجهاز القضائي يشعر أن كبار المجرمين من الدستوريين ومن يمت إليهم بصلة قرابة أو عمل، لا ينالهم عقوبة أو ما شابه فلماذا يركز الجهاز القضائي على “صغار” المجرمين؟ السبب الثاني هو أن الجهاز القضائي نفسه يعج بالحرامية وهذا ما يفسر سبب تهاون القضاة مع زملائهم من الحرامية الذين يختطفون شنط النساء!
كل ما،،،زاد الفقر إرتفعت الجريمه.
هذه حقيقة ولنا تجربة في خطف موبايل وبعد ان قبض على الخاطف اودع بالحراسة لمدة 15 يوم وتمت المحاكمة بشهر سجن تحسب من يوم الاعتقال يعني 15 يوم سجن واعادة المسروقات او ثمنها ؟؟ يعني تحلل برضو
انت عاوز تقول لمولاك ده طبقوا الشريعة الما مدغمسة ولا شنوا؟؟
الامن ياصاحبي ليس العقوبات وتشديدها بل الاخلاق المنهارة في دولة شريعتك المدغمسة
زمان وكت نشوف اثنيين في موتر يكون اما من ناس امن النميري او كيزان الجبهة الوسخة
وديل هم الحاكمنكم اليوم فهنيئا لكم
“عليه نناشد مولانا أخونا الدكتور عوض النور الحسن وزير العدل تفعيل مواد القانون المستمدة من (الشرع) في مواجهة مثل هذه العصابات” …… لكن يالفاتح انت ما عارف تفسير الناس ديل للشرع؟ هم يفصَلوه على مقاس الانقاذ، يعمي يستنبطوا بيه حاجة زي “التحلل” مثلاً، نحن عايزين قانون صارم ما فيه مجال للانقاذ، يعني قانون أمريكي أو صيني مثلاً، تقوم بسرقة مسلحة تمشي السجن 200 أو 300 سنة أو افعدام في حالة الصين. مافي تحلل خالص خالص خالص. لكن التطبيق يبدأ من المكان الصاح، يعني اختلاسات مكتب والي الخرطوم السابق سابت شنو للنهب المسلح، و المصلح كمان؟
إذ يكتفي القاضي بعقوبة السجن لأشهر قليلة مع الغرامة التي لا تصل في بعض الأحيان إلى 300 جنية على الرغم من أن ما تقوم به هذه العصابات يندرج تحت (حد الحرابة) و (السرقة الحدية) وفق ما تقوله الشريعة الإسلامية.
بتقول يا استاذ الشريعة الأسلامية ؟ والله انت راجل على نياتك . ستة وعشرون عاما مضت ولم يحكم يوما واحدا بالشريعة الأسلامية ؟ ولو تم ذلك لأصبح السودان يحتل المرتبة الأولى فى عدد مواطنيه الذين لديهم يدا واحدة أو بدون ايادى . ويحكم اصلا ليه بالشريعة الأسلامية هو هذا النظام استولى على الحكم ليطبق الشريعة الأسلامية ؟ قال اسلاميين قال … ياخى هؤلاء لصوص نهبوا وافسدوا الشعب . لكن ربنا يمهل ولا يهمل وقريبا جدا بأذنه سوف ترى قدرة وحكم الله عليهم .
وذهبت السيدة الى مركز الشرطة مستبشرة بما ذكره لها دكتور نزار
وكانت المفاجأة!
صحيح يا حاجة قبضنا على واحد من الحرامية وأخو قاعد في الحراسة، بس الظاهر القروش مع زميله الشرد
ودع ما داير يعترف أو يدلي بأقوال.
يا أولادي دي قروش الجامعة و و و ولوله….
بنحاول ليكي يا حاجة بس الموضوع داير متحركات ومباحث وانت عارفة الظروف…
يا أولادي انا جاهزة، بس ألقوا القروش
هههه، ده ما كلام يا حاجة…..أطلعي بي 6 مليون عشان الله يسهل ونلقى ليك حاجاتك، قبل ما الزول ده يمرقها في حته بعيدة…
الحراميه الزي ديل يا أستاذ في معلمين عارفنهم زي نزار يمسكهم و يفكوهم عشان يخوفوا بيهم الناس وخاصه ناس شمبات ديل …
بس قول للدكتور التاكلو ينفعك يااخو البنات
عقوبة حد الحرابة في السودان ضعيفة جداً والسبب بسيط: الجهاز القضائي يشعر أن كبار المجرمين من الدستوريين ومن يمت إليهم بصلة قرابة أو عمل، لا ينالهم عقوبة أو ما شابه فلماذا يركز الجهاز القضائي على “صغار” المجرمين؟ السبب الثاني هو أن الجهاز القضائي نفسه يعج بالحرامية وهذا ما يفسر سبب تهاون القضاة مع زملائهم من الحرامية الذين يختطفون شنط النساء!
اخبار الدهب شنوووووو واخبار الشركة الروسية شنووووو
لم يعلق احد على مروءة هذا الرجل الشهم الذي يستحق كل التقدير.
يجب أن نربي أجيالنا على هذا الخلق النبيل وصدقوني المروءة هي الرادع الأول لأي اخلال بالأمن
والله انا حتي الان متحير في مثل هذه العقوبات البسيطة التي لا تردع اي مجرم يا خي كيف انسان يعرض حياة الناس للموت ويحكم علية بثلاثة شهور غايتو لا بد من تعديل القوانين التي وضعها البشر
الموضوع اعلاه مس عين الحقيقة بخصوص ارتفاع الجريمة فى السودان لضعف العقاب وقديما قيل من امن العقاب اساء الادب لذا اصلاح القضاء والعدل وتشديد العقاب سوف يؤدى حتما لانخفاض الجريمة
اخبار الدهب شنوووووو واخبار الشركة الروسية شنووووو
لم يعلق احد على مروءة هذا الرجل الشهم الذي يستحق كل التقدير.
يجب أن نربي أجيالنا على هذا الخلق النبيل وصدقوني المروءة هي الرادع الأول لأي اخلال بالأمن
والله انا حتي الان متحير في مثل هذه العقوبات البسيطة التي لا تردع اي مجرم يا خي كيف انسان يعرض حياة الناس للموت ويحكم علية بثلاثة شهور غايتو لا بد من تعديل القوانين التي وضعها البشر
الموضوع اعلاه مس عين الحقيقة بخصوص ارتفاع الجريمة فى السودان لضعف العقاب وقديما قيل من امن العقاب اساء الادب لذا اصلاح القضاء والعدل وتشديد العقاب سوف يؤدى حتما لانخفاض الجريمة