واسعة شوية
بينما كنت أقوم بتسخين العربة أمام المنزل في صباح أمس الباكر إذ بجاري الحاج (عبدالمجيد) يهرول نحوي وهو ممسك بإحدي الصحف وهو يخاطبني في حرقة قائلاً :
? بالله ده إسمو كلام يا أستاذ ? بالله ده إسمو كلام يا أستاذ
بعد أن هدأ شويه .. فتح باب العربة وجلس إلى جانبي وأعطاني الصحيفة التي كان يمسك بها قائلاً : أقرأ يا أستاذ .. أقرأ وشوف جنس الكلام ده
وقرأت الخبر االذي أشار لي عليه والذي يقول :
(تم مساء اليوم بقصر الشعب بالعاصمة الصينية بكين مراسم التوقيع على اتفاقية للتعاون في مجال الفضاء وأبحاثه ، حيث وقع عن السودان صلاح ونسي وزير رئاسة الجمهورية فيما وقع عن الجانب الصيني وزير التجارة) !!
بعد أن قرأت الخبر تلفت يمنة ويسري خوفا من أن أكون ضحية من ضحايا (الكاميرا الخفية) وبعد أن تأكدت من إنو الكلام (جد جد) إلتفت إلي حاج عبدالمجيد قائلاً :
? وفيها شنووو يا حاج؟
? (في حنق) : فيها شنووو ؟؟ كدي أول حاجة اليلمو لينا (الوسخ) الفي الشوارع دي محل ما تقبل تلاقي ليك (تل) بتاع نفايات ريحتو ضاربة .. وللا يحاربو لينا (البعوض) الكرهنا العيشة ده !
? يعني إنتا يا حاج معترض على حكاية الفضاء دي ؟
? لا أنا ما معترض بس قبل (الفضاء) الينضفو لينا (الواطة)
? تقصد شنوو يا حاج؟
? أقصد بدل إتفاقية أبحاث الفضاء دي والشعر الما عندنا ليهو رقبة ده كان يتعاقدو مع شركة صينية (للنظافة) .. تجيب الأليات والعربات والموظفين والعمال .. بي قرض بي منحة بي زفت بي أي حاجة !! يا أستاذ خليك من ده كوووولو .. مش كان أحسن وأولي يوقعوا لينا عقد لي صيانة المستشفيات الراقدة سلطة دي ويؤهلوها بالأجهزة والمعدات ؟ قال أيه : أبحاث فضاء !!
? والله يا حاج كلامك برضو معقول (الفضاء) والفلك والحاجات دي عندها (ناسا) !
? هس عليك الله يا استاذ (أبحاث الفضاء)؟ ولا تغيير شبكة الموية المن زمن الإنجليز دي ؟ أكان إتعاقدو لينا مع الصينيين ديل على عمل شبكة متكاملة في العاصمة دي (للموية) مش كان أحسن بدل تقطع لينا بالأيام والناس راسا يضرب لا تقدر تغسل وللاا تنضف وللا تستحما
? (مواصلا) : يا أستاذ هو بلد عاصمتو ما فيها شيكة صرف صحي والناس فيها بتقضي حاجتا في (الحفر) و (الإدبخانات) شن أبحاث االفضاء العليها .. هسه بدل عقد (الفضاء) ده كان أخدو منهم تمويل وعملو لينا (شبة صرف صحي) مش كان صحتنا ذاااتا إتحسنت بدل التلوث الحاصل ده؟
? يا حاج ياخ الناس المسؤولين ديل أكيد عارفين مصلحتنا أكتر مننا .. والظاهر مصلحتنا في (الفضاء) .. مش إحتمال يكونو خاتين في بالهم إنو البلد دي (تضيق) نقوم (نوسع) في كوكب تاني !
? البلد دي يا استاذ مش ح (تضيق) .. دي ح (توسع)
? كيف يا حاج ؟
? عشان بالطريقة دي نص السكان مرارتهم ح تنفقع ويروحو (أحمد شرفي) !
كسرة :
أبحاث فضاء ؟؟ لا دي واسعة شوية .. كدي شوفو لينا الموية أم (دود) دي !!
? كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و+و)+و
? كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و+و)+و
عن هذه الإعلانات
وزير التجارة دخلة شنو في أبحاث الفضاء
يا أستاذ جبرة لما واحد يكون عافص واحد ثاني و منكد عيشته و موريه نجوم الظهر يقول ليك انو الواد الأولاني ساقي الثاني الماء بدودو أي ساقيهو المر وهو استعمال مجازي ولكن عند إحتواء مياه الشرب علي الديدان يكون الغرض هو زيادة حصة الفرد من البروتين الموجود في اللحوم
خروج عن النص يعني استراحة قليله من هم الواقع:-
يا عم الاعلان الفي اخر مقالك ده ، ليك فيهو عضة واللا هي لله ؟
أهلنا زمان شن قالوا؟!!مش قالوا(الفاضى يهمز امو!!)مش يمكن والله اعلم الصين دى تانى ما تتمشى !!واصلو الصينيين متعودين دائما ياكلو حلاوه براس النظام والنظام بيفتكرنا هنود وأقصد الهنود الحمر وبيحاول ياكل بروؤسنا حلاوه والقصه اقصد الحكايه دى معليش اقصد الروايه دى بتذكرنا بقصة وحكاية ورواية (الحشاش بدقنو!!) والناس لسه ما فاقت من فزورة (جبل الدهب القالو حتغنى السودانيين لجنى جناهم وقبل ما نصحى من الحلم اللــــذيييذ اهو جوكم بروايه جديده إسمها أبحاث الفضاء وربما فكر النظام الدخول معانا في غرف النوم عشان يشوفونا قاعدين نهبب في شنو او ربما استغنوا من خدمات الشركه الروسيه الاسبيرينيه وقالوا أحسن بعد ما مسكوهم الدرب يقوموا بالدهب توتو !! وإستحاله النظام الشايفنو ده يكون قاعد بفكر في منافسة الصومال ولا مالى ولا النيجر عشان نقول مين فيهم ألاسبق لغزو الفضاء!! وياجبرا معليش قول لجارك حاج عبد المجيد (طول لباسك شويه وخليك ورا الكضاب لغاية ما توصلو خشم باب (مامتو)ماما هديه!!.
بلد لاتملك غير طائرة واحدة وتريد تغزو الفضاء >>>> كلام ياعوض دكام
يمكن الاتفاقية لمحاربة البعوض والذباب بتاع حاج عبد المجيد دا لأنه برضو بطير في ( الفضاء ) !!!!
عملتها ظاهرة يا(واد ) قال حاج (عبدالمجيد ) قال … طوالي عملتها في حاج (عبدالمجيد ) المسكين دا مالك يا ود جبرا فيها زنقة ولا شنو ما قالوا العيال وربيتهم تاني شنو !! اسع انت قدر وليد ولا قدر وليد عشان طوالي تفصل الحكاية بلسان الحاج (عبدالمجيد ) لكن اقول ليك برضو الحرص واجب عثمان ميرغني ما قال ليك الشارع الفيهو الكلاب اختاهو كويس .
يا استاذ الناس العملوا ووقعوا اتفاقية الفضاء ديل ما ساكنيين معانا في السودان
ديل من ناس ماليزيا وكنا وهنا بيوتهم في الرياض والمنشية والمعمورة
نظاف ولطاف ما عندهم موية قاطعة ولا مجاري طافحة ولا مستشفي كحيانة ولا مدرسة واقعة
ديل بيقروا في لندن ويتعالجوا في امريكا و البراحة والتي تعمل علاج وتغيير للركب نسيت اسمها بتاعات ناس البرير
يعني بعد كم سنة كده حانسمع عن رائدة فضاء سودانية حطت في المريخ !!!!!!!
ياجبرا الصينيين شداد ولضاد مابفكو للكيزان زنقتهم ويعملو مشاريع بنا تحتية ومشاريع تنمويةليييه ؟؟اولا لانهم عارفين الكيزان زي الجحر مابتملاهم اي قروض تانيا عارفنهم بياعين كان زنقتهم اتفكت ببيعوهم لامريكا او لاي جهة اخري تدي قروض اكتر للاستثمار (السرقة) في المعادن وبقية خيرات البلد
عشان كده بتبعوا معاهم سياسة ضوق وماتشبع يعني شغل الحنديق وبيع السراب وفي رواية بيع مالاتملك
كيف يعملوا ليكم شبكة صرف صحي وهم بقوا يستثمروا في مرض المواطن واحتياجاته الصحية والتعليمية
تسخين العربة قال… عربية دي ولا حلة لبن؟؟؟
ومسكين والله جارك المسكين الحاج عبدالمجيد السرقت لسانو دا..
ماتقول ياخي الكلام دا على لسانك وتحترم عقول القراء…
وأنت الحسادة العليك شنو
الكيزان دائما يبدأون من حيث انتهى الاخريين ومافاضين للتفاهات دي
دايرين يعملوا رحلات فضائية هم وأسرهم لزيارة القمر وكدة
نضف أنت الشوارع من الوسخ
والموية أشربها عكرانة ماكويس أنك لقيتها ذاتها؟؟
ياااااا جبرة
هى لله لا للسلطة ولا للجاه
يا جماعة عم عبد المجيد منو البسرق لسانو الفاتح جبرا دى واحدة من فنون التحرير الصحفى فخليكم فى لب الموضوع وشوفو ابحاث الفضاء دى وصلاح ونسى الماشى القمر دا
انا استفرشتا
جيب الحبوب ياااااااولد
وزير التجارة دخلة شنو في أبحاث الفضاء
يا أستاذ جبرة لما واحد يكون عافص واحد ثاني و منكد عيشته و موريه نجوم الظهر يقول ليك انو الواد الأولاني ساقي الثاني الماء بدودو أي ساقيهو المر وهو استعمال مجازي ولكن عند إحتواء مياه الشرب علي الديدان يكون الغرض هو زيادة حصة الفرد من البروتين الموجود في اللحوم
خروج عن النص يعني استراحة قليله من هم الواقع:-
يا عم الاعلان الفي اخر مقالك ده ، ليك فيهو عضة واللا هي لله ؟
أهلنا زمان شن قالوا؟!!مش قالوا(الفاضى يهمز امو!!)مش يمكن والله اعلم الصين دى تانى ما تتمشى !!واصلو الصينيين متعودين دائما ياكلو حلاوه براس النظام والنظام بيفتكرنا هنود وأقصد الهنود الحمر وبيحاول ياكل بروؤسنا حلاوه والقصه اقصد الحكايه دى معليش اقصد الروايه دى بتذكرنا بقصة وحكاية ورواية (الحشاش بدقنو!!) والناس لسه ما فاقت من فزورة (جبل الدهب القالو حتغنى السودانيين لجنى جناهم وقبل ما نصحى من الحلم اللــــذيييذ اهو جوكم بروايه جديده إسمها أبحاث الفضاء وربما فكر النظام الدخول معانا في غرف النوم عشان يشوفونا قاعدين نهبب في شنو او ربما استغنوا من خدمات الشركه الروسيه الاسبيرينيه وقالوا أحسن بعد ما مسكوهم الدرب يقوموا بالدهب توتو !! وإستحاله النظام الشايفنو ده يكون قاعد بفكر في منافسة الصومال ولا مالى ولا النيجر عشان نقول مين فيهم ألاسبق لغزو الفضاء!! وياجبرا معليش قول لجارك حاج عبد المجيد (طول لباسك شويه وخليك ورا الكضاب لغاية ما توصلو خشم باب (مامتو)ماما هديه!!.
بلد لاتملك غير طائرة واحدة وتريد تغزو الفضاء >>>> كلام ياعوض دكام
يمكن الاتفاقية لمحاربة البعوض والذباب بتاع حاج عبد المجيد دا لأنه برضو بطير في ( الفضاء ) !!!!
عملتها ظاهرة يا(واد ) قال حاج (عبدالمجيد ) قال … طوالي عملتها في حاج (عبدالمجيد ) المسكين دا مالك يا ود جبرا فيها زنقة ولا شنو ما قالوا العيال وربيتهم تاني شنو !! اسع انت قدر وليد ولا قدر وليد عشان طوالي تفصل الحكاية بلسان الحاج (عبدالمجيد ) لكن اقول ليك برضو الحرص واجب عثمان ميرغني ما قال ليك الشارع الفيهو الكلاب اختاهو كويس .
يا استاذ الناس العملوا ووقعوا اتفاقية الفضاء ديل ما ساكنيين معانا في السودان
ديل من ناس ماليزيا وكنا وهنا بيوتهم في الرياض والمنشية والمعمورة
نظاف ولطاف ما عندهم موية قاطعة ولا مجاري طافحة ولا مستشفي كحيانة ولا مدرسة واقعة
ديل بيقروا في لندن ويتعالجوا في امريكا و البراحة والتي تعمل علاج وتغيير للركب نسيت اسمها بتاعات ناس البرير
يعني بعد كم سنة كده حانسمع عن رائدة فضاء سودانية حطت في المريخ !!!!!!!
ياجبرا الصينيين شداد ولضاد مابفكو للكيزان زنقتهم ويعملو مشاريع بنا تحتية ومشاريع تنمويةليييه ؟؟اولا لانهم عارفين الكيزان زي الجحر مابتملاهم اي قروض تانيا عارفنهم بياعين كان زنقتهم اتفكت ببيعوهم لامريكا او لاي جهة اخري تدي قروض اكتر للاستثمار (السرقة) في المعادن وبقية خيرات البلد
عشان كده بتبعوا معاهم سياسة ضوق وماتشبع يعني شغل الحنديق وبيع السراب وفي رواية بيع مالاتملك
كيف يعملوا ليكم شبكة صرف صحي وهم بقوا يستثمروا في مرض المواطن واحتياجاته الصحية والتعليمية
تسخين العربة قال… عربية دي ولا حلة لبن؟؟؟
ومسكين والله جارك المسكين الحاج عبدالمجيد السرقت لسانو دا..
ماتقول ياخي الكلام دا على لسانك وتحترم عقول القراء…
وأنت الحسادة العليك شنو
الكيزان دائما يبدأون من حيث انتهى الاخريين ومافاضين للتفاهات دي
دايرين يعملوا رحلات فضائية هم وأسرهم لزيارة القمر وكدة
نضف أنت الشوارع من الوسخ
والموية أشربها عكرانة ماكويس أنك لقيتها ذاتها؟؟
ياااااا جبرة
هى لله لا للسلطة ولا للجاه
يا جماعة عم عبد المجيد منو البسرق لسانو الفاتح جبرا دى واحدة من فنون التحرير الصحفى فخليكم فى لب الموضوع وشوفو ابحاث الفضاء دى وصلاح ونسى الماشى القمر دا
انا استفرشتا
جيب الحبوب ياااااااولد
كده لو.حصل انقلاب وله انتفاضه كل واحد ياخذ شنطته وطوالى على مطار الفضاء لا محكمة جنائه ولا اكامبو وهناك الاكل كله حبوب وهم متعودين على الحبوب وله شنو
قال واسعة قال واسعة الضيقة دي.