نتعوض الله؟

من اين اتى هؤلاء الذين لايخجلوا

انت ذاتك يا جبرة فرقك من الحكومة شنو ! كل مرة جيب الحبوب يا ولد لامن جننت الولد استغلال غير مبرر كما الحكومة يا اخي خت الحبوب جنبك في التربيزة ولا تحت المخدة . ولا كمان ابلعهم قبل ما تفتح ليك موضوع عن الحكومة .

اعرفلنا ياستاذ جبرا صاحب العقار منه كدى تكون جاوبة على سؤالك…اما كان عددت الاختلاسات عائزلك سنة كتابة ومابتكمل والمختلسين والحرامية منن اصحاب المشروع الحضارى واصحاب هى لله لاللسلطة ولاللجاه..

الحبوب ما بتنفع يا جبرة ، نسوي شنو ؟ نكورك ؟ نعضي في الشارع ؟ نلاقط ؟ نموت حسرة ؟ ننسى ووسائل النسيان ما تعدش ؟ لكن نعود و العود احمد و نستغفر و نسأل الله في عشرة ذي دي أن يفك أسرنا و يرفع الظلم عننا و يجعل كيد الظالمين الكاذبين في بعضهم و يكسرو بعض و يموتو عن بكرة ابيهم و يخرج منهم الغلابة و المساكين و هم غالبية الشعب سالمين غانمين .

يا شيخ الفاتح، مولاك دا عارف كلامك دا كله و فائت قعر أضانه، لكنه ينتقي اللي عايز ينتقده و يصهين عن حاجات كثيرة، هو ما شايف كافوري؟و ما سمع بي حاجة اسمها وداد و اللا ما سمع بي مؤسساتها؟ سيبك منهم ديل أئمة اخر زمنً. 8

الموضوع بسيط
شوفو العمارة صاحبها منو وباقي القصة حا يكون معروف … يعني ما تعاين ليها بس مبلغ ايجار خرافي وانتهي الكلام لا ,,,,, لازم تبحبت فى سيد العمارة لو معروف واذا كان ما معروف شوف منو من قرايبه فى الحكومة دي وتعرف القصة و مين اللص السرق التلفزيون و الناس بتحضر فى كورة برشلونة

أتكل على الله وأشتغل ………… واتعوض الله أحسن ,,, يعنى التحقيق حيعمل شنو غير فتح باب جديد لللقف ….. التحقيقات القبالو شن جابن.

كان مدير إحدى الجامعات مؤجر بيتو للجامعة وساكن فيهو هو لأنو مفروض الجامعة تؤجر ليه بيت.

يعني هو يحدد مبغ الإيجار ويقعد على الكرسي الآخر يوافق عليه وديل طرفين .

بس طرفي منشار.

وهاك يا صيانة وفرش وعييييييييييييييييييييييك .

كان دايرين بقول اسم المدير واسم الجامعة. بس لازم تدفعوا أولا عشان مافي حاجة بلاش والعيد داخل علينا .

لكن الكلام دا كان سنة 97 والإيجار كان ( مليونين ) أيامها ما كان في حاجة أسمها بالقديم ولا بالجديد حسب ظني.

مليونين طبعن في الشهر يا عم جبورة .

كان راتب الموظف بالجامعة ( 50 ) جنيه.

وجيب معاك حبة لي عمك يا ولد!!!!!!!!!!!!!!!!

تحية يا جبرا .. حقو واواتك دى تشوف ليك واحد بتاع رياضيات إعملها ليك فى متوالية عددية.. اكيد الحد النونى حيكون مالا نهاية .
بلع حبوبك وربنا إديك العافية لما يقوم بص الثورة .

ويمكن العماره اصلا كانت تابعه للحكومه واشتراها واحد كوز كبير واجرها للحكومه !! لطفك يا رب .. هل هؤلا من الجنس البشرى ذى وذى الناس كده ؟؟ لا اظن ذلك .

يا استاذ الفاتح الحاجات التى ذكرتها دى كلها عندك ليها دليل اثبات موثق ومنو المتسبب فيها عشان يمكن الشعب يحتاجها قريب باذن الله خليك جاهز

المشكلة الكبيرة انه المبني مؤجر لوزارة العمل والاصلاح الادارى
يكونوا قاصدين شنو بكلمة اصلاح اداري دي؟
غايتو لو الموضوع ما ربط قيم السماء بالارض، كنا قلنا دا فساد راسو عديل وحرمنة
الحمد لله نحن متاكدين انو هى لله هى لله

ياسيدى الرئيس الست مسئولا انت مسئول امام الله عن اموال هذا الشعب التى لقفها قومكم – ماعدد فى المقال اعلاه يمكنه من اصلاح حال هذا الشعب الذى فقد كل امل لمستقبل واعد فى عهدكم – الست رئيس هذا البلد اليس لديك السلطه على هولاء الذين يلقفون مال الشعب صباحا ومساءا امام ناظريك اليس لديك السلطه عليهم – ان كانت
لك عليهم سلطه فحاسبهم على ما نهبوا – لوطبقت قانون الصين فى التعدى على اموال الشعب لما تبقى لديك وزيرا او واليا او معتمدا اواواواو –
الحق ماتبقى وشوف موضوع العماره الائجارها 6 مليار – اتقوا الله فى مال شعب لم يعد يجد وجبه فى اليوم – زاد الانحراف فى عهدكم حتى صار الاب يسال ابنته الليله ماجبتى عشاء- حاسبهم قبل ان تحاسب غدا امام جبار منتغم الحق الفضل