قدرت خسائره بـ(12) مليار حريق هائل بسوق نيفاشا يقضي على (12) محلاً ومخازن
اندلع حريق هائل بسوق نيفاشا فى الساعات الأولى من صباح أمس الاول استمر لأكثر من (6) ساعات قضى خلالها على (12) طبلية كبيرة ومعارض ومخزن كبير للملبوسات والأحذية الرجالية ومعارض للأجهزة الالكترونية وبحسب إفادات أصحاب المحلات المحترقة فإن الخسائر تفوق مبلغ (12) مليارا وكشف بعض المتضررين أنهم وعقب انتهاء دوام العمل كالمعتاد أغلقوا محلاتهم فى حوالي العاشرة مساء وعادوا الى منازلهم إلا أنهم وفى حوالي الحادية عشرة مساء امس الأول تلقوا اتصالات هاتفية من بعض زملائهم الذين كانوا لازالوا فى معارضهم أكدوا لهم خلال المكالمات أن حريقاً هائلاً شب بمعارضهم المغلقة وأنهم أبلغوا الشرطة التى هبت لمسرح الحادث وفور تلقيهم الاتصالات هرعوا الى محلاتهم التى وجدوا النيران تشتعل فيها وألسنة اللهب والدخان تتصاعد منها ووجدوا قوات الدفاع المدني وهي تباشر عملها فى إطفاء تلك الحرائق وأضافوا أن الحريق استمر حتى الرابعة صباحاً حيث قضى على (12) طبلية كبيرة تضم الطبلية الواحدة منها مايفوق الـ(300) كاميرا ديجيتال و(250) جهاز لابتوب بجانب كميات كبيرة من الموبايلات والأجهزة الالكترونية وكشفوا أن الحريق قضى على مخزن ضخم يضم كميات من الملبوسات الرجالية والأحذية باهظة الثمن بجانب معارض للأجهزة الكهربائية والالكترونية والعطور والكريمات وأشياء أخرى وقدروا قيمة الخسائر بمبلغ (12) مليار فيما عزت المصادر أسباب الحريق الى التماس كهربي أدى لاشتعال النيران التى ساعدت سرعة الرياح وطبيعة المواد التى تحتوي عليها الأجهزة والملابس المحترقة فى انتشارها.
السوداني
يا كيزان عوضو الناس دي سريع لانكم ما عندكم دفاع مدني في البلد ,,,, تكون بطارية عربية المطافئ ناااايمة
اين سوق نفاشا يا ناس السودانى هذا ينم عن عدم المهنية فى العمل الصحفى دربوا موظفيكم يا ناس الصحف
الموضوع ده ما مريح اغلب الباعه من الجنوبيون الله يكضب الشينه
80في الميه من تجارالسوق اجانب جنوبيين لاتعويض ولايحزنو دا بدل تعويض للتجار الشماليين تعويض رباني
والله سوق نيفاشا دة اول مرة نسمع بيهو غايتو اكان ياهو الفى الصورة دى يكونو قاصدين السوق الافرنجى ! على اى حال التجار ديل جشعين جدا وما برحمو المواطن و مع انو الدولار استقر فى 6 جنيه برضو التاجر عندو زيادات يومية وبستغل جهل الناس باسعار الدولار والباكد الكلام دة اختلاف السعر من تاجر لاخر…. فروقات كبيرة فى السعر . ما ممكن التاجر فى لابتوب واحد صناعة صينية يربح ليهو 500 الف دقة واحدة عشان كدة خليها النار التشوف شغلا معاهم.
نحن مالنا ومال نيفاشا هى نيفاشا ده مش في يوغندا أم أنا غلطان يا ناس السوداني
يا والكم ولا ويلكم؟ انا كمان سامع بالسوق دة والله لكن ماعارفو وين والشاب دة عايز يعرف السوق دة وين؟ وانا كنت حاقول نفس كلامو دة بس هو ريحني بسؤالو دة؟
مفروض الخبر يقول حريق بسوق نيفاشا بامد رمان او نيفاشا بالخرطوم لانو نحن عندنا تكرار للاسماء يعني اي مدينة فيها سوق ليبيا والسوق الشعبي والسوق الكبير والسوق الصغير
يوجد اكتر من سوق نيفاشا سوق نيفاشا في جوبا وسوق نيفاشا في ام درمان وسوق نيفاشا في قلب السوق المركزي؟ بعدين ماهو انت برة السودان في السعودية بتقوليهو شكلك انت الماعايش في السودان وذلعت عارف.
الزكاة الزكاة التاجر الصديق البشاشة مع الزبون ترجع ليه وتبدل ليه أدعو لك بالرزق الحلال لكن تقابلنا وشك يلعن قفاك وتتطنش وتقول أنا شاحدك وتعطيني سعر أغلى من السوق عشان أنا قشرانى اقصد سودانى يخلينى دائماً أمشى للاجنبى كان فى الخليج او السودان وينزل ليك الرف والدكان كلو ويقوليك أتفرج وما تشترى ويعطيك سعر اقل من السوداني ونفس الصنف وأجود مرات
Sabotage
ربنا يعوضهم ويخلف ليهم في خسارتهم والجاتك في مالك سامحتك
سوق ليبيا سوق نيفاشا حي الرياض حى الدوحة قاعة الشارقة الرى المصري وغيرها من الاسماء الاجنية للاسواق والمدن والمقارات والفنادق هل حوة السودانية عقمت ام الاعجاب بالغير والقرف من الوطنى سنفقد بعد اجيال سماتنا واسمائنا وهل توجد مدن واسواق اسماء سودانية فى البلاد الاخرى ؟واكيد ان المغتربين هم الذين لهم دور اكبر فى نقل هذه المسميات الى السودان من دول المهجر فى نفس الوقت عجزوا عن نقل التراث السودانى الى تلك الدول