شيلو شيلتكم

اذا كان المسؤول حيشوف احفاد احفاد احفاده معناها الوزارات حنكون مملوكة للاسرة بعد ما كانت للحزب ..
تانى التمرد حيكون اسرة المتعافى المهمشة واسرة قوش المهمشة بيحاربوا فى اسر ناس كافورى الماسكين الحكومة (الموضوع حيبقى اسر بعد ما كان احزاب وجهات)

وهاك يا ترضيات وجولات فى فنادق اديس عشان يكملوا مسيرة الاجداد فى الحوار الوطنى

ههههههههههه إبداع يامبدع .

من خشمك لباب السما ياجبرا عشان تشوف الشعب الساكت على الضيم دا كله بيسوى شنو بعدين؟

هذا الدواء سيحظر على السودان .اطمئنوا.

سلامات
بالله لو لميت في هذا العقار ما تنساني
قريبك عايز اترشح في انتخابات2025

خد ليك حبه يا استاذ جبره علها تجبر بخاطر كتاباتك والتخاريف التي فيها…

الخوف يا عم جبرة يبلعو كم حبة ويرجعو شفع من تاني … ونرجع لي فترة المراهقة بتاعتهم
الا نطير غايتو

فال الله ولا فالك يا جبره

نناشد امريكا بوقف انتاج هذا العقار فورا لانه سيتسبب في حرماننا من الحرية واعادة بناء السودان خلال النصف قرن القادم علما بان جماعتنا ديل لديهم مقدرة خارقة في كسر العقوبات الامريكية ومعايشتها لنصف قرن
نناشد امريكا بوقف انتاج هذا العقار فورا

الزوجات زاتن هينات ؟ ناس مها الشيخ ! ديل تاني العشرين ما بفوتنها !

الحمد لله الترابى مات قبل ما يظهر هذا الدواء ام هؤلاء الحاكمين الان سيهلكو قبل وصول الدواء الى السودان

الميتفورمين دا ما ياهو حق ناس السكري؟؟

من خشمك لباب السما ياجبرا عشان نشوف الشعب الساكت على الضيم دا كلو بيسوى شنو بعدين؟

والله ياجبره كان كده واواتك دى إلا تأسس ليها جريدة براااها.

ههههههههههه جبر دمك خفيف. ..انت بتجنب الصنف ده من وين….عموما المسلمون يعلمون علم اليقين من القرآن الكريم أن اعمار أسلافنا كانت كبييييرة…سيدنا نوح عليه السلام مكث 950 سنه دعوة بس….أمكن الخواجات يكتشفوا السبب

ياود جبره فيها فك تسجيلات وكده لكن الكابتن والمدرب ركبهم لا تساعد على اللعب ومن الممكن الاستعانه بلعيبه معارين.ِالله يخت محنك..

أنت مسكين (ياعمو) الكيزان اول من توصلوا لمثل هذا العقار!!انت ما سمعت بالحاجه ام الاختراع والكيزان لم يدخلوا المعامل ولم يصنعوا كبسورت ولا أقراص ولا حتى حقن (شرجيه)وكل ما فعلوه هرولوا نحو المساجد وهم يهتفون (هي لله هي لله لا للسلطه ولا للجاه)وطبعا يا عمو هتافهم ليس قناعة منهم لكن الهدف جر الشعب الذى لم يتآخر نحو المساجد حتى يخلو لهم وجه بيت المال ليدخلوها بسلام آمنين!!يا عمو الكيزان جو السلطه بسروال وعراقى واحد فقط وكان أجعص واحد منهم يقعد في الطشت او جرف النيل يغسل السروال وهو لابس السروال ولما ينشف السروال يلبسو ويغسل العراقى!! وبالمناسبة طول العمر وقصره في أغلب الأحيان مسأله نفسيه وإذا النفسيات كويسه وتمام التمام الصحه بتتصلح وتغادرك كل امراض الدنيا وآسقامها غير مآسوف عليهما والنفسيات الجيده يا عمو قوامها الغذاء الجيد والغذاء الجيد محتاجه (لنكتوت جيد)ويا حبذا لو كانت بالهبل دون بذل اى مجهود سيتضاعف عمرك الافتراضى !! وزى ما شايف ياعمو الكيزان حريصين على عمل (عَمَره كامله)من حين لآخر وبيغيروا البساتم والشنابر ويجلخو الكرنك شفط وبتركيز شديد على حتة(الشفط)دى بالذات !!وربما يلجاؤا الى تركيب قمصان لضمان الشفط الجيد!!على كل حال يا عمو خليك من الحساده وخلى الأولاد يدخلوك ورشة الكيزان الكائنه بالنادى الكاثوليكى او اى فرع من فروعهم المنتشره في جميع انحاء الجمهوريه ومكانيكية الكيزان (حيظبتوك) تمام يا عمو وحيضمنو ليك عمر مديد بدون ما تصرف قرش او تعريفه في ادويه اصلها مغشوشه وعلى الآقل تريح الولد الشايل الحبوب ماشى وجاى !!.

رب نافعة ضارة يا جبرا… العمره 60 نديهو بدل حبه حبتين و نرجعو… علي وزن المرحوم العزيز محمد واؤد و بكدا نتخلص منهم و نكون مستعدين لهم لما اطلعوا…

غايتو يا جبره انا كنت فى القاهرة واحد صديق مصرى هدانى لخلاطه سحريه كده مع الريق
جبه تفاح مع قطعتين جزر و انا من عندى واحده فراوله تقريبا اسى ماشى على الخطه ذى ست اشهر شايف فى تحسن فى نشاط الجسم و اليقولى انت وشك بيلمع كده اوع تكون بتمسح ليك كريم البيقولك مالو جسمك بقى خفيف كده و اكتر من كده بيقولى بقيت زول ضحك.
غايتو يا جبره انا اديتك السر ده وانت وشطارتك احتمال انا اعمل فك تسجيلات فى يناير
و اسجل لاعبين جدد ذى ناس مسى و كده اصلو الدورى بقى صعب

ياخ ديل ما محتاجين أي دواء كده كده قاعدين أصحاب اللون البمبي كما يحلو للعزيز صلاح لا بموتوا ولا بمرضوا وكان مرضو بسافرو أوربا علي حسابنا ويتعالجو ويجو أشد من الأول
بعدين بالله عليكم لاحظو أجسام ولاد الكيزان ديل ي اخي تيران بس والله مع أنها قروش حرام لكن نافعاهم
غايتو نحنا لينا الله وإن شاء الله نلقي الجنة