أديس ابابا : جنوب السودان يطلب من نظام البشير دفع مبالغ النفط المنهوبة كبادرة لحسن النية

يا ناس… لملموا ورقكم وأرجعوا شوفوا مشاهدكم… ناس باقان ديل ما ناس سلام ولا يحزنون… دي ملعبة فارغة.

يا دى حسن النية
1/ اطلاق الجواسيس الاجانب بادرة حسن نية
2/ الانسحاب من ابيي بادرة حسن نية
3/ العودة للمفاوضات بادرة حسن نية
4/ ارجاع البترول – حسب طلب باقان – بادرة حسن نية

و تضيع حقوق الشعب السودانى ثمنا لحسن النوايا

يا لطيف الطف !!!!

ياستار تستر بدأية فشل المفاوضات

صورة ابوالجاز هذا الثعلب المكار وهو برفع ايدينوكانوا بنفي لباقان وبقول : يا باقان قريشات الدولارات دي انا ما اكلتها براى لو دايرين قريشاتكم كلها ترجع امشوا اسالوا عنها رئاسة الجمهورية بمستشاريها واسالوا مجالس الوزارات الاتحادية و الولائية اسالوا المجلس الوطنى و المجالس الاتحادية اسالو مجالس الولايات و مجالس المحليات اسالوا ناس الذكر والذاكرين اسالوا ناس الحركات الموقعة وناس صناديق دعم المجهود الحربي وصناديق دعم الطلاب و الطالبات اسالوا اخوات نسيبة والدبابين و الدبابات اسالو امن المنشآت والمعلومات اسالو المجاهدين و المجاهدات اما الثلاتة المطلوبين للجنايات ديل ملفاتم مكتملة وما دايراضافات
تخريمة:
الجنا دا بالصح بياكل بخشيمو دا الويكي و التمليكي

والله الحكومة غلطانة ، هي الوداها تسرق جاز الناس شنو ، وبالمناسبة عوض الجاز دا سووه وزير بترول عشان اسمه الجاز ، طيب أنا عمتي اسمها الجاز ما سووها وزيرة مالها؟؟؟

بكل هدوووء,

– طالما السودان جر الى مفاوضات لم ولن ينقش فيها “……” لأنه لا توجدالمؤهلات التفاوضية عندنا, و طالما جررنا الى أرض عدوة الخسارة فيها محتومة. على السودان أن يستعين بخبرات تفاوضية أجنبية على غرار ما يفعل الجنوبيون.

– على السودان العثور على مستشار يساعد فى المفاوضات وحبذا لو كان إسرائيليا مقابل المال (ياخد حقو بالدولار). المفاوضون الإسرائيليون هم الأفضل والأطول خبرة فى العالم “خبرات عاتية كانت متمرسة فى فقع مرارة صائب عريقات والفلسطينيين” … ولن يمانع المتقاعدون الأكفاء منهم من عرض خدماتهم مقابل أجور مجزية.

– فقط على مفاوضينا “ناس أخوى وأخوك” المماطلة حتى يصل الدعم الاسرائيلى ويتعرف على ملفات القضايا.

– حكومة الجنوب ناجحة جدا بفضل الاستعانة بهكذا خبرات وعلى سبيل المثال, كبير مستشارى سلفا كير اليهودى.

– الاستعانة بالخبرات دائما سر الادارة الناجحة, خير مثال على ذلك مستشار أسامة داوود اليهودى “رونى”… مصنع كوكاكولا فى السودان, من يصدق ذلك والأدهى, بزنس ناجح فى السودان!! سابع المستحيلات لولا الاستعانة بالخبرات المناسبة.

باقان الثعلب يريد ان يقول كذلك لاجل الا يطالب السودان بالنعويض عن حرائق هجليج…يا وفد البلهاء طالبوا بالتعويضات عن هجليج كبادرة حسن نية كذلك

إرجاع الحق لا صحابه ،، هو اساس أى مفاوضات فى هذة الدنيا، الا اذا عفا صاحب الحق ،، لان الحق حق ً، نحن لا نلوم أى ذا حق ان يطالب بحقه ،. و التفاوض بعد ذلك فى الاشياء الخلافية ،،. ويمكن التفاوض عن كيفية إرجاع تلك الاموال المسروقة ، بالتقسيط المريح ،. ولو طالب باقان أيضاً بإرجاع السلطة المنهوبة من السودانين ، وإعادة الديمقراطية ، أيضاً معه الحق حتى يستطيع التفاوض مع حكومة شرعية مدعومة من كل افراد الشعب السودانى ،، وحتى يكون الاتفاق. شرعى وليس فيه أى غبش ،،. كل الاتفاقيات التى حدثت فى عهد الإنقاذ منقوصة ، والشعب السودانى. غير ملزم بها ، بما فيها نيفاشا واستقلال الجنوب ،. انها اتفاقيات ثنائية بين الحركة الشعبية ،. وحكومة غير شرعية انقلبت على الديمقراطية ، ولا تمثل الا نفسها ..

انظر الى المحكمة البريطانية التى تحفظت على أموال البترول حتى معرفة من صاحب البترول ،. لان الشراء من السارق يعتبر اشتراك فى الجريمة ،. ولا يعطى المشترى الحق فى البضائع المسروقة ، حتى لو انه اشتراها ودفع الثمن ، بنفس المنطق. ، ان اتفاقية نيفاشا باطلة قانونيا ،، لان الإنقاذ ليس لها الحق ولا تملك السودان حتى تقسمه ( اديناهم دولة ببترولها ) كما قال البشير ،. هذا إعطاء من لا يملك. الى من لا يستحق ،،.
يجب اولا إسقاط هذا النظام ، واسترداد الحقوق ،،. وانتخاب حكومة شرعية تمثل كل الشعب السودانى ، وبعدها يمكن الجلوس مع الأخوة الجنوبين ، وحل كل مشاكل السودان الموحد بما فيه دار فور ، كردفان، جنوب النيل الأزرق ، الشرق ، الشمال. . الوسط الجنوب ،، والتراضى على نظام حكم منصف لكل الأطراف ،، واذا ارتأى الجنوبين ان ينفصلوا ، عندها فقط يكون الانفصال قانوني ، ومرضى لكل الأطراف ، ولا غبش فيه. .. لانه. اتفاق يتم فى أجواء حرة ومع اصحاب الحق وهم الشعب السودانى ،، الإنقاذ لا تمثل السودان ، حكومة غير شرعية ، وبالتالى كل ما يترتب عليها من اتفاقيات غير شرعى ،، ما بنى على الباطل فهو باطل
قد يبدو هذا الكلام غريبا على الكثير ، لكن يا أخوة انها الحقيقة المرة ،. فما رأيكم ؟؟