هلع مصري بسبب كتب مدرسية تؤكد سودانية حلايب …

نحن فى انتظار رد الطفل المعجزة طبيب الضروس ونتمنى أن يكون الرد حاسما و رادع و تتحرك قوة من المدرعات و سلاح المشاة و الدفاع الجوى و الهجانه و البلطجية والامن و الاستخبارات والدبابين و فيلق القدس و الحرس الثورى الايرانى بموجب اتفاقية الدفاع المشترك .
الى منطقة حلايب و شلاتين و ابو رماد و الفشقة وطاقم اعلامى من القنوات الحكوميه لتصوير تحرك الوحدات و رصد كل شاردة و واردة .

طلما بقينا ملطشة في يد كل من هب ودب لية الفراعنة مايشيلو حلايب وشلاتين والحبش من الامام والجتوب من الجتوب وكل واحد يشيل العاوزة طلما البلد مافيها وجيع الله يكون في عون سودان العز

لسة بيقولوا الحلايب منطقة تكامل
ولا نعرف بما يسمون الفشقة
هجليبج فى طريق لان تم تسميته بهجليج فى سبعينات عند اكتشاف البترول و عندما بدا الاعلام فى السودان تتحدث عن اكتشاف البترول على بعد بضعة كيلومترات جنوب الخرطوم فى تحاشى واضح تسمية مناطق تقع فى عمق جنوب السودان

الاخبار الذي دي بتفرح ناس الطيب مصطفي و الطفل المعجزه ، ديل حلم حياتهم مصر تحتل السودان و يرجعوا يشتغلوا بوابين و خدامين عند الفراعنه الانتهازيين . لكن صبرا جميلا يا مصريين تاني الا تشربوا من البحر الاحمر و مويه المجاري .

انت تهزوا ساااي الناس ديل عندهم حاجة اسمها السودان انتهت وهم يعدوا العدة للتقسيم منذ انفصال الجنوب علي عثمان يرتب باوراقو وخلاص ما معروف كل واحد مننا يقع في ياتو دويلة

اهه قولك شنو يانائب الرئيس( أدمو ) اسرائيل خلها وقت معلقة في السماء
ديل في الواطة قاعدين شيل ساطورك وامش عليهم

النظام السوداني الحالي اكثر نظام فاشل وجبان وخائف وتافه…الانظمة التي قبله كانت ارحم بمليارات المرات هذا النظام لايعترف بحدود للسودان الا الخرطوم وما جاورها…ومن شدة خوفهم وانبطاحهم للمصريين المحتلين لمن قاعدين يقولوا ياابن النيل والله لو الواحد عندو قدرة كان مسح مصر من خارطة العالم نهائيا

حلايب سودانية مية المية لكن المصريين قلعوها من الجعلي رجالة عينك عينك. والجعلي الرقاص رجالتوا بس علي الطفال والنسوان والشيوخ قال اسد العرب قال…..

اين هى حدود السودان ….واتحدى اى حد يعرف …..وكم عمر السودان بهذا الاسم…..وماذا كان يسمى قبل ان يسمى السودان……اخشى ان نكون دوله مصنوعه على عجل فخرجت دوله اسمها السودان بكل هذه التشوهات والعيوب الخلقيه والتناقضات العجيبه هذه…فقدان هويه……فقدان وطنيه….فقدان انسجام مع المكونات الاثنيه…ضياع وتيه …..واعظم حكمه كان راكوبة ابوك خربت شيل منها شليه..ونتغنى ملعون ابوكى بلد…..نتمسح فى الحضاره الفرعونيه ونتفاخر زورا بانساب عربيه وتوثقنا اصول افريقيه خالصه غير متجانسه….او كما قال الاديب الطيب صالح …من اين اتى هؤلا…..او الفيلم المصرى الشهير لبن سمك تمر هندى…..دعكم من النفخ فى الغراب المقدوده ….من انتم كما قال الراحل القذافى واين كنتم قبل مئتى عام فقط……او شيل دا من دا يرتاح دا من دا……بعدين تعالو فتشو عن حلايب والفشقه وابييى والميل مليون ..ابحثو عن انفسكم اولا …او فضوها سيره ..كما كنت فى 1800 ونبدا من جديد واللهم لا اعتراض فى حكمك

ربما التواجد الكثيف للمصريين داخل السودان في هذا الوقت هو الذي احدث اختراق للامن من قبل اسرائيل مما جعلها تنجح في استهداف البرادو والسوناتا واخيرا اليرموك