حميدتي يدق ناقوس الخطر بشأن الشراكة ويرسل إتهامات لبعض مكونات قوى التغيير

السؤال الذي يجب أن يطرح: من أين لك ما يجعل منك قادرا على المساعدة؟ وهل مالك لك أو للدولة؟ هل قمت بـ “تصفية العهدة” مع الشعب السوداني؟

ومن أين أتتك التحذيرات؟ حضرة نبوية أم عمل أمني تجب مشاركته خطوة بخطوة مع مجلس الوزراء؟

البشير لم تسقطه الأزمات، البشر أسقطه انسداد أفق حل الأزمات وانعدام الأمل بعد فرصة امتدت لثلاثين عاما، الشعب يفهم من أنتج الأزمات ومن هو جزء منها ومن يخطط لمستقبل يتجاوز هذه المرحلة.

عليك أن تعرف أيضا أن هذه ليست “بعض” مكونات الحرية والتغيير بل هي مرارت فض الاعتصام.

أيضا يحق لنا التساؤل: هل يقوم المكون العسكري بدوره في مكافحة التهريب والجرائم الاقتصادية الأخرى؟

إذا كنت تريد شراكة حقيقية مع الشعب فلا مفر من التصدي لجميع هذه النقاط

يا حميدتي عندما تدمجوا دعمكم السريع في الجيش وبقية المليشيات الموازية للجيش ويكون هنالك جيش سوداني واحد بعقيدة واحدة وتسلموا جبل عامر للحكومة في هذه الحالة تقبل المساعدة ولكن ان يكون الدعم السريع جيش موازي فلن نقبل منه المساعدة لان اياديه ملطخة بدماء مجزرة القيادة الامة وخليك من اللف والدوران جرائم الدعم السريع في دارفور يندي لها الجبين الوطني.
We are ready for his coming action

مهما فعلت لن يكون مرحب بك فانت مجرد قاتل وهذه المساعدات التي تقدمها ، أموالها من الذهب الذي تهربه علي عينك يا تاجر مستاسدا بجنجويدك ورباطتك وسنظل نهتف وبالصوت العالي الإمارات راعي العسكر والانظمة الدموية والديكتاتورية في المنطقة..قال مساعدات قال

الحرية والتغييير سرقت منا الثورة والان شغاله مشاكسات ولا يهمها ان جاع الشعب او شبع

كلام طيب بس الواحد لسه ما قادر يصدقك
قبل كده مش وعدتنا انك ما حا تفض الاعتصام و لا حا تسمح بي فضو و اخلفتا؟
نفذ الكلام القلتو دا و تمو الفترة الانتقالية و سلموها لي حكومة مدنية منتخبة و انا متأكد ان الشعب السوداني حا يسامحكم و يديكم حصانة.

يا زول بتقول في ايادي لمادة الي السودان هذه ايادي غزاره مثل اياديكم الملطخه بالدماء اولا تقصد السعوديه اميرهم قتل وقطع في سفارة بلادهم تفتكر ده بيفكر في مصلحة السودان في ا! بعدين الاماراتي مجرم حرب اليمن ليس له خير في زوجته وأبناءه تفتكر ليه خير في السودان، ده مخطط بواسطة الامارات والسعودية ومصر الي اضعاف المكون المدني والدليل دعوة عسكري مشارك في حكومه انتقالية الي امريكا وعند عودته الي البلاد استعان بالجيش لكي يطلع بيان منذ مني للجيش السوداني بنشر بيانات سياسيه هذا اسمه استقواء بالمكان المدني عندما اتخذ القرارات الاحاديه، اين هم قتلة أبناؤنا امام القياده ؟ اين اموال الدهب المهرب الي الامارات جريده لندنيه بتقول حوالي 99٪ من الدهب السوداني هرب الي الامارات لو عاد هذا المال واموال الكيزان يمكن ان تحل المشكله الاقتصاديه،بعدين تعال كلمنا عن انا نعامل هؤلاء العراب كمقدمين اعانات ليس اغنياء يريدون شراء أبناؤنا الحروب التي يخوضونها في اليمن وليبيا واليمن ،

علي كرم الله وجهه قال : ما اغتني غني الا بفقر فقير .
هسه انت هب كده فجاه في قضون ١٧ سنه و من العدم بقيت تملك المليارات من الدولارات و مئات الآلاف من السيارات و أرتال من الاسلحه المختلفة و بتقيم في شركات صناعية عائليه و بتنشيي و تؤسس في مطارات و بتشتري في الطائرات الخاصه و العسكريه و المدنيه و طائرات شحن و بتبني في عشرات العمارات في أنحاء مختلفه من الخرطوم و الأقاليم و بتوسع في امبراطوريتك العسكريه كل يوم و عندك نوايا تؤسس ليك وحدات إضافيه بجانب الدعم السريع كقوات مدرعات و طيران يتبع ليك بس و بتدفع الملايين من الدولارات لشركات دعايه اجنبيه عشان يجملوا وشك السياسي ، و دا كلو من قروش خارج ميزانيه الدوله يعني من قروش الشعب السوداني الغلبان دا . طيب بالمنطق كدا و علي قول نظريه سيدنا علي كرم الله وجهه ، انت هسه فرخت ليك كم جيش من الفقراء بالسودان بسبب غناك المشبوه دا .
طيب ، دا كلو صرفنا نظرنا عنه ، اذا لمبه ضميرك حرقتك و داير تساعد الناس مش احسن تساعد الناس من خلال الحكومه اللي انت عضو كبير فيها من غير ما اي زول يذكر سيره اسمك كلو كلو اذا أصلا ما عندك اي نوايا تانيه و لا أغراض سياسيه ، عشان انت عارف سيرتك مع الناس في الخرطوم و بالذات في دارفور و كردفان ما كويسه كلو كلو . اذا كان ظهورك المتكرر في الإعلام نوع من استشارات الإعلام الأجنبي داك اللي هفت الملايين من الدولارات عشان يلمعك سياسيًا يبقي زولك دا اكل قروشك ساكت و لو كنت ختيتهم في ديوان الزكاه كان ارحم ليك علي الأقل كانت صادقه .
بعدين بالمنطق كدا ، اذا انت التزمت بمكانك في الموسسه الحكوميه كجهة إشرافيه رقابيه سياديه و ما حشرت نفسك في ممارسات السياسيه التنفيذيه اللي بيحتاج ليها لارضيه معرفيه بدهاليزها ما كان دخلت في تناقضات و مشاكسات مع الثوار و لا مع ممثليهم من ناس قحت و لا حتي ناس الحركات . اكيد كان علي الأقل كسبت شويه تقدير من الشعب و علي الأقل الناس دي كانت تناست بعض هفواتك ، لكن انت مشكلتك انو الظاهر في جهه قايت تدفرك و بقوه عشان تلعب الدور دا مع انو القوه دي بتلعب لصالح اوراقها و اول ما ورقك يتحرق ح يبرأ منك في لحظتك ديك و بتمشي تشوف ليها لاعب تاني يتم ليها لعبتها . بما انك زول مفتح علي الطبيعه و ما من كلام كتب و قدرت تخدع الأربعين مليون سوداني و تطلع عليهم يبقي خليك في تكتيكك و ما تبقي قطعه في لعبه شطرنج ليها جمهور خارج البلد . عشان دا ح يدفعك الثمن غالي خالص ، و احسن قروشك دا كلو كبو في التنميه بدل في اسلحه و رشاوي عشان لو فجاه اللعبه اتغيرت تكون علي الأقل عندك وسادات اجتماعيه بين الناس ما بتدق الدلجه عشان انت عارف القروش دايما ليها ماسورة في اتجاهين بتصب عليك و فجاه بتشفط منك كلهم .

حميدتي رجل صادق واعتقد انه شخص ذو بصيرة ناحية المستقبل .. ولولا حميدتي لكنا الحاضر الذي نعيشه الآن في السودان مختلف عما هو عليه الآن وهذا كله بإذن وفضل الله فالرجل قصر طريق الثورة يومها لا يدرى أحد إلى اي المسافات كان يكون مداه فيجب إلا نظلم الرجل فربما كانت نيته في أفعاله تتنقل الى قمة الخير لا الشر .

ياخي المدعو حميدتي دا أكبر خازوق زرعو البشير في البلد دي مجرم، تافه، مأفون وجاهل، ما في ذلك شك ويمتلك قوة عسكرية ومالية لا يمكن الإستهانة بها. فلكي ينعم هذا الوطن بالاستقرار على المستويين الأمني والإقتصادي لابد من العمل بشكل واعي لـــــــــــــــــــــــ:
1- حل ملشيات الجنجويد (الدعم السريع)
2- إرجاع كل الإصول والثروات القومية (ذهب جبل عامر مثلاً) لولاية الدولة ومنع كل المؤسسات الامنيةوالعسكرية من الإستثمار في كافة أشكاله والتفاتها لعملها وواجبها الأساسي الذي إنشئت من أجله.

حمدتي يظهر علية الصدق في كلامة في هذا اللقاء