(%30) زيادة في أسعار تذاكر البصات للولايات
الخرطوم – أيوب السليك
أصدرت وزارة النقل والمواصلات قراراً بزيادة أسعار تذاكر البصات السفرية من الخرطوم للولايات بنسبة 30% لأيام الخميس الجمعة السبت تخصيصاً من كل أسبوع.
وقال مدير شركة عزوز للنقل محمد محجوب كبلو لـ «الأهرام اليوم»: إن القرار الذي تسلمته الشركات ويبدأ نفاذه منذ اليوم الخميس مؤقت وقصد به معالجة حالة الزحام والاكتظاظ بالموانئ البرية بسبب بطء الرحلات من الولايات للخرطوم في الأيام المذكورة، التي تصادف العطلات الأسبوعية، وأضاف أن هذا القرار يجنب الشركات الخسارة التي تلجأ لتنفيذ رحلات من الولايات إلى الخرطوم تكون شبه خالية من الركاب.
وفي المقابل فإن القرار وجد استنكاراً وخلق سخطاً وسط جموع المسافرين، وطالب بعض من استطلعتهم «الأهرام اليوم» السلطات باتخاذ تدابير بديلة تكفل لها التراجع عن القرار.
وأشاروا إلى دخولهم المحدودة حيث يعمل معظمهم موظفين وهم مضطرون للسفر أسبوعياً. وأبدوا تخوفهم من أن تكون الزيادة المؤقتة بالونة اختبار تمهيداً لاستمراريتها.
الاهرام اليوم
مازا نتوقع من الحراميه
كلو نهب في نهب
يعني يا وزارة النقل عشان اصحاب الباصات السفريه ما يخسرو تقومو تخربو بيتنا انحنا ده ما حل الناس ما حتسافر يوم الخميس والجمعه والسبت فبالتالي ناس البصات حيقومو يعملو الزياده دي في كل الايام …المشكله في الشركات السفريه بقت كتيره قللو عدد البصات كرهتونا البلد دي يا كيزان … التجاره في كل الدنيا ربح وخسارة الا في السودان طوالي ربح ربح … يا وزارة النقل هذا قرار غبي جدآ واستباقي لان اسعار الوقود سوف ترتفع عشان كده حتكون برضو في زيادة فوق ال 30 % دي .. يا كيزان ويا تجار انتو ناسين في يوم قيامه وحساب
نهب للمواطنين كلهم حراميه
الحل يسيط جدا….السفر بالاربعاء والرجوع بالاحد
دى المناظر الفلم لسة ————–
اكل العيش خلة الناس تخلي اولادة وتمشى تشتغل فى الخرطوم طول الاسبوع في نهاية الاسبوع يمشو يشوفو اولادم يقومو يدفعو كل القروش في المواصلات ويمشو ادينم عشرة ولا شنو واللة حرام عليكم الناس دى دايرة توصلنا وين ——————-
الناس البطلع القرارات دي بطليعا ساي كدة بدون دراسة
تستاهلو لانكم بشجعو الحكومة في اي وقت لكن هي ماقاعدة تراعي المواطن المسكين
بالذات فى موقف شندى فى بحرى هناك حالة انعدام البصات شبه يومية ما عراف السبب شنو؟؟؟ فى ناس قالوا السبب الذهب وبعد دا التذكرة أصلا سعرها زاد قبل الزيادة يعنى تذكرة عطبرة كانت بى 20 جنيه قبل الزيادة كانت بى 28 جنيه والان بعد الزيادة ما عارف حا تبقى كم احتمال كبير تبقى 40 جنيه وما فيش حد حا يتكلم
الحكومة استغلت احتفال الشعب بتحرير هجليلج وحشرت القرار فيكم بدلا من قرار زيادة البنزين
بعدين البصات دي اهلية كلها ايه دخل الحكومة فيها تزيد او تنقص اسعارها ؟
يا اهل الانقاذ بالله عليكم ما شبعنم حسبى الله ونعم الوكل
لا احد يدافع عن الشعب السوداني لان الشعب اصبح يخذل كل من يقف معه وشعب لايستطيع ان يتخذ موقفة الواضح امام الحكومة الظالمة لذلك ان جاءت مجاعة سنة 306 فاليموت من يموت واليحيا من يحيا