أب يحلق شعر ابنته (صلعة) لعصيانها أوامره!!

عجبني ليك إن شاء الله الشعر والحواجب كمان.
مابتخجلي عاوزه تشتكي,أبوك,,,أببو ياقليلة الأدب يامفعوووووصه.

والله دا احسن ادب لبنات صلعة مفروض اي بنت تحلق صلعة يمشه في الشارع بدون طرحه عشان تعرف الادب

الظاهر البنت كانت ما بتغطى راسها…وغير ملتزمة بالحجاب والله اعلم

ولادة اخر زمن من افرازات الفكر التحرري هنا من لا يعرف الفرق بين الحرية والفوضة والخليعة حتي بعد الجامعة وين الدين وبر الوالدين

ده شباب الزمن ده ما بتقيده باي شي لا دين لا ادب ولا تقاليد ولا اعراف ….بقولوا نحن شباب حر …بس الحرية ما كده حريتك يا بنتي بالتزامك بدينك وادبك واحترامك لاهلك ولنفسك وللمجتمع الانتي عايشة فيهو شوفي تاني لو حد يقدر يسالك

قد يرمي البعض باللوم على شباب الزمن ده كما يقولون كشماعة يتم تعليق أخطاء الاباء واهمالهم لتربية ابناءهم تربية قويمة ينام الاب ثم يصحو ليجد نفسه امام حصاد مر من اهمال ابنه او بنته وعدم تربيتها واحيانا قد يقتصر دور الاب على الماكل والمشرب فقط ويترك الحبل على غارب الشارع وليربي له فيحصد علقما وحصادا مرا غرسته يداه فيصدق فيه المثل القائل يداك اوكتا وفوك نفخ وقديما قالوا السعفه مابيربطوها بعد تنشف لابد من عقدها وربطها وهي لينه وكذا التربية لها اوان وزمان وبعد ان يمضي هذا الزمان تكون تحصيل حاصل وفرفرة مذبوح ليس الا ليس من حق الاب ان يتضخر من سلوك ابنته فهذا حصاده ومن يزرع حنضل كيف يحصد قمحا ,,
لا الوم شباب الزمن ده ففيهم من هو شمعة تضئ لابيه بحسن الادب ويعطي ابوه حقه في الاحترام والتقدير ويعلم ان احترام نفسه هو بمثابة رد للجميل لابيه كدليل على احسانه وتربيته تربيه حسنه

الأب متخلف وجاهل دي مافيها إتنين تلاتة .. والأجاويد ديل كانوا يجوا وقت بيحلق ليها في شعرها مش وقت ماشة تفتح فيهو بلاغ..!!

أما (المقرف) في الخبر ده .. فهو تعليقات الناس الهنا الما صدقوا لقوا ليهم جنازة يشبعوا فيها لطم .. وبدون ما يعرفوا تفاصيل الخبر البايخ ده .. لأ والعجب العجيب إنه في بنات/سيدات معلقات وواقفين مع الأب ضد الإبنة..!!

بصراحة تستاهل يحلق ليها صلعه ويسوى فيها كل الدايرو كمان تتلاسن معاهو وماشه تشتكيه ؟ دى قلة أدب بنات ساكت وعديمة تربية قبل الآن كانت التربية من الأم والأب لكن بعد ظروف السودان الحالية وانشغال الأب بمتطلبات الحياة أصبحت البتربى الأم ويظهر أمها ما ربتها صاح لكن برضو ما مبرر ليها لتتعامل مع ابوها بهذا الشكل تستاهل

على الحرام لو اختى كان ذبحتها لو صوتها علا بس …خلى قلة الادب
بس العتب على الاب لانو من البداية ترك لها الحبل على القارب
والكلام دا مابنفع فى بلد زى السودان لاننا مجتمع نعتبر من افضل المجتمعات المحافظة والله اعلم …وربنا يهدى بنات المسلمين ويبعدهن عن العولمة الضيعت العالم

واجب الوالدين على الابناء التربية السليمة ومكارم الاخلاق.. وحق الوالدين على الابناء البر بهما والقول اللين..

كسرة:
الصلعة عند البنات ذااااتا الايامات دى بقت موضة عالمية.. خاصة السمراوات.. حليل ميريام ماكيبا الدايماً حالقة نمرة واحد وخاتة فردة حلق القمر بوبا..