(رجالة) الحاج آدم..!!

أنا ما عارف ياصلاح ، هل الرجال فى الاحتماء بالسلطة ؟ يا أخى دى ما رجالة الرجالة كان لمن الزينا كان شق الخور بالليل ؛ الرجالة فى الأخلاق الفاضلة وفى العمل الطيب وفى مؤازرة الضعيف . دحين يا صلاح إنت وكل من يكتب أو يقول فهو أرجل من أىٍّ منهم . فإنكم تتحدون فى سبيل المواطن الما لاقى فرصة يقول كلامه × موش لأنه خايف ، لكن لآنه ماعنده وسيلة يوصل رأيه . ودا حتشوف قريب لمن يقلبها حتشوفوا الرجالة كيف ؛ وأب ساطور بتاعك سيهرب من المواجهة كما فعلا سابقا . ووالله لو أنا تانى ما بخلى الشعب يشوف وش ويفضحنى : الهارب الهارب THE FUJITIVE ونافع الرمة أول من يهرب هو وعلى وش أسود ومصطفى بزاغ .

إنما الإنقاذ هى … مرة وضكرية.

لقد أضحت رجالتهم مجرد عنتريات لا تقتل ذبابة ، والله الحريم والنسوان أرجل منهم وكفاية هزائمهم المخزية في هجليج والرهد وكاودا وأبوكرشولا ، هذه المناطق لو أرسل لها جيش من النسوان والبنات لعلت الزغاريد بتحريرها ، رجالة شنو يا ود عووضة؟ ديل رجالتهم بس في السرقة وال… أكمل العبارة يا ود عووضة

الحاج ادم دا همبول ساكت بتذكر كان عملوا معاه لقاء ايام المظأهرات و كانت المذيعه سالتو عن زياده الاسعار و انه كيلو الطماطم بقي بي10 جنيه و صحن الفول ب5 جنيه فقال ليها (دي محمده و خير للمزأرع و غألب اهل السودان مزأرعين ) و شويه كلام فارغ كده لحدي ما خلا المذيعه فاتحا خشما من الدهشه ما عرفت تقول ليه شنو ، كانت حاجه مخجله بالجد انه نائب الرئيس و حامل الدكتوراه ما قدر يستوعب اسئله بسيطه ممكن يفهما طفل عمره 10 سنه .
ما تضأيق نفسك يا عووضه الناس ديل براهم حيطبظو عينهم و الرجأله البتكلموا عنها دي ما بقدروا عليها و بكره لو جوا ناس الجبهه الثوريه و دخلوا الخرطوم علي بالطلاق ما تلقي واحد فيهم قاعد و اول واحد حيكب الزوغه لما يفرطق سرواله من الجري حيكون الحاج ساطور دا و قريب حتشوف .
ديل ما فيهم راجل يقيف يمسك سلاحه و يحارب بس فالحين يرموا في اولاد الغلابه في المحارق عشان يقعدوا في الكراسي ديل ناس دنيا استحلوا التمردغ في الملذأت و ما بفرطوا تاني في حياه البذخ و الدعه .

يا أبو ساطور الفلم قرب ينتهي .. الهروب الكبير حيكون علي وين…تخيلوا منظر بوساطور جاري وماسك جلابتوه بخشمه وشايل ساطوره مرفوع لفوق.. المهم خليك شاطر.. وماعندك حل غير دولة إسرائيل الديمقراطية ..دولة الميعاد!! ومافي مشكلة في يهود سود!! بس محسوبين درجة خامسة !!

الرجاله تعنى التحدى وهو يبدا بحرب اللسان ةهو اشد فتكا من السلاح حيث يستطيع صاحب اللسان اقصائك بعيدا حتى لمجرد التفكير انك حتتحداهو وتدخل مع صاحب اللسان فى جدال قد يكلفك حياتك بمجرد كلمه جارحه امامك اوامام اهلك او ابنائك او امام مجتمع مدنى او ندوه او اى شى فيهو تحدى وفرض راى…اما الرجاله فى الحروب فهى تعنى القرار حتى ولو يكلفك حياتك مستبعدا موازيين القوه حتى ولو لم تكن فى صالحك وهذا مافعله صدام مفضلا الموت على الخنوع وهذه هى الرجاله ما اردت ان اوضحه ليست الرجاله بالضروره تعنى النصر.

والله يا ود عووضة احلى مقال تكتبه فى الاونة الاخيرة ولا تعليق لى عليه!!!!!
بس لازم اعلق تعليق بسيط كده وهو ان المرجلة اللى انا بعرفها ما بتكون على مواطنيك بل تكون على اعداء الخارج !!!!!(الرسول عليه صلوات الله مش قال خيركم خيركم لاهله وانا اخيركم لاهلى او ما معناه؟؟؟)
انت ما ملاحظ ان الناس التلقاهم رحيمين باهلهم يكونوا مهابين امام اعداء وطنهم واهلهم؟؟؟؟؟
ولا ناس الحركة الاسلاموية بيفتكروا ان اى زول ما معاهم لا يستحق الرحمة؟؟؟؟؟
واذا بيفكروا بالطريقة دى تكون النعال او الجزم اطهر من اكبر راس قيهم بالعربى الفصيح كده !!!
والله لا تبارك فى اى واحد منهم!!!!!!!!!
بعدين يا ود عووضة والله بدون الحاشية المسلحة والله ما يقدروا على مرة مش راجل!!!!!

الساسة هى فن الممكن .فهذه التصرفات الصبيانية لا ترتقى الى فهم الساسة فالعبارات التى يتلفظ بها ساستنا هى سبب كل هذه الكوارث فقط ارتقو الى مستوى المسئولية وخافوا الله فى حق الشعب المقلوب على امره

كيف أن صدام حسين “خربها و(مات) على تلها!!” بسبب هوسه بـ(الرجالة) هذه..يا عووضة إنت تتكلم عن الرجالة ونسيت نفسك هل من الرجالة التقول على أحد رموز العرب وقول غير الحق وتشويه صورته لدى القراء ولكن عزائي الوحيد أن الواقع يكذب ما ذهبت إليه في حق صدام حسين صدام الذي أغتيل ولم يمت والذي حمى العراق وطوره وإنتقل من الدول النامية إلى دولة متقدمه والذين بالعدوان والإحتلال دمروا العراق هم الأمريكان والفرس وليس ثورة شعبية والبعث والشعب يقودون ثورة شعبية لتحرير العراق التي أعد لها صدام لتكون حرب تحرير لكامل التراب العراقي… و ختاما نقول لك ولأمثالك…

مرة‎ ‎أخرى لكل من يريد تشويه وإنتقاد البعث وقياداته… نقول إن معيار الوطنية والشرف‎ ‎هو يقاس بموقفك من ‏حزب البعث وقيادته وفكره وأهدافه وبرامجه ومواقفه ، لأنه موقف من‎ ‎قيم العدل والحق والإنتصار للشعب ‏ومصلحته وتقدمه فإن كنت حاقد على البعث ولم تفهم‎ ‎ولم تعجبك أفكاره فإحتفظ بآراءك لنفسك ولا تستفز بها ‏غيرك من محبي صدام‎ ‎والبعث فلا مصلحة لك لكسب عدائهم إن لم تكن من أعداء البعث وفكره فأرجع‎ ‎البصر ‏مرة أخرى في البعث وفكره لعلك تهتدي بنوره وتكون من المناضلين في‎ ‎صفوفه..آمين

يا ناس الحاج ابوساطور الرجاله بتوه يدعم قبيلته البني هلبه للقتل وابادة قبيله القمر في كتيلا وانتكينا وتهجرهم وهو المسوؤل الاول عن قتل زعيم القمر ابكر ابوراسين في كتيلا وملفه وصل المحكمة الجنئاعية الدولية اصبح في قائمة المطلوبين

ديل بيفتخرو بالطيب سيخة وما بعرف سفروق وفلان عكاز
والوافر ضراعه
اسرائيل قالت الوافر دماغه وعملت مالم نقدر على عمله وادبتنا ومافي دولة عربية حتى مصر تقدر تقول تلت التلاتة كم
شوف كوريا التي تصدر في شهر واحد اكثر مما يصدره العالم العربية من المحيط الى الخليج في سنة كاملة
كوريا يكفيها جالاكسي سامسونج وهيونداي
لم نسمع واحد كوري قال رجالة قال عمل وقال علم