بين(الطلح والشاف) الدخان .. زينة أم علاج ؟
الخرطوم : هاجر بابكر:
برغم ان الكثير من الشعوب عرفت الدخان إلا انها لم تستفد منه كما استفادت النساء السودانيات ورغم ذلك إلا انه لا توجد دراسات اهتمت به أهو اغراء او زينة ام علاج صحي للمرأة ؟ وفي احيان كثيرة للرجل
ايضا غير الذي اثبتته جمعية محاربة العادات الضارة من انه عادة ضارة وبالتالي رفضت القول انه علامة انوثة وإغراء كما ترسخ في عقلية الرجل السوداني فماذا قيل عن الدخان ؟
في شارع ابوروف تحدث بائع حطب(م/ك) بالقول:الدخان عطر سوداني وله مردود صحي يتجسد في كلام الشيخ فرح ود تكتوك(النساء لو يعلمن سر الطلح يحملن الماء ويسقين جذوره)ويذكران حفرة الدخان لا تصيبها رائحة كريهة في حالة هطول الامطار وهو علاج للرطوبة وأكثر انواعه الطلح والشاف فالطلح يسمى(فحم الحطب/ابو رنة)ولا يستعمل إلا لينا .. اما الشاف فله رائحة زكية ويساعد في نعومة البشرة وتفتيحها وهذا يعني انه افضل من الصابون والكريمات وبفضل هذا زادت القوة الشرائية له.
اما اسراء محمد احمد(متزوجة) فقالت:افضل استخدام الكريمات من الدخان لأنها سريعة والدخان يأخذ فترة زمنية طويلة وأكدت ان كل الفتيات لا يقبلن بالدخان،لدي تجربة بعد الزواج في الدخان لهذا لا احبه. وتقول (م،ع): للشاف والطلح نكهة في البيت ولهما فوائد مهمة في البشرة بالإضافة للمفعول الوقتي ،هنالك فرق بين الدخان قبل الزواج وبعده ولكن الفرق والتأثير في الكمية.
اما الدكتور مهدي شمت اختصاصي الامراض الجلدية وصحة الجلد بمستشفى الخليفة سليمان التخصصي فقال : ان للدخان فوائد عديدة فهو مبيض للبشرة ويحتوي على مواد مقشرة ويفرز كمية الاملاح عن طريق العرق وهذه الافرازات مفيدة لصحة الجسم إلا انه يسبب لبعض النساء ازمة تلامسية (حساسية) خاصة للائي ليس لهن مناعة ضد الحساسية ويأتي ذلك للاستخدام غير الصحيح سواء أكانت لمدة طويلة او لأول مرة.
الراي العام
بس في حاجة ما ذكرتوها ؟؟؟؟؟؟؟؟؟؟؟؟؟؟؟؟؟؟؟
لا أدري كيف يكون الدخان مبيض للبشرة وهو تفاعل كربوني ،،، اضافة الى ان القطع الجائر لاشجار الطلح والشاف تسبب في الزحف الصحراوي من أجل الزحف الى مناطق أخرى،،،
حنة زي الكتكت وفي كرعين بستاهلوا يتحننو…. وقطع شك ماخفي كان أعظم
هذه العادة يجب أن تنتهي خاصة لدى السودانيين في بلاد الاغتراب ليس بسبب صعوبة الحصول على الوسائل والمعينات اللازمة من خشب طلح أو علبة نيدو فاضية، ولكن بسبب المشاكل التي تحدثها ريحة الدخان لدى الجيران وجيران الجيران إلى سابع جار .. كلنا نعلم أن شفاط المطبخ يشفط الدخان إلى المنور لينتقل بعد ذلك الدخان برائحته إلى جميع الشقق – رغم أنف ساكنيها – من خلال المكيفات التي تفتح في المنور ..
حكت إحدى السودانيات (وكانت مدمنة دخان تراه بوضوح في اصفرار قدميها) حكت لزوجتي أن جيرانها من جنسية عربية اضطروا إلى الرحيل وترك العمارة كلها بسبب تأذيهم من رائحة دخان الطلح التي تنبعث من شقتهم وصبغت جميع ممرات العمارة، وأضافت أن الجيران قالوا لهم عند مغادرة الشقة: سايبين لكم العمارة كلها عشان ريحتكم العفنة يا سودانيين ..
المفروض أننا وقد دخلنا القرن الحادي والثلاثين (دي زيادة مني) أن نبحث عن بدائل أخرى للطلح ولا شك أنها موجودة في الصيدليات والعطارين ومحلات أدوات التجميل لكي نريح أنفسنا ونريح جيراننا خاصة من التلوث البيئي الذي يحدثه دخان الطلح ..
كذلك مرور كراتين الطلح في المنافذ والمطارات والموانئ مسألة تثير فضول موظفي الجمارك وهم بلا شك ينظرون إلى صاحب هذه الكراتين نظرة لو ترجمناها وعرفنا معناها لتوقفنا عن هذه العادة مهما كلف الأمر ..
ما هو الحاجة
واحد مرتو رسلتو يجيب ليها شاف و هو ما بيعرفه قام سأل عامل الزريبة المسطول و أمامة مختلف أنواع الحطب: دا شاف؟
العامل المسطقول رد عليه قائلا: لا دا بشوف بعدين
الطلح ،الشاف الكليت، الهبيل ،الماكنتوش ……… الله ما يحرمنا منهم
الكوارع نضيفه
عمر حسن ماجرب الطلح شكلوا كدا نحنا مالنا والمطارات المغتربين ديل مش بياجروا بقروشن اكلم جيرانم يقول ليهم نحنا بنشد البنقز والطار بالطلح ويكلمو نسوانن معاهم بسكت ساكت بعد داك
قبل حكاية بتاعت سنتين كدا بيحكي لي واحد مغترب في السعودية انو كان ماجر الطابق التانى
وصاحب البيت سعودي ساكن في الطابق الارضي
والمهم السوداني قال لي صاحب البيت انو حيفك بلاطة من السطوح ولما يعزل من البيت حايركبا تانى
ودارت الايام ولفت وزوجة السعودي طبعا فضولية جدا اكان زارت السودانية في شقتا وبعد يومين قالت لي راجلا لازم تعمل حفرة زي العند السودانية وطبعا لانو السعودي لايعرف عمل اي شيء طلب من السوداني انو هو اليسويها ليو لانو ممكن لو اجر اي هندي او بنقالى يتفضح
……. الظاهر انو السعودي اعجب بالحكاية اعجاب شديد وبعد ما السودانى سافر نهائي طلب منو انو يخلي الحفرة الفي السطوح وما يرع فيها البلاطة
……. والمعروف انو البجرب بعد الدخان دا بشوف العجب
لا قاصد شد الحبل هههههههههههههااااااااااااااي
الدخان فى الدول العربية مزهج شديد ومن المواقف الظريفة مره فى الرياض كانت فى سودانية تتدخن وكان اليوم جمعة كل الناس موجزه والدخان عكل فى العمارة واتصلو المطافي وصلت و فتشو كل الشقق وقالو ليهم دا بخور سوداني والله بالجد كان محرج وانا كنت واقف جاء سعودى وقال لى دى سودانية تتبخر ؟؟؟ رجاء يا سودانيات ما تحرجننا
لكن مارجله مبالغة بس عايزه ليها كسرة بايته والدنيا فايته.
حرام عليكم والله تعرضوا صورة مثل هذه تحرق دم الناس ساكت
الصورة حلوة
الدخان له فائدة كبيرة بالنسبة للرجـل ..
واسألوا مجرب ..
انا ساكنة في مجمع وفيه تغريبا 6 سودانيات وفي امريكي ساكن في معاناقال ريحة الدخان بتعمل ليهو حساسية هو واولاده والنسولن مااشتغلو بكلامو قال في المرة الاخيرة حيمشيً يجيب الشرطة اذا اتكررت هذه الحكاية وكذلك. الفلسطيني جارنا لصق اشتكى من هذه المشكلة وزوجي حرمني منه بسبت الفلسطيني هذا والامريكي وكذلك التوانسة والمصريين والشكية لله وهدا الطلح راقد ذي ماجبنا من السودان
ما بقدر اقول ليه ابو الليل ابو الليل يامني دا الكلام كلام الكمشفط للناس البتفهم في العربات اوانت اسال نفسك بينك وبين احساسك الناس حكت عن الموضوع بدون امانه علميه واجتماعيه وزيفت الحقائق واستحت من اشياء هي موجوده وممارسه وحتي جرت علي لسان الرئيس في كسلا لمن قال نحن ماحنستورد غاز للمنازل تاني والحطب النسوان حستعملوهو لي حاجه واحده لكن لقيتك رئيس جدعه وفلته واشرح اكتر الختان عاوز دخان علاج حاله
اسالو صاحب فدرة الفول
في الآونة الأخيرة كثرت أمراض الربو والحساسية خاصة لأطفال المغتربيين بالسعودية والدول الخليج ولا يكاد بيت يخلو من طفل مصاب بالحساسية أو الربو،،،
وأنا اعتقد سبب الرئيسي لأصابة الأطفال بالربو هو الطلح ودخانه الخانق في الشقق الصغيره
وفي نوع من البخور مشهور(ما أذكر أسمه) السكر المحروق من مكوناته الأساسية أيضاً يعتبر من مهيجات الحساسية
كنت أتمني من الدكتور في مشاركته أن يذكر معلومة مهمة جدا وهي أن دخان الطلح يحتوي على مادة مضادة للفطريات . و بالتالي هو مماثل للكريمات أو المراهم المحتوية على هذه المادة و يمتاز عليها بكونه طبيعي , ومن المعروف أنه عند النساء منطقة الجهز التناسلي والبولي منطقة من الجسم كثيرة الإفرازات والثنايا لذا فهي عرضة لتكاثر الفطريات خاصة في جو السودان الحار لذلك الدخان يساعد على عدم توالد الفطريات . وحتى بالنسبة للنساء والرجال كثيرا ما تتكاثر الفطريات و تنتج رائحة كريهة عند لبس الأحذية لمدد طويلة لذا يمكن إستخدام دخان الطلح و هذا فضلا عن فوائدة الأخــــــــــرى . مصدر المعلومة ( صديق صيدلاني أعتقد أنه من نجباء السودان , دائما يجري بحوث على كثير من المنتجات المحلية ) .
والله أنا بحب الدخان من زمان … بس بعد الزواج وﻻ أرى لزوم لبنت تتدخن قبل زواجها ، وإلا تكون هي بتاعت …….. حمانا الله … والحمد لله تعالى … أما مسألة الدخان والإغتراب فهذا ما نعاني منه … جيران يحبون الدخان … وآخرين ﻻ يحبونه … ونحن طردنا من العمارة التي نسكن فيها بسبب الدخان !!!!!!! لأن زوجة ولد صاحب العمارة تضايقت منه … وحلف ولده لأبيه … إما السوداني في العمارة .. وإما نحن !!! فوجئنا بطلب إخلاء الشقة … وتعويضنا بشقة في الدور الأرضي ( معفنة ) سكنا فيها مؤقتا ومنها خرجنا العمارة أخرى … وظللنا مع الدخان بدون أي مشاكل والحمد لله تعالى …بس ما زي حيشان السودان … وحفرة السودان .. أهو علب نيدو … وجوالين بوهية … ومقعد فخار … وبوبار في بوبار …وأحسن السودان …
واي انا من الكبرتة والدخان واي انا من روايح العرسان واي انا وايىيييييي الما عرس سودانية ما عرس