تحرش وإحتكاك
? في يناير من العام 2014 (يعني قبل 3 سنوات بالضبط) وبينما كانت الدبلوماسية الهندية بنيويورك (خوبر أجاد) تقوم بتوصيل إبنتها إلى المدرسة أوقفتها الشرطة الأمريكية بتهمة أنها قامت بتقديم إفادات غير صحيحة من أجل الحصول على تأشيرة لعاملة منزلها وإساءة معاملتها عن طريق عدم تسديد راتبها بالمبلغ المتفق عليه.
? الشرطة الأمريكية أوقفت الدبلوماسية وقامت بوضعها في زنزانة (حراسة) مع بقية المتهمات (العاديات) ومش كده وبس ..قبل ما يدخلوها الزنزانة فتشوها ليك التفتيش المتبع كسائر بقية الموقوفات .
? هل وقفت الخارجية الهندية (متفرجة) أمام هذا التصرف الأرعن من الشرطة الأمريكية؟ بالطبع لا حيث وصفت الخارجية الهندية ما تعرضت له الدبلوماسية بالعمل (البربري) بل أضافت أنها تشعر بالصدمة
? حيال ما تعرضت له (خوبر أجاد) من إهانات على يد السلطات الأمريكية.
? الحكاية ما وقفت على كده .. قامت نيودلهي بسحب بطاقات التعريف التي تسمح للدبلوماسيين الأمريكيين بالحصول على معاملة تفضيلية (تأديب وكده) وأزالت حواجز الحماية حول السفارة (قعدوهم في السهلة) وأعلن نائب وزير الخارجية الهندي ( برينات كور)، إن بلاده أخذت “موقفا حازما” حيال ما تعرضت له الدبلوماسية الهندية (دفياني خوبراجاد)، مؤكدا أن الهند “تمنح الحماية لموظفيها في الخارج وكذلك لسائر مواطنيها عندما يتعرضون لسوء معاملة.”
? المهم الحكاية كان ممكن تتصعد وتمشي لى قدام بعد ما (الهنود أدوا ليك الأمريكان العين الحمراء) لولا قيام (جون كيري) بالإتصال بمسؤول هندي كبير وقدم له إعتذار الحكومة الأمريكية على ما بدر من شرطة نيويورك ..!!
? دول تحترم رعاياها .. وتحترم دبلوماسييها .. وتحميهم وتقدم لهم يد العون والمساعدة .. وتدافع عن شرفهم وسمعتهم ..أما نحن (ناس قريعتي راحت) فالحكاية تختلف .. الشرطة الامريكية (تصرح عدييل كده) وتتهم دبلوماسي سوداني بالتحرش الجنسي بإمرأة أثناء تواجدهما داخل قطار .. والمجلات تكتب والصحف تكتب والقنوات تبث ، بالرغم من أن التهمة خطيرة ومقززة وحيوانية ثم إنها تعد (خطيئة) كبيرة لنظام يدعي التسربل بالدين .. فإن كل ما قامت به الخارجية السودانية هو إضدار بيان بعنوان (الخارجية تنفي) … !
? الخارجية يمكن أن تنفي لنا (ونخنا عارفين البير وغطاها) ولكن كيف لها أن تنفي للشرطة الأمريكية التي قامت بتحرير التهمة ومن ثم شطبها بعد أن إتضح بأن المتهم (دبلوماسي يتمتع بالحصانة)؟ كيف تنفي الخارجية السودانية الواقعة للمئات من الصحف والفضائيات والوكالات العالمية التي أوردت الحادثة؟
? بالطبع من المفترض بدلا وعوضا عن هذا البيان الهزيل أن تقوم الخارجية السودانية بمقاضاة الشرطة الأمريكية (لتلفيقها الخبر) وتطالبها بالإعتذار كما يجب عليها أن تقوم بمقاضاة كل الصحف والفضائيات ووكالات الأنباء التي قامت بنشر هذا الخبر الذي من شأنه إشانة سمعة السودانيين عموماً والدبلوماسيين خصوصاً الذين يصورهم الخبر كحيوانات وليس دبلوماسيين !
? العبدلله يستغرش تماماً من سلوك الخارجية السودانية وتعاملها بهذا البرود تجاه هذه التهمة الفادحة الخطيرة (إلا يكونو شايفنها شي عادي) إذ من المفترض التعامل مع هذا الأمر بصلابة وحزم يحفظ لنا ما تبقى من ماء وجه ، بعد أن تمت إراقته بواسطة الإعلام وقرأه كل العالم …
? إن إكتفاء الخارجية السودانية بهذا البيان الهزيل الذي (لا بيودي لا بجيب) وغض النظر عما تم من إشانة لسمعة منسوبيها وعدم المطالبة بحقها (وحق كل السودانيين) بإعادة الإعتبار لمنسوبيها والمطالبة برد شرف يضع الكثير من علامات الإستفهام حول المسألة .. وكان موقفكم (كعب) كلمووونا !
?
? كسرة :
? شوفوا الهنود عملو شنوو للأمريكان حالتو القصة ما كان فيها تحرش و(إحتكاك) !!
? ? كسرة ثابتة (قديمة) :أخبار ملف خط هيثرو العند النائب العام شنو؟ 56 واو – (يعني ليها سبعة سنوات وشهرين) ؟
? كسرة ثابتة (جديدة): أخبار تنفيذ توجيهات السيد الرئيس بخصوص ملف خط هيثرو شنو؟ 45 واو (يعني ليها ثلاث سنوات وتسعة شهور)
الجريدة
موقفهم كعب شدييييييييييييييييد يا اخوي
يا جبرا انت بقيت كوز ولا شنو انت ما عارف الكيزان ولاشنو
ياود جبرا المدعى العام الامريكى طالب برفع الحصانه..وهنالك 2 من الشهود من البوليس السرى ..والمفروض يخارجوا الكوز دا قبل ما تسخن الحكايه والتهمتين فيها سجن من 90 يوم ل سنه.
الاستاذ جبرة والتهكم الساخر
يا عمك ما احتكاك…فرك عديل كدة…الامريكيات الاحتكاك مابفرق معاهم
تتكلم وكانك متيقن من براءته . كما اننا نعتبره بريئا حتى تثبتت تهمته … يعني استعجلت او كانك (تتريق) علي الحماعة … شغلك ما واضح
يا جبرة ياخي انت عامل بليد
و لا عامل حميل
و لا عامل مجنون
و لا عامل زي الضاربك هالك هوغن
انت عارف انوا ده كوز معفن و مريض
معقولة ياخي ده شغال دوغارات في الميتروا معقولة بس
اكان قلبت كمان كلمنا بنعذرك المعايش جبارة و الظورف صعبة
و كان موقفك كعب كمان كلمنا
الشغلة واااااضحة زي شمس الضحي
جبرة يا حبيبنا و الله بنحب نهزر معاك
زي ما بتجدع برضو نحنا بنجدع ليك و كده
جبرا شكلو كده خاتى عينو على وزارة الخارجيه في التعديلات الوزاريه المرررررتقبه بعد تفعيل المخررررررجات!!ده كلام شنو ده يا جبرا ما كنا كويسيييين الحصل ليك شنو؟ يظهر عليك بقيت زوووول قسطره وكده!!كلامك ده مش اول يكون في وزير خارجيه وقبل ما يكون في وزير تكون في دوله؟!! الظاهر موضوع خط هيثرو عمل ليك منخوليا!!يا صديقى نحن في كنف لا دوله!!رئيس جمهورية الادوله يدخل عنايه مكثفه ولا يعلم بعلته نائبه ولا وزير دفاعه ولا وزير داخليته ولا رئيس جهاز آمنه ففي مثل هذه الحاله ينبغي أن يجتمع كل هؤلاء لبحث ما يمكن فعله او إتخازه في حال راح البشير في حق الله وده وارد فكل نفس زائقة الموت !!.
المحيرني الشرطيين الأمريكيين الشهود عيان علي الفرك والمفراكه
عرفوا الفرك والمفراكه كيف ?
مع إن الكلمتين ما,,,بعرفوهم إلا ,,,السودانيين.
لماذا لا يستقل سيارة خاصة .الوداهو شنو هناك.
دا السؤال .خلل إداري برة وجوة. لعن الله التمكين.
ولسع.
عجبنى للمرقوت شمس وموية حارة اخزاكم الله وخذلكم وفضحكم ايها السفلة الاوغاد يا وسخين وسختو الدين
موقفهم كعب شدييييييييييييييييد يا اخوي
يا جبرا انت بقيت كوز ولا شنو انت ما عارف الكيزان ولاشنو
ياود جبرا المدعى العام الامريكى طالب برفع الحصانه..وهنالك 2 من الشهود من البوليس السرى ..والمفروض يخارجوا الكوز دا قبل ما تسخن الحكايه والتهمتين فيها سجن من 90 يوم ل سنه.
الاستاذ جبرة والتهكم الساخر
يا عمك ما احتكاك…فرك عديل كدة…الامريكيات الاحتكاك مابفرق معاهم
تتكلم وكانك متيقن من براءته . كما اننا نعتبره بريئا حتى تثبتت تهمته … يعني استعجلت او كانك (تتريق) علي الحماعة … شغلك ما واضح
يا جبرة ياخي انت عامل بليد
و لا عامل حميل
و لا عامل مجنون
و لا عامل زي الضاربك هالك هوغن
انت عارف انوا ده كوز معفن و مريض
معقولة ياخي ده شغال دوغارات في الميتروا معقولة بس
اكان قلبت كمان كلمنا بنعذرك المعايش جبارة و الظورف صعبة
و كان موقفك كعب كمان كلمنا
الشغلة واااااضحة زي شمس الضحي
جبرة يا حبيبنا و الله بنحب نهزر معاك
زي ما بتجدع برضو نحنا بنجدع ليك و كده
جبرا شكلو كده خاتى عينو على وزارة الخارجيه في التعديلات الوزاريه المرررررتقبه بعد تفعيل المخررررررجات!!ده كلام شنو ده يا جبرا ما كنا كويسيييين الحصل ليك شنو؟ يظهر عليك بقيت زوووول قسطره وكده!!كلامك ده مش اول يكون في وزير خارجيه وقبل ما يكون في وزير تكون في دوله؟!! الظاهر موضوع خط هيثرو عمل ليك منخوليا!!يا صديقى نحن في كنف لا دوله!!رئيس جمهورية الادوله يدخل عنايه مكثفه ولا يعلم بعلته نائبه ولا وزير دفاعه ولا وزير داخليته ولا رئيس جهاز آمنه ففي مثل هذه الحاله ينبغي أن يجتمع كل هؤلاء لبحث ما يمكن فعله او إتخازه في حال راح البشير في حق الله وده وارد فكل نفس زائقة الموت !!.
المحيرني الشرطيين الأمريكيين الشهود عيان علي الفرك والمفراكه
عرفوا الفرك والمفراكه كيف ?
مع إن الكلمتين ما,,,بعرفوهم إلا ,,,السودانيين.
لماذا لا يستقل سيارة خاصة .الوداهو شنو هناك.
دا السؤال .خلل إداري برة وجوة. لعن الله التمكين.
ولسع.
عجبنى للمرقوت شمس وموية حارة اخزاكم الله وخذلكم وفضحكم ايها السفلة الاوغاد يا وسخين وسختو الدين
موقفهم كعب شديييييد يا جبرا يا أخوي !!!
وكان كتروا الكلام الشرطة حا تطلع ليهم (( الفيديو )) وتبقي فضيحة ثابتة .
الكوز العبيط ماعارف الأيام دي في مراقبة شديدة وخاصة في محطات المترو لكل الأجانب والشرطة السرية تلتقط أي حركات مريبة , وحسب التقرير لا حظوا أن الكوز المعفن ( يبحلق ) Staring في مؤخرات النساء Butts , ثم أختار أكبرها وقفز وراءها داخل المترو !!! وطبعا الشرطة ( قفزت معاهو ) ثم قام ليس بالأحتكاك ولكن ( بالفرك ) رغم أن المرأة ألتفتت نحوه عدة مرات !! بعد أن نزل الكوز المعفن أستوقفه الشرطيين ولاحظوا ( أنتفاخ البنطال بين فخذيه ) ! وسالوا المرأة ( ودي نقطة مهمة جدا جدا – لأنو عادي أتنين يكونوا حاضنين بعض في المترو أو أي مكان آخر _ بس برضا الطرفين طبعا ) – المهم سألوها عندك أي معرفة بهذا الكوز المعفن mutual consent ( رُضا متبادل ) فنفت ذلك , وطبعا بالتأكيد توجد كاميرا ويوجد فيديو – ولذلك حكومة الوسخ المعفنة الانقاذية يا عم جبرا سكتت وأنطمت لأنو موقفهم كعب شديد !!!!!
أخبار خط هيثرو شنو ؟؟؟؟
أخبار الكوز المعفن الملتصق بالمؤخرات شنو ؟؟؟؟؟ هههههههه حا يعملوا ليه ليلة زي بتاعة ( محمد حاتم )
بتاعين حقن !! ههههههههههههههههه.
يا جبرا، الفريق ركن مهندس ابراهيم محمد حسين، بيقترح على الدبلوماسية السودانية، تبني اسلوب الدقار بالنظر، كبديل آمن لاسلوب الدقار في القعر.
يا أخوانا الراجل بريء من التحرش براءة الحكومة من دم شهداء سبتمبر.
المهم الخارجية قالت “ماتحك” الموضوع وأحسن تضحي بالكيش، أقصد الموظف، خصوصاً وأنو في “بشريات” برفع العقوبات.
موقفهم كعب شديييييد يا جبرا يا أخوي !!!
وكان كتروا الكلام الشرطة حا تطلع ليهم (( الفيديو )) وتبقي فضيحة ثابتة .
الكوز العبيط ماعارف الأيام دي في مراقبة شديدة وخاصة في محطات المترو لكل الأجانب والشرطة السرية تلتقط أي حركات مريبة , وحسب التقرير لا حظوا أن الكوز المعفن ( يبحلق ) Staring في مؤخرات النساء Butts , ثم أختار أكبرها وقفز وراءها داخل المترو !!! وطبعا الشرطة ( قفزت معاهو ) ثم قام ليس بالأحتكاك ولكن ( بالفرك ) رغم أن المرأة ألتفتت نحوه عدة مرات !! بعد أن نزل الكوز المعفن أستوقفه الشرطيين ولاحظوا ( أنتفاخ البنطال بين فخذيه ) ! وسالوا المرأة ( ودي نقطة مهمة جدا جدا – لأنو عادي أتنين يكونوا حاضنين بعض في المترو أو أي مكان آخر _ بس برضا الطرفين طبعا ) – المهم سألوها عندك أي معرفة بهذا الكوز المعفن mutual consent ( رُضا متبادل ) فنفت ذلك , وطبعا بالتأكيد توجد كاميرا ويوجد فيديو – ولذلك حكومة الوسخ المعفنة الانقاذية يا عم جبرا سكتت وأنطمت لأنو موقفهم كعب شديد !!!!!
أخبار خط هيثرو شنو ؟؟؟؟
أخبار الكوز المعفن الملتصق بالمؤخرات شنو ؟؟؟؟؟ هههههههه حا يعملوا ليه ليلة زي بتاعة ( محمد حاتم )
بتاعين حقن !! ههههههههههههههههه.
يا جبرا، الفريق ركن مهندس ابراهيم محمد حسين، بيقترح على الدبلوماسية السودانية، تبني اسلوب الدقار بالنظر، كبديل آمن لاسلوب الدقار في القعر.
يا أخوانا الراجل بريء من التحرش براءة الحكومة من دم شهداء سبتمبر.
المهم الخارجية قالت “ماتحك” الموضوع وأحسن تضحي بالكيش، أقصد الموظف، خصوصاً وأنو في “بشريات” برفع العقوبات.