سلمى سيد تعترف : مرضي السابق كان بسبب (سحر).!

ما قالت فكتو وين السحر ، دا شنو الهيافه دي يا ناس الراكوبه

مع حبي واحترامي لسلمى السيد ، دي عينة المرأة لو فاس ما بتكسر الراس ، للاسف واحدة تؤمن بالسحر والسحرة والشعوذة انسانة متازمة ولا يعتمد عليها والكلام طبعا ينطبق على الرجال ايضاً ، لانه شخص مثل هذا لايمكن تحاسبة ولا تدير معه نقاش منطقي قائم على المحاسبة بالمسطرة والقلم والالة الحاسبة، يعني تجي من الحلفايا يطلعك بحلة حمد وتمسكه من هنا يزوغ لك من هناك وفي النهاية يقول لك كنت مسحور ولا ما كنت في وعي ولا ما عارف الحصل لي شنو . اها في بلد ولا شركة ولا مؤسسة ممكن تدار بالطريقة دي.

ياخراشي ياسلومة تلزمك ليلة تحتاجي ظار كاربة تشربي شوية دم وتلبسي كسكتة الحكيمباشا وترقصي لوليا،، دا شنو دا الجهل دا؟ قال سحر قال .

طيب هسى دى فرقها شنو من الحيزبونة تراجى ، الاثنين يتكلمن عن السحر ، سحروك وبسحروك والعمل والكلام الفارغ دة ،، طيب ياخى انتى وكت إعلامية وبسحروك خلى الاعلام واقعدى في بيتك وشوفى ليك حفرة دخان وبوخة مرقة زى ما قال زولنا داك وكفى الله المؤمنين شر السحر .. الراس لما يكون فاضى اهو بلجأ لزى الحاجات دى

تسلمى بنت عمي من كل شر