فتح بلاغات جنائية في مواجهة شركات التبغ
الخرطوم : عواطف عبدالقادر
قررت وزارة الصحة بالخرطوم اللجوء إلى النيابة، لفتح بلاغات جنائية في مواجهة شركات التبغ المخالفة لقانون مكافحة التبغ، التي وصفتها بالمافيا.
وقال حميدة «لو ما كان الزول القاعد في السلطة قوي وجلده زي جلد التمساح زي كدا ما بيمشي لقدام »، مؤكداً خطورة التعامل مع شركات التبغ التي تستهدف الأشخاص بالتصفية والقتل.مشيراً إلى أنه سابقاً كان يقرأ في الكتب روايات وقصص، عن قوة نفوذ أصحاب الشركات ومصانع التبغ، لكنه أكد أنه عايَش هذه القصص خلال صراعه الحالي مع شركات التبغ، من خلال تطبيق قانون مكافحة التبغ الذي شبهه «بالسلسيون» . وقال «ما عندنا كلام مع المجلس التشريعي وكلامنا بقى مع النيابة» والوزارة تسلمت قانوناً مجازاً ولا نسمح بتعطيله وأمامنا النيابة.
الانتباهة
يا بروف دي اسمها معركة في غير معترك يعني ما تعمل فيها شفت و جلدك جلد ورل و شنو ما ماعارف الناس بتموت عشان مكنات غسيل الكلي متعطلة و عشان مافي شاش و تعقيم في غرف العمليات و دي لازم تكون اولوياتك اما قصة شركات التبغ دي ما وكتها و اصلا لو داير تعمل فينا معروف صحي فحقو طوالي تكلم صاحبك الوالي و تزيد عليهم الضرائب 1000% و اي شركة سجاير تفرضو عليها تبني مستشفي و تتولي تكلفة التشغيل بتاعتو ولو ما عجبهم تقفلو ليهم الشركات بالقوة.
والله اقتراحك في محلو.
أنا بقترح بدل ما ترفع دعاوي ضد شركات التبغ يامامون حميدة تلزم هذه الشركات بأن تبني مدارس ومستشفيات وتوفير الادوية المنقذة للحياة لمصابي السرطان والفشل الكلوي وماكينات غسيل الكلي ونظافة العاصمة واصحاح البيئة وكل ما يفيد المواطن وتستفيد البلد من هذه الشركات .
– صراع مصالح فقط،،، لا علاقة له بمصالح الشعب،،،، مصالح الشعب نزعتها سلطتك حينما أخذوا كل حق الشعب في التعالج المجاني، والدواء المجاني،، والمستشفيات الحكومية التي كانت مكتملة بكل شيئ،، لكنكم حولتموها الى الخصخصة،، ولمصالحكم الشخصية وتاجرتم حتي في صحة الناس،،، اخجلوا وما تعملوا فيها بتعملوا لمصلحة هذا المواطن لمسكين.!!!!