” نايل ” يصل الخرطوم – شاهد صور في المطار

ياخى والله نحن شعب طيب

قرأت صباحاً عن شاب امريكي بوسني الأصل(كان مغنياً)رفض الغناء مقابل ملايين الدولارات وتعلم اللغة العربية وحفظ القرآن وصاار امام مسجد(لله درّه)!فحاولت المقارنة مع نايلنا من ناحية الأصل والعائد المادي والإعتزاز بلغة القرآن وحفظ القرآن والأغاني ومآل الحال في العمل! وحتي الآن لم اعرف غريق البحر وللاّ سريع الحصان!!!

نورت الخرطوم يانايل وكنت رائع في ذا فويس والمفروض كنت توصل لي النهائي
بس عنصرية الجماهير المصريه وفلس الشعب السوداني للتصويت سبب خروجك ..

الف الف حمدالله علي السلام ي صديقي نايل

خخلاص ضاعت عليك صرت كرت محروق لم تجيد اللعبه وفن التخاطب ولم يكن خلفك ناس منتشرين من اجل التصوين وتكوين منتديات وقروبات من اجل دعمك ولم تجد الفرصه حتى من الموسيقيين
شوف البنت وهم ايه قالت بل ظلت تقول اتمنى السلام الى مصر وللجميع دول العالم وكمان قالت لو فزت سوف اهدى السياره الى مستشفى سرطان الاطفال بمصر
انت وجدت فرصه طيبه وعلى طبق من ذهب لم تحكى عن بلادك فنيا وثقافيا ولو بالمختصر المفيد
وحتى عندما غنيت للشرحبيل احمد لم تعطى الراجل حقه بصوره كامله فكان من الافضل ان تقول الفنان الشامل شرحبيل احمد ملك الجاز بالسودان فنان عريق وفنان مميز وهذه الغنيه من اغانيه الرائعه والتى الان اخذها الفنان محمد فؤاد ولاحظ عندما قلت محمد فؤاد شيرين قالت محمد فؤاد فنان كبير ونجم مميز وووووووكان فى وقتها تقاطع شيرين وتقول ليها لا اريد توضيح شى انو هذه الاغنيه ليست لمحمد فؤاد انما لشرحبيل احمد وهى مسجله لاكثر من 50عام لكن محمد فؤاد اخذها وغناءها كما غنى من قبل غنى محمد منير اغنيه الراحل المقيم محمد وردى كما تغنت فرقه ميامى اغنيه الترله والبمبو السودانى
وكان يا نايل تستفيد من الارث الفنى الغزير من كبار قامات الفن السودانى
على الجمال ولا المساء ووو الطير المهاجر جميله ومستحيله حبيبه قلبى اراءك عصى الدمع افريقيا واسياء وبخاف اسال عليك الناس وووو الكثير من الاغانى الرائعه كان لو ترجمتها الى الانجليزيه وتغنيت بها لكن نلت المزيد من التصويت
لكنك ختيت نفسك فى نطاق معين ولم تستفيد من الارث الموروث من اغانى سودانيه مملؤه بالقيم ومعنى الكلمه واللحن والموسيقى الجميله فى سلاسه صياغتها

الراجل وصل ومعاه ( 3 بودي جارد ) شفتو الكلام ده كيف والراجل يفتح خشمو خاصه معلقي الراكوبه!!!!!!!!!!

شعب يعطى المجد لمن يستحق ومن لايستحق,,

شنو يعني نايل مجرد زول ماعندو شغلة يقضاها بالطريقه دي الانقاذ حتقعد قرن من الزمان لان الرجرجه والدهماء لايهمهم نظام ظالم متسلط زاق شعبه سوء العذاب ونكل بكل من يقول لا للغلاء ،.. لاللطغيان .

شنو يت جماعة الخير الزول ده حرر حﻻيب

انتو بتهاجمو لي الزول دا عامل اغاني ضد النظام بدل م تشجعو عشان يدعمكم تهاجمو كدا خليكم ناس واعين لو عايزن طرق عشان تحركو الشارع للثوره دا ممكن يكون طريق

جايب لك تلاته بودي قارد اصلو شنو….قايل حتلقا السودان كلو في استقبالك؟

لا ادري ما هو سر عدم قبولنا للإختلاف بل اننا دائما جاهزون لمحاربة كل من يختلف معنا في الرأي او الشكل او اللون حتى ولو كان ذلك لون الغناء ونايل قد اختار لنفسه لونية من الغناء لا يستسيغها الكثير منا وبلغة غير محببة لكثير من السودانيين بسبب انهم لا يعرفها ويعتبرون كل من يتكلم بها أنه انسان متفلقص ومتعجرف ومتعالي ولا ادري كيف ان السودانيين قد خرجوا بقدرة قادر من اللغة الانجليزية كما تخرج الشعرة من العجين بالرغم من 70 سنة قضوها تحت الاستعمار البريطاني وكانت اللغة الانجليزية هي لغة الادارة والتعامل التجاري بل كانت لغة رسمية للدولة….

لو كان نايل قد دخل المسابقة باغنية عجبوني الليلة جو دخلوا البلد طمبجو او تمساح الدميرة الما بقتلوا سلاح او واحدة من اغاني الدلوكة والكرباج لكان وجد مساندة منقطعة النظير من القطيع رغم ان تلك الاغاني لم يسمع بها احد خارج السودان وفي السودان نفسه قد ظلت تكرس لثقافة جهة معينة من البلد دون الجهات الاخرى……

بالرغم من ان نايل قد اختار الاختلاف في الغناء إلا ان روح القطيع لاحقته باغنية الليل الهادي التي ظل يرددها الفنان شرحبيل طول عمره ولكنها لم تجد رواجا إلا لدى من يدعون تذوق الفن الحديث وقد ذكرني ذلك بنكتة عن اهل الشرق عندما اراد ابنهم المغترب الزواج احضر فرقة شرحبيل احمد وكان والد العريس وعم العريس يجلسان في ظل القطية وكانت الفرقة تقوم بتنزيل معداتها وآلاتها الموسيقية وقد استغرب عم العريس فسأل اخوه والد العريس : ادروب تنو ناتو ؟ يعني ما هذا الذي نراه فرد عليه اخوه قائلا : والله كان ناس جمكسين الله تعلم…! ولمن لا يعرف ناس الجمكسين فهذه مشكلته…..

الغناء هو الغناء مهما كانت لغته وان كنا لا نستسيغ إلا لونية معينة بلغة معينة فهذه مشكلتنا ويجب علينا عدم الانكار على نايل خروجة على روح القطيع والتغني بالطريقة التي يجيدها وباللغة التي يجيدها وهو غير ملزم بتريد اغاني مثل حرامي القلوب تلب او الزاهية ام عجن او السايق الفيات او عجبوني الليلة جو كما يجب على الذين يهاجمونه التوقف عن ذلك ويجب عليه هو في نفس الوقت عدم الالتفات لتلك الاصوات المثبطة وليعلم ان الشجرة المثمرة ينالها الكثير من الحجارة بينما لا ينال حجر واحد جارتها العقيمة…….

اما المقابلة الفاترة في المطار سوى من جموع الشعب او اعلام الدولة فهي تثبت التعامل بروح القطيع مع كل من يخالفنا أو يختلف معنا وبالرغم من ذلك فلنايل معجبوه ومشجعوه الذين يأملون ان يكون يوما رقما في الغناء العالمي يخرج بالاغنية السودانية من غرفة العناية المركزة الى المهرجانات العالمية….

يا ريت لو رجع من مسابقة حفظ القرآن الكريم …

نائل رفع. السودان و اسم السودان. وعلم الناس انو في بلد. أسموا. السودان وبة مواهب. حاجات. تاني. لية. لم يتم. اكتشافها. أهنئك. يا. نايل. والي. الامام.

ماعندك سالفة …. إنقلع

بالله!!!!! انا قايل دى مظاهرات احتفالا بثورة 6 ابريل….تراها استقبال نايل

هههههههههههههههههههههه شر البلية مايضحك وايه يعني نايل ناس فاضية

الزول ده غناي وطموح وماعوج لسانه ابدا

الشعب عايز يفرح لا سياسه لا رياضه لا فن لا ابداع ولا ولا العقول تحجرت ول

قمة المهزلة والله

هللت اهلا ونزلت سهلا يا نايل

الزوووول دا معلم بعيد عن الغنا وكل شئ زول متزن وقوي وما عندو اضطراب الهوية بتاع العرب والدول العربية ومحاولة بعض الاغبياء من انتقاص هويتنا السودانية , وخاض مسيرة قوية وجادة في البرنامج الما جادي دا , وحقيقة انا احييو على كل ما قام به رغم اني ما من هواة البرامج البلملمو فيها العرب ديل لانها عادة بتكون معنصرة وبمشوها في اتجاه العرب الاكتر مالا زي ارب ايدول وما عارف ارب قوت تالنت ههههه وهلم جرا , اسمع يا عمك مشكووووووووور على ما قمت به وانا كان في الخرطوم وعارفك جاي كان جيت استقبلتك