يكونوا غلطانين!

يبقى السؤال الذي يفرض نفسه وهو ألم يجد هذا الإمام أى موضوع من مواضيع الساحة الملتهبة للحديث فيه ؟ يعني هسه لو إتكلم لينا عن خط هيثرو ده

تعليق:حتى أنت يا جبرا !!!إن تريد الا أن تكون دكتاتورا في الاعلام !!
يا أخوانا الائمة بالمئات في العاصمة وحدها و السنة الهجرية فيها 50″خمسين” جمعة و كسور فلماذا نحجر على الائمة اذا نتقدوا أمرا معينا طالما كان النقد موضوعيا و علميا و متشحابأدب الاسلام .علينا أن نعيب عليهم السكوت عما يجب التحدث فيه من الفساد و المحسوبيات و الظلم و الجبايات بدلا من الحجر عليهم.

يا اخوى الناس ديل جابوهم من قاع المدينة اكلوا الجكن وركبوا البرادو عملوافيها اطبا يعالجوا كل الامراض الشغلانة احلوت عملوا فيه مخطتين استراتجين كسرة على قول الراجل لست الانداية =خليك من نقد ديل كفروا ود المهدى ذاتو

يا عزيزي هؤلا علماء السلطان ، فهم حفظة نصوص بلا ادراك تارة أو ادراك حسب المنفعة… الأحاديث التي تحذر من التأبي علي الله ، ( مثل حديث عن جندب في صحيح مسلم) ..، هناك الأحاديث الشريفة التي تحثنا علي الاداب العظيمة :أنتم شهداء الله في الأرض . في الحديث عن عمر بن الخطاب (رض) ?في صحيح مسلم (ما من أحد منكم يشهد له أربعة بالخير ،الاَأدخله الله الجنة .قال رجل: وثلاثة ؟قال وثلاثة .قال : وأثنان؟ قال: وأثنان.قال عمر (رض)عنه ولم نسأله عن الواحد)…كيف يتعدي هؤلاءعلي حرمة الموتي ، والذين تشهد الجموع الغفيرة لهم بالخير من خلال تشييهم الي مثواهم..أعوذ بالله.

طيب مالو لو قال ليها أحلى جارة..أكيد قبل أربعين عام كانوا بياكلوا الملح والملاح وبشحدوا الطايوق بالحيطة.
ياخى الفهم قسم، يعنى لو عبدالرحمن عبدالله غنى (جدى الريل أبو كزيمة أرح نتمشى فى الغيمة)واحد ممكن إفهما دعوة للمرح والتمتع بالطبيعة…ويمكن لآخر أن يفهمها( إستدراج)
أو لو محمد الأمين غنى ( تعال ما تبتعد قرب ) واحد يفهما دعوة للترابط وعدم الفرقة …وواحد تانى يعتبرها دعوة للشروع فى الزنا.
ديل لو سمعوا بعض أغانى الحقيبة..إتفدعى..من سحر المرجرج كالخايض الوحل..ألخ
ياخى الناس ديل مالهم ومال الغناء..وهم ذاتهم بيسمعوه ليه؟

يا شيخ الفاتح، أنا بقى عكسك تماماً لا أحترم هذه النوعية من الأئمة، لا شخصياً و لا مؤسسيا. بما أننا ناس ريقيون تعلمنا من القرية مهابة الإمام هنك لأنه متطبع بأخلاق أهل بيئته. و لما جابتنا ظروف الدراسة للعاصمة، وجدنا الأئمة كإمامنا في القرية تماماً. وجدنا الشيخ عوض عمر و أمثاله ممن تخلقوا بحسن القول و المعاملة. لكن مع ظهور بنك فيصل أنا و هم اتفارقنا فراق الطريفي لي جمله، و ظهر أئمة البنوك على حقيقتهم. أما هيافة أحاديثهم و أفعالهم التي ذكرتها، فهي أساساً لتفادي الحديث عن خط هيثرو و غيره لأانهم يعبدون المال و السلطان عبادة عديل كدة. بعدين انت ما تسأل يا أستاذ الفاتح: إذا ذهب نظام تجار الدين دا، هم حيشتغلوا شنو؟ أناس لم يهبهم الله أي مهارات، فهم لا يفهمون في العلوم و لا الطب و لا الزراعة و لا الإدارة، و لا، و لا، و لا، ولا، هم مجرّد جرثومة في جسم هذا الشعب.

مع اني لا احب الخوض في هذه الامور لكن يوجد رأي قدييييييييييييم ان اي واحد بينظر للي قدامه حسب اخلاقه هو الشخصية ومنهجه في الحياة ،، وانا ما بافسر وانتو ما تقصروا

اللهم اقسم لنا من خشيتك ما يحول بيننا وبين معاصيك ومن طاعتك ما تبلغنا به جنتك ومن اليقين ما تهون به علينا مصيبات الدنيا ، ومتعنا بأسماعنا وأبصارنا وقوتنا ما أحييتنا ، وأجعله الوارث منا ، واجعل ثأرنا على من ظلمنا ، وانصرنا على من عادانا ولا تجعل مصيبتنا في ديننا ، ولا تجعل الدنيا اكبر همنا ، ولا مبلغ علمنا ، ولا تسلط علينا من لا يرحمنا ”

اللهم اَمين …

التحية للاستاذ جبرا .هو الما جاط شنو في السودان ؟ما كل البلد جايطة لم الستغراب والبلد غرقانة في الفوضى للاخر . بعدين ما زمان اتوزعت البلد الى مساطب شعبية ومقصورات وكده.ما الغريب الان والبلد كل يوم راجعة لي ورا.دا السودان بلد العجائب والغرئب.

والله أنا البعجبني في جبرا ده إنو بشوت ضفاري وكلامو نجيض ما ني وما بيدى فرصة للزول يتزاوغ يعنى كيفن الإمام الجاهل ده يعمل جوه بيت من بيوت الله خيار وفقوس وكيفن كمان الإمام التاني ده يخلي الحاجات الهامة الفيها البلد دى ويخصص الخطبه بتاعتو لأغنية هايفة عليكم الله ده إسمو كلام ؟ هسه في كم مصيبة نازلة على راسنا ؟ أما قصة الرئيس ما يسافر دى هسه لو الائمة والعلماء قالوا الرئيس ما يسافر لكن ناس الأمن والغستخبارات قالو المسألة آمنة وما فيها حاجة أها نسمع كلام منو؟ غايتو يا استاذ جبرا إنت زول نجيضة والناس القاعده تعوعو بدون فهم ديل ما تشتغل بيهم .. قال أيه لحوم العلماء مسمومة علماء مين يا جدع والله يا استاذ ديل معظمهم فاقد تربوى

ديل عمرهم اقل من عمر الاغنية واعضاء فى الاجهزة المعنية يعنى شوف ليك بلدتانى تدفن فىعا

يمين يا جبرة انت فاضي شغلة ساي .. مالك ومال الجماعة ديل.. ديل سطر واحد بس ينفع معاهم( الله يهديهم) جملة واحدة كمان ويهدينا برضو بمعزل عن هداهم لانو المنتظر هدى وراء الشيوخ اياهم يكون فاضي شغلة زي جبرة اياهو.

والله أثق في تدين جبرة ووعيه اكتر من الجماعة ديلك .. فاضي شغلة دي الريدة (ريدة المنطق والكلام الموزون والمؤدب).
مثال لي عدم شغلتي أنا بقدر بقول للحظات فكرت في بعض ما عند الشيوخ اياهم في ما يلي..
– ما كتبه القراء فوقاه وتحتاه وجنباه وهناكاه.
– فتوي تحريم شراء المرأة للعجور – ودي من هناكاه- نستنتج انو ما تشري وما تبيع وما تزرع وما تطبخ وما تاكل وما (ما عجور) قال ثم اي قال وكذلك الموز والباذنجان والليمون وال يا ساتر المراة لا يجوز يكون ليها علاقة الخضروات باي شكل من الاشكال بيع شراء طبخ اكل اي ي ي ي ي ي حاجة .. دة كلا م ؟؟
– الحويني – برضو من هناكاه – وجه المراة كفرجها سترك يا رب.. اذا الناس تصبح وتمسي ناظرة الى الفروج التي حرم الله الا على الازواج.. (وفقط لانتفاء ما ملكت الايمان اوتوما تيكيا ..
– انا اتساءل من قال ان لا احتهاد مع النص تلك العصا المرفوعة في وجه كل من اراد ان يعمل بالايات المنتهية ب يتقكرون يعقلون اولى الابصار.. لا اجتهاد مع النص لا هي اية ولا حديث بل هو اجتهاد ايضا ومعلوم ان كل ذي قول يمكن ان يكون قوله مردودا الا … صاحب ذاك القبر .. وقد امر (ص) صاحب ذاك القبر باتباع سنة وسنة اصحابه التي لا نضل بعدها وسنته (الوحي الذي اوحي اليه وبلغه واتبعه وسنة اصحابه المنهاج الذي اخذوه منه وانزلوه على ارض الواقع ) … هذا الانزال الى ارض الواقع تضمن فيما تضمن .. ايقاف حد السرقة في زمان ومكان معينين كونا ظرفا معينا .. وكان الاجتها د مع النص نص (السارق والسارقة فاقطعوا ايديهما ) فعل ذلك الذي لو كان بعد محمد نبيا لكان هو .. الفاروق عمر رضي الله عنه .. وكذلك على الملا اجتهد الفاروق مع النص .. زواج المتعة أوقفه وحرمه عمر وحرم الى يوم القيامة ..اي اجتهاد مع النص اوضح من هذين.. لكنه عمر لو ذهب بالناس الى البحر وحضرنا ذلك الزمان لما ترددنا في اتباعه الى البحر ولا نتردد في تباعةه الان في التفكر والتدبر وربط التشريع بالواقع ..بعد تفكير عميق عميق عميق عميق عميق ..
– ويصطرخون لا اجتهاد مع النص .. وهل اجتهاد الا مع النص.. فالذي هو غير نص اصلا لا يحتاج الى الاصطراخ فكيف نبحث عن نص يبيح التنفس مثلا .. او النوم في اليل لساعات معدودة مثلا .. او شرب الماء .. تلك امور للكااااافة البشر والدابة الفئة المؤمنة والضاااااالة …
اكتفي بهذا القدر ..
اصلي في عطلة من قراية الاخبار الببتجيب الضغط وكلها بالمناسبة تجيب ضغط اليلة حظي رمان يكونو غلطانين..

دم طيبا يالفاتح

هو الامام الجاهل بالشرع و سيرة الرسول و الصحابة بدل ما يفرح انه المطرب ده جاء بدرى و وقف فى الصف الاول و يحاول يتقرب منه و ينصحه و يحبب اليه الصلاة فى الصفوف الاولى يقوم ينهره و يقول ليه ارجع صلى ورا؟؟؟؟ السودان ده متولين امره جهاله و عواليقه عديييل كده و بدون دغمسة!!!!!!