إشراقة سيد محمود تهدد بالانسحاب من الحكومة
الخرطوم: صبري جبور:
هددت إشراقة سيد محمود وزيرة التعاون الدولي القيادية بالحزب الاتحادي الديمقراطي (المسجل) بقيادة الدكتور جلال يوسف الدقير بالانسحاب من الحكومة حال تقديم أي تنازلات جديدة للحركة، لافتة النظر إلى أن الهدف من ضرب هجليج هو الضغط على الحكومة لتقديم تنازلات في جولة المفاوضات المزمع إجراؤها في أديس أبابا، وقالت إن أي اعتداء من قبل الحركة أو غيرها سيكون الرد عليه بحسم من قبل القوات المسلحة.وأضافت (نحن في الحزب الاتحادي دعاة حوار ونؤكد أن شعب الجنوب شعب مسالم يجب ألا تقوده حكومته الحالية التي مازالت تتعامل بعقلية التمرد) إلى ما يحمد عقباه.وأكدت إشراقة في الندوة التي نظمتها حركة الطلاب الإسلاميين الوطنيين بجامعة السودان أمس أن دولة الجنوب لا يمكنها تنفيذ أي هجوم ضد السودان إلا بمعاونة الدوائر الصهيونية التي قالت إنها وراء الهجوم الأخير على هجليج، مشيرة إلى أن الهدف من الاحتلال هو تعطيل مصالح الصين في السودان بغية إيجاد مواطء قدم للولايات المتحدة وحلفائها في المنطقة. وشنت إشراقة هجوماً عنيفاً على دول الغرب التي قالت إنها تسعى لتقسيم السودان إلى دويلات، وأضافت (كنا نأمل أن نقيم دولتين قويتين من أجل المصالح الاقتصادية والاجتماعية المشتركة التي تربط شعبي البلدين ولكن الغرب يأبى إلا أن نعيش في حرب مستمرة ومن يدعم الحركة الشعبية بالمال والسلاح هي أمريكا وبعض حلفائها والكل يعلم ذلك). ودعت إشراقة لادارة حوار مع الخارج لا سيما وأن ملامح قوى عالمية جديدة قالت إنها بدأت تتشكل والمتمثلة في بروز تيارات جديدة منافسة لأمريكا وهي الصين وروسيا.
آخر لحظة
لا فض فوك كنت دوما اقول بأن الحسم العادل يجب ان يمارس تحقيقا لامن البلاد وامان اهله والولايات المتحدة المتحالفة مع الكيان الصهيونى لم تخف نواياهاالرامية لتقسيم السودان الى دويلات حددت حدودها حسب نظرية الشرق الاوسط الجديد الذى سيقسم حسب علائق الدم والدين ونحن نمارس الغفلة بصورة محزنة بل نعين على تنفيذ الاجندة بما نفعل والمطلوب اليغظة والحذر والحسم
*انت وزيره تعاون دولى ..مهمة أقرب الى الدبلوماسيه فكيف تقودى الوزارة وانت تشنى هجوما (عنيفا) على دول الغرب!!!
*ثم لا افهم تشنى هجوما عنيف وتدعو لاقامة حوار مع الخارج !!!
*تقولين إنها تسعى لتفتيت السودان ثم تقولين (كنا نامل أن نقيم دولتين)
اولا شكرا جزيلا وربنا يفتح عليكم وعلي والديكم دنيا واخرة وكل جمعة والجميع بخير….ثانيا هاكم مزيد من المعلومات( البيت درجة 2الدور الارضى مبنى جاهز والحمدلله مؤجر اناعايزة ابني فوق امس قصدت بالطابق(الطابق الاول)ياريت لو تنورونى بي الاجراءات خاااااصةالبتخص التصاريح والاوراق يعنى لجنة الحى كفاية ولا في جهات حكومية تانية مفروض اصلها…..ثالثا عايزة اعرف احسن مدرسة اولاد خاصة في مدينة الخرطوم (ولكم منى جزيل الشكر)
يا بت يا سياسة يا تحليل إيه ده كلو!! إنتي عاملة زي ود الميرغني الرئاسي يصمت دهرا وبنطق كفرا !!
شبعتى خلاس عملتى كم عمارة والرصيد فى سيوسرا ولا ماليزياء حصل كم مليار دايرة تتخارجى بدرى بدرى فبل ما تغرق اكتر من كدا
سبحان الله شعرها كاشف وحنة تقول يا غربتي وقالت عينت اخوها محرم؟؟؟ يعني تاخذ من الدين ما يصلح معها هي ؟؟
بس عافي منك لا تقبلين بتقديم اي تنازلات للحركة الشعبية ودة كلام الرجال لكن تقولي شنو الحال اتبدل
عليكم الله ما هذه العقول الخربة(قالت إنها وراء الهجوم الأخير على هجليج، مشيرة إلى أن الهدف من الاحتلال هو تعطيل مصالح الصين في السودان بغية إيجاد مواطء قدم للولايات المتحدة وحلفائها في المنطقة) مواطء قدم للولايات المتحدة وحلفائهايا غبية من الذي اخرج الجنوب من هجليج غير الولايات المتحدة تلك
قالت هددت بالانسحاب ما تنسحبي
الملكيون أكثر من الملك، و لو ما كنت شغالة في “التعاون الدولي” كنت حتقولي شنو؟ و لعل من أسوأ الأشياء أن ينعت الشخص بأنه “جناح جلال الدقير”، و يا دوب عرفت الدقير ذاته لما يتكلم بيجيب الردحي من وين.
بالله البت السمحه دى لسع ما لقت عريس .عشان كده اى هترشه منها معزوووووووووووووره،
يا جميل يا حلو دمك شربات مكملو
سمحة العافية جميلة وحلوة وباين عليها نص حلبية لكن كلام والسلام يعني تناقضات في كلامك ونصيحتي ان تدرسي العلوم السياسية علشان كلامك يكون موزون وتجي وزيرة خارجية في هذا الزمن المتهالك
معليش يا جماعة البنية عايزة تحل محل الوزيرة المقالة سناء البصيرة أم حمد،،،
ما أصلوا الحكاية سهلة سبتين تلاتة ضد الحركة الشعبية والطابور الخامس وبكرة الترقية،،
لكين قولوا لى بالجد يا جماعة صحى البنية دى لسع ما عرست؟ أصلى …
احيي المزايدات.
فلا يجهلن احد علينا **** فنجهل فوق جهل الجاهلينا.
اشراقه فهمت نفسيه ناس الكيزان كويس واجادت الانتهازيه بخبره تحسد عليها.
طبعا حكومة السجم ما بتصدق لمان واحد اقول داير ابني بيت تعالي شوفي ازونات وخرط وطبعا كل الدنيا من مهندسين ومساحين عاوزين ياكلوا بس كبري جيبك وامشي ليهم هل الطابق الناوية تعمليهو مضمن في خريطة البيت الاولي؟
شعب الجنوب شعب طيب اتمني الموفيكي الجنوبيين بي سواطير عشان تعرفي طيبتم دي
لا بالله لا تستقيلى عشان الدولة ما تقع من طولها
حتى الدجل دخل عالم النساء… وكذابة لانو عمر البشير سيقدم تنازلات وستظلى انت والدقير فى اماكنكم .. رحم الله الاتحاديين الذين نعرفهم
ام البنين دي راكوبه ماتنزلي فينا بري بي عمارتك الدايره تبنيها دي عشان ماتطلعينا من الموضوع اشك انتي مابتقدري تبني راكوبه في ام صفقاعراض
هذه الوزيرة اشبه بخضراء الدمن
قالوا ماهى خضراء الدمن؟؟؟؟؟؟؟؟؟؟
قال: المرأة الحسناء في منبت السوء
هذه الوزير جميلة مظهر ولكن افكارها خبيثة وهذا التصريح يكشف لنا عن تناقضها —
اشراقة السيد من اسرة بسيطة وفقيرة كانت تسكن كوستى ولكن بعد ان اصبحت وزيرة تنكرت للقضية التى كانت تناضل من اجلها ابان فترة دراستها فى جامعة الخرطوم — يبدو ان اشراقة باعت افكارها ومبادئها بثمن بخس (عمارة وعربية وكم قريشات فى البنوك السويسرية)ولكنى لا الومها طالما انها اتحادية جناح يوسف الدقير
نظام فقد الشرعية وفقد المواطن وفقد الدعم من اصدقاء الامس ؟
عليه أن يترجل طائعا مختارا وحواء والده ؟
خسمتك بالنبى ما تخلينا حنتيتم من بعدك على الاقل احضرى العشاء الاخير قبل لاهاى
يا بنت الحلال انت دخلت ميدان التطبيل متأخرة فاعملي بالحكمة القائلة”خليك بعيد حبك يزيد”
ولو كنت تفهمين في السياسة يا صديقتي اشراقة :اسألك بالله ما هي المساعدات التي قدمها الغرب لدولة الجنوب في هجومها على هجليج فالجنوب لا يملك حتى صواريخ مضادة للطائرات!
على أمثالك أن يخجلوا من الحديث عن معركة هجليج لأنها مهزلة بمعنى الكلمة أن تحتل دولة لا تملك دفاع جوي نصف انتاج السودان من البترول .
السودان في الوقت الحالي و بافكار اشراقة و زملاؤها من المطبلين الغافلين لا يحتاج الى مؤامرة لمحاربته كلما يحتاجه الغرب لتدمير السودان هو أن يتركوا المطبلين يطبلون و يطبلون و يطبلون لقد أصبحح للأسف حانا يتلخص في عبارة “بأسنا بيننا”
الدوائر الصهيونية يا وزيرة ( الشماعة)
المعلق المدعو/ سلمان الفارسي** اخي الكريم أظنك أنك ليس لك من اسمك نصيب** أنا شخصياً لا اعرف اشراقة وليست لي بها صلة** اقسم بالله العظيم إلا من خلال السودان الذي يربطنا** ومثلها مثل أي سودانية تمثل لي ولك ولكم رجال السودان اختا لنا في العقيدة والدم والوطن *** فيا أخي سلمان إياك وإياك وإياك أن تتفهوه بحديثك خضراء الدمن وقذف المحصنات ** الذي سوف تقاضي بيك يوم الحق عز وجل يوم القيامة ** لا تخوضوا في أعراض الناس ولا تقذفوا آمات الله بهذا القول الفاحش** لك الحق في أن تختلف معها في فكرها وايدولوجياتها وحزبها إن كان مؤتمر وطني أو غير ولكن ليس لك الحق** فيأخي كتبت هذه الحديث هل أنت عارف لمعناها ومغزاها ولا عاجبك فقط نطق وكتابته وأبت نفسك إلا أن تشارك به التعليق** اتقوا الله يجعل لكم مخرجاً.
يا اشراقة خليك مع الوزارة والسكرتيرة ومدير المكتب والسواق والامتيازات ما تتدخلي كتير في السياسة وشغل الحكومة . لو وقفتي اكتر من كدا بتلحقي سناء حمد وصيناها كتير وقلنالها خلي الشلاقة الكتيرة دي ما سمعت كلامنا مشت تتشالق اكتر من اللازم وبقت تصرح بإسم السودان كما سبحان الله لكن لما كترتها قعدوها في بيتها انتي اعملي حسابك .
ماتمشي في 60 دهيه
عليك الله كان ما استقلتي يا كوندليزا رايس
النشوف حنموت واللا حنعيش
امشي بلى يخمك انتي ورئيسك وبرلمانك كلمكم يوديكم في ستين داهية قالت بستقيل اخت هارون
يا اختى عليكى الله ارجعى البيت وطبقى حنتك دى .. وماتنسى تمشى الكوفير بكره لزوم الشعر والمكياج .. وما تنسى اخر ثوب اسمه هجليج ولعت عند اولاد البشرى فى سوق سعد قشره .. واخوكى الحارسك دا اوعى مايقفل منك .. وخلى الشلاقه الماقدرك دى .. والله .البشيردا كان قام عليكن الا يوريكن المابتعرفنه … والعجب كان لما فيكى نافع والله يحلق ليكى شعرك العاجبك دا .. اصلوا لابعرف محرم ولا كلام فارغ .. وبعدين يختى اقول ليكى بالواضح شيييييييييييييييييييييييييييينه منك .. الجماعه صدقوا ليكى بى محرم تقومى تعاملى معاهم كدا .. وتشنى عليهم فى هجوماتك دى .. هم يعنى ناقصينك …
ليه ياحلوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خليك في هارون أخوك
الشغلتيهو مدير مكتبك
قال إنسحاب قال
أمشي شوفي مسار حالتو بقت تحنن كيف
هههههه
So what? Go to hell.! you really do not need to resign as ELbasheer and his junta will soon go away and you will be swept with them. Have you heard about Congressman Frnank Wolf Bill. This bill will keep your boss at his house like any other woman. he cannot represent Sudan outside the Khartoum. So Ali Mohamed Taha and his colleagues will try to overthrow him . The consequence of all of this is weakening of the system and will bring it to its knees. You know Holand of France is now negotiating with Chad president to either capture ElBasheer or he will be in trouble. Wait few days and you will see. Stupid.
قمه التناقض مابين تصريح كاذب يرمي الي فوائد انيه مقيته بحسابات الربح السريع في زمن النكرات التي تتسلق الظروف للبروز
1/تاجمين الغرب وانت اول الساقطين فيه وبه حيث كنت اول الداعين له باصرارك علي ان تضعي مولودك الاول في بريطانيا واصرارك علي اكتسابه للجنسيه البريطانيه بالميلاد….قمه الصفاقه
2/الكل يعرف منذ سنين عديده عداءك للاخوه الجنوبيين وليس للحركه الشعبيه وعنصريتك لكل ماهو داكن او اسود ونماذج عديده استخدمتيه للتعبير عن هذا الكره
3/الامين العام بنفسه لا يرحب بك حتي قيام الساعه لانه يعلم بانك اشد الناس تملق وانهزام وتسعين دوما للفائده
4/تتحدثين بتملق للجمهور وانت تسعين لتشغيل اسرتك كلها داخل مكتبك بدايه من اخوك مجدي واختك السنكوحه التي كانت تسمي بدعايه الجوع وهي الان تنعم بالشبع والسمنه من اللقفي
ابنه خالتك التي كان الزمن لا يقبلها بفضلك اصبحت موظفه داخل مكتبك
وهلما جرأ وربما اصبح ابوك عفير المسجد غفيرا في القصر الجمهوري ربما
أحيييي يا مصاريني.. قال وزيرة تعاون دولي قال.. تتعاونوا بشنو كان حلة الملاح بعدسها وفومها وزيتها وصلصتها ومفراكتها مستوردة؟ صورة مقلوبة يجب تعديلها.. ماعندك حل غير نختك في مسماك الحقيقي: وزيرة استيراد دولي.. اها ان شاء بعد ده تستقبلي البواخرة القادمة بالكسرة والملاح في بورتسودان؟
المرأة دي جميلة مفروض نسمع كلامها
لكن ما سالت نفسها — سبب خراب ماكينات مصنع سكر النيل البيض
رئيس حزبها
أولاً كثير من الأخوة المعلقين ، يعلقون لمجرد التعليق ، وموقع الراكوبة حينما أتاح للقراء التعليق كان الهدف من ذلك أشبه بطرح الخبر للنقاش وزيادة المعلومات ، وليس بغرض الأساءة والسخرية من عباد الله ، المهم أنا اعرف إشراقة محاضر في كلية الاقتصاد بجامعة جوبا منذ عام 1997 ، ومسألة عدم حبها للجنوبيين كلام عار من الصحة ، أعلموا جميعكم أننا أعضاء هيئة تدريس جامعة جوبا شماليين وجنوبيين ليس بيننا أي شيء من العنصرية ،وحتى أيام أحداث موت جون قرن وما صاحبه من أحداث في الخرطو كانت العلاقة بين الجنوبيين والشماليين طبيعية لم تتأثر بكل ما حدث في الشارع . هذا يشير إلى أن الوحدة الحقيقية كانت وما زالت بين الشمال والجنوب نموذجاً في جامعة جوبا . أما إشارقة حتى بعد مشاركتها الأولى في الوزارة ( 2002) لم تتخل عن محاضراتها ولا علاقاتها بنا نحن زملائها شماليين وجنوبيين في الجامعة . بعدين هذا رأيها ووجهة نظرها لا بد أن تفصح عنها كما تفعلون أنتم من خلال هذا الموقع . أحمدوا الله أن سخَّر لكم نافذة تستطيعون من خلالها التعبير عن آرائكم التي تخرج عن الموضوعية والعقل في كثير من الأحيان ، برغم ذلك تجد طريقها إلى الآخرين . اتقوا الله في عباد الله . لأن لكل زول دولة على الأيام ، والأيام دول بين الناس .
استقيلي وتعالي اعرسك علي سنة الله ورسوله…. علي طوووووول
انا راجيك يادولي وخليك من الابالسة
جن جداد سكره كثير ياه مش
ادوب انت متاكد انك شارب روب ما ما شارب ليك حاجة معاهو*** المرأة معرسة ومحننة ومتجيه براجلها يا اخي** تعرسها كيف ياادروب*** انت الظاهر عليك داير ليك زول يكب عليك كوز بتاع موية عشان………….. دي تفك