سير سير يا البشير .. كاريكاتير ود أبـّو‎

معبر جدا… لكن يا ترى هم حاسين وعارفين ودارين ووداعين ..أم في غفلة من الأمر هائمون…..كيف يصل مثل هذا التعبير للرئيس واعوانه المقربين.. يا ترى هم في قصر عاجي لا يدرون ما يحيط بهم… أم انهم بدعوا عضان الحامل.ز اللهم اعين السودان..

26 سنة وسواقنا زينة وحالف ما يدليناااااااااا

كاريكاتير يعبر عن واقع الحال،، شكرا يا مبدع

معبر جدا التراكتر دا وقع زمااااااااااااااااااااااااااااان الان فى الحفرة

والله قناة الشروق عامله مقابله مع غردون ، كان يكذب حتى النخاع دى وسخ وسوف تحاكم ويجب ان يقدم هذا الشخص الى المحكمه الدوله مثل سيده الصعلوق خريج سينما كوبر بتاع الملوص أتكلم عليه هذا المثلى الجقه .

المشكلة البلد البحكموها بالبنقو دي دايما مشاكلها مابتتحل حتي لمجلس الامن احسن كولمبيا والاورغواي حكامها بتاجروا لكن مامدمنيين فيه دخل للبلد ونحن بدخلنا في مشاكل وسرقات

شعر سعد عبد القادر العاقب سعيد

سافك دم
وماكلْ سُحْت
وجايِّي تحجْ؟
ذنوبك تلحقك وسط الحجيج وتفجْ
لا لبيك ولا سعديكْ
حجار الكعبة تلعن فيكْ
وكلْ طايفْ ملبي الليلة يدعو عليكْ
وكيف داير تطوف بالبيتْ
ودم شهدانا لا زال جاري بين ايديكْ

يا كاتْل النَّفِسْ عمداً
قلوبنا عليك نيران باقَّة ما بْخَمْدَنْ
تفر من ضوهن مرعوب تضاري عيونك الرِّمْدَنْ

وشِنَّ الحج وشن المسعى والإحرام
وكسبَك من خبيث وحرامْ
يا كاتل النفس يا حامي كل إجرامْ
تحل في مكة بين حجاج
ومكة بتلعنك زي عابد الأصنامْ

وما بتخجل
تقيف قدام إله قهارْ
وانت بتعبد الدولار
وتكتل في سبيلو وِلادْ
وتحرق في سبيلو بلادْ
فلا لبيك ولا سعديك
ولا الرب الرحيم بقبل
دُعا الظالم على المظلوم
وسيان لو تطوف بالكعبة
أو تنبح تسب الشعب في الخرطوم
دم شهدانا يحبط كل عبادتك وتبقى من النعيم محروم

داعي عليك كل الشعب
نعمنو افتقر مما سرقت وجاع
داعية عليكَ أم هزاع
وكل من ضاقت الأحزان
يوم زغرد رصاصك فوقها
يا كاتل النفوس الطيبة باسم الدين
وكل فاقد عزيز الليلة يدعو عليك
والرب المجيب سمّاع

وشِنّ الحج ورمي الجمرة
وانت الأوْلَى بالرميات من الشيطان
يدعو عليك أسياد وجعة ضاقو القَوْ
وستات وجعة من غدرك دموعهن شو
جيت تتدبي في الظلمات وخايف الضو
كلاب الحله شَمَّنْ فيك ريحة إبليس وقالن هَووْ
كباير الموبقات حايشاك فكيف تنحلْ
وشن بِتْسوْ

يدعو عليكَ كلْ بيتاً سقيتو المُرْ
يا المسخت عيد أُمَّات
عزيزهن برصاصك ماتْ
وكان راجيات صلاة العيد
عشان يرجع يقالدَنُّو
فكان عيديتهن منك كفن ورفاةْ
تدعو عليك موية النيل
وجبل البركل الخالدْ
وتدعو عليك بطانة الخير
وأرض الفور ونبتة ورملة العتمور
تعود مأزور وغير مأجور
ويرجاك القصاص
وعدالة الشعب العفيف وصبور

.منقول

مبدع والله يا ود ابو وربنا يديك العافيه ويطول عمرك

والله معبر جدا وبالذات الهاوية الامامية دي ربنا يحضرنا الولوج في هاوية النهاية.

سايقا صلاح تاح تاح تراااااااااااااااااح

التراكتر دفعه أكبر. كان تسويهو سايق ركشة. إذ لا يعقل أن يخم شخص شعب كامل بركشة وهو حال السودان بالطبع.

لكن ما بكرى بابورواشد من السايقو البشير

الشعب السوداني بأجمعه يتشوق لرؤية حزب البشير يقع في هاوية لارجعة لهم فيها
نريد محاكمتهم شنقا جميعهم . نشوف فيكم يوم