جنوب السودان يقترح منح الشمال 20 ـ 30% من إنتاج النفط
الخرطوم: جوبا: علوية مختار: كشفت جمهورية جنوب السودان عن رغبتها في «مساعدة» السودان من بترولها بنسب تتفاوت بين 20% الى 30% بجانب تخفيض سعر البترول الخام الذي يكرر في مصافي الخرطوم ما بين 5% الى 10%. واستبعدت تماما التعامل بنسب التقسيم الواردة في نيفاشا لحين التوصل لاتفاق بشأن النفط. وقال وزير الطاقة المكلف بدولة الجنوب قرنق دينق لـ«الصحافة»، ان من مصلحة الطرفين الشمال والجنوب خلال الفترة المقبلة التعامل في انتاج وتوزيع البترول ،لاسيما وان هناك حاجة متبادلة فيما يتعلق بانتاجه وتصديره وتكريره. واوضح ان الطرفين ليس لديهما بدائل للاستغناء عن بعضهما، واضاف «نحن كحركة ودولة جنوب سنستمر في النقاش للوصول لاتفاقية مرضية للطرفين». واكد دينق ، استعداد الجنوب لسد الفجوة في العملات الصعبة بالشمال السوداني من البترول، وقال «نحن مستعدين للمساهمة من نصيبنا في البترول ما بين 20% الي 30 % لصالح الشمال لمدة ثلاثة اعوام متتالية، الفترة التي يتوقع فيها ان ينجح الشمال في سد الفجوة عبر انعاش موارده الخاصة، الي جانب تخفيض سعر البترول الخام الذي يكرر بمصفاة الخرطوم بين 5% الى 10% .
واشار الي انهم طرحوا تلك المقترحات في اديس ابابا وان الوسطاء الافارقة يسعون حاليا لتقريب وجهات النظر.
وتوقع ان تستأنف الاجتماعات خلال اسبوعين باديس ابابا، واضاف «نأمل ان تكون الجولة هي الاخيرة» ، وقال انه في حال الاتفاق على «المساعدة» ستمنح للشمال بأثر رجعي من يوليو ، وشدد «لكن مبدأ التقسيم مرفوض نهائيا حتى لو استمر التفاوض لشهور» ، وزاد «لن نوقف التصدير عبر الشمال الا برغبته»
الرأي العام
هذا زمانك يا مهازل فأمرحي;( ;( ;( ;( ;( ;(
والله انا ماممكن اصدق هذا الخبر اطلاقا الا اذا تم تنفيذه فعلا فى ارض الواقع ….لانو الجنوب حا اتنازل مقابل شو ؟ما فى زول بدى ليهو زول حاجه ساكت لله الا اذا كان عندو مصلحه .وبكره نشوف.
اما عن الجنوبيين فهم فى حقيقة الامر دقسو دقسه كبيره لما طالبو بالانفصال ….وزى ما تقول ركبو الموجه ….الناس ديل كان عندهم حكم الجنوب كلو وعندهم 30 فى الميه من حكم الشمال يعنى كده كانو هم اكثر ناس مستفيدين فى اهل السودان اى واحد فيهم عندو دولتين جنوب وشمال وما كان فى واحد شمالى اقدر اتكلم مع جنوبى فى الخرطوم لانها حقتو وجوبا برضها حقتو ما فيش احسن من كده وله شنو ..لكن الانفصال افقد الجنوبيين هذه الميزه التى لا يتمتع بها اى مواطن اخر فى السودان غيرهم ….والحكايه هسع بقت صعبه عليهم وخاصه الموجودين فى الخرطوم حتى الان بقو ناس اجانب ما بين ليله وضحاها بعد ان كانو اسياد بلد وما فيش حد اقدر اقول ليهم تلت التلاته كم …..
هو انتو شفتو حاجه الفلم لسه ما بدا … تبكو بس … :mad: :mad: :mad: :mad: :mad:
في موضوع البترول ده بالذات تلفو وتجو في النهاية حترضو بي شروط حكومة الشمال… راس مالكم شهر وله اتنين لحدي ما القروش العندكم دي تكمل بعدين نشوف بتسوو شنو
كتر خيركم والله خيركم سابق ربنا مايحرمنا منكم ويجازيكم بكل خير ;( ;( ;(
لماذا باع الجنوب حصته لهذا الشهر من البترول للشمال …قطع شك لسوء ادارته لموارده …كفى هذى المهازل الجنو بلايستطيع ان يستغنى عن الشمال فى مسالة النفط دى ….ومستحيل ان تستطيع حكومة الجنوب تصدير نفطها غير انابيب الشمال فالقوم لايقفهون فقط ينجرفون وراء العواطف وهى التى اوردتهم بحر الانفصال الذى هم قطعا لايستطيعون عبوره وغدا سوف ينخدعون من اسادهم الامريكيين واليهود ..وسوف ياتوننا فى شكل لاجئين وسوف ترى ما قلت لك…
أتمنى إنه الكلام ده يكون غير صحيح لأنه أهل العوض ما يستاهلو.
والله ما بتقصروا ..قال مساعدة قال
مساعدة !!!!!!
الجنوبى دا موصاحى واللا شنو …..
فى رسوم خط ورسوم عبور ورسوم موانى ورسوم مصافى ورسوم رسوم يعنى 75% ممكن قبولها لاننا لايمكن ان نستغنى عن بعض .
واللا خلو امريكا واسرائيل تنقلوا ليكم … واللا شوفوا ليكم عفاريت من الجن من سلالة عفريت سيدنا سليمان يمكن يحلو ليكم مشكلة التصدير والتكرير ..
75% دا عرض ليوم واحد فقط ، باكر الكلام غير .
كشفت جمهورية جنوب السودان عن رغبتها في «مساعدة» السودان من بترولها بنسب تتفاوت بين 20% الى 30%
لو أكملت الخبر تشعر فقرة المساعدة أعلاه وكلما تكررت في ثناياي الخبر مضحكة..المتحدث ما بخجل وما هاميهو ردود فعل القاء
oh now ur talking political ,dont be like northren sudanese losers ,work for ur country,prove u deserve all sudan ,if u ,succeed belief me nobody will stay in the north, all will be happy to live with u and to leave it for idiot parties from NCP TO UMMA OR !! what ever monsters they call :lool: :lool: :lool: :lool: :lool: :lool: :lool: :lool: :lool: :lool: :lool: ;) ;) ;) ;) ;) ;) ;) ;) ;) ;)
بسم الله سلامات يا معلقين الراكوبة وحشتونا لأنى لى زمن أقرأ ولا أعلق بس الموضوع دة إستفزانى كثير جنوب السودان عاوز يساعدنا ب 20 أو 30 فى المائة من بترول الجنوب شوف إزاى بلاها هذه المساعدة وزى ماقال عادل إمام فى شاهد ما شافش حاجه خللوه وأنا بقولهم إشربوه بالهنا والشفاء بعض التعليقات صائبه جدا ناس كان الجنوب كله ليهم ومعاهم 30 فى المائة من الشمال وناسهم قاعدين شمالا وجنوبا على مزاجهم أكثر من كده عاوزين شنو والله فعلا دقسوا والله مخهم زى اللى فى رجليهم كان عندهم نص البترول والأرض وشمال السودان على كيفهم وزى ما قال أحد المعلقين كلها شهر شهرين وياكلوا هوا الحمد لله إرتحنا منهم وخلونا ننمى سودانا وإن شاء الله يكون فى العلالى شرط إنو الناس تخدم بضمير والله يوفق سوداننا
ما تعيشوا على الاوهام يا شماليين بان الجنوب ستحتاج بنية التحتية للبترول الموجود في الشمال .
اولاً هذه المصافي و انابيب تم بناءوها بموارد شهب جنوب السودان .
ثانياً : ليكن على علم لديك ان شركات عالمية عابرة للقارة و متخصصة في مجال البترول وصل الى جنوب السودان . و ستبدا العمل في ايام المقبلات .:cool: :cool: ( ) ( ) :o :lool:
الاخ (جنوبى)
– اذا تم بناء المصافى وخط الانابيب بموارد شعب جنوب السودان ، من الذى استخرجه وصرف علية حتى اصبح حقيقة ………… برضو موارد جنوب السودان . دا موضوع طويل (اقلب الصفحة)
– الشركات العابرة للقارات والمتخصصة فى النفط دى والتى وصلت الجنوب (كل الهيصه دى فى 300 الف برميل / اليوم ؟) .الشركات دى ياعزيزى موجوده فى الشمال منذ زمن بعيد ، والسودان كله نفط وسطه وشماله وشرقة وغربة
الشمال قال النسبة التى يراها مناسبة او يقفل الخط ……….. كلام واضح ، المفاوضات فى شنو ؟ لو تفاوض شهور ……. ياهو الكلام البتقرأ فيه دا .
موضوع البترول و خط الانابيب زى واحد عند المفتاح و التانى عند الصندوق، الناس بتتشاكل و الجماعه شغالين فى خط انابيب جديد بتمويل غربى امريكى اسرائيلى يعبر الاراضى الكينيه الى ميناء جديد اذ ميناء ممبسا مذزحم و ارصفته غير مؤهله لنلقلات النفط الحديثه لزوم الاستنزاف السريع و يا ناس الشمال شوفوا بترول جديد او صدروا فائض مياه النيل.
رحم الله اهل البلد و جازى ناكبيها