أخبار متنوعة 
أكد دخول كثيرون للمصحة.. الطبيب النفسي المثير للجدل علي بلدو يشعل الاسافير بأغنية جديدة
الخرطوم: محاسن أحمد عبدالله
اشتعلت الأسافير و مواقع التواصل الاجتماعي بأغنية جديد للطبيب النفسي والعصبي الاشهر في السودان علي بلدو بعنوان (يا بلدو أحي) التي قام بترديدها الفنان الشاب حسام الجبل.
من جانبه أوضح بلدو أن الاغنية تلخيص لافادات سابقة له حول علاقة الحب بالجنون والمشاكل العاطفية وفقر الدم و نقص المناعة وكثرة المرضي والتردد على المستشفيات
وتابع:( أصبحت الأغنية المطلب الأول في إذاعات آلاف ام والحفلات الخاصة،إنني سعيد بكل شي يتعلق بالصحة النفسية بأي صورة كانت، مؤكدا في الوقت ذاته انه مع استمرار الضغوطات الحالية التي يعيشها المواطن سيدخل كثيرون منهم للمصحة النفسية .
بعض أبيات من الاغنية:
عاجبني يا بلدو رقدني المصحة
بالصدفة قابلني ده زولي المجنني
بي حاجبو شاغلني بهدلني بشتني
لمن بسم لي أنا حيلي ما شالني
ده سبب السهر والهم
جاب لي غير الدم
اهاااااااااااا ناس الراكوبة بعد ما ريحتونا من الوهم دا رجعتوا ترفعوا ضغطنا تاني ..!!
انتوا قاصدين شنو معانا ؟؟؟..!!!!
وبعدين اللسميتوها اغنية دي وكلماتها الخارم بارم المشاترة دي ما وضحتوا لينا هل هي موجهة لاصحاب العقول ام المجانين ؟؟؟
أخخخخخخخخخخخ
والله فعلا مرات الجنون رحمة أنا شخصيا أنصح إذا كان لدكتور علي بلد من قريب أو صديق أو حبيب أحسن ياخدوا يشوف ليه طبيب نفسي يعالجه. كيف لزول زي ده هو نفسه مريض نفسيا أن يعالج مرضى. الكلمات دي بتوضح بما لا يدع مجالا للشك أن الزول ده من طاشي شبكة أو خارج الشبكة ده ما ليه علاقة بالشبكة. ألذ حاجة قال أيه أنه الطبيب النفسي الأشهر في السودان ده المفروض يكون المريض النفسي الأشهر في السودان. معنى كده الأغنيات الهابطة دي كلها كاتب هو وتقول لي عشةالجبل قونة.
أصبح المواطن السوداني يتعرض للتنمر بسبب ضعف السلطة القائمة فلا يعقل ان تفتح البلاد أراضيها للعدو الذي يحتل أكثر من عشرون الف كيلومتر مربع لكي يأتي ويجري مناورات علي التراب السوداني الذي قام بإنتهاك سيادته
علوبه الدقا النوبه
اول مرة اعرف انو الجن الكلكي مرض معدي ومفروض علي بلدو الحكومة تدفع ليهو تعويض بدل مخاطر مهنة.