وزير الكهرباء يحذر من الإنهيار اذا لم تتم زيادة تعرفة الكهرباء
البرلمان: سارة تاج السر
حذر وزير الكهرباء والموارد المائية معتز موسى، من انهيار قطاع الكهرباء في ظل التعرفة الحالية، وقال (إذا استمرينا في دعم المقتدرين والمحتاجين على حد سواء سينهار القطاع)، وأوضح الوزير أن 78% من المشتركين في الشبكة القومية يستهلكون 12% من الكهرباء، بينما 12% من المشتركين في القطاع السكني يستهلكون حوالي 78% من الطاقة.
وأشار الوزير الى أن الـ650 كليوواط التي يدعم بها المواطن شهرياً توفر له الحياة الكريمة، وأية زيادة استهلاك عليها يرجع لاستخدام اجهزة التكييف بشكل رئيس، وأضاف (طبعاً المواطن من حقو يعمل تكييف ويأخد راحتو)، وتساءل (لكن هل يعقل دعم المقتدر ورقيق الحال بـ650 كليو واط، وهل يستمر الدعم بنسبة 100%؟).
وتابع الوزير (واجبي أن أحيط المجلس الوطني بما يدور في حقيقة الأمر، وطالب النواب باتخاذ قرار جماعي وبشكل مسؤول بشأن تعريفة الكهرباء.
وظل الوزير يشتكي مراراً من ارتفاع تكاليف إنتاج الكهرباء بسببب تكلفة الصيانة وقطع الغيار في ظل التعرفة الحالية ما تسبب في عدم مقدرة القطاع الكهربائي على مقابلة الطلب المتزايد وتذبذب الإمداد.
وكشف الوزير خلال تقرير لجنة الطاقة حول أداء الوزارة والذي تمت إجازته بالإجماع بالبرلمان أمس، عن تبني رئيس الجمهورية المشير عمر البشير لمشروع طاقي جديد باسم (شمس السودان طاقة نماء)، يهدف لإضافة 500 ميقاواط من الطاقة الشمسية للشبكة القومية.
وأعلن موسى اكتمال 4 سدود بولاية البحر الأحمر، ذكر أنها ستوفر ملايين الأمتار المكعبة من المياه النقية لسد الفجوة لحين الانتهاء من مشروع نقل المياه من منظومة نهر النيل الى ولاية البحر الأحمر.
الجريدة
تبا لك ثم تبا لك
قرفنا من الوعود حشاش بدقنو حا.. سوف ..
المشكله في شركات الكهرباء والسدود ارجعو للهيئه المركزيه للكهرباء والمياه
إقتباس:
(وأوضح الوزير أن 78% من المشتركين في الشبكة القومية يستهلكون 12% من الكهرباء، بينما 12% من المشتركين في القطاع السكني يستهلكون حوالي 78% من الطاقة.) .
هل فى زول فهم حاجة فى الغُلوتية دى ؟؟
الوزير بقول:
– 78% من المشتركين في الشبكة القومية يستهلكون 12% من الكهرباء،
-12% من المشتركين في القطاع السكني يستهلكون حوالي 78% .
كيف يكون القطاع السكنى فقط 12% ؟ و غير القطاع السكنى من مصانع وشركات ومستشفيات وجامعات وغيره 78% ؟؟
يعنى أغلبية شعب السودان الباقى 88% (100-12) منه لا يستخدم كهرباء و قاعدين فى الضُلُمة وبستعملو الشموع .
دة كلام غش و إستنكاح و ضحك على العقول يا سيادة الوزير .
زول خريج أداب تخصصو ترجمة علاقته شنو بالكهرباء !
زول كل مؤهلاته هى قرابته من عمر البشير هل يمكن ان يقول جملة مفيدة ؟
أعوذ بالله .
أول حاجة يا وزير الهنا يجب تخفيض هذا الجيش الهائل من منسوبيكم الذين ملأوا شركات الكهرباء دون إنتاج حقيقى بحيث صارت المصاريف الإدارية تلتهم معظم مداخيل الكهرباء بالإضافة إلى الفساد الضارب بأطنابه في مناقصات أجهزة الكهرباء وخلافها ثم ما الداعى لفصل سد مروى في شركة منفصلة عن السدود الأخرى وقد أثبتت إنها أكبر ماسورة ونهب لا غير؟
هههههههههه اها قلتو اخير نقبل علي الشمس وين السد السد الرد الرد كهرباء تسد نفسكم ان شاءالله
“أوضح الوزير أن 78% من المشتركين في الشبكة القومية يستهلكون 12% من الكهرباء، بينما 12% من المشتركين في القطاع السكني يستهلكون حوالي 78% من الطاقة”!!!!!!!
هههههههههههاااا —- و مال فين السد المروي معجزة القرن ؟؟؟
مليارات ديون علي حساب السودان ضاعت هدرا ؟؟؟؟؟
حسبي الله ونعم الوكيل فيكم بدل تتناقشو كيف تخلو المواطن كريم العيش تتناقشو كيف تزيدو معاناتو حسبي الله ونعم الوكيل فيك شكيناكم لي الله
لا اقول عندي عصا موسي ولكن 45 يوما كافية لاصلاح حال الكهرباء في السودان اذا منحت لاهل الكفاءة ، امنحوني الصلاحيات خلال هذه المدة وحاسبوني اذا قطعت الكهرباء
و مال فين السد المروي — معجزة القرن ؟؟؟؟؟
مليارات رااااااااحت علي السودان !!!!!!
(شمس السودان طاقة نماء) زيروووو عطش
(شمس السودان طاقة نماء) زيروووو عطش
(شمس السودان طاقة نماء) زيروووو عطش
الوزير الاستاذ معتز بقول شعر جاهلي كمان ههههههههههههههههههههههههههههه
اول حاجه يا وزير طالما ان المواطن بدفع ليكم الضرائب الجزافيه انت فرض عليك توفر ليه الخدمات زى الكهرباء وبأقل الاسعار يعنى الشغله لا سمسره ولا تجاره زى انت فاهم وبعدين الكهرباء دى المواطن هو البدفع ثمن الاعمده والاسلاك والتوصيلات وتجبروه ان يتنازل عنها ويشترى العداد ومش يتنازل عنه وبس لا وبدفعوه ايجار شهرى فى حاجه اشتراها بحر ماله وحاجه تانيه عشان تعرف انك جاهل حتى فى منصبك الدعم 200 كيلو واط مش 650 كيلو واط زى مابتقول ودى ما بتكفى اسره اسبوع والشئ الغريب انو الدخل الخرافى اليومى للكهرباء والانتو ما خسرانين فيهو حاجه لانو المواطن زى ما قلته بدفع كل حاجه ما داخل فى ميزانية الدوله وما معروف بمشى وين على الاقل بالنسبه لينا وحاجه اخيره بقولها ليك لو وضعك التنظيمى ومنصبك خلاك عايش فى برج عاجى وما عرف ان الشعب بقى عايش بشق الانفس فى الحطيط بذكرك بدعوة الرسول عليه السلام : اللهم من شق على امتى فأشقق عليه
أنا ياجماعة عندي الحل لعدم انهيار السودان مش الكهرباء بس وهو………….. نطالبكم ياكيزان وباسم الشعب السوداني الفضل (أن تقللوا نسبة سرقاتكم واختلاساتكم من حقوقنا بنسبة25% بس ! وبكدا تتحل كل مشكلات السودان..
بعد سبعة وعشرين سنة تدهور قال أيه ،،، قال طاقة شمسية ،، طاقة سمسية وللا طاقية منسج حمرا مكوية ،،،،
نضحك أم نبكى ،،،، السنة المضت أكيدالحال كان أحسن من الحالي ،،، والعام الجايى برضو أكيد حيكون أحسن من العام الحالي ،،، دحرجة مشعقولة مش معروف متين حيجروا فرملة اليد عشان الشغلانة تقيق دت دت .
500 ميغاواط من الكذب الصريح
27 سنة مشت وين أيها الإنقاذيون
27 سنة كم عدد الكبارى الجديدة
27 سنة كم عدد الكيلو مترات في الشوارع المرصوفة
27 سنة كم مرسة جديدة بنيت
27 سنة كم مستشفى تخصصى بواصفات عالمية تم تشييده
27 سنة كم مطار جديد بمواصفات سلامة عالمية تم بناؤه
27 سنة كم مصنع تم إغلاقه
27 سنة كم عدد المشاريع المنتجة التي أصبحت في ذمة الله
27 سنة كم عدد المليارات الدولارية التي تم نهبها
27 سنة كم عدد الوزراء ونوابهم الذين تعاقبوا على إدارة الخرابة
27 سنة كم صرف من خزينة الدولة المنهوبة على ما يعرف بالدستوريين
27 سنة كم عدد المليارات التي صرفت على الإحتفالات فارغة المحتوى والمضمون
27 سنة كم عدد المليارات التي صرفت على جهاز الأمن الفاشى من حوافز وصرف على السيارات التي تجوب طولا وعرضا لإبقاء هذا النظام المجرم النحط دعك من التثريات للسفريات فضلا عن المرتبات لهذا الجهاز القمعى الإخطبوطى ( هل يعقل ان يكون مرتب واحد سادى ومجرج وقطاع طريق أعلى من مرتب أستاذى جامعى يحمل دكتوارة مردفة بلقب بروفيسور )
27 سنة كم عدد المشاريع التي خرجت من دائرة الإنتاج إلى دائرة البيع للمتنفذين والمتمكنين
27 سنة كانت حصيلة من الإنحطاط والتردى في كل شيء في السودان
السيناريو القادم هو عجز الدولة تماما عن دفع مرتبات منسوبيها بالخدمة المدنية
يعقب ذلك إغلاق المدارس الحكومية والمستشفيات التي أصبحت في شكل شفخانات
البلد إنزوت من خريطة العالم …………ز
وزير الكهرباء مصر على رفع سعرالكهرباء وأول ما يرفعها حيشتري بيت بثلاثين مليار كما فعل وزير الماليةالفاسد علي محمود عندما قال ان الإقتصاد سينهار إن لم يرفع الدعم عن المحروقات وبمجرد رفعها اشترى منزلاً بثلاثين مليار جنيه … وبذلك فهمنا أن ما كان معرضاً للإنهيار كان حلم وزير المالية في شراء بيت فخم جداً بمشقة الغلابى من الشعب كله ورأس النظام يتفرج عليه ولم يكلف نفسه حتى عناء سؤاله عما فعل! الواضح أن الإنقاذي عندما يتحدث عن إنهيار قطاع ما فهو يتحدث عن انهيار أحلامه إن لم يرفع سعرخدمة أو دعم غير موجود عن سلعة ما، لذلك ستجد كل وزير كهرباء إنقاذي جديد يتحدث عن رفع سعر الكهرباء كأول ما يريد القيام به من أولويات والحكومة عادة توافقه على ذلك لأن سياساتها معاناة المواطن الذي لا ينتمي لحزبها وترفيه من ينتمي لحزبها الفاسد…قاتلهم الله جميعاً هذا النظام وسدنته والقائمين عليه… الجانب “المشرق” من هذه الخطوة الكارثية لوزير الكهرباء أنه سيعجل بذهاب هذه العصابة بشكل أو بآخر
والله دي مهزله والشعب بيستاهل البحصل ليهو لانه شعب صبارة مش صابر دا شنو دا لمتين تبقو زي باقي الناس الناس ماتت في مصر وسوريا والعراق وليبيا واليمن علشان حقوقها وانتي بتخافو تموتو قل ان الموت اللضي تفرون منه مولاقيكم كل مواطن مسؤول عن ارضه وعرضه والحاكم الظالم الله الله الله بيوفيهو حسابة في موت وسوال وبرزخ وقيامة مصيركن تموته ياجبانين
عايزين نجرب الانهيار المرة دى
لان المواطن بشترى العمود والسلك وبيدفع دم قلبوا والحال مايل ولايستعل لا بكنس الكهرباء من الغفير الى الوزير
(شمس السودان طاقة نماء)،
دي زي السودان سلة غذاء العالم
ملتحي اهبل
قبل كم سنة بشروا هؤلاء الكذابون ان سد مروي سيكون نهاية ازمة الكهرباء والفقر وانفق فيهاكثر من اثنين مليار دولار من اموال الشعب وفي النهاية يطلع ماسورة ولمً تعمل التوربينات بشكل ةامل حتى الان
وصبر الشعب والان يقولك طاقة شمسية
هذه حكومة عجزت قالوا مشكلة الجنوب ففصلوا الجنوب
مشكلة الخدمات في العاصمة قالوا انقلوها لمكان تاني
قالوا الكهرباء قالوا طاقة شمسية والشمس دي اوعكم تقولوا نحن الجبناها
المهم على الشعب ان يكثر الدعاء فيمابقي من رمضان وان يتخلصوا من هذا الكابوس
هو ما أي شي انهار بس بقت علي الكهرباء.ياسجم
وبعدين البرلمان جاهز للزيادة. .ناس التمثيل النسبي دي مهمتهم مع التصفيق. …يا وزير ترجم لينا الكلام دا كيف
لن نحن ما قرينا ترجمة .
اقتباس :
وكشف الوزير خلال تقرير لجنة الطاقة حول أداء الوزارة والذي تمت إجازته بالإجماع بالبرلمان أمس، عن تبني رئيس الجمهورية المشير عمر البشير لمشروع طاقي جديد باسم (شمس السودان طاقة نماء)، يهدف لإضافة 500 ميقاواط من الطاقة الشمسية للشبكة القومية.————————————————— لكى يكون القول يتبعه العمل بالنسبة لتصريح رئيس الجمهورية , المفروض منك انت شخصيا الآتى : ان تقدم مذكرة لمجلس الوزراء وتطلب فيها ان تشجع الحكومة الشعب بأن يساهم فى الأستفادة من الطاقة الشمسية عبر مجهوداته الفردية . ولكى يتم ذلك , تطلب من مجلس الوزراء اصدار قرار باعفاء معدات وادوات وكل ما يتعلق بالطاقة الشمسية من الجمارك , وهى بسيطة وقليلة وتنحصر فى الألواح وبعض قطع صغيرة من اللآلات . وحتى الألواح الشمسية ممكن تصنيعها محليا وذلك بتشجيع الرأسمالية الوطنية بانشاء مصانع داخليا وبالمناسبة المواد الأولية لصناعة الألواح الشمسية موجودة فى السودان – الرمال ) وقد شاهدت فى الدول الأوروبية بالرغم من انه لا توجد مشكلة قطوعات كهربائية , يقومون بالأستفادة من مصادر الطبيعة المتوفرة لديهم ( الرياح , مجارى مياه صغيرة منحدرة من المرتفعات , الشمس ) لتوليد طاقة كهربائية للأستهلاك المنزلى , والحكومات لا تعترض , بل تشجعهم لأن ذلك يساعد على نظافة البئية .ارجو لك التوفيق واذا ربنا وفقك فى هذا المشروع , سوف يذكره لك الشعب مدى الحياة ونصيحة ايضا الا تفكر فى زيادة اسعار الكهرباء لآن الشعب وانت ادرى بحاله اصبح لا يتحمل وكفاية المعاناة التى يعيشها , وبالتوفيق وشكرا .
شوفوا الوزير الكضاب ده بداها بالكضب.. اولا ان الدعم المزعوم هو 200 كيلو واط فقط لاغير وليس 650 كيلو واط كما ذكر..وحتى ال 200 كيلواط دي الناس بتشقى وتتعب عشان توفر حقها.. عالم ما بتخجل…
نحن لا نصدق ارقام وزير الكهرباء واذا اراد ان يثبت صحتها فعليه ان يوافق على ان يقوم بيت خبرة متخصص لاجراء دراسة والتاكيد على صحة النسب التى يقول بها الوزير وعليه كذلك ان يعلن عن موافقته على اى مقترحات بديلة لزيادة التعرفة يقدمها بيت الخبرة.اما اذا رفض الوزير قيام بيت خبرة بذلك فان ذلك يؤكد انه نجر هذه النسب ليبرر طلبه بزيادة التعرفة فقط وهى لعبة اصبحت مكشوفة للمواطنين فكلما يكون المسؤول عاوز يمرر زيادة ينجر ليه ارقام من راسه عن التهريب لدول الجوار ولا دعم المقتدرين ويخفى فى نفس الوقت المعلومات الخاصة بالترهل فى الجسم الحكومى والصرف البذخى وسوء الادارة المفضى الى مضاعفة التكلفة دون وجه حق.بعدين مسالة ليه ندعم المقتدرين دى بدعة انقاذية فالمقتدر برضه بيدعمكم بالضرايب وبالرسوم الماليها حد وبالانتاج وبتشغيل عدد من العاملين فهل يصبح جزاءه الامتنان عليه بسعر مدعوم ل200 كيلووات ساعة.؟
هسع بكرة لمن يزيد التعريفة ويلهط القروش ويعين المغفلين الزيو والكهرباء تبقي ازفت حيجي بالحنك بتاع العقوبات الامريكية الصهيونية الاستعمارية الاستكبارية الاستهدافية الباغية بت الحرام الزيو وزي المغفلين الزيو….زيد وماتتلفت اصلو ماياهو زدتو الموية والماسورة شغالة خخخخخخخخخخخخخخخ ليل نهار
ياخوي يا وزير الكهربا اصلك ماتدعمنا دا لو فعلا في دعم لو علي تكلفة التشغيل والصيانه راجع عقوداتك والمافية الماسكة قطع الغيار تااني حاجة افتح لينا إستيراد أجهزة الطاقة الشمسية ياخي عليك اللة عليك اللة ما تستحمرناوتستهازاء بينا شوف مشكلتك الحقيقية وين وواجها ولأ شوف ليك شغلة تاني قرفتونا اللة يقرفكم
* كلام غير مفهوم و إنشائى, كعادةالتنابله و اللصوص!
* الشفافيه تقتضى ان توضح قيمة تكلفة الكيلوات أولا, أيها الوزير الهمام!
* و لو أثبت ان التكلفه عاليه(مقارنه بالدول الأفريقيه مثلا), كان يتوجب عليك النظر فى كيفية تخفيض تكلفة الإنتاج, و إيجاد حلول علميه و عمليه لها!
* علما بأن إنتاج الكهرباء من “مساقط المياه”, هو أقل أنواع إنتاج الكهرباء تكلفة فى العالم!..كما ان المعروف علميا, أن “تكلفة الإنتاج” تنخفض, كلما زاد “الإمداد و الطلب” عليها, و ذلك إستنادا على “إقتصاد الكم”(Large-scale Production)!
* يقينى ان “دوله الفساد”, تتكسب من عديد السلع التى يزعمون انهم يدعمونها, كالوقود و المحروقات, و السكر و الدقيق و القمح!, و ذلك بهدف الصرف على “الدستوريين” و المليشيات و ال17 جكومه و 17 برلمان..إلخ!
* بالمناسبه, أين تذهب أموال الشركات الحكوميه و عددها أكثر من 7500 شركه و بنك و اعمال و إتصالات!!
وزير الظلام معك وزير المال زائد البنك المركزي بالاضافه الي البرلمان البسو طرح واعلنو الزيادات في ١٥ يوليو وياشعب السودان جيبو عكاز القذافي من مدني وهاك…… دا هو الحل
تبا لك ثم تبا لك
قرفنا من الوعود حشاش بدقنو حا.. سوف ..
المشكله في شركات الكهرباء والسدود ارجعو للهيئه المركزيه للكهرباء والمياه
إقتباس:
(وأوضح الوزير أن 78% من المشتركين في الشبكة القومية يستهلكون 12% من الكهرباء، بينما 12% من المشتركين في القطاع السكني يستهلكون حوالي 78% من الطاقة.) .
هل فى زول فهم حاجة فى الغُلوتية دى ؟؟
الوزير بقول:
– 78% من المشتركين في الشبكة القومية يستهلكون 12% من الكهرباء،
-12% من المشتركين في القطاع السكني يستهلكون حوالي 78% .
كيف يكون القطاع السكنى فقط 12% ؟ و غير القطاع السكنى من مصانع وشركات ومستشفيات وجامعات وغيره 78% ؟؟
يعنى أغلبية شعب السودان الباقى 88% (100-12) منه لا يستخدم كهرباء و قاعدين فى الضُلُمة وبستعملو الشموع .
دة كلام غش و إستنكاح و ضحك على العقول يا سيادة الوزير .
زول خريج أداب تخصصو ترجمة علاقته شنو بالكهرباء !
زول كل مؤهلاته هى قرابته من عمر البشير هل يمكن ان يقول جملة مفيدة ؟
أعوذ بالله .
أول حاجة يا وزير الهنا يجب تخفيض هذا الجيش الهائل من منسوبيكم الذين ملأوا شركات الكهرباء دون إنتاج حقيقى بحيث صارت المصاريف الإدارية تلتهم معظم مداخيل الكهرباء بالإضافة إلى الفساد الضارب بأطنابه في مناقصات أجهزة الكهرباء وخلافها ثم ما الداعى لفصل سد مروى في شركة منفصلة عن السدود الأخرى وقد أثبتت إنها أكبر ماسورة ونهب لا غير؟
هههههههههه اها قلتو اخير نقبل علي الشمس وين السد السد الرد الرد كهرباء تسد نفسكم ان شاءالله
“أوضح الوزير أن 78% من المشتركين في الشبكة القومية يستهلكون 12% من الكهرباء، بينما 12% من المشتركين في القطاع السكني يستهلكون حوالي 78% من الطاقة”!!!!!!!
هههههههههههاااا —- و مال فين السد المروي معجزة القرن ؟؟؟
مليارات ديون علي حساب السودان ضاعت هدرا ؟؟؟؟؟
حسبي الله ونعم الوكيل فيكم بدل تتناقشو كيف تخلو المواطن كريم العيش تتناقشو كيف تزيدو معاناتو حسبي الله ونعم الوكيل فيك شكيناكم لي الله
لا اقول عندي عصا موسي ولكن 45 يوما كافية لاصلاح حال الكهرباء في السودان اذا منحت لاهل الكفاءة ، امنحوني الصلاحيات خلال هذه المدة وحاسبوني اذا قطعت الكهرباء
و مال فين السد المروي — معجزة القرن ؟؟؟؟؟
مليارات رااااااااحت علي السودان !!!!!!
(شمس السودان طاقة نماء) زيروووو عطش
(شمس السودان طاقة نماء) زيروووو عطش
(شمس السودان طاقة نماء) زيروووو عطش
الوزير الاستاذ معتز بقول شعر جاهلي كمان ههههههههههههههههههههههههههههه
اول حاجه يا وزير طالما ان المواطن بدفع ليكم الضرائب الجزافيه انت فرض عليك توفر ليه الخدمات زى الكهرباء وبأقل الاسعار يعنى الشغله لا سمسره ولا تجاره زى انت فاهم وبعدين الكهرباء دى المواطن هو البدفع ثمن الاعمده والاسلاك والتوصيلات وتجبروه ان يتنازل عنها ويشترى العداد ومش يتنازل عنه وبس لا وبدفعوه ايجار شهرى فى حاجه اشتراها بحر ماله وحاجه تانيه عشان تعرف انك جاهل حتى فى منصبك الدعم 200 كيلو واط مش 650 كيلو واط زى مابتقول ودى ما بتكفى اسره اسبوع والشئ الغريب انو الدخل الخرافى اليومى للكهرباء والانتو ما خسرانين فيهو حاجه لانو المواطن زى ما قلته بدفع كل حاجه ما داخل فى ميزانية الدوله وما معروف بمشى وين على الاقل بالنسبه لينا وحاجه اخيره بقولها ليك لو وضعك التنظيمى ومنصبك خلاك عايش فى برج عاجى وما عرف ان الشعب بقى عايش بشق الانفس فى الحطيط بذكرك بدعوة الرسول عليه السلام : اللهم من شق على امتى فأشقق عليه
أنا ياجماعة عندي الحل لعدم انهيار السودان مش الكهرباء بس وهو………….. نطالبكم ياكيزان وباسم الشعب السوداني الفضل (أن تقللوا نسبة سرقاتكم واختلاساتكم من حقوقنا بنسبة25% بس ! وبكدا تتحل كل مشكلات السودان..
بعد سبعة وعشرين سنة تدهور قال أيه ،،، قال طاقة شمسية ،، طاقة سمسية وللا طاقية منسج حمرا مكوية ،،،،
نضحك أم نبكى ،،،، السنة المضت أكيدالحال كان أحسن من الحالي ،،، والعام الجايى برضو أكيد حيكون أحسن من العام الحالي ،،، دحرجة مشعقولة مش معروف متين حيجروا فرملة اليد عشان الشغلانة تقيق دت دت .
500 ميغاواط من الكذب الصريح
27 سنة مشت وين أيها الإنقاذيون
27 سنة كم عدد الكبارى الجديدة
27 سنة كم عدد الكيلو مترات في الشوارع المرصوفة
27 سنة كم مرسة جديدة بنيت
27 سنة كم مستشفى تخصصى بواصفات عالمية تم تشييده
27 سنة كم مطار جديد بمواصفات سلامة عالمية تم بناؤه
27 سنة كم مصنع تم إغلاقه
27 سنة كم عدد المشاريع المنتجة التي أصبحت في ذمة الله
27 سنة كم عدد المليارات الدولارية التي تم نهبها
27 سنة كم عدد الوزراء ونوابهم الذين تعاقبوا على إدارة الخرابة
27 سنة كم صرف من خزينة الدولة المنهوبة على ما يعرف بالدستوريين
27 سنة كم عدد المليارات التي صرفت على الإحتفالات فارغة المحتوى والمضمون
27 سنة كم عدد المليارات التي صرفت على جهاز الأمن الفاشى من حوافز وصرف على السيارات التي تجوب طولا وعرضا لإبقاء هذا النظام المجرم النحط دعك من التثريات للسفريات فضلا عن المرتبات لهذا الجهاز القمعى الإخطبوطى ( هل يعقل ان يكون مرتب واحد سادى ومجرج وقطاع طريق أعلى من مرتب أستاذى جامعى يحمل دكتوارة مردفة بلقب بروفيسور )
27 سنة كم عدد المشاريع التي خرجت من دائرة الإنتاج إلى دائرة البيع للمتنفذين والمتمكنين
27 سنة كانت حصيلة من الإنحطاط والتردى في كل شيء في السودان
السيناريو القادم هو عجز الدولة تماما عن دفع مرتبات منسوبيها بالخدمة المدنية
يعقب ذلك إغلاق المدارس الحكومية والمستشفيات التي أصبحت في شكل شفخانات
البلد إنزوت من خريطة العالم …………ز
وزير الكهرباء مصر على رفع سعرالكهرباء وأول ما يرفعها حيشتري بيت بثلاثين مليار كما فعل وزير الماليةالفاسد علي محمود عندما قال ان الإقتصاد سينهار إن لم يرفع الدعم عن المحروقات وبمجرد رفعها اشترى منزلاً بثلاثين مليار جنيه … وبذلك فهمنا أن ما كان معرضاً للإنهيار كان حلم وزير المالية في شراء بيت فخم جداً بمشقة الغلابى من الشعب كله ورأس النظام يتفرج عليه ولم يكلف نفسه حتى عناء سؤاله عما فعل! الواضح أن الإنقاذي عندما يتحدث عن إنهيار قطاع ما فهو يتحدث عن انهيار أحلامه إن لم يرفع سعرخدمة أو دعم غير موجود عن سلعة ما، لذلك ستجد كل وزير كهرباء إنقاذي جديد يتحدث عن رفع سعر الكهرباء كأول ما يريد القيام به من أولويات والحكومة عادة توافقه على ذلك لأن سياساتها معاناة المواطن الذي لا ينتمي لحزبها وترفيه من ينتمي لحزبها الفاسد…قاتلهم الله جميعاً هذا النظام وسدنته والقائمين عليه… الجانب “المشرق” من هذه الخطوة الكارثية لوزير الكهرباء أنه سيعجل بذهاب هذه العصابة بشكل أو بآخر
والله دي مهزله والشعب بيستاهل البحصل ليهو لانه شعب صبارة مش صابر دا شنو دا لمتين تبقو زي باقي الناس الناس ماتت في مصر وسوريا والعراق وليبيا واليمن علشان حقوقها وانتي بتخافو تموتو قل ان الموت اللضي تفرون منه مولاقيكم كل مواطن مسؤول عن ارضه وعرضه والحاكم الظالم الله الله الله بيوفيهو حسابة في موت وسوال وبرزخ وقيامة مصيركن تموته ياجبانين
عايزين نجرب الانهيار المرة دى
لان المواطن بشترى العمود والسلك وبيدفع دم قلبوا والحال مايل ولايستعل لا بكنس الكهرباء من الغفير الى الوزير
(شمس السودان طاقة نماء)،
دي زي السودان سلة غذاء العالم
ملتحي اهبل
قبل كم سنة بشروا هؤلاء الكذابون ان سد مروي سيكون نهاية ازمة الكهرباء والفقر وانفق فيهاكثر من اثنين مليار دولار من اموال الشعب وفي النهاية يطلع ماسورة ولمً تعمل التوربينات بشكل ةامل حتى الان
وصبر الشعب والان يقولك طاقة شمسية
هذه حكومة عجزت قالوا مشكلة الجنوب ففصلوا الجنوب
مشكلة الخدمات في العاصمة قالوا انقلوها لمكان تاني
قالوا الكهرباء قالوا طاقة شمسية والشمس دي اوعكم تقولوا نحن الجبناها
المهم على الشعب ان يكثر الدعاء فيمابقي من رمضان وان يتخلصوا من هذا الكابوس
هو ما أي شي انهار بس بقت علي الكهرباء.ياسجم
وبعدين البرلمان جاهز للزيادة. .ناس التمثيل النسبي دي مهمتهم مع التصفيق. …يا وزير ترجم لينا الكلام دا كيف
لن نحن ما قرينا ترجمة .
اقتباس :
وكشف الوزير خلال تقرير لجنة الطاقة حول أداء الوزارة والذي تمت إجازته بالإجماع بالبرلمان أمس، عن تبني رئيس الجمهورية المشير عمر البشير لمشروع طاقي جديد باسم (شمس السودان طاقة نماء)، يهدف لإضافة 500 ميقاواط من الطاقة الشمسية للشبكة القومية.————————————————— لكى يكون القول يتبعه العمل بالنسبة لتصريح رئيس الجمهورية , المفروض منك انت شخصيا الآتى : ان تقدم مذكرة لمجلس الوزراء وتطلب فيها ان تشجع الحكومة الشعب بأن يساهم فى الأستفادة من الطاقة الشمسية عبر مجهوداته الفردية . ولكى يتم ذلك , تطلب من مجلس الوزراء اصدار قرار باعفاء معدات وادوات وكل ما يتعلق بالطاقة الشمسية من الجمارك , وهى بسيطة وقليلة وتنحصر فى الألواح وبعض قطع صغيرة من اللآلات . وحتى الألواح الشمسية ممكن تصنيعها محليا وذلك بتشجيع الرأسمالية الوطنية بانشاء مصانع داخليا وبالمناسبة المواد الأولية لصناعة الألواح الشمسية موجودة فى السودان – الرمال ) وقد شاهدت فى الدول الأوروبية بالرغم من انه لا توجد مشكلة قطوعات كهربائية , يقومون بالأستفادة من مصادر الطبيعة المتوفرة لديهم ( الرياح , مجارى مياه صغيرة منحدرة من المرتفعات , الشمس ) لتوليد طاقة كهربائية للأستهلاك المنزلى , والحكومات لا تعترض , بل تشجعهم لأن ذلك يساعد على نظافة البئية .ارجو لك التوفيق واذا ربنا وفقك فى هذا المشروع , سوف يذكره لك الشعب مدى الحياة ونصيحة ايضا الا تفكر فى زيادة اسعار الكهرباء لآن الشعب وانت ادرى بحاله اصبح لا يتحمل وكفاية المعاناة التى يعيشها , وبالتوفيق وشكرا .
شوفوا الوزير الكضاب ده بداها بالكضب.. اولا ان الدعم المزعوم هو 200 كيلو واط فقط لاغير وليس 650 كيلو واط كما ذكر..وحتى ال 200 كيلواط دي الناس بتشقى وتتعب عشان توفر حقها.. عالم ما بتخجل…
نحن لا نصدق ارقام وزير الكهرباء واذا اراد ان يثبت صحتها فعليه ان يوافق على ان يقوم بيت خبرة متخصص لاجراء دراسة والتاكيد على صحة النسب التى يقول بها الوزير وعليه كذلك ان يعلن عن موافقته على اى مقترحات بديلة لزيادة التعرفة يقدمها بيت الخبرة.اما اذا رفض الوزير قيام بيت خبرة بذلك فان ذلك يؤكد انه نجر هذه النسب ليبرر طلبه بزيادة التعرفة فقط وهى لعبة اصبحت مكشوفة للمواطنين فكلما يكون المسؤول عاوز يمرر زيادة ينجر ليه ارقام من راسه عن التهريب لدول الجوار ولا دعم المقتدرين ويخفى فى نفس الوقت المعلومات الخاصة بالترهل فى الجسم الحكومى والصرف البذخى وسوء الادارة المفضى الى مضاعفة التكلفة دون وجه حق.بعدين مسالة ليه ندعم المقتدرين دى بدعة انقاذية فالمقتدر برضه بيدعمكم بالضرايب وبالرسوم الماليها حد وبالانتاج وبتشغيل عدد من العاملين فهل يصبح جزاءه الامتنان عليه بسعر مدعوم ل200 كيلووات ساعة.؟
هسع بكرة لمن يزيد التعريفة ويلهط القروش ويعين المغفلين الزيو والكهرباء تبقي ازفت حيجي بالحنك بتاع العقوبات الامريكية الصهيونية الاستعمارية الاستكبارية الاستهدافية الباغية بت الحرام الزيو وزي المغفلين الزيو….زيد وماتتلفت اصلو ماياهو زدتو الموية والماسورة شغالة خخخخخخخخخخخخخخخ ليل نهار
ياخوي يا وزير الكهربا اصلك ماتدعمنا دا لو فعلا في دعم لو علي تكلفة التشغيل والصيانه راجع عقوداتك والمافية الماسكة قطع الغيار تااني حاجة افتح لينا إستيراد أجهزة الطاقة الشمسية ياخي عليك اللة عليك اللة ما تستحمرناوتستهازاء بينا شوف مشكلتك الحقيقية وين وواجها ولأ شوف ليك شغلة تاني قرفتونا اللة يقرفكم
* كلام غير مفهوم و إنشائى, كعادةالتنابله و اللصوص!
* الشفافيه تقتضى ان توضح قيمة تكلفة الكيلوات أولا, أيها الوزير الهمام!
* و لو أثبت ان التكلفه عاليه(مقارنه بالدول الأفريقيه مثلا), كان يتوجب عليك النظر فى كيفية تخفيض تكلفة الإنتاج, و إيجاد حلول علميه و عمليه لها!
* علما بأن إنتاج الكهرباء من “مساقط المياه”, هو أقل أنواع إنتاج الكهرباء تكلفة فى العالم!..كما ان المعروف علميا, أن “تكلفة الإنتاج” تنخفض, كلما زاد “الإمداد و الطلب” عليها, و ذلك إستنادا على “إقتصاد الكم”(Large-scale Production)!
* يقينى ان “دوله الفساد”, تتكسب من عديد السلع التى يزعمون انهم يدعمونها, كالوقود و المحروقات, و السكر و الدقيق و القمح!, و ذلك بهدف الصرف على “الدستوريين” و المليشيات و ال17 جكومه و 17 برلمان..إلخ!
* بالمناسبه, أين تذهب أموال الشركات الحكوميه و عددها أكثر من 7500 شركه و بنك و اعمال و إتصالات!!
وزير الظلام معك وزير المال زائد البنك المركزي بالاضافه الي البرلمان البسو طرح واعلنو الزيادات في ١٥ يوليو وياشعب السودان جيبو عكاز القذافي من مدني وهاك…… دا هو الحل
حا تزيد بس لازم يصرفوا ليكم شوية دغمسه فى الاول يعنى الزياده اتيه مسألة وقت
حا تزيد بس لازم يصرفوا ليكم شوية دغمسه فى الاول يعنى الزياده اتيه مسألة وقت