– { سلسلة الأصنام } —
تبقى طريقة صناعة الأصنام ببيع الأوهام ، واحِدة ، في كُلِّ العصور والأمكنة .. بدءاً بالأنبياء وليسَ انتهاءً بالثوريين المُزَيَّفين ..
واحد يطلع على الناس يقول ; أثناء ما أنا اعتزلْتَ الناس ، وقعدْتَ بعيييد منهم في جخنون كده ، جاني جبريل عليه السلام ، وقال لي أنا جاييك من طرف الله ،عشان أورِّيك إنَّك رسول الله للناس . وبالتالي يا جماعة أنا رسُولُ اللهِ إليكم جميعاً ، ف لازم تسمعوا كلامي كويس ، وتعملوا بموجبو ..
– طيب يا مولانا .. جبريل ده منو.? .
= جبريل ده مَلَك من الملائكة الكبار خالص يعني . .
– طيب .. ممكن تقابلنا بيهو ..?. أو تورينا صورة ليهو أو رقم تلفون مثلاً ، أو ايميل أو واتساب أو أيِّ عنوان مثلاً .?.
= لاااا.. أبداً .. ده مخلوق من نور يا مان ..ما في طريقة تقابلو ، أو تشوفو أو تتواصل معاهو بتلفون أو غيرو .. وإني لأظُنُّكَ من الضالِّين ..
– طيب.. المقابلة خليناها.. ليه انت عاوزنا نفتكر إنو الله محتاج لارسال مرسال ..
= عشان يهدي الناس طبعاً ..
– طيب .. ما يهديهم وخلاص .. وليه يحتاج لإنو الناس يعبدوهو .. هل الاستعباد ممكن يكون صفة تليق بإله.
وبالجُملة , فإنَّ الله الذي نعرفه ونؤمن به ليسَ مستعبداً ولا مضطهداً ولا سادياً يلقي الناس في جهنم فإذا نضجت جلودُهُم بدَّلهم جلوداً غيرَها .. بل هو عادلٌ رحيمٌ رحمانٌ رؤوفٌ أرأف بخلقه من الأُم بولدها.
وواحد تاني يطلع على الناس ، ويقول ; هوي يا غنم أنتو .. أنا جدي المهدي .. مهدي الله والرسول ، ومن شكَّ في مهديته فقد كفر .. ومِنْ ثَمَّ فأنا سيدكم وانتو عبيدي أنا وأسرتي ..اسمعوا كلامي كويس ، وسدِّدوا وقارِبُوا ، وإنَّ أكرمكم عندي أكثركم دهنسةً وتعرصةً وتقديساً لي ولأُسرتي الكريمة ..يا وهم يا غنم ..
– طيب يا سيدنا الإمام .. في ناس جيرانكم ناس شوقي بدري وكده ، بقولوا إنك أصلاً ما ولد الصديق ..وإنو أبوك شيخ السراج ..الكلام ده كيف يا سيدنا.
= اطلع من هنا يا مسخوت .. الزول ده اكتلوهو ..قطعوهو حتة حتة. . وجيبوا لي راسو ..
وواحد تالت ود فوزية ساكت ، يقع عليهو الاختيار تنظيمياً من تجمع المهنيين إنو يقرأ بيان من خلف الشاشة في فيسبوك الله ده .. ويتم تأمينو مسبقاً.. كأول وآخر مساهمة ليهو في الثورة ..يقوم يقرأ البيان .. ويمشي يكسر التأمين ويتعرَّض للاعتقال حسب تعليمات قوش ، لاكسابو النجومية واللمعان الثوري ، والرصيد النضالي ، استعداداً لمقبل الأدوار والمهام القذرة .. وبعدين اللائحة بتنص على إنو أيِّ عضو اتعرَّض للاعتقال ما يرجع السكرتارية كتدبير تأميني .. لأنو ما معروف ال صار معاهو أثناء الاعتقال شنو .. يجي يرجع محلو في السكرتارية رغم اللائحة ، ويواصل مهمتو في الهبوط الناعم ، وضرب الثورة ، وخيانة دماء الشهداء ..
وواحد رابع ..
وواحد خامس .. وهكذا ..
“شُكْرِي”
شكري عبدالقيوم
[email protected]
ما عندك طريقة تكون من الأنبياء ولا من الثوريين المزيفين لأن كل فئة من هؤلاء تتميز بمواصفات يبدو أنها لا تتوفر فيك وصنمك الذي تصنعه لن يجد من يعبده إلا أن يعبد نفسه كما هو واضح… فخليك في حالك واعبد صنمك فلا عابد له غيرك
اجترحت لغة صادمة في توصيل ما ترمي اليه ياشكري عبد القيوم وهذا سوف يشكل حاجزا نفسيا بينك وبين القراء ،،، ثانيا ادخلت ناس شوقي بدري في حرج وقيل وقال ، يااخي استاذ شوقي بدري انا متابع كتاباته لم يقل ذلك او انت لم تفهم ماكتب في هذا الشأن، ثانيا اقول لك لاتحاكم الناس بانسابهم بل حاكمهم بافعالهم وماذا قدموا وماذا اخذوا في الشأن العام.
فيما يخص الواحد القال جاهو جبريل وتساؤل الكاتب عمن هو جبريل، وعايزين نقابلو و الله ليه عايزنا نعبده وما الفائدة أن يرسل لينا مرسال عشان يهدينا، وليه ما يهدينا هو مباشرةً، كل هذه الأفكار مأخوذة COPY PASTE من مفكر عراقي إسمو (أحمد القبنجي)، محاضراته متاحة على اليو تيوب، كان عليك يا شكري توضيح هذه الحقيقة مهما كانت قيمة أو تفاهة التساؤلات، حق أدبي أو (قلة أدبي) لا يهم.
تكون كفريط تكون عفريت او كوز انت حر لكن ما تدخل غيرك في قوالات، مالك زاجي باسم شوقي بدري في الموضوع ؟