الخرطوم: محاسن أحمد عبدالله
ضجت مواقع التواصل الإجتماعي بخير وفاة الحواتي الشهير خالد دامبا الذي داهمه الموت أثر علة لم تمهله طويلا.
(١)
يعتبر الراحل أحد مؤسسي شركة (تكوين) وكان أحد المقربين من الفنان الراحل محمود عبدالعزيز له علاقات ممتدة وطيبة مع الحواتة والفنانين والموسيقين والشعراء.
(٢)
غيب الموت قبل أشهر والدة الراحل خالد دامبا وكان مقربا منها بصورة ملفتة ، بعد وفاتها شعر بحزن عميق ليكتب قبل أسابيع من وفاته معلقا في صفحته بالفيس بوك عن الموت والرحيل قائلا :( أكتر حاجة بتلفت إنتباهي وتقطع القلب لحظة يجيبو عنقريب الجنازه والبرش ويترمي علي جنب ،يعني خلاص القصة إنتهت ،مهما عِشت ومهما عملت ومهما صارعت ولملمت وإكتنزت وبنيت وعليت وجريت للرزق جري الوحوش ،مهما لبست وقشرت واتبرجتا ،مهما حاربتا وتكبرتا وظلمتا وإفتريت ونفشت ريشك ،مهما ومهما دا أخرك عنقريب مرمي يعافه الاحياء ويخافون منه وينجنبون السير او حتي المشي بجانبه ويبقي فقط
ماقدمت لأخرتك لقبرك ولصحفائك تملأها بؤس وذنوب أو حسنات وأجور ما عند الله خير وأبقى ،ما مستاهله والله .
(٣)
أختتم دامبا حديثه برسالة أشبه بالوصية:( أتسامحوا وإتصافو حبو بعض سيبو الزعل والخصام حتي علي مستوي الأسر ،سنين وسنين انقطعت صلة الأرحام لأسباب تافهة وعداوات لاتستحق قبل ماتفتش مصالحك في الدنيا فتش لأخرتك برضو لأنو الموت لابنتظر ولا بتأخر ولا بمهد بختف ختف ،أللهم أرزقنا حسن الخاتمة والتوبة النصوحة والعمل الصالح، وإن مت تذكروني بالطيب والدعاء).
(٤)
نعاه عدد كبير من أصدقاءه ومعارفه مهددين مآثره وطيب حصاله ومنهم من ظل مصدومة ومفجوعا لوفاته من بينهم مأمون عبدالعزيز شقيق الفنان الراحل محمود عبدالعزيز الذي كتب علي صفحته بالفيس بوك معبرا عن صدمته بالخبر : ( سلام يا صاحبي ليه مستعجل اتفقت معاي تجي القاهره تطمأن علي الحاجه وتشوف موضوع السكري بتاعك،. قبال ساعات كنا كنا بنتكلم مع بعض في شنو يا دامبا انت اصلو هظارك ده ما بتخلي ليه ياااخ مشيت خليتني . يعني تاني ما حا الاقيك يعني تاني مافي ونسه وضحك مع بعض ده شنو يا جماعه قولو لي الحاصل ده كلو حلم انا ما قادر استوعب دامبا مات كلموني قولو لي دي اشاعه زي الاشاعات البتطلع كل مره . زول يكضب لي الخبر ده يا ناس انا بعيد يا ناس زول يمشي يتأكد .).
انا افتكرت حواتى دى شخص من المعروفين فى صيد السمك ويمد العاصمة بالاسماك الطازجة