الحنين… وبسمة الاقدار

الحنين… وبسمة الاقدار

سهيل احمد سعد – الارباب
[email][email protected][/email]

حلو الكلام لمن يكون… من القلب
وفيهو خوف نفس المحب وشى من عدم الثقة وبعد الامل
والزمن لايرحم جميل ..
شال الحنين لعيون جميلة واحساس عميق عشق خرافى ممكن نقول
والخرافى يعنى الجنون والجنون يعنى الوله ……
يعنى ليليى ويعنى قيس …..ماقدر يشوف فى غيرة زول
والدموع فى لحظة لقى ولحظة عتاب ولحظة فرح …..
وياها زاته الدموع ….فى لحظة غضب …ولخظة فراق ابلغ رسول
ماهو ريد ما كان اعتيادى… وريد كان زى لحظة شهيق ولحظة حريق…
من بدايتو فىهو شى حزين …حزنا دفين …كانو عارف اسف الوصول
ونهايتو كانت هروب عظيم وفصول حكايا وزيف كبير….
وجوغة ملعونة وطبول…طبول ترن …طبول حزن مديد حزن يطول
ومرت سنون والحنين شايل الحزن لاكنو صار حزن اسيف
ومرت سنين وصدفة وزى كشف عظيم …زى جرح لقى بدربو البنسلين
هتفت دواخلو وجدتها …هتفت جوارحو وجدتها
جاهو الفرح ….سلطان جديد …..
نسمة الافراح حساها….اية الاحلام ورؤياها…..غنوة الاحلام غناها… بسمة الاقدار سماها