السفارة السودانية لدى الرياض تنفي مقتل سوداني على يد شرطي سعودي
نفى مصدر دبلوماسي في السفارة السودانية لدى الرياض، أن يكون أحد السودانيين المقيمين بطريقة غير شرعية قد لقي حتفه على يد رجل شرطة سعودي، بحي غبيرا خلال الايام الماضية.
وقال المصدر الذي فضل عدم ذكر اسمه : «إن هذا الامر عار من الصحة تماماً، وقد بلغ مسامعنا خلال الايام الماضية»، مبيناً أن الذين يطلقون مثل هذه الشائعات يشعرون بإحباط نتيجة عدم نظامية بقائهم في المملكة العربية السعودية، وبالتالي يسعون لخلق مناخ مليء بالتوتر والاحتقان.
وأضاف قائلاً: «ان السعودية تحسن ضيافتنا عقوداً طويلة، ولم يحدث طوال تاريخ هذه العلاقات ما يسيء للشعب السوداني»، مبينا أن الجهات المسؤولة في السعودية تثني دائماً على أخلاق السودانيين المقيمين على أراضيها.
ويشار إلى أن افراد الجالية السودانية تناقلوا على مدى الايام الماضية أن دورية للشرطة استوقفت سودانياً في احدى نقاط التفتيش بحي غبيرا الذي يحتضن أكبر عدد من السودانيين، وطلبت منه اخراج هويته «الإقامة»، وتبين أن الاقامة منتهية الصلاحية، فسارع رجل الشرطة بقصها لعدة أجزاء، وحينها لم يستطع السوداني السيطرة على انفعالاته، ليرد بصفعة شديدة على وجه العسكري، وإزاء هذا الموقف أخرج رجل الأمن الثاني مسدسه وأطلق عدة أعيرة نارية أدت الى مقتل السوداني.
الصحافة
السلام عليكم ورحمة الله
ناس السعودية ديل الماسك دربو عديل وماشي عديل ماب يسألوه يسألوا ناس الفوضى وعدم النظام والبرطعة في بلاد الغير وأي مغترب سوداني في أي دولة لازم يعمل حساب إنو يحمل اسم بلده وعلمه عاليا خفاقا واي فضيحة منه يقولوا سوداني وتنتمي الفضيحة للوطن السودان. والسوداني لو كان في وطنه حيحوم في بلده بدون هوية وبدون بطاقة نظامية؟!!!!!!!!!!!
وحسه إنتوا لما البنغالية عملوا مشاكل في السودان قلتوا الأجانب ديل منافسننا في الشغل في السودان والسودانيين مالاقين شغل نفس الوضع حاصل في السعودية يعنى دي بلدهم و هم حرين فيها
طيب يا مموظف السفارةالمعين بالمحسوبية عندنا سجين في سجن الحائر و ليه الان اكثر من سنتين و ما عارفين سبب سجنه شنو و جيناكم و كلمنا القنصل و سجلنا ليه البيانات و لحد الان ما عمل شي و المسكين مسجون مفروض على الاقل تعرفوا سبب سجنه و تطمنوا اهله و تخبروهم بالحاصل مهما كان لكن الظاهر عليكم يا ناس السفارة ما عارفين الحاصل لرعاياكم. لكن بجد القنصل زاتو ممكن يكون خايف من السعودي.
تنفي زيك زي الصوامي الشعب السوداني يقتل في داخل و خارج
ناس السفارة عندهم طبخة مع ناس الترحيل- لو ما تدفع (10) الف ريال مابتسافر – واسالوا الناس السفروهم عن طريق الترحيل
والله صح النوم يا سفارة الهنا……….بعد شهر كامل من الاشاعة طالعين الان تنفوا….الله لا يكسبكم قاعدين تاكلوا في قروش الناس بس
ان السعودية تحسن ضيافتنا عقوداً طويلة
ووطنا يحسن تشريدنا 23 عاما
ياجماعة والله السعوديين هناهم و شرطتهم مؤدبين ومحترمين جدا مع الانسان المحترم النظامي المقيم والماسك ادبو والدرب العديل ومن حق كل دولة ان تنظم نفسها لكي لاتعم الفوضي . لكن في ناس يحبون الفوضي هولاء لابد من عقابهم وردعهم .
فاضيين انتو من حفلات الترف والغناء والرقيص عاملين فيها قادة وانتو جزارين قروش بس
الواسطة تضرب باطنابها جوة السفارة … اخر مرة جددت جوازي استلمته قبل الرسوم .. ودخلت شلتو من محل الختم ذاتو .. وكان ممكن اشيل عدة جوازات واطلع بيها
لو مهتمين باحوال السودانيين كان غيرتو الصورة الزفتة العند السعوديين عننا
طبيب جاي بعامل تربية مواشي عشان سعادتكم ما قادرين تغيروا مهنته
ومهندس شغال بسائق خاص .. واصدقاء السفارة شغالين زي سوق الله اكبر
فكونا منكم لو ماتت غبيرة ذاتها الا يجيبو ليكم خبرها في الونسة خليه سوداني
ممكن تكون اشاعة لكن مستوى النفي حقكم تعبان زيكم لاننا سمعنا بيها من اسابيع برواية اخرى
دي برااااها محمدة نعرف الخبر اليقين بعد جهجهة
وربنا يسلم كل السودانيين في كل المهاجر
يبقى عليهم نار جوه ونار بره
للأسف الشديد كل الموظفين با السفارات السودانية
غير مبالين با مشاكل السودانين با الخارج لأنهم منشغلين با مصالحهم الشخصية فقط ..
خافو الله يا ناس في أنفسكم وأولادكم
ولا يضيع الله اجر من أحسن عملا
قصة جميلة عن العمل لوجه الله واتمنى ان تكون عبرة لكل انسان
……..
يحكى أن ملك من الملوك أراد أن يبني مسجد في مدينته, وأمر أن لا يشارك أحد في بناء هذا المسجد لا بالمال ولا بغيره…حيث يريد أن يكون هذا المسجد هو من ماله فقط دون مساعدة من أحد ,وحذروأنذر من أن يساعد أحد في ذلك
وفعلاً تم البدء في بناء المسجد ووضع اسمه عليه
وفي ليلة من الليالي رأى الملك في المنام
كأن ملك من الملائكة نزل من السماء فمسح أسم الملك عن المسجد وكتب اسم إمراة
فلما استيقظ الملك من النوم
استيقظ مفزوع وأرسل جنوده ينظرون هل اسمه
مازال على المسجد
فذهبوا ورجعوا وقالوا نعم
اسمك مازال موجود ومكتوب على المسجد
وقالوا له حاشيته هذه أظغاث أحلام
وفي الليلة الثانية
رأى الملك نفس الرؤيا
رأى ملك من الملائكة ينزل من السماء فيمسح اسم الملك عن المسجد ويكتب اسم إمراة على المسجد
وفي الصباح استيقظ الملك وأرسل جنوده
يتأكدون هل مازال اسمه موجود على المسجد
ذهبوا ورجعوا
وأخبروه
أن اسمه مازال هو الموجود على المسجد
تعجب الملك وغضب
فلماكانت الليلة الثالثة
تكررت الرؤيا
فلما قام الملك من النوم قام وقد حفظ اسم المرأة التي يكتب اسمها
على المسجد
أمر باحضار هذه المرأة
فحضرت وكانت إمرأة
عجوز فقيرة ترتعش
فسألها:
هل ساعدت في بناء المسجد الذي يبنى
قالت : يا أيها الملك
أنا إمرأة عجوز وفقيرة وكبيرة في السن
وقد سمعتك تنهى عن أن يساعد أحد في بناءه
فلا يمكنني أن أعصيك
فقال لها:
أسألك بالله
ماذا صنعت في بناء المسجد
قالت: والله ما عملت شيء قط في بناء هذا المسجد
إلا
قال الملك نعم
إلا ماذا?
قالت إلا أنني مررت ذات يوم من جانب المسجد فإذا أحد الدواب التي تحمل الأخشاب وأدوات البناء
للمسجد مربوط بحبل الى وتد في الأرض وبالقرب منه سطل به ماء وهذا الحيوان يريد ان يقترب من الماء ليشرب
فلا يستطيع بسبب الحبل
والعطش بلغ منه مبلغ شديد
فقمت وقربت سطل الماء منه
فشرب من الماء
هذا والله الذي صنعت
فقال الملك أييييه…عملتي هذا لوجه الله
فقبل الله منك
وأنا عملت عملي ليقال مسجد الملك
فلم يقبل الله مني
فأمر الملك أن
يكتب اسم المرأة العجوزعلى
هذا المسجد
***
الدروس المستفادة النية في العمل يجب أن تكون خالصةً لوجه الله تعالى
الم نقل لكم من قبل ان هذا الخبر عاري من الصحة
نعم كلام عاري من الصحة ومن أول يوم عرفتها أنها منجورة.. والغريب أن السودانيين يتداولونه بسرعة البرق.. ونفس الخبر ذكره لي مجموعة من الاخوة من دول عربية واحدة تمتاز بمثل هذه الأشياء ( لا ما مصر والله) انا اول قايل المصريين لكن والله لقيت ناس اخس منهم شديد…
قلت ليهم الغريبة نحنا برضو سامعين انو اللي مات من دولتكم…
فقط طلعت الشائعات عن سوداني وباكستاني..لانها بتتصدق لشهرتهم بالعصبية والإثارة السريعة… وبرضو بتاعت الباكتساني نجروها الجماعة ديل لانها في الروايات والحكايات دي خطيرة.. والغريب ان هذه الفئة ما عندها أي مؤهلات تقاوم بها.
وهذه الشائعة الغريب انها اطلقت من غير السودانينين ولكن تصدرها السودانين وصاروا يرونها وكل واحد يرويها للتاني يضيف ليها شوية.. انا سمعت ممكن مائة مرة وكل مرة بنكهة جديدة.
صرااااااااااحه ناس السعوديه دمهم بيقا دقيل يا عالم ارجعو خلاص خاصه ناس 30 سنه و40سنه
(مبينا أن الذين يطلقون مثل هذه الشائعات يشعرون بإحباط شديد نتيجة عدم نظامية بقائهم في المملكة وبالتالي يسعون لخلق مناخ ملئ بالتوتر..)
تخيلوا مثل هذا الكلام من هذا الدبلوماسي الدعي خريج الدفاع الشعبي . اتق الله أيها الدعي إن كان من أطلق مثل هذه الشائعات يشعر بإحباط فمن أولى واجباتك أن تخرجه من ذلك الاحباط وتساعده في حل مشكلته. كيف لا يشعر بإحباط وهو متوقع أن يذهب الى سودان الانقاذ وبراثن المؤتمر الوطني؟؟
احد السودانيين عمل حادث فى منطقة القصيم وادى الى شلل السعودى شلل كامل وتم سجنه وتغريمه 500 الف ريال السفارة عملت نايمة وما شغالة بالموضوع ونصحو اخوان السجين للذهب لجمعيات المحس لان معظمهم شغالين مع الامراء والله خلال سته شهور ا لراجل كان بره
سجن بعد الذهاب الىالامير مشعل عبد العزيز فى عرقة بالرياض وتقول سفارة
هم فاضين للجبايات والضرائب الوهمية علشان يعرفوا فى سادانى مات 0000
بلا كلام فارغ …..
لا ماشاء الله اقنعتنا ان الزفارة قصدي السفارة مهتمه بقضايا السودانيين في الرياض خاصة والمملكة عامة وبتحل مشاكلهم اول باول
ديل فاضين من رسوم امتحانات الشهادة السودانية , سبحان الله دولة حتى الخدمات للطلاب بملايين , والله رسوم الطالب الواحد 600 ريال , يعني 1000 جنية سوداني . تاني ما فاضين لمواطن يسجن في السعودية أو كفيلوا يظلموا …. وانا اقول أن الموضوع حقيقي
السفاره دي انا ماعارف بتتكلم على ياتو انسان وياتو بلد قال شنو : أضاف قائلاً: «ان السعودية تحسن ضيافتنا عقوداً طويلة، ولم يحدث طوال تاريخ هذه العلاقات ما يسيء للشعب السوداني .
والله وطيب ديل ناس منو القالوا مادايرين جاليه ولا روابط ولا جمعيات مش السعوديه .
وغير كدا السوداني الكتلوا ده مات مظلوم وهو كان شغال مع كفيلو قال شنو اصلا السوداني المخالف ده مافي اي عسكري كتلوا سبحان الله انا ماعارف هم عايشين وين ناس ماعندهم ذمه!
في رعاية الله ياسودانيين ،،،،
صدقنا كلامك انوا مافي سوداني مات في غبيرا طيب السوداني المات قبل ثلاثه اسابيع في القصيم في منطقة السومريه القالوا انتحر لقوه مشنوق ومطعون وقاعد في مستشفي المذنب لحدي الان وهسي القضيه دايرين اقفلوها ضد مجهول عليك الله ما عار عليكم يا ناس السفارة ما اجي منكم ولا واحد اتابع القضيه عشان اعرفوا المسكين المات ده مات مشنوق ولا مقتول حرام عليكم والله دم الانسان ده في رقبتكم ليه حليتوا السودانين مهانيين كده كيب نحن حقوقنا ده خلوها الزول ده هسي في المشرحه وحا ادفن وحقوا حادفن معاه ما عار عليكم بلا سفارة بلا زفت
المواطن السودانى مشهود له بالامانه و طيبة المعشر و الحفاظ على النظم و القوانين و اللوائح الصادرة للدولة المضيفة و هاجر تاركا الوطن و الاهل و الاحباب قبل ان ياتى المفسدون و ناس على بابا والاربعين حرامى وكان سفيرا لبلده ومثلها خير تمثيل وكان موضع ثقة ويؤتمن على المال و الولد و الاسره فى غياب الكفيل ؟
هذه هى الاسس التى ارتسمها الرعيل الاول من المهاجرين من استاذة و موظفين و مهنين وفنين و عمال عملوا فى شركة ارامكو والى يومنا هذا الكل يذكرهم بالخير .
اما دمارتنا فعفى الدهر عليها و شرب و ما هى توتو كورة سابقا لا علاقه ها بالمواطن و لا تساهم فى حل مشكلة بسيطه يتعرض لها المواطن و مواقفها سلبيه الى الحد البعيد وتخصصكم جمع المال الضرائب و تقديم الاراضى للمقربين واعضاء الجاليه وكلاب الامن الضاله و المتعاونين معهم والذين يعيشون وسطنا و ينقلون لهم الاخبار و اى ناشط او معارض .
اي سفارة سودانية في اي بلد في العالم لا تقدم اي خدمة ولا مساعدة للمواطنين السودانيين بالخارج نهائي
كل ما يهمهم الجري وراء الضرائب والرسوم فقط
اي سفارة في الخارج عبارة عن نهب للمغتربين لا اكثر
حكومة حرامية
سفارة جزارين وأتاوات ورشاوي … لم أرى طول عمري حافلات مخصصة لحجاج السفارة إلا عند السودانيين ما يختشوا الناس تموت بالجوع في الأطراف وموظفي السفارة مخصصة لهم بصات كبيرة على حساب السفارة للحج … عادي ما رئيسنا كل يوم في عمرة … الخبر صحيح مائة في المائة