يا شـــعب البلد هل حقيــقة إنت ضللت
زاد صمتـك علي البدور من حولك إتبكمت
شايف البناصح فيك وإعيد الكَرَّه ليه كرهت
البكيد لك تمشيلو راسك واطي ماك هجرت
شياطين إنسك إتلمو يقسموا الكيكه ماك شفت
سايقنك ذي قطيع الضأن هنااك لامن ضعت
غريبه ناس الرصه ما شايفنك إتجهجهت
من سقوط أب رقصه العدو بحفر وإنت ما اتشتت
لمَّا سَقَطَت كُنت متيقن تمام إنك لي البناء إتشــمرت
للإنتاج بِجِد و ترتيب الصفوف في الله إتوسمت
بس إداره الثورة فشلت وإنت يا شعبِ ما أتلومت
وياحمدوك بأمر العدو الإستفاد من خيرنا إتلجمت
بيد حركات الوهم و ساسة السجم يا شعبنا إتشتت
قُوم شعبِ أصحي مد الخطوة شد حيلك شايفك إتنفضت
ما ترجي زول كايس مصالحوا ماهماهو إنك ضعت
معاك جيلاََ راكب راس أبشر بالنجاح و ماك فشلت
بينك أهل الرصه و ناس المنصه حاضرين وماك إتفشلت
إسماعيل الشريف
[email protected]
22 يوليو 2020
