أخبار السودان 
لا تحدده مجموعة صغيرة بالخرطوم.. العدل والمساواة: عدم تدخل الجيش في السياسة أمر استراتيجي
قال الأمين السياسي لحركة العدل والمساواة، سليمان صندل، إن ذهاب الجيش إلى الثكنات وعدم تدخلهم في السياسة أو بـ ”الأحرى دور المؤسسة العسكرية في السياسة السودانية أمر استراتيجي وقضية قومية لا يحددها مجموعة صغيرة في الخرطوم تدعي زوراً تمثيل الشعب السوداني.“
وأضاف أن الحوار الذي يجري الآن هو حوار تكتيكي بين أطراف سياسية لكيفية إدارة الفترة الانتقالية بدون أن يفرض أي طرف أجندته الحزبية.
أما دور الجيش في السياسة، فقال صندل، يحدده الشعب السوداني في حوار استراتيجي قومي يشارك فيه كل شعوب الأقاليم عندما نضع دستور السودان ونقرر فيه كيف يحكم السودان.
انت يا سليمان لا تقول ان مجموعة صغيرة هذه المجموعة هي التي اسقطت البشير وجيت انت من قوز دنقو وانظنك رايت هذه المجموعة انتم ساعين سلطة ليس الا وبتبحثو عن مبررات وهمية
ده على اساس انه العدل والمساواة دي حزب سياسي انت زغاوي وهم لا شنو كلامك ده يقوله حزب سياسي سلمي اما انتو الرمتالة احسن تلوذوا بالصمت والله الاداكم ليهو الجيش ماتجيبوهو كان عندكم دبابات وطائرات مش كم دوشكا وثنائي وحبة كلاشات لو المدنيين استلموا السلطة حتتصنفروا اول ناس وتاني ماعندكم قوة ولا مروة تحاربوا بيها بعد حشة قوز دنقو فخليكم ساكتين واكلوا بي طرف الحوض لامن الانفصال بتاع دارفور يحين زمنو وده برضو مابعيد الاحزاب المدنية اصبحت شبه متفقه على فصل دارفور بعد ان يستتب لهم الحكم انت لسه ياصندل عايز تضع دستور من يحكم السودان وقتها حتكون خارج حدود الدولة السودانية ماتضيع زمنك ساي
الانفصال حيحصل بسبب العسكر
لكن في وجود حكومة مدنية مافي حاجة زي دي
اما قولك عن ان الانفصال قريب
انت بتكرر مقولة الانفصال قريب و مافي مؤشر على الانفصال
اما قصة الاحزاب المدنية
لو انت متاكد اديني موقف او مؤشر من اي حزب مدني انه قبل الانفصال
و كيف حتقسم السودان و تفصل دارفور اذا كان ثوار دارفور و السودان ملتحمين يا هذا
اما صندل و مناوي و جبان-ريل (جبريل) ديل ما بمثلوا اهل دارفور
و الثورة حتنتصر ما دام اخل السودان كلهم بما فيهم اهل دارفور متحدين
رجل مقرف. اي خطوة يشعر فيها تهديدا علي مصالحه يكذب لإفشاله .بالله عليك الا تستحي عندما تتحدث عن حقوق الشعب
اليس هذا هو نفس الجيش الذي كنت تحاربه لعشرات السنين والذي كنتم تتهمونه بارتكابه جرائم الحرب والابادة الجماعية
الم تقولوا عنه ما لم يقله مالك في الخمر. الم توصلوا قائد هذا الجيش باكاذيبكم الي محكمة الجنايات الدولية.
العدل والملاواه تفرتغت بايدي سبأ وصارت مجموعه جهويه كلامكم عن العدل والمساواه خلوهوا مع اشاوس كردفان .
هانت الزلابية واللعبة احلوت لاصحاب الكدولات .وانت ما دخلك بالشعب الجيش جيش والمدني مدني لكل واحد مهام يحاسب عليه . عليك بان تحدد هل انت عسكر ام مدني ؟ وبعدين اطلق وشك شوية تي لو لقيناك باوربا نتعرف عليك
لايعلو طنين الذباب عندما تزمجر الاسود .اجندة الحركات العميله لن تمر ولا صوت لهم، واول مصداقيه لهذا الكلا م هو حوار وثبة الوهمان الذي جمع النطيحه والمترديه .ثم قال لكم اهل الثلاثيه عفوا ولكنكم لا تسوون شئ.
عدم تدخل الجيش في السياسة أمر استراتيجي .. نعن نعم نعم يا تور يا أنطح!! فهمتها بالمقلوب مش؟ الأمر الاستراتيجي يا زلنطح هو أن الجيش لا علاقة له بالحكم والسياسة أصلاً !! وهذا بالأمر المتبع في العالم كله إلا الأنظمة الإنقلابية الشمولية ودي أساساً لا شرعية لها. يبقى المسألة مقررة سلفاً ولا تحتاج لمجموعة كبيرة أو صغيرة لتقررها! يعني الناس لما يقعدوا يضعوا الدستور اطلاقاً لا أحد يثير مسألة اشراك الجيش في السلطة السياسية إلا الهبنقات أمثالكم وسيكون ذلك مثار سخرية ما بعدها سخرية وسيكون الرد بالاجماع تجاهله.هذا أمر غير مطروح للمناقشة بين أي مجتمعين لبحث المدنية والديمقراطية واذا كان من حق العسكر الحكم فما لزوم الديمقراطية؟؟