هي حصلت؟
العبد لله سبق أن كتب مقالاَ بعنوان (عملتوها ظاهرة) وهو عن التعدي الذي حدث على ميدان (بحري الشعبيية) من أجل تحويله إلى (مول) للتسوق ? ثم ما أن سمع بالتعدي على ميدان ساحة الرعد (ببيت المال) وتخصيصه كعمارات لبعض المواطنين حتى سطر مقالاً بعنوان (عملتوها شينة) .
هنالك المئات من حالات التعدي على ميادين وساحات البلاد وتحويلها إلى منفعة خاصة حتى أصبحت الأحياء دون متنفس ، لو كانت هذه المسالة (أو دعونا نسميها ظاهرة( شئ فردي كان من الممكن أن نقول أنها (تجاوزات) يقوم بها البعض ولكن أن تكون بهذا الكم الهائل وفي مختلف مدن السودان فنقولها بالمصري (أنحنا بننسرق يا رجالة) .
نعم وأيم الله هي سرقة تقوم بها (عصابة) لا تحفل بالوطن ولا المواطن ، (عصابة) ما أن يرى أحد أفرادها ساحة أو ميداناً في أحد الأحياء في أي مدينة كانت حتي يسيل لعابه فيشرع في (توضيب) شهادات البحث وبقية المستندات التي تثبت حقه في ميدان يكون قاعد (من زمن الأنجليز) !
العبدلله لا يعتقد بأن هنالك بلداً في الدنيا يمكن أن يحدث فيها مثل هذا العبث ؟ كيف يمكن يا جماعة الخير لمكان مخصص كميدان وموجود في الأراضي كميدان وفي خريطة المدينة كميدان وهو على هذا الوضع (ستين ألف سنة) يقوم يجيك زول شايل ليهو شهادة بحث ويقول ليك إشتريتو؟ مش حاجة تخلي باقي السلوك الفي راسنا دي تضرب؟ كلمونا ورونا بتعملوها كيف ؟ عشان إحتمال نفسنا تدخل لينا في ميدان ؟
المدينة الرياضية ذااااتا التي خصصها رئيس الجمهورية لم تسلم من هذه العصابة ، وزعتها وشالت القروش التي لم يدخل منها لخزينة السودان ولللا قرش أحمر .
هل هنالك مسؤولاً واحداً وزيراً كان أم خفيراً يمكن أن (يبرر لنا ما يحدث) ؟ والغريبة أن معظم مدن السودان لم تسلم من هذا النهب الواضح الشئ الذي يعني أن معظم مدن السودان قد فقدت الأحياء فيها الرئة التي تتنفس بها والمكان الذي يقضي فيه شبابها ساعات مقدرة من اليوم وهنالك من يتساءل لماذ إرتفعت نسبة تعاطي المخدرات وسط الشاب؟ يمشو وين بالله بس كلمونا؟ يمشوا المسابح وللا يمشوا المكتبات العامة وللا يمشوا صالات السينما وللا يمشوا المسارح وللا يمشو صالات الجمباز والتنس والكرة الطائرة؟
طيب لمن ديل كووووولهم ما توفروهم ليهم كمان (تقلعو الميادين) الجوة الأحياء البمارسوا فيها الشباب ديل هواياتهم ؟
لا وأيه ودون حياء .. ولأانو شافوا الناس ساكتين ?. عاوزين يبيعوا (جامعة الخرطوم) .. بالله مش بيبالغو؟؟؟ جامعة الخرطوم عديييييل كده .. لا زول عاقل يقول ليهم (كترتو المحلبية) لا زول كبير يقول ليهم (بتبالغو) ، لا وأيه (كالعادة) تطلع بالونة إختبار ? ويقوم مسؤول يؤكد ويقوم ليهو مسؤول (ينفي) وأنحنا قاعدين ذي الأطرش في الزفة .
لمن بالله نشكو حالنا وضعف مآلنا وقلة حيلتنا؟ بالله عليكم أليس هذا هو الغبن بعينه أن يجد المواطن رئته التي يتنفس بها وقد أقتطعت منه ليذهب ريعها إلى لصوص (عصابة الميادين) الذين لا يتمتعون بذرة من الحياء وهم يفترسون الميادين (الليها مليون سنة) أفتراساً ويحولونها إلى (فلل) و (عمارات) .. وكمان جامعة الخرطوم ? لا وأيه التبرير ? يقول السيد وزير السياحة بأنو الجامعة ح تكون (مزار سياحي) .. سياحة مين يا عم ؟ هو السياحة العندكم عملتو فيها شنووو ?؟؟؟
لقد تم من قبل تحجيم سودانير وبيع (الخطوط البحرية السودانية) والسكة حديد، وتدمير مشروع الجزيرة، وتصفية النقل النهرى والنقل الميكانيكى والبريد والبرق والمخازن والمهمات وبيع حديقة الحيوان والأشغال والكثير من المؤسسات حتى مستشفى الخرطوم لم يسلم من التشليع بدعاوى هذيلة لا تقنع أحداً وهنالك أخبار تفيد ببيع (بيت السودان) بلندن وها هي المدينه الرياضية قد تم التغول عليها وبيعت كفلل ومحلات (بالقطاعي) ولم تضع الدولة يدها على اللصوص حتى اللحظة !.. (ودونكم خط هيثرو) ، لكن ده كوووولو كوووم ومجرد التفكير ببيع (جامعة الخرطوم) أو إفراغها كوم تاااني خااالص .. وخط (أحمر) ? هى حصلت؟ !
كسرة :
الخطوة الجاية ح تكون (إستاد الخرطوم) ? ههههههه شوفو كلامي !!
كسرة ثابتة (قديمة):
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووووووووووو)+و +(و)
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووووووو) +(وووووووووووو)+و+(و)
كسرة جديدة لنج :
أخبار (أجهزة التصنت عالية الدقة) التي إستخدمت في غش إمتحانات الشهادة السودانية لسنة 2016 يا وزيرة التربية شنوووووووو؟ : (و) ?.
الاستاذ الكريم الفاتح– لك التحية– المرة دي اقول لك انت ما ناقش حاجة قصة بيع بيت السودان في رتلاند قيت وبيت الحكومة السودانية في جنيف والاوقاف في السعودية كلها بيعت بعملات صعبة طبعا لانها صعبة عشان كده حصيلة البيع ما دخلت السودان واكلها الدودو ولو سالتهم يقولوا ليك في حواصل طير — المهم تغير سبل كسب العيش في السودان يعد الهبوط الليلي ( للجماعة) وصار ممكن تعتدي تمكينا علي ميدان في الديم بدعوي تسويه جامع وتعمل معاه كذا مول وتتقلص مساحة المسجد الي مساحة زاوية وانت عادي تكون رافع اصبعك عاليا تنادي عند افتتاح المول وملحقاته — هي لله— ياخي البلد بتنباع واحنا الطيبين قاعدين نتفرج الي ان يصدر من الامم المتحدة قرار تقسيم دولة النيلين الازرق والابيض بحسب عدد السكان بموجب احصائية اممية تفرز عدد السوريين كم وعدد ( الاخوان) كم وعدد ( الاثيوبيين) كم وعدد ( الكانو سودانيين كم) ويتم تقسيم الدولة علي ذلك النحو– اللهم كضب الشينة
يا جبرة استاد الخرطوم اسهل حاجة بتتبلع عارف ليه… السناريوه ح اكون كده الجماعة اللصوص ح اطيرو البالون وارسلوه لى ناس اسرة ال شدادعشان اقيفو الف احمرومحاكم ومداولات .. وبعدين الناس الفارات الداقسين زينا كده يقتنعو انوه الاستاد حق ناس عبدالرحيم شداد واصبح بكده الموضوع بين اسرة شداد واللصوص ونهاية الفليم معروفة… حسع عليك الله مع بالونة الجامعة استفتاء دارفور حصل فيه شنوه… والدولار مشى وين …وخيمة البكاء بتاع السودان بي وين
يا أستاذنا الكريم الفاتح جيرا، حاميها هو حراميها . دي ما عايز ليها درس عصر!!!
بالنسبة لموضوع الميادين والتعدي عليها .. أنا رأيي أنهم لو ما كان لقو المشتري ما كان باعو .. بمعني أن البايع والمشتري شركاء في الجريمة .. ونحن ما دايرين حسابهم هسي لكن بنتمني لما الهمبول ده وأرزقيته يتخارجو نحن نرجع الميادين زي ما كانت ونساوي المباني التي عليها بالأرض مهما كان الوضع .. ولو الناس عرفت كده كويس ببقي كل واحد يشتري ليه ميدان أو قطعة في ميدان يشوف ليهو طريقة يبني مبني طائر لأنه يوما ما (وأظنه قريب جدا) سوف يرجع صاحب الأرض مطالبا بها وليس بالقانون وإنما بوضع اليد بنفس طريقة التملك هذه أي عنوة وإقتدارا وده قبل ما نشوف حكومتنا الجديدة وقبال الداية بتاعت الثورة الولدتها تغسل يدينها .. وأهو بكده أنا كلمتكم وحاولوا إتصرفوا وقالوا المال تلتو ولا كتلتو (مع إنه مال حرام وما داقين فيهو حجر دقش) يلا ورونا ح تتصرفوا كيف!!!!!؟؟؟؟
واواتك تكمل وديل ما يخلو اللبع !!!في عصابه بتشبع !!!!!!!!!!!!!
البرلمان حيحاسب الوالى الجديد لأنه صرح وقال باعوا الحتات كلها
ويأتوا بالدليل وهو قائمة بكل زرائب الفحم وبقية الميادين ويقترحوا تقليص حيشان المدارس استعدادا لبيع ما يستقطع منها، عشان يضمنوا امتيازاتهم حتى نهاية السنة
نواب مفتحين مش نايمين زى مابتقولوا
يالفاتح اخوى اعمل حسابك مايقولون انت زاتك باعوك والجماعه ما غريبه عليهم واحد اخونا رسل على الوات ساب نكته قال شافع الاولاد معاكسنو ومابيخلوه بيلعب معاهم ، جاء زعلان لامه قاليها انا خلاص حا ابقى كوز قالتله سجمى مالك قاليها عايز ابقى كوز عشان ابيع الميدان البلعبوا فيه الاولاد -يعنى تكون كوز جردل صفيحه ماهم المهم شوف لك اى ميدان مامره عليه كوز وبيعه وانا بشترى منك المهم تكون شهادة بحث ، شوف الجماعه ديل بطلعوها كيف وانا ببنيه مول وليك 30% من الارباح المهم شد حيلك -ولقيت ميدانين خير وركه – المستغرب له ان كل الناس الكانوا اصحاب القروش ايام الجماعه ديل كانوا ساكنين بالايجار وملاقين حق الاكل – بيوتهم اتباعت واشتروها الجماعه ديل ذى ممتلكات الشيخ مصطفى الامين عليه رحمة الله ( سوالى جنينت السيد على مالهم مالهفوها لو لقيت اجابه كلمنى
والله انتو ما جايبين خبر ساكت في حد فيكم فكر في الحيازات البتشرف عليها المحليات كنادى الاسره وحديقة القرشى وموقف حافلات ام درمان الكائن شرق برج الواحه وغرب المسجد العتيق ومئات المنشآة التي لا تستوعبها زاكرتنا الواهنه الآن وده في الخرطوم بس !!ام درمان وبحرى والأطراف ما داخله معانا في ناس (قايمين بيها تتو) ونادى الاسره والقرشى قسموها ثم قسموا المقسم وكل مسئول آخد وقف فى المقسم وحولها لمصلحته الشخصيه وبيورثوها للبجو وراهم بشرط الاحتفاظ له بحصه وكأن الإيرادات التانيه البلهفوها في شكل مكافآت ومخصصات ما مكفياهم، ومن ده عليكم أن تعرفوا وتتيقنوا أن التحصيل الإلكترونى القالو حتحافظ على المداخيل وتضبطها كانت تعميه لبلاوى بتحصل تحت تحت وتتقازم امامها قضايا مثل خط هيثرو والتنصت واراضى الميادين على الأقل الحاجات دى ممكن نرجعا في اى وقت لكن القروش الدخلة الكروش وتم تفريغها اول بأول في التواليت دى نرجعا كيف ؟ كده حصلوا القاعده تضيع دى فالباقى ملحوق بإذن الله !!.
يا استاذنا الفاتح
تحياتي لك ولقلمك الفخم الضخم …
مش بتوقولوا الصحافة السلطة الرابعة ؟؟
استاذنا …انت بتنفخ في قربة مقدودة …
بالله قصة هيثرو ليها كام سنة ؟؟؟ وانت بتولوووول في الواوات …
يا استاذ هل الناس المسئولين اميين ولا شنو ؟؟؟ما بيقروا …
معقول المسئولين ديل ما فيهم واحد عنده همة يجاوب على حرف واحد من واواتك ؟
هم يقولون نحن حنحول الميادين جهارا نهارا لفلل خاصة .. ونبيع المستشفيات والجامعات والنيل الازرق والابيض ونهر النيل …وفي النهاية اسم السودان زاته لمن يشتري …
وانت اكتب واواتك …
أظن القصر الجمهوري القديم زاتو باعوه ! مش رحلوا لقصر جديد؟
مطار الخرطوم أراضيه واسعة شديد حقو يبيعوا منها شوية.
الاستاذ الكريم الفاتح– لك التحية– المرة دي اقول لك انت ما ناقش حاجة قصة بيع بيت السودان في رتلاند قيت وبيت الحكومة السودانية في جنيف والاوقاف في السعودية كلها بيعت بعملات صعبة طبعا لانها صعبة عشان كده حصيلة البيع ما دخلت السودان واكلها الدودو ولو سالتهم يقولوا ليك في حواصل طير — المهم تغير سبل كسب العيش في السودان يعد الهبوط الليلي ( للجماعة) وصار ممكن تعتدي تمكينا علي ميدان في الديم بدعوي تسويه جامع وتعمل معاه كذا مول وتتقلص مساحة المسجد الي مساحة زاوية وانت عادي تكون رافع اصبعك عاليا تنادي عند افتتاح المول وملحقاته — هي لله— ياخي البلد بتنباع واحنا الطيبين قاعدين نتفرج الي ان يصدر من الامم المتحدة قرار تقسيم دولة النيلين الازرق والابيض بحسب عدد السكان بموجب احصائية اممية تفرز عدد السوريين كم وعدد ( الاخوان) كم وعدد ( الاثيوبيين) كم وعدد ( الكانو سودانيين كم) ويتم تقسيم الدولة علي ذلك النحو– اللهم كضب الشينة
يا جبرة استاد الخرطوم اسهل حاجة بتتبلع عارف ليه… السناريوه ح اكون كده الجماعة اللصوص ح اطيرو البالون وارسلوه لى ناس اسرة ال شدادعشان اقيفو الف احمرومحاكم ومداولات .. وبعدين الناس الفارات الداقسين زينا كده يقتنعو انوه الاستاد حق ناس عبدالرحيم شداد واصبح بكده الموضوع بين اسرة شداد واللصوص ونهاية الفليم معروفة… حسع عليك الله مع بالونة الجامعة استفتاء دارفور حصل فيه شنوه… والدولار مشى وين …وخيمة البكاء بتاع السودان بي وين
يا أستاذنا الكريم الفاتح جيرا، حاميها هو حراميها . دي ما عايز ليها درس عصر!!!
بالنسبة لموضوع الميادين والتعدي عليها .. أنا رأيي أنهم لو ما كان لقو المشتري ما كان باعو .. بمعني أن البايع والمشتري شركاء في الجريمة .. ونحن ما دايرين حسابهم هسي لكن بنتمني لما الهمبول ده وأرزقيته يتخارجو نحن نرجع الميادين زي ما كانت ونساوي المباني التي عليها بالأرض مهما كان الوضع .. ولو الناس عرفت كده كويس ببقي كل واحد يشتري ليه ميدان أو قطعة في ميدان يشوف ليهو طريقة يبني مبني طائر لأنه يوما ما (وأظنه قريب جدا) سوف يرجع صاحب الأرض مطالبا بها وليس بالقانون وإنما بوضع اليد بنفس طريقة التملك هذه أي عنوة وإقتدارا وده قبل ما نشوف حكومتنا الجديدة وقبال الداية بتاعت الثورة الولدتها تغسل يدينها .. وأهو بكده أنا كلمتكم وحاولوا إتصرفوا وقالوا المال تلتو ولا كتلتو (مع إنه مال حرام وما داقين فيهو حجر دقش) يلا ورونا ح تتصرفوا كيف!!!!!؟؟؟؟
واواتك تكمل وديل ما يخلو اللبع !!!في عصابه بتشبع !!!!!!!!!!!!!
البرلمان حيحاسب الوالى الجديد لأنه صرح وقال باعوا الحتات كلها
ويأتوا بالدليل وهو قائمة بكل زرائب الفحم وبقية الميادين ويقترحوا تقليص حيشان المدارس استعدادا لبيع ما يستقطع منها، عشان يضمنوا امتيازاتهم حتى نهاية السنة
نواب مفتحين مش نايمين زى مابتقولوا
يالفاتح اخوى اعمل حسابك مايقولون انت زاتك باعوك والجماعه ما غريبه عليهم واحد اخونا رسل على الوات ساب نكته قال شافع الاولاد معاكسنو ومابيخلوه بيلعب معاهم ، جاء زعلان لامه قاليها انا خلاص حا ابقى كوز قالتله سجمى مالك قاليها عايز ابقى كوز عشان ابيع الميدان البلعبوا فيه الاولاد -يعنى تكون كوز جردل صفيحه ماهم المهم شوف لك اى ميدان مامره عليه كوز وبيعه وانا بشترى منك المهم تكون شهادة بحث ، شوف الجماعه ديل بطلعوها كيف وانا ببنيه مول وليك 30% من الارباح المهم شد حيلك -ولقيت ميدانين خير وركه – المستغرب له ان كل الناس الكانوا اصحاب القروش ايام الجماعه ديل كانوا ساكنين بالايجار وملاقين حق الاكل – بيوتهم اتباعت واشتروها الجماعه ديل ذى ممتلكات الشيخ مصطفى الامين عليه رحمة الله ( سوالى جنينت السيد على مالهم مالهفوها لو لقيت اجابه كلمنى
والله انتو ما جايبين خبر ساكت في حد فيكم فكر في الحيازات البتشرف عليها المحليات كنادى الاسره وحديقة القرشى وموقف حافلات ام درمان الكائن شرق برج الواحه وغرب المسجد العتيق ومئات المنشآة التي لا تستوعبها زاكرتنا الواهنه الآن وده في الخرطوم بس !!ام درمان وبحرى والأطراف ما داخله معانا في ناس (قايمين بيها تتو) ونادى الاسره والقرشى قسموها ثم قسموا المقسم وكل مسئول آخد وقف فى المقسم وحولها لمصلحته الشخصيه وبيورثوها للبجو وراهم بشرط الاحتفاظ له بحصه وكأن الإيرادات التانيه البلهفوها في شكل مكافآت ومخصصات ما مكفياهم، ومن ده عليكم أن تعرفوا وتتيقنوا أن التحصيل الإلكترونى القالو حتحافظ على المداخيل وتضبطها كانت تعميه لبلاوى بتحصل تحت تحت وتتقازم امامها قضايا مثل خط هيثرو والتنصت واراضى الميادين على الأقل الحاجات دى ممكن نرجعا في اى وقت لكن القروش الدخلة الكروش وتم تفريغها اول بأول في التواليت دى نرجعا كيف ؟ كده حصلوا القاعده تضيع دى فالباقى ملحوق بإذن الله !!.
يا استاذنا الفاتح
تحياتي لك ولقلمك الفخم الضخم …
مش بتوقولوا الصحافة السلطة الرابعة ؟؟
استاذنا …انت بتنفخ في قربة مقدودة …
بالله قصة هيثرو ليها كام سنة ؟؟؟ وانت بتولوووول في الواوات …
يا استاذ هل الناس المسئولين اميين ولا شنو ؟؟؟ما بيقروا …
معقول المسئولين ديل ما فيهم واحد عنده همة يجاوب على حرف واحد من واواتك ؟
هم يقولون نحن حنحول الميادين جهارا نهارا لفلل خاصة .. ونبيع المستشفيات والجامعات والنيل الازرق والابيض ونهر النيل …وفي النهاية اسم السودان زاته لمن يشتري …
وانت اكتب واواتك …
أظن القصر الجمهوري القديم زاتو باعوه ! مش رحلوا لقصر جديد؟
مطار الخرطوم أراضيه واسعة شديد حقو يبيعوا منها شوية.
السلام عليكم ورحمة الله وبركاته
تحيه طيبه إستاذ جبرا
حقيقة هذه واحده من الازمات الحقيقيه التي طالتنا في عهد هؤلاء الارزقيه دون خشيه او خجل نهارا جهارا يبيعون الميادين والساحات البنلعب فيها (الدافوري) وحدثت لنا في حلتنا في أمبده الحاره 14 ميدانا واحد لاغير وهو متنفس الحي. تفاجئنا ذات صباح بي قلابات الطوب وعمال الحفريات وهاك يا لجنة شعبيه ويا احتجاج واعتراض ومحلية وبعد جدال وبعد وقفنا اعمال البناء جاء صاحبنا الابرص وطلع شهادة بحث طول لفةالقماش. مصحوبا بدوريات الشرطه. وهذا السيناريو يحدث في جميع الاحياء تقريبا لذا ارجو من ابناء اي حي توثيق هذه الاعتداءات الي اليوم المنشود وانا بتبرع يومها بي بلدوز لإزالت كل المباني التي قامت علي ميادين عامه وارجو من كل الشرفاء التنبيه علي معارفهم بعدم شراء مثل هذه الاراضي لانهم يصبحو مشاركين في الجرم.
كسره:-
ياعم جبرا اقترح ان تكون الواوات مرفوعه لي أس يساوي عدد اشهرها وكل شهر تزيد الاس واحد لانو كده بقي منظرها ماخد جزء كبير من المقال وبتاخد زمن عشان نعدها يعني مثلا كسرة خط هيثرو تكون شنو و50 (وأس 50).
يا أستاذ جبرة .. إنت بتنفخ في قربة مفطوووووعة .. دي من سياسات حكومة الإنقاذ و هي القضاء على كل إرث تاريخي و جغرافي كان موجودا في السودان قبل إعتلالهم سدة الحكم عام 1989 م حتى يكون سودانهم الحديث .. كما يتصورون .. يبدأ منذ ذلك التاريخ و حتى يرى الجيل الجديد.. جيل الإنفاذ .. ما شيده حكم الإنقاذ عبر تاريخه فقط .. و لا يكون لهم أي علم أو صلة بما كان مشيدا و قائما قبلهم .. الموضوع أكبر منك و مني و من جميع أبناء الشعب السوداني .. الفضل.. ولا تتعب حالك.
تعرف ياستا> جبرة بالرغم منو كلامك ده كلو مابعمل شي للجلود التخينة دي الا انك قاعد تعيد الينا الحياة وتضخط الدماء في عروقنا لا اسكت الله لك حسا