ما طنشونا وكده !

الاخ الفاتح اتمنى لك طول العمر وتوفر حبوب الضغط بالسعر المعقول لانه السبب ان سعر الدولار اثر على سعلر الادويه – امبارح القريبه دى وزير الماليه بشرنا ان الدولار سينخفض 50% وماعارف السيد الوزير جاب الكلام ده من وين ، يمكن الشعب الفضل ده بقى عندو قنابير والا شنو عشان يصدق حجوة امضبيبنا دى – يمكن ياربى انتاج النفط وصل لمليون برميل والذهب وصل الف طن ونحن ماعارفين عشان كده الزول ده قال حاينقص سعادة السيد الدولار 50% ويمكن السيد الوزير جاتو ملاريا وبقى يهضرب – كده خلى يقولينا وهو المسئول عن كل جنيهات السودان( ده لما كان اسمه جنيه وعنده قيمه)بحكم اطلاعه على الداخل والخارج من الباقى من جنيهات السودان ( ده اذا فى باقى ومااظن) مفروض يعرف قروش الخط دى مشت وين والخمسن الف دولار بتاعت الفادنى وقروش ناس الاقطان وناس الحج ( الناس ديل قروش الحج وهم ماشين يحجو حايقولوا لى الله شنو لما يابلوه) طبعا فى الدنيا مطنشين لكن فكرك لما يتعصروا تحت الواطه دى حايطنشوا- انا من رائى يعملوا نصب تذكارى للمرحوم خط هيثرو والاقطان وخمسين الف دولار بتاعت الفادنى ونصب اخر فى مطار الخرطوم لقروش الحج على ان يفتتح فى اول يوم تقوم فيه رحله نحو الاراضى المقدسه – والشى الغريب معظم هولاء اللهافين عاملين دقون ، عشان كده لومنى ان عملت لى دقن الا اذا عينت بصوره دائمه عضو دائم فى البرلمان او والى وعلى الاقل اكون معتمد بعدين بربيها وادخل مجمعة ثلاث ورباع وخماس اذا كان واحد ادانا فتوه وما اكثر المفتين فى بلاد المغلوبين على امرهم – لك تحياتى واتمنى لك طول العمر لتشاهد وتسمع ان قروش خط هيثرو والاقطان والبقيه قد عادت – والشعب الفضل يردد هل من عوده تانى

لك التحية والتقدير الاستاذ الفاتح جبرا و(ماطنشونا وكده ) موضوع جميل
أتمنا لكم التوفيق ووووووووو………

يا جبره أمانة عليك تقطع اضنيك ، ما زهجت من الخطوط ؟

التحية لك الاخ عثمان انس صاحب مقولة ما بالسمنة وكدة والتحية لكل اهل عطبرة المتميزين في كل مكان.

ارنب نط تراني بنط كم في الخط (العم الفاتح جبرا الظاهر خط هيثرو مشغول عشان كدة كل ماتتصل علية تلقاه مشغول طووووولي عشان كده طووووول بالك علية) مادوامه الله هوي الدنيا ما دوامه الدنيا بتنقدري شالت خط هيثرووووو الختري

هههههههههه والله ياجبرا بالغت قطعت مصاريني بالضحك

كلما نقرأ ليك مقال نقول تاني ما ح تقدر تكتب زيو .. مبدع وايم الله يا جبرا!!

واللة ياودجبرة كنت عايز اقترح فى كل يوم تضيف واو جديدة لكن خايف واواتك تكتر عشان كدة اقترح
تضيف فى كل شهر واو جديدة واللة استر انا خايف بعين نقترح ليك فى كل سنة واو جديدة عشان الصفحة تشيل واللة واكون فى عونا والف شكر على الاعمدة الظريفة وهى ذادنا فى الغربة

الاخ ( رئيس أصدقاء الكسرة الثابتة)ارجو ان تضم اسماء ممثلي
– جمعية بيع كلى السودانيين بمصر
– رابطة متضرري سوق المواسير بالفاشر ابو زكريا
– الجمعية الوطنية للمشردين والمطفشين بقانون الصالح العام
قف –
والكلام احسن نقصرو – ويكفي ان نقول امام الفضائيات الشعب يريد (خط هيثرو)
وباسم قراء الراكوبة واهل العوض وناس ودعويضة نقول صبرا يا آل جبرا فان خطكم خطنا ولا نامت اعين اللصوص الخونة والجبناء

ينصر دينك يا ودجبرا
والله متعتنا في غربتنا دي ,
والله قلنا الواحد زعلان وحالو بالبلا من الوضع الراهن لكن مواضيع بمس الواقع زاتو
الخط دة شكلو لحق جماعتك امات طه

يا أستاذ الفاتح مش قالوا عن “الخط” إن “كل خطاط جهول”، ما هو الخط راح جهالة ساكت يعني. الجماعة ديل عندهم مشكلة مع كل مشتقات الخط، وين بواخر “الخطوط البحرية” و خطوط السكة حديد، و خط البنزين “دي للعجائز من القرا، يعني من الفاتح جبرة و لي فوق”، و هكذا.

يا جماعة كان المسولين عاملين نائمين ، اهلهم ما يصحوهم . يعني رءيس القضاء زوجات واولادو ما يسألوا عن الخط ، الناءب العام زوجات واولادو ما يسألوا عن الخط ، زوجة واولاد وزير النقل ، زوجة واولاد رءيس البرلمان ، زوجة واولاد مدير الشرطة ……. فليعلم الجميع انهم مسءولون … وان ما يأكلونه  من عمل هولاء حرام ، لانهم لا يستحقون هذا المرتب لعدم قيامهم بواجباتهم الوظيفية ، وما ينتج عن الحرام فهو حرام ، هذه الفتوي التي تنفع الامة ، فليقل لنا فقهاء السلطان عن عدم اداء هولاء للأمانة وعدم قيامهم بواجباتهم الوظيفية وأخذهم الراتب حرام ام حلال ؟؟ وهل ما ياكله الأزواج والأبناء حلال ام حرام ؟ ؟؟؟ انتو قائلين الموضوع لعب … والله تساءلون كلكم في الحياة قبل الموت .. والله لنأخذ حق الشعب من زوجة والد عم جيران اخت اي مسءول حرامي .
 

احمد ربك جات على كده ،،،

العملاء و الخونة و المارقين و الطابور الخامس و الفرمالة الجديدة ” المخذلين” ، هم الذين و دمروا الاقتصاد و نهبوا البترول و قسموا البلاد و فرطوا في الحدود و سرقوا الخط.
يقدر كوز يقول لا؟