أبوقردة: إجراءات للقضاء على”الإسهالات” بصورة تامة

عندما يصير قاطع الطريق وحامل السلاح ضد اهله ووسط ارضه مسئولأ ووزير فى زمن الانحطاط لا عجب ان تصيبنا الكوليرا , بل وشلل الاطفال والجدرى والحمى الصفراء .. تلك الامراض التى لم يبقى منها الا عينة من فيروساتها محفوظة حفظأ امين فى معامل رواد الحضارة والانسانية وصانعيها من الاوربيين والامريكان .. لتبقى وزارة الصحة ووزارة التعليم وزارات هامشية لا بريق لها ولا يتدافع اليها اصحاب العقول البائسة الذين ماتت ارواحهم داخل اجسادهم عديمى الموهبة والمقدرات , هامشية لانها ذات ميزانيات على الورق على قلتها ولا يهتم وزير المالية ( اللص النائم) بصرفها لهم ولا يوجد ما يمكن اغتنامه منها , لذا يذهبها اهل السلطة الى امثال ( ابوقردة) الذى نفسه هو لا يعرف ماهى ابجديات الصحة حتى.

انتو بعد الناس كلها تموت بعد داك تقررو طيب انتو من زماااان بتعملوا فى شنو ولا عشان الوزراء ديل الاسهال المائى دا ماجاهم لك ياوزراء اصبرو بس انتو الجايكم كتير قولو الاسهالات دى ماجاتكم تمشو من الله وين ولا مابتخافو منو ؟؟؟؟؟

بسم الله اللرحمن الرحيم
يقول عز من قائل ( يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَىٰ وَمَا هُم بِسُكَارَىٰ وَلَٰكِنَّ عَذَابَ اللَّهِ شَدِيدٌ (2) )
ياعمك ابوقرده
سلام
ماتشيل همنا نحن الشعب السوداني الفضل اصلنا ميتيين ميتيين
يفاجئنا الخريف
تزورنا الباعوضه
يجينا الذباب
من لم يمت بالجوع مات بغيره
مالي سوداني في الحياة بقاء
وكل مره قابضين حاويات
دافنين نفايات طيب بدل تدفنوها وتقبضو حقكم وتدفنوها ادونا ليها بناكله بدل ما ناكل الحمير
وكان بتنشرب بنشربه بدل ما نشرب حاجه تانيه تودينا التوج
في نقطة تفتيش وما اكثرها في بلادي
سأل الشرطي واحد قال ليه وين البطاقه الشخصيه
فرد الزول وقال ليه
هي وينه الشخصيه البعملو ليها البطاقه
سيرو وعين الله ترعاكم
نحن اسهالات الدنيا دي بدخلنه الجنه استنادا علي حديث الرسول ( ص ) في معني الحديث ان ميت البطن سيدخل الجنه
المشكله اسهالاتكم انتو بعدين
الله في
عمتك مسره