عباقرة الغد

يا سيد جبرا العبقرية قد لا تكون حكراً على الأكاديميات فعبقرية قد تكون في الدوبيت والمدائح والأغاني والشعر وغيره، كما أن المسألة لا تقتصر على واو إضافية، حيث يشمل النطاق أمور كثيرة يندرج بعضها في الإشارات الثورية التالية:

الطيب صالح:

?مــن أيــن يأتى هـــؤلاء ؟

السماء ما تزال صافية فوق أرض السودان أم أنّهم حجبوها بالأكاذيب ؟
هل مطار الخرطوم ما يزال يمتلئ بالنّازحين ؟
يريدون الهرب الى أيّ مكان ، فذلك البلد الواسع لم يعد يتّسع لهم . كأنّي بهم ينتظرون منذ تركتهم في ذلك اليوم عام ثمانية وثمانين .
يُعلَن عن قيام الطائرات ولا تقوم . لا أحد يكلّمهم .
لا أحد يهمّه أمرهم .
هل ما زالوا يتحدّثون عن الرخاء والناس جوعى ؟ وعن الأمن والناس في ذُعر ؟ وعن صلاح الأحوال والبلد خراب ؟
الخرطوم الجميلة مثل طفلة يُنِيمونها عُنوةً ويغلقون عليها الباب ، تنام منذ العاشرة ، تنام باكية في ثيابها البالية ، لا حركة في الطرقات . لا أضواء من نوافذ البيوت . لا فرحٌ في القلوب . لا ضحك في الحناجر . لا ماء ، لا خُبز ، لاسُكّر ، لا بنزين ، لا دواء . الأمن مستتب كما يهدأ الموتى .
نهر النيل الصبور يسير سيره الحكيم ، ويعزف لحنه القديم ” السادة ” الجدد لايسمعون ولا يفهمون .
يظنّون أنّهم وجدوا مفاتيح المستقبل . يعرفون الحلول . موقنون من كل شيئ .
يزحمون شاشات التلفزيون ومكرفونات الإذاعة .
يقولون كلاماً ميِّتاً في بلدٍ حيٍّ في حقيقته ولكنّهم يريدون قتله حتى يستتب الأم
مِن أين جاء هؤلاء النّاس ؟ أما أرضعتهم الأمّهات والعمّات والخالات ؟
أما أصغوا للرياح تهبُّ من الشمال والجنوب ؟
أما رأوا بروق الصعيد تشيل وتحط ؟
أما شافوا القمح ينمو في الحقول وسبائط التمر مثقلة فوق هامات النخيل؟
أما سمعوا مدائح حاج الماحي وود سعد ، وأغاني سرور وخليل فرح وحسن عطية والكابلي و المصطفى ؟
أما قرأوا شعر العباس والمجذوب ؟
أما سمعوا الأصوات القديمة وأحسُّوا الأشواق القديمة ، ألا يحبّون الوطن كما نحبّه ؟
إذاً لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه ؟
أجلس هنا بين قوم أحرار في بلد حرٍّ ، أحسّ البرد في عظامي واليوم ليس بارداً . أنتمي الى أمّة مقهورة ودولة تافهة . أنظر إليهم يكرِّمون رجالهم ونساءهم وهم أحياء ، ولو كان أمثال هؤلاء عندنا لقتلوهم أو سجنوهم أو شرّدوهم في الآفاق .
من الذي يبني لك المستقبل يا هداك الله وأنت تذبح الخيل وتُبقي العربات ، وتُميت الأرض وتُحيي الآفات ؟
هل حرائر النساء من ” سودري ” و ” حمرة الوز ” و ” حمرة الشيخ ” ما زلن يتسولنّ في شوارع الخرطوم ؟
هل ما زال أهل الجنوب ينزحون الى الشمال وأهل الشمال يهربون الى أي بلد يقبلهم ؟
هل أسعار الدولار ما تزال في صعود وأقدار الناس في هبوط ؟ أما زالوا يحلمون أن يُقيموا على جثّة السودان المسكين خلافة إسلامية سودانية يبايعها أهل مصر وبلاد الشام والمغرب واليمن والعراق وبلاد جزيرة العرب ؟
من أين جاء هؤلاء الناس ؟ بل – مَن هؤلاء الناس

كما يبدو اننا نسير بمقولة الراقص عمر بشه والتى تقول ان التمايل بسفاهة هو أقوى سلاح لجعل الشعب السودانى شعبا رايحا ..!!

النفخ فى قربة مقدودة!!!

فكرة احمد زويل كانت فكرة النميرى فى مدرسة خورعمر
وفعلا كان حوالى ستة من العشرة الاوائل فى الشهادة السودانية منهم

الكيزان اتونا بفكرة مدارس الموهوبين (ماعارف اسمها الرسمى)
من الاول الواحد كان مستغرب اذا كان ديل حيدرسوا فى جامعاتنا دى واللا حيدرسوهم خارج السودان؟ .. لانو ما ممكن تدرس طالب ثانوى برمجيات الكمبيوتر عشان يرجع يمتحن امتحان الشهادة السودانية العادى ويدخل الجامعات السودانية بكل ما تفتقده من اساسيات التعليم. بالمناسبة اول دفعة من الموهوبين حيدخلوا الجامعة العام القادم (يعنى امتحنوا السنة دى).
اها بعد الغربلة دى. الناس ديل فى النهاية حيرجعوا يقروا نفس المقررات العقيمة فى جامعاتنا.
لكن يا جبرا قبل السؤال عن النابغين ديل .. وين اوائل الشهادة السودانية من سنة حفروا البحر؟؟
بعدين نحن عندنا فهم خاطىء فى مسألة انو الزول الشاطر يقرا طب واللا هندسة.
قالها الباز فى لقاء فى الجزيرة ، وهو ان البيئة العلمية اهم شىء وهى كلمة شاملة من القيمة الاجتماعية للعالم حتى دوره فى المجتمع، بمعنى اذا الدولة ما شغالة بالبحوث العلمية وغير مهتمة بها. يبقى انت حتربى عالم وفى النهاية يلقى تحقيق ذاته سواء علميا او ماديا فى دولة غربية ويسافر.
اول من اختفى من الدول الاشتراكية بعد تفكك المعسكر الاشتراكى كانوا العلماء باغراء من امريكا.
فى رومانيا هناك برنامج لرعاية المواهب فى شتى المجالات (طفل يعرف وينتقد مؤلفات شكسبير ، واخر يعزف مقطوعات بيتهوفن، ومنهم من له اختراعات او مبرز فى الرياضيات ، منهم كانت دافنشى الصغيرة التى كانت ترسم لوحات تباع فى امريكا بملايين الدولارات وهى لم تكمل الثانية عشرة). يختاروهم ويدرسوا دراسة عادية، لكن عندهم حصص اضافية مرتين فى الاسبوع لاشباع رغباتهم ، كل فى مجاله، من اساتذة متخصصين ، من غير منهج محدد. فى النهاية لما يبلغ ال18 سنة ، تجيهو منحة من اعرق الجامعات الامريكية.

يبقى السؤال المهم.. نحن عاوزين عباقرة عشان شنو؟؟ عندنا ليهم بيئة؟؟ بنضمن قعادهم فى البلد؟؟
فى الجامعات بتلقى ناس قروا فى رواكيب فى ام صفقا عراض ويبقوا اوائل دفعتهم ويضرب بهم المثل فى الكليات.
الموضوع ما موضوع محاكاة وبس ، الموضوع عاوز دراسة شاملة

ناسف للاطالة
وتحياتى

وليه مدرسة زويل دي للبنين فقط ليه المصريين ديل ماعملو مدرسة للبنات مالن البنات مش ممكن تتطلع ليهم مصرية مقرمة زي مدام كوري تملا ليهم مصر مفاعلات ذرية اصلهم المصريين ديل من زمان نفسهم في قنبلة ذرية عايزين يعملوها بالتمثيل زي ماعايزين يحررو فلسطين بالتمثيل برضو وراصني علي ذرة ونص ياقدع
انت بتقول فيها ياجبرا مقولة عوض بنقز دي بقت واقع معاش انت ماسمعت بالمدرسة الفتحتها مزة حليونة لتعليم الرقيص للجنسين في العمارات وهي البتقوم بالتعليم ده بنفسها للجنسين برضو
وين بدل الفاقد بتاع خط هيثرو

ههههههههههههههه سمعت يا استاذ بفنانة اسمها الهام نبلة- بصنفرو فيها اسى بس بتظهر قرررريب

المشكلة السودان يستفيد منهم شنو لو اخترعو لو عملو اي حاجة . دول العالم الثالث عموما مابستفيد اي حاجة من العلماء كلهم بكونو مهاجرين .
عندنا اسناذ اسمه الضوء الزاكي عمل دكتوراه في بريطانيا وفاز بجائزة في مجال تصميم الروبوتس (رجل الي) مافي زول اهتم بيهو في السودان تقريبا عملو معاهو لقاء قناة عربية MBC او لBBC ما متزكر وبالرغم من دا كلو جاء السودان عشان يطور قسم الكهرباء في الجامعة لم يجد اذن صاغية وعادوهو . في النهاية هرب خارج السودان رجع بريطانيا يعمل مساعد برفيسور .الان ما عارف يكون بقي شنو لكن ما اظن يرجع السودان . كمية من الغلماء السودانيين خارج الوطن ما حايجو لانو مافي زول حايستفسد منهم

لا تستهين بالفن أيها الجبرا، ولا تمدح لناالمصريين فهم ليس أهلا لذلك ، إحتكيت بمعظم شرائحهم المختلفة وفى جميع المجالات ، لم أجد فيهم غير الإستهبال وإدعاء المعرفة وضحالة التفكير وتواضع القدرات ، لكنني أري جبرا وبعض الناس مفتون بهؤلاء المصريين

اختلف معك في الفكرة يا استاذ جبرة
هل العلماء من الاجيال السابقة تخرجوا من مثل هذه المدارس؟
طبعا لا، ولكن تخرجوا من التعليم الحكومي المدعوم من الدولة
اما الآن فالتعليم اصبح حكرا على اولاد الكيزان لان الكوز
بيصرف مرتب 100 مسمى وظيفي
وبيشتغل برضو في السوق بكل التسهيلات المطلوبة
يعني اصبح السوق والوظيفة حكرا للكيزان
اما بقية الشعب السوداني فهو عبارة عن قطيع للجباية فقط

لا تستهين بالفن أيها الجبرا، ولا تمدح لناالمصريين فهم ليس أهلا لذلك ، إحتكيت بمعظم شرائحهم المختلفة وفى جميع المجالات ، لم أجد فيهم غير الإستهبال وإدعاء المعرفة وضحالة التفكير وتواضع القدرات ، لكنني أري جبرا وبعض الناس مفتون بهؤلاء المصريين

اختلف معك في الفكرة يا استاذ جبرة
هل العلماء من الاجيال السابقة تخرجوا من مثل هذه المدارس؟
طبعا لا، ولكن تخرجوا من التعليم الحكومي المدعوم من الدولة
اما الآن فالتعليم اصبح حكرا على اولاد الكيزان لان الكوز
بيصرف مرتب 100 مسمى وظيفي
وبيشتغل برضو في السوق بكل التسهيلات المطلوبة
يعني اصبح السوق والوظيفة حكرا للكيزان
اما بقية الشعب السوداني فهو عبارة عن قطيع للجباية فقط